1
ЯIу: "Ащ къысфыригъэхыгъэ уахьыем джынэ заулэ къысэдэIошагъэу ылъэгъугъ, ахэмэ аIуагъ: "Шъыпкъэ дэдэмкIэ, тэ КъурIан гъэшIэгъон зэхэтхыгъ!
بِسْمِ اللَّهِ الرَّحْمَٰنِ الرَّحِيمِ قُلْ أُوحِيَ إِلَيَّ أَنَّهُ اسْتَمَعَ نَفَرٌ مِنَ الْجِنِّ فَقَالُوا إِنَّا سَمِعْنَا قُرْآنًا عَجَبًا
2
Ащ гъогу занкIэм уфещэ. Тэ ащ шIошъхъуныгъэ шъыпкъэ фэтшIыгъ, сыдигъуи ти Тхьэ зыпари годгъэуцощтэп.
يَهْدِي إِلَى الرُّشْدِ فَآمَنَّا بِهِ ۖ وَلَنْ نُشْرِكَ بِرَبِّنَا أَحَدًا
3
Ти Тхьэ лъагэу лъапIэм шъхьэгъуси сабыий иIэп.
وَأَنَّهُ تَعَالَىٰ جَدُّ رَبِّنَا مَا اتَّخَذَ صَاحِبَةً وَلَا وَلَدًا
4
Акъыл зимыIэу тэ тщыщым Алахьым лыягъэ риIуалIэщтыгъэ.
وَأَنَّهُ كَانَ يَقُولُ سَفِيهُنَا عَلَى اللَّهِ شَطَطًا
5
ЦIыфхэмрэ джынэхэмрэ сыдигъуи Алахьым имыхьакъ рамыIолIэщтэу тэ тыгугъагъ.
وَأَنَّا ظَنَنَّا أَنْ لَنْ تَقُولَ الْإِنْسُ وَالْجِنُّ عَلَى اللَّهِ كَذِبًا
6
ЦIыфмэ ащыщ лIыхэр джынэмэ ащыщ лIыхэм адэжь шъхьэегъэзыпIэ щылъыхъущтыгъэх, ау ащ ятхьамыкIагъо хигъэхъощт ныIэп.
وَأَنَّهُ كَانَ رِجَالٌ مِنَ الْإِنْسِ يَعُوذُونَ بِرِجَالٍ مِنَ الْجِنِّ فَزَادُوهُمْ رَهَقًا
7
А цIыфхэр шъощ фэдэхэу Алахьым зыпари къымыгъэхъужьыщтэу джынэхэр егупшысагъэх.
وَأَنَّهُمْ ظَنُّوا كَمَا ظَنَنْتُمْ أَنْ لَنْ يَبْعَثَ اللَّهُ أَحَدًا
8
Тэ уашъом тынэсыгъ, ухъумэкIо лъэшхэр, мэшIотхъуабзэр къызпихрэ щэбзащэхэр зэризхэр дгъэунэфыгъэ.
وَأَنَّا لَمَسْنَا السَّمَاءَ فَوَجَدْنَاهَا مُلِئَتْ حَرَسًا شَدِيدًا وَشُهُبًا
9
Ащ щыхъурэр щызэхэтхыным пае тэ тIысыпIэмэ татетIысхьагъ ау непэ щегъэжьагъэу зэхэзыхынэу фаем мэшIотхъуабзэ къызпихрэ щэбзащэу зыукIынэу къешэрэр ыгъотыщт.
وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ ۖ فَمَنْ يَسْتَمِعِ الْآنَ يَجِدْ لَهُ شِهَابًا رَصَدًا
10
ЧIыгум тетхэм зэрар къарихы шIоигъуагъэми е ахэмэ я Тхьэ гъогу занкIэ тырищэхэ шIоигъуагъэми тэ тшIэрэп.
وَأَنَّا لَا نَدْرِي أَشَرٌّ أُرِيدَ بِمَنْ فِي الْأَرْضِ أَمْ أَرَادَ بِهِمْ رَبُّهُمْ رَشَدًا
11
Тэ, джынэхэм, тхэтых шIу зышIэхэри мытэрэзхэри. Тэ гъогу зэфэшъхьафхэу тыщытыгъ.
وَأَنَّا مِنَّا الصَّالِحُونَ وَمِنَّا دُونَ ذَٰلِكَ ۖ كُنَّا طَرَائِقَ قِدَدًا
12
Алахьым илъэкI чIыгум къыщыщыдгъэкIэн зэрэтымылъэкIыщтыр, къызэрэкIэтIэжьыгъэмкIи Ащ илъэкI къыхэдгъэIэн зэрэтымылъэкIыщтыгъэри тшIагъэ.
وَأَنَّا ظَنَنَّا أَنْ لَنْ نُعْجِزَ اللَّهَ فِي الْأَرْضِ وَلَنْ نُعْجِزَهُ هَرَبًا
13
Гъогу занкIэм икъэбар зэрэзэхэтэхэу Ащ шIошъхъуныгъэ шъыпкъэ фэтшIыгъ, и Тхьэ шIошъхъуныгъэ шъыпкъэ фэзышIырэр шъхьакIуи акъылынчъагъи щыщынэрэп.
وَأَنَّا لَمَّا سَمِعْنَا الْهُدَىٰ آمَنَّا بِهِ ۖ فَمَنْ يُؤْمِنْ بِرَبِّهِ فَلَا يَخَافُ بَخْسًا وَلَا رَهَقًا
14
Алахьым зезытыгъэхэри, гокIыгъэхэри тэ къытхэтых, зезытыгъэхэр гъогу занкIэм рыкIуагъэх,
وَأَنَّا مِنَّا الْمُسْلِمُونَ وَمِنَّا الْقَاسِطُونَ ۖ فَمَنْ أَسْلَمَ فَأُولَٰئِكَ تَحَرَّوْا رَشَدًا
15
ГокIыгъэхэр джэхьнэм машIом икIэгъэстэных".
وَأَمَّا الْقَاسِطُونَ فَكَانُوا لِجَهَنَّمَ حَطَبًا
16
Гъогум занкIэу ахэр тетыгъэхэмэ, къялыжьэу Тэ псы едгъэшъонхи,
وَأَنْ لَوِ اسْتَقَامُوا عَلَى الطَّرِيقَةِ لَأَسْقَيْنَاهُمْ مَاءً غَدَقًا
17
АщкIэ ахэр тыушэтынхэм пае: Хэтыми и Тхьэ ыгу къыгъэкIыжьыным зыщызыдзыерэм пщыныжь хьылъэ Ащ ригъэхьыщт.
لِنَفْتِنَهُمْ فِيهِ ۚ وَمَنْ يُعْرِضْ عَنْ ذِكْرِ رَبِّهِ يَسْلُكْهُ عَذَابًا صَعَدًا
18
Мэщытхэр Алахьым иех, Алахьым хэти гошъумыгъэуцу!
وَأَنَّ الْمَسَاجِدَ لِلَّهِ فَلَا تَدْعُوا مَعَ اللَّهِ أَحَدًا
19
Алахьым илIыкIо Ащ шъхьащэ фишIынэу къызэтэджым, ар Iужъоу къауцухьаным ахэр фэхьазырыгъэх.
وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا
20
ЯIу: "Сэ къысIэпыIэнэу си Тхьэ седжэ, имыфэшъуашэ гозгъэуцорэп!"
قُلْ إِنَّمَا أَدْعُو رَبِّي وَلَا أُشْرِكُ بِهِ أَحَدًا
21
ЯIу: "Шъощ пае сэ бзэджагъи шIуагъи сиIэп".
قُلْ إِنِّي لَا أَمْلِكُ لَكُمْ ضَرًّا وَلَا رَشَدًا
22
ЯIу: "Сэ Алахьым хэти сыщиухъумэщтэп, Ащ фэшъхьаф сэ шъхьэегъэзыпIэ згъотыщтэп.
قُلْ إِنِّي لَنْ يُجِيرَنِي مِنَ اللَّهِ أَحَدٌ وَلَنْ أَجِدَ مِنْ دُونِهِ مُلْتَحَدًا
23
Алахьым дэжь къикIрэр ахэслъхьаныр, Ащ икъэбархэр къышъуфэсхьынхэр ары ныIэп сэ сIэ илъыр. Алахьым, Ащ илIыкIо афэмыIорышIэрэр егъашIэм къыхэнэнэу джэхьнэм машIор тынэу ыгъотыщт.
إِلَّا بَلَاغًا مِنَ اللَّهِ وَرِسَالَاتِهِ ۚ وَمَنْ يَعْصِ اللَّهَ وَرَسُولَهُ فَإِنَّ لَهُ نَارَ جَهَنَّمَ خَالِدِينَ فِيهَا أَبَدًا
24
Ахэр зэрагъэщынэщтыгъэхэр ежьхэм анэхэмкIэ залъэгъукIэ къэрарынчъэхэу къэнэжьыщтых. Джащыгъум IэпыIэгъоу иIэхэмкIэ нахь хъыбэир, пчъагъэкIэ нахь макIэр ахэмэ ашIэщт.
حَتَّىٰ إِذَا رَأَوْا مَا يُوعَدُونَ فَسَيَعْلَمُونَ مَنْ أَضْعَفُ نَاصِرًا وَأَقَلُّ عَدَدًا
25
ЯIу: "Шъо шъузэрагъэщынэрэ пщыныжьыр благъэми е Алахьым ахэмэ пIэлъэ гъэнэфагъэ афигъэуцугъэми сэ сшIэрэп
قُلْ إِنْ أَدْرِي أَقَرِيبٌ مَا تُوعَدُونَ أَمْ يَجْعَلُ لَهُ رَبِّي أَمَدًا
26
Алахь закъор ары шъэфыхэр зышIэрэр. Ахэр Ащ зыми къыфызэIуихырэп,
عَالِمُ الْغَيْبِ فَلَا يُظْهِرُ عَلَىٰ غَيْبِهِ أَحَدًا
27
Ежь ынэшIу зыщыфагъэ лIыкIом фэшъхьаф, ахэр Ащ зыми къыфызэIуихырэп.
إِلَّا مَنِ ارْتَضَىٰ مِنْ رَسُولٍ فَإِنَّهُ يَسْلُكُ مِنْ بَيْنِ يَدَيْهِ وَمِنْ خَلْفِهِ رَصَدًا
28
Я Тхьэ къафигъэхьыгъэхэр ахэмэ зэрэратыжьхэрэр Ежь ышIэнхэм пае. Ар ыпэкIи ыужкIи итэу къылъыплъэзэ къыдакIо. Ахэмэ яIэхэр зэкIэ Ащ къызэлъеубыты, Ащ зэкIэ къыридзэгъах".
لِيَعْلَمَ أَنْ قَدْ أَبْلَغُوا رِسَالَاتِ رَبِّهِمْ وَأَحَاطَ بِمَا لَدَيْهِمْ وَأَحْصَىٰ كُلَّ شَيْءٍ عَدَدًا