1
ИлI пае даощтыгъэм, тхьаусыхэщтыгъэм игущыIэхэр Алахьым зэхихыгъэх. Алахьым зэхехы, елъэгъу!
بِسْمِ اللَّهِ الرَّحْمَٰنِ الرَّحِيمِ قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ
2
Шъуащыщхэу яшъузхэр янэмэ атхыкъупшъхьэ фагъадэзэ щызгъэзыехэрэм ахэр янэхэп, ахэр къэзылъфыгъэхэр арых янэхэр, Iо хэлъэп, гум темыфэрэ гущыIэ ашIы, пцIы аусы. Iо хэлъэп, Алахьыр къыпфигъэгъуным фэщагъ, щэIагъэ хэлъ!
الَّذِينَ يُظَاهِرُونَ مِنْكُمْ مِنْ نِسَائِهِمْ مَا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنْكَرًا مِنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ
3
Янэмэ атхыкъупшъхьэхэм яшъузхэр фэзгъадэхэу, етIанэ аIуагъэм текIыжьхэрэм зэгохьажьынхэм ыпэкIэ пщылI горэ шъхьафит арэшIыжь. Джащ фэдэ унашъо къышъуфашIыгъ. Алахьым ешIэ шъо шъушIэрэр!
وَالَّذِينَ يُظَاهِرُونَ مِنْ نِسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِنْ قَبْلِ أَنْ يَتَمَاسَّا ۚ ذَٰلِكُمْ تُوعَظُونَ بِهِ ۚ وَاللَّهُ بِمَا تَعْمَلُونَ خَبِيرٌ
4
НэбгыритIу зэнэсынхэм ыпэкIэ гъэрыр шъхьафит ышIыжьынэу амал зымыгъотрэм зэлъыпытэу мэзитIо ерэнэкI. Ар зымылъэкIыщтмэ тхьамыкIэ тIокIищ агъэшхэщт. Аущтэу зыкIэхъурэр шъо Алахьым, ащ илIыкIо шIошъхъуныгъэ афышъуиIэным пай. Алахьым иунашъохэр джащ фэдэх. Джаурмэ пщынэжь хьылъэ афагъэхьазырыгъ.
فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ مِنْ قَبْلِ أَنْ يَتَمَاسَّا ۖ فَمَنْ لَمْ يَسْتَطِعْ فَإِطْعَامُ سِتِّينَ مِسْكِينًا ۚ ذَٰلِكَ لِتُؤْمِنُوا بِاللَّهِ وَرَسُولِهِ ۚ وَتِلْكَ حُدُودُ اللَّهِ ۗ وَلِلْكَافِرِينَ عَذَابٌ أَلِيمٌ
5
Алахьым, Ащ илIыкIо апэшIуекIохэрэр ахэмэ апэкIэ щыIагъэхэр хэкужъ зэрашIыгъэхэм фэдэу хэкужъ хъущтых. Iэятэ къэгъэшъыпкъэгъэ зэхэугуфыкIыгъэхэр Тэ къедгъэхыгъэх, зыгъэцIыкIущтхэ пщыныжьыр джаурмэ афыщылъ!
إِنَّ الَّذِينَ يُحَادُّونَ اللَّهَ وَرَسُولَهُ كُبِتُوا كَمَا كُبِتَ الَّذِينَ مِنْ قَبْلِهِمْ ۚ وَقَدْ أَنْزَلْنَا آيَاتٍ بَيِّنَاتٍ ۚ وَلِلْكَافِرِينَ عَذَابٌ مُهِينٌ
6
АшIагъэр зэкIэ Къаймэт мафэм Алахьым къызщариIожьыщтым Ащ зэкIэ къыдилъытагъ, ау ахэмэ зэкIэ ащыгъупшагъ. Алахьым зэкIэ къеушыхьатыжьы!
يَوْمَ يَبْعَثُهُمُ اللَّهُ جَمِيعًا فَيُنَبِّئُهُمْ بِمَا عَمِلُوا ۚ أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ
7
Уашъом щыIи чIыгум щыIи Алахьым зэришIэрэр о плъэгъурэба? Ар яплIэнэрэу щымытэу нэбгырищ зэдэгущыIэу хъурэп, Ар яхэнэрэу щымытэу нэбгыритф зэрэугъоеу къыхэкIрэп. Бэу къэзэрэугъоихэми макIэу къэзэрэугъоихэми, тыдэ щыIэхэми, Ар ямыгъусэу хъурэп. ЕтIанэ Къаймэт мафэм ахэмэ шIагъэу яIэхэр, агу къыгъэкIыжьыщт, сыда пIомэ, Ащ зэкIэ ешIэ!
أَلَمْ تَرَ أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ ۖ مَا يَكُونُ مِنْ نَجْوَىٰ ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَىٰ مِنْ ذَٰلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ۖ ثُمَّ يُنَبِّئُهُمْ بِمَا عَمِلُوا يَوْمَ الْقِيَامَةِ ۚ إِنَّ اللَّهَ بِكُلِّ شَيْءٍ عَلِيمٌ
8
Шъэф зэдэгущыIэр зыфамыдагъэхэр о плъэгъугъэхэба, ау ахэмэ етIанэ афамыдагъэм къыфагъэзэжьы, псэкIодым, пегъэмбарыр алъэгъу зэрэмыхъурэм, фэмыIорышIэнхэм атегущыIэх. Ахэр о уадэжь къызыкIохэкIэ, Алахьым о шIуфэс къызэрэуихыщтыгъэм фэмыдэу, шIуфэс къыуахы, агукIэ аIо: "Тэ гущыIэу тIорэмэ апае сыда тэ Алахьым тызыкIимыгъэпщынэрэр? Ахэмэ тынэу яIэщтыр джэхьнэмыр ары. Ахэр ащ егъашIэм щыстыщтых. Ар кIэух тхьамыкIагъу!
أَلَمْ تَرَ إِلَى الَّذِينَ نُهُوا عَنِ النَّجْوَىٰ ثُمَّ يَعُودُونَ لِمَا نُهُوا عَنْهُ وَيَتَنَاجَوْنَ بِالْإِثْمِ وَالْعُدْوَانِ وَمَعْصِيَتِ الرَّسُولِ وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ وَيَقُولُونَ فِي أَنْفُسِهِمْ لَوْلَا يُعَذِّبُنَا اللَّهُ بِمَا نَقُولُ ۚ حَسْبُهُمْ جَهَنَّمُ يَصْلَوْنَهَا ۖ فَبِئْسَ الْمَصِيرُ
9
О шIошъхъуныгъэ шъыпкъэ зышIыгъэхэр! Шъо шъэфэу шъугущыIэ зыхъукIэ псэкIодым, пегъэмбарыр шъугу темыфэным, ащ иунашъохэм шъуафэмыIорышIэным шъуатемыгущыI, шIушIэгъэным, Тхьэм ищынагъо шъугу илъыным шъуатегущыI, зыпашъхьэ шъуихьэжьыщт Алахьым шъущыщт.
يَا أَيُّهَا الَّذِينَ آمَنُوا إِذَا تَنَاجَيْتُمْ فَلَا تَتَنَاجَوْا بِالْإِثْمِ وَالْعُدْوَانِ وَمَعْصِيَتِ الرَّسُولِ وَتَنَاجَوْا بِالْبِرِّ وَالتَّقْوَىٰ ۖ وَاتَّقُوا اللَّهَ الَّذِي إِلَيْهِ تُحْشَرُونَ
10
Шъэф зэдэгущыIэр шIошъхъуныгъэ зышIыгъэхэр чэфынчъэ зышIы зышIоигъо шэйтаным къыпкъырэкIы. Ау Алахьым иIизын хэмылъмэ, шъо ащ иягъэ къышъуигъэкIын ылъэкIыщтэп, шIошъхъуныгъэ зиIэхэм Алахьыр гугъапIэ арэшI!
إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ
11
О шIошъхъуныгъэ шъыпкъэ зышIыгъэхэр! "ШъуизэIукIэхэр ижъугъэкIотых!" къызышъуаIокIэ, ижъугъэкIотых. Алахьым джэнэтым чIыпIэ игъэкIотыгъэ къыщышъуитыщт, ау къызышъуаIокIэ: "Шъукъэтэдж!" шъуащыщэу Алахьым хиIэтыкIрэр шIошъхъуныгъэ шъыпкъэ зышIыгъэхэр, шIэныгъэ зэфэшъхьафхэр зиIэхэр ары. Шъо шъушIэрэр Алахьым ешIэ.
يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ ۖ وَإِذَا قِيلَ انْشُزُوا فَانْشُزُوا يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ
12
О шIошъхъуныгъэ шъыпкъэ зышIыгъэхэр! Шъо лIыкIом шъэфэу шъудэгущыIэ зыхъукIэ, шъузэдэгущыIэным ыпэкIэ садакъэр къижъугъэкIот. ШъоркIэ ар нахьышIу, нахь къабз. Ау шъо ащ фэдэ амал шъуимыIэмэ, Алахьым къыпфегъэгъу, гукIэгъу хэлъ!
يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةً ۚ ذَٰلِكَ خَيْرٌ لَكُمْ وَأَطْهَرُ ۚ فَإِنْ لَمْ تَجِدُوا فَإِنَّ اللَّهَ غَفُورٌ رَحِيمٌ
13
ШъуизэдэгущыIэ ежъугъэжьэным ыпэкIэ сэдакъэ шъутымэ тхьамыкIэ шъухъунэу шъощына? Ар шъумышIагъэмэ, Алахьым къышъуфигъэгъун, ащыгъум нэмаз шъушIы, зэчатэр хэжъугъэкI, Алахьым, Ащ илIыкIо шъуафэIорышI, Шъо шъушIэрэр Алахьым ешIэ!
أَأَشْفَقْتُمْ أَنْ تُقَدِّمُوا بَيْنَ يَدَيْ نَجْوَاكُمْ صَدَقَاتٍ ۚ فَإِذْ لَمْ تَفْعَلُوا وَتَابَ اللَّهُ عَلَيْكُمْ فَأَقِيمُوا الصَّلَاةَ وَآتُوا الزَّكَاةَ وَأَطِيعُوا اللَّهَ وَرَسُولَهُ ۚ وَاللَّهُ خَبِيرٌ بِمَا تَعْمَلُونَ
14
Алахьым игубж зытезылъхьэжьыгъэ лъэпкъым ныбджэгъуныгъэ дэзышIыхэрэр о плъэгъугъэхэба? Ахэр шъо шъущыщхэп, адырэми ащыщхэп, ашIэзэ пцIыкIи Тхьа аIо.
أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللَّهُ عَلَيْهِمْ مَا هُمْ مِنْكُمْ وَلَا مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ
15
Пщынэжь щынагъо ахэмэ Алахьым афигъэхьазырыгъ. Шъыпкъэ дэдэмкIэ, ахэмэ ашIэрэр дэи!
أَعَدَّ اللَّهُ لَهُمْ عَذَابًا شَدِيدًا ۖ إِنَّهُمْ سَاءَ مَا كَانُوا يَعْمَلُونَ
16
ЧэтэпэIудзэм фэдэу ахэмэ я Тхьэ иIуагъэхэр аштагъэх, нэмыкIхэр Алахьым игъогу Iуащых. ЗыгъэцIыкIущтхэ пщынэжьыр ахэмэ яI!
اتَّخَذُوا أَيْمَانَهُمْ جُنَّةً فَصَدُّوا عَنْ سَبِيلِ اللَّهِ فَلَهُمْ عَذَابٌ مُهِينٌ
17
Мылъкоу яIэри якIалэхэри Алахьым ыпашъхьэ ахэмэ зыкIи афэлэжьэщтэп. Ахэр машIом щыпсэущтых, ащ егъашIэм хэтыщтых.
لَنْ تُغْنِيَ عَنْهُمْ أَمْوَالُهُمْ وَلَا أَوْلَادُهُمْ مِنَ اللَّهِ شَيْئًا ۚ أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ
18
Къаймэт мафэм ахэмэ шъуапашъхьэ Iуагъэ зэрэщашIыщтыгъэм фэдэу шIошъхъуныгъэ яIэу Iуагъэ ашIыщт, ау ар IэпыIэгъу афэхъущтэп. Еплъ ахэр зэрэгъэпцIакIохэм!
يَوْمَ يَبْعَثُهُمُ اللَّهُ جَمِيعًا فَيَحْلِفُونَ لَهُ كَمَا يَحْلِفُونَ لَكُمْ ۖ وَيَحْسَبُونَ أَنَّهُمْ عَلَىٰ شَيْءٍ ۚ أَلَا إِنَّهُمْ هُمُ الْكَاذِبُونَ
19
Шэйтаным ахэр зэлъиштагъэх, Алахьым игугъуи ащигъэгъупшагъ, ахэр шэйтаным икупых, шэйтаным икупхэр ары кIодыгъэхэр!
اسْتَحْوَذَ عَلَيْهِمُ الشَّيْطَانُ فَأَنْسَاهُمْ ذِكْرَ اللَّهِ ۚ أُولَٰئِكَ حِزْبُ الشَّيْطَانِ ۚ أَلَا إِنَّ حِزْبَ الشَّيْطَانِ هُمُ الْخَاسِرُونَ
20
Алахьымрэ илIыкIорэ апэшIуекIохэрэр къырамыдзэжьхэу къэнэщтых.
إِنَّ الَّذِينَ يُحَادُّونَ اللَّهَ وَرَسُولَهُ أُولَٰئِكَ فِي الْأَذَلِّينَ
21
Алахьым ытхыгъ: "Сэри сэ силIыкIохэми текIоныгъэр къыдэтхыщт! Алахьыр лъэш, кIочIэшхо иI!
كَتَبَ اللَّهُ لَأَغْلِبَنَّ أَنَا وَرُسُلِي ۚ إِنَّ اللَّهَ قَوِيٌّ عَزِيزٌ
22
Джаурыр ятэми, ыкъоми, ышыми, илъэпкъэгъухэми Алахьымрэ илIыкIорэ апэшIуекIоу щытмэ, шIулъэгъуныгъэ афашIыщтэп, ахэмэ Алахьым ишIошъхъуныгъэ агу къырилъхьагъ, япыйхэм атекIонхэу къадэIэпыIагъ. Псы лъакъохэр зыхэчъыхэрэ джэнэтхэм ахэр ригъэхьащтых, егъашIэм исыщтых. Алахьыр ахэмэ къафэраз, ежьхэри Алахьым фэразэх, игъусэх. Алахьым игъусэхэр тхъэжьыщтых.
لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُمْ بِرُوحٍ مِنْهُ ۖ وَيُدْخِلُهُمْ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّهُ عَنْهُمْ وَرَضُوا عَنْهُ ۚ أُولَٰئِكَ حِزْبُ اللَّهِ ۚ أَلَا إِنَّ حِزْبَ اللَّهِ هُمُ الْمُفْلِحُونَ