1
НэфылъымкIэ
بِسْمِ اللَّهِ الرَّحْمَٰنِ الرَّحِيمِ وَالْفَجْرِ
2
ЧэщипшIымкIэ,
وَلَيَالٍ عَشْرٍ
3
ТIурытIумкIэ, зырызымкIэ,
وَالشَّفْعِ وَالْوَتْرِ
4
ЛъыкIуатэрэ чэщымкIэ Iуагъэ сэшIы!
وَاللَّيْلِ إِذَا يَسْرِ
5
Акъыл зиIэ цIыфым къыхьын фаер ащ фэдэ тхьарыIоба?
هَلْ فِي ذَٰلِكَ قَسَمٌ لِذِي حِجْرٍ
6
О плъэгъугъэба уи Тхьэ Хьадмэ аришIагъэр?
أَلَمْ تَرَ كَيْفَ فَعَلَ رَبُّكَ بِعَادٍ
7
Пкъэу лъагэхэр зыкIэтэу Iирэм зыIэ илъыгъэр,
إِرَمَ ذَاتِ الْعِمَادِ
8
Къалэу зыфэдэ дунаим къытемыхъогъагъэр,
الَّتِي لَمْ يُخْلَقْ مِثْلُهَا فِي الْبِلَادِ
9
Самудхэу кIэим щыпсэущтыгъэхэу къушъхьэ мыжъомэ яунэхэр хэзыупкIыщтыгъэхэр,
وَثَمُودَ الَّذِينَ جَابُوا الصَّخْرَ بِالْوَادِ
10
Фирхьаунэу пчэгъухэр зыIэ илъыгъэхэу
وَفِرْعَوْنَ ذِي الْأَوْتَادِ
11
Хэгъэгумэ ащыщыкIыгъэхэр,
الَّذِينَ طَغَوْا فِي الْبِلَادِ
12
Бзэджагъэр зыгъэбэгъуагъэхэр.
فَأَكْثَرُوا فِيهَا الْفَسَادَ
13
Ахэмэ зэкIэмэ уи Тхьэ пщынэжь тхьамыкIагъор атырилъхьагъ.
فَصَبَّ عَلَيْهِمْ رَبُّكَ سَوْطَ عَذَابٍ
14
Ахэмэ уи Тхьэ щыуагъэ имыIэу къалъэплъэ.
إِنَّ رَبَّكَ لَبِالْمِرْصَادِ
15
ЦIыфыр и Тхьэ зиушэтыхэкIэ, шъхьэкIафэ къызфишIыкIэ, ынэшIу къызщифэкIэ, джащыгъум ащ еIо: "Сэ си Тхьэ шъхьэкIафэ къысфишIыгъ!"
فَأَمَّا الْإِنْسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ
16
Ау етIани къыушэтэу итынхэр макIэ къызфишIкIэ, ащ еIо: "Сэ си Тхьэ сигъэцIыкIугъ!"
وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ
17
Аущтэу щытэп! Шъо ибэм шъхьэкIафэ фэшъушIрэп,
كَلَّا ۖ بَلْ لَا تُكْرِمُونَ الْيَتِيمَ
18
ТхьамыкIэр жъугъэшхэным шъуезэрэгъэгушIохорэп,
وَلَا تَحَاضُّونَ عَلَىٰ طَعَامِ الْمِسْكِينِ
19
Шъуфитми шъуфимытми зэшъумыгъашIэу нэмыкIмэ якIэн зешъопхъо,
وَتَأْكُلُونَ التُّرَاثَ أَكْلًا لَمًّا
20
ШIулъэгъу къаигъэкIэ мылъкур шIу шъолъэгъу.
وَتُحِبُّونَ الْمَالَ حُبًّا جَمًّا
21
Ары, чIыгур такъыр-такъырэу зэхэкъутагъэ зыхъукIэ,
كَلَّا إِذَا دُكَّتِ الْأَرْضُ دَكًّا دَكًّا
22
Уи Тхьэ къызыкIокIэ, мэлаIичхэр сатырэу къызыуцухэкIэ,
وَجَاءَ رَبُّكَ وَالْمَلَكُ صَفًّا صَفًّا
23
Бзаджэ зышIэгъэ цIыфхэр зыдырыщт джэхьнэмыр къызыжэхагъэкIуатэкIэ, джащыгъум цIыфыр егупшысэщт, ау сыда пкIэу иIэжьыр ар зэгупшысэрэм?
وَجِيءَ يَوْمَئِذٍ بِجَهَنَّمَ ۚ يَوْمَئِذٍ يَتَذَكَّرُ الْإِنْسَانُ وَأَنَّىٰ لَهُ الذِّكْرَىٰ
24
Ащ еIо: "Сэ дунаим сытетыфэ IофышIухэр, сшIэгъамэ!"
يَقُولُ يَا لَيْتَنِي قَدَّمْتُ لِحَيَاتِي
25
Тхьэм узэригъэпщынэщтым фэдэу а мафэм хэти уигъэпщынэщтэп,
فَيَوْمَئِذٍ لَا يُعَذِّبُ عَذَابَهُ أَحَدٌ
26
Тхьэм лъэхъоу къыптырилъхьан ылъэкIыщтым фэдэ зыпарэми къыптырилъхьан ылъэкIыщтэп.
وَلَا يُوثِقُ وَثَاقَهُ أَحَدٌ
27
О Тхьэр зышIошъ хъурэ псэу Алахьым егупсэфылIагъэр,
يَا أَيَّتُهَا النَّفْسُ الْمُطْمَئِنَّةُ
28
Уи Тхьэ дэжь уразэу, къыпфэразэу къэгъэзэжь!
ارْجِعِي إِلَىٰ رَبِّكِ رَاضِيَةً مَرْضِيَّةً
29
Сэ сызфэрэзэ шIушIэ Iумэтмэ къахахь,
فَادْخُلِي فِي عِبَادِي
30
Сэ сиджэнэт къихь!
وَادْخُلِي جَنَّتِي