1
Алиф Лам Ра. КъурIаныр Тэ къыфедгъэхыгъ, Алахьым ишIэ хэлъэу цIыфхэр о шIункIыхэм къахэпщынхэшъ, нэфынэм къыхэпщэнхэм, лъэкIышхо зиIэу, щытхъушхо зыпылъэу,
بِسْمِ اللَّهِ الرَّحْمَٰنِ الرَّحِيمِ الر ۚ كِتَابٌ أَنْزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَىٰ صِرَاطِ الْعَزِيزِ الْحَمِيدِ
2
Алахьэу уашъом щыIи чIыгум щыIи зыIэ илъым игъогу тепщэнхэм пае. Джаурмэ пщынэжь афыщылъыр тхьамыкIагъу.
اللَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ ۗ وَوَيْلٌ لِلْكَافِرِينَ مِنْ عَذَابٍ شَدِيدٍ
3
ГъашIэу зыхэтхэр ахэмэ ахърэтым нахьи нахьышIу алъэгъу, Алахьым игъогу дэхых, ар къуанщэ ашIыным пылъых! Ахэр гъунэм нэсэу гъощагъэх.
الَّذِينَ يَسْتَحِبُّونَ الْحَيَاةَ الدُّنْيَا عَلَى الْآخِرَةِ وَيَصُدُّونَ عَنْ سَبِيلِ اللَّهِ وَيَبْغُونَهَا عِوَجًا ۚ أُولَٰئِكَ فِي ضَلَالٍ بَعِيدٍ
4
Тэ лIыкIоу афэдгъакIорэ пэпчъ ахэмэ къагурыIоу адэгущыIэным пае ежь илъэпкъ ыбзэ рыгущыIэщтыгъэ. Алахьым ежь зыфаер егъэгъуащэ, зыфаер занкIэу ещэ. Ар лъапIэ, Iуш!
وَمَا أَرْسَلْنَا مِنْ رَسُولٍ إِلَّا بِلِسَانِ قَوْمِهِ لِيُبَيِّنَ لَهُمْ ۖ فَيُضِلُّ اللَّهُ مَنْ يَشَاءُ وَيَهْدِي مَنْ يَشَاءُ ۚ وَهُوَ الْعَزِيزُ الْحَكِيمُ
5
Тэ тиIэятэ къэгъэшъыпкъагъэхэр иIэу Мосэ афэдгьэкIогъагь: "Уилъэпкъ шIункIым къыхэщи, нэфынэм хащ, Алахьым имафэхэр ахэмэ агу къэгъэкIыжь. Шъыпкъэ дэдэмкIэ, щэIагъэрэ цIыфыгъэрэ зыхэлъ пэпчъ ащ щысэ фыхэлъ!"
وَلَقَدْ أَرْسَلْنَا مُوسَىٰ بِآيَاتِنَا أَنْ أَخْرِجْ قَوْمَكَ مِنَ الظُّلُمَاتِ إِلَى النُّورِ وَذَكِّرْهُمْ بِأَيَّامِ اللَّهِ ۚ إِنَّ فِي ذَٰلِكَ لَآيَاتٍ لِكُلِّ صَبَّارٍ شَكُورٍ
6
Мары, Мосэ ежь ицIыф лъэпкъ риIуагъ: "Алахьым шъо шIоу къышъуфишIагъэр шъугу къэжъугъэкIыжь, Ащ Фирхьаун илъэпкъ шъущиухъумагъ. Ахэмэ шъо пщынэжь къин къышъутыралъхьэщтыгъэ, шъуикIалэхэр аукIыщтыгъэх, бзылъфыгъэхэр арых ныIэп псаоу къагъэнэжьыщтыгъэхэр. АщкIэ шъуи Тхьэ лъэшэу шъуиушэтыгъ".
وَإِذْ قَالَ مُوسَىٰ لِقَوْمِهِ اذْكُرُوا نِعْمَةَ اللَّهِ عَلَيْكُمْ إِذْ أَنْجَاكُمْ مِنْ آلِ فِرْعَوْنَ يَسُومُونَكُمْ سُوءَ الْعَذَابِ وَيُذَبِّحُونَ أَبْنَاءَكُمْ وَيَسْتَحْيُونَ نِسَاءَكُمْ ۚ وَفِي ذَٰلِكُمْ بَلَاءٌ مِنْ رَبِّكُمْ عَظِيمٌ
7
Мары, Тхьэм макъэ къышъуигъэIугъ: "Разэ шъухъумэ, Сэ нахьыбэ шъусшIыщт, разэ шъумыхъумэ. Шъыпкъэ дэдэмкIэ, Сэ лъэшэу шъузгъэпщынэщт!"
وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ ۖ وَلَئِنْ كَفَرْتُمْ إِنَّ عَذَابِي لَشَدِيدٌ
8
Мосэ ыIуагъ: "Шъори зэкIэ чIыгум щыпсэухэри рэзэнчъэ шъухъухэмэ, шъыпкъэ дэдэмкIэ, Алахьыр бай, щытхъушхо пылъ!"
وَقَالَ مُوسَىٰ إِنْ تَكْفُرُوا أَنْتُمْ وَمَنْ فِي الْأَرْضِ جَمِيعًا فَإِنَّ اللَّهَ لَغَنِيٌّ حَمِيدٌ
9
Нухьэ ицIыф лъэпкъыхэу шъуапэкIэ щыIагъэхэу Iадхэмрэ Самудхэмрэ ахэмэ ауж щыIагъэхэмрэ афэгъэхьыгъэ къэбарыр къышъонэсыжьыгъэба? Алахьым фэшъхьаф ахэр хэти ышIэхэрэп. Тэ тиIэятэ къэгъэшъыпкъагъэхэр яIэхэу ахэмэ адэжь Тэ тилIыкIохэр къэкIогъагъэх, ау ахэмэ аIэхэр аIупэмэ аIуалъхьэти, аIощтыгъэ: "Шъо къытфэшъухьыгъэм шIошъхъуныгъэ фэтшIырэп. Шъо тызыфашъущэрэм лъэшэу теджэнджэшы".
أَلَمْ يَأْتِكُمْ نَبَأُ الَّذِينَ مِنْ قَبْلِكُمْ قَوْمِ نُوحٍ وَعَادٍ وَثَمُودَ ۛ وَالَّذِينَ مِنْ بَعْدِهِمْ ۛ لَا يَعْلَمُهُمْ إِلَّا اللَّهُ ۚ جَاءَتْهُمْ رُسُلُهُمْ بِالْبَيِّنَاتِ فَرَدُّوا أَيْدِيَهُمْ فِي أَفْوَاهِهِمْ وَقَالُوا إِنَّا كَفَرْنَا بِمَا أُرْسِلْتُمْ بِهِ وَإِنَّا لَفِي شَكٍّ مِمَّا تَدْعُونَنَا إِلَيْهِ مُرِيبٍ
10
Ахэмэ ялIыкIомэ аIуагъ: "Уашъомрэ чIыгумрэ къэзгъэшIыгъэу Алахьым уеджэнджэш хъуна? ПсэкIодшIагъэхэр къышъуфигъэгъунхэу, пIэлъэ гъэнэфагъэм нэс шъуфигъэкIотэнэу Ар шъо къышъоджэ". Ахэмэ аIуагъ: "Шъо тэ фэдэу шъуцIыф ныIэп, тятэхэм шъхьащэ зыфашIыщтыгъэхэр щытэжъугъэгъэзыехэ шъушIоигъу. ЛъэкI гъэнэфагъэ зиIэ къытфашъущ!"
قَالَتْ رُسُلُهُمْ أَفِي اللَّهِ شَكٌّ فَاطِرِ السَّمَاوَاتِ وَالْأَرْضِ ۖ يَدْعُوكُمْ لِيَغْفِرَ لَكُمْ مِنْ ذُنُوبِكُمْ وَيُؤَخِّرَكُمْ إِلَىٰ أَجَلٍ مُسَمًّى ۚ قَالُوا إِنْ أَنْتُمْ إِلَّا بَشَرٌ مِثْلُنَا تُرِيدُونَ أَنْ تَصُدُّونَا عَمَّا كَانَ يَعْبُدُ آبَاؤُنَا فَأْتُونَا بِسُلْطَانٍ مُبِينٍ
11
ЛIыкIомэ ахэмэ араIуагъ: "Тэ шъо тышъуфэдэ цIыф ныIэп, ау Алахьым Ежь иIумэтхэм ащыщэу шIоигъом шIу фешIэ, лъэкI зиIэ къышъуфэтщэн тлъэкIыщтэп, Алахьым иIизын хэмылъэу, Тхьэр зышIошъ хъурэмэ Алахьыр гугъапIэ арэшI!
قَالَتْ لَهُمْ رُسُلُهُمْ إِنْ نَحْنُ إِلَّا بَشَرٌ مِثْلُكُمْ وَلَٰكِنَّ اللَّهَ يَمُنُّ عَلَىٰ مَنْ يَشَاءُ مِنْ عِبَادِهِ ۖ وَمَا كَانَ لَنَا أَنْ نَأْتِيَكُمْ بِسُلْطَانٍ إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ
12
Тэ тигъогухэм Ащ тызарищагъэкIэ, сыд пае тэ Алахьым тигугъэ темылъыщта? Тэ тыгу зэрэхэжъугъэкIырэр тщэIэщт. Алахьым гугъапIэ фэзышIыхэрэм гугъапIэ фарэшI!"
وَمَا لَنَا أَلَّا نَتَوَكَّلَ عَلَى اللَّهِ وَقَدْ هَدَانَا سُبُلَنَا ۚ وَلَنَصْبِرَنَّ عَلَىٰ مَا آذَيْتُمُونَا ۚ وَعَلَى اللَّهِ فَلْيَتَوَكَّلِ الْمُتَوَكِّلُونَ
13
ШIошъхъуныгъэ шъыпкъэ зимыIагъэхэм ежьхэм ялIыкIохэм араIуагъ: "Тэ тичIыгу шъуитфыщт е тидин къыфэжъугъэзэжьыщт". Джащыгъум ахэмэ я Тхьэ нафэ къафишIыгъ: "Тхьэр зышIошъ мыхъухэрэр шIокIыпIэ имыIэу Тэ дгъэкIодыщтых,
وَقَالَ الَّذِينَ كَفَرُوا لِرُسُلِهِمْ لَنُخْرِجَنَّكُمْ مِنْ أَرْضِنَا أَوْ لَتَعُودُنَّ فِي مِلَّتِنَا ۖ فَأَوْحَىٰ إِلَيْهِمْ رَبُّهُمْ لَنُهْلِكَنَّ الظَّالِمِينَ
14
Ахэмэ ауж мы чIыгум шъутедгъэтIысхьащт. Сэ сапашъхьэ итынхэм, Сэ сищынагъо зыгу илъыным щыщынэхэрэм ар апай!"
وَلَنُسْكِنَنَّكُمُ الْأَرْضَ مِنْ بَعْدِهِمْ ۚ ذَٰلِكَ لِمَنْ خَافَ مَقَامِي وَخَافَ وَعِيدِ
15
Ахэр текIоныгъэм къыкIэлъэIущтыгъэх, зэкIэ пагэхэм, къаигъэхэм зыпари ашIэнэу игъо ифагъэхэп.
وَاسْتَفْتَحُوا وَخَابَ كُلُّ جَبَّارٍ عَنِيدٍ
16
Ахэмэ акIыбыкIэ щыIэр джэхьнэм машIу, псы шъугъэ Iаем ахэр рагъэшъощтых.
مِنْ وَرَائِهِ جَهَنَّمُ وَيُسْقَىٰ مِنْ مَاءٍ صَدِيدٍ
17
КъинкIэ ащ ешъощтых, лIыгъэкIэ рагъэхыщт, хьадэгъур бгъу пстэумкIи къякIущт, ау хьадэ хъущтхэп, ахэмэ акIыбыкIэ хьэзаб пщынэжьыр къяжэщт.
يَتَجَرَّعُهُ وَلَا يَكَادُ يُسِيغُهُ وَيَأْتِيهِ الْمَوْتُ مِنْ كُلِّ مَكَانٍ وَمَا هُوَ بِمَيِّتٍ ۖ وَمِنْ وَرَائِهِ عَذَابٌ غَلِيظٌ
18
Я Тхьэ шIошъхъуныгъэ шъыпкъэ фэзымышIыгъэмэ яIофхэр стафэу мэфэ жъотым ижьыбгъэ ыхьыжьыгъэм фэдэх: Ахэмэ зыфашIыжьыгъэм щыщэу зыпарэмкIи лъэкI яIэп. Ар гъощэныгъэ ин!
مَثَلُ الَّذِينَ كَفَرُوا بِرَبِّهِمْ ۖ أَعْمَالُهُمْ كَرَمَادٍ اشْتَدَّتْ بِهِ الرِّيحُ فِي يَوْمٍ عَاصِفٍ ۖ لَا يَقْدِرُونَ مِمَّا كَسَبُوا عَلَىٰ شَيْءٍ ۚ ذَٰلِكَ هُوَ الضَّلَالُ الْبَعِيدُ
19
О нафэу олъэгъу Алахьым уашъомрэ чIыгумрэ шъыпкъэ дэдэмкIэ къызэригъэшIыгъэхэр. Ар фаемэ, шъуигъэкIодынышъ, кIэу къыгъэхъущт,
أَلَمْ تَرَ أَنَّ اللَّهَ خَلَقَ السَّمَاوَاتِ وَالْأَرْضَ بِالْحَقِّ ۚ إِنْ يَشَأْ يُذْهِبْكُمْ وَيَأْتِ بِخَلْقٍ جَدِيدٍ
20
АлахьымкIэ ар къинэп.
وَمَا ذَٰلِكَ عَلَى اللَّهِ بِعَزِيزٍ
21
Алахьым ыпашъхьэ зэкIэ ихьажьыщт, зызгъэиныщтыгъэхэм кIочIаджэмэ араIощт: "Тэ шъуауж тыкъырыкIощтыгъэ. Алахьым пщынэжьэу къытырилъхьащтмэ ащыщ горэ шъо ттешъухын шъулъэкIына? Ахэмэ аIуагъ: "Алахьыр тэ пащэу тиIагъэмэ, тэри шъо пащэ тышъуфэхъуни, тэркIэ тIури зы: Гукъао тиIэу тыхэтыщтми е щэIагъэ тиIэу зэпытчыщтми, тэ зыпари шъхьэегъэзыпIэ тиIэжьэп".
وَبَرَزُوا لِلَّهِ جَمِيعًا فَقَالَ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعًا فَهَلْ أَنْتُمْ مُغْنُونَ عَنَّا مِنْ عَذَابِ اللَّهِ مِنْ شَيْءٍ ۚ قَالُوا لَوْ هَدَانَا اللَّهُ لَهَدَيْنَاكُمْ ۖ سَوَاءٌ عَلَيْنَا أَجَزِعْنَا أَمْ صَبَرْنَا مَا لَنَا مِنْ مَحِيصٍ
22
Iофыр ухыгъахэ зэхъум, шэйтаным ыIуагъ: "Шъо Алахьым гугъэ шъыпкъэкIэ шъукъигъэгугъагъ: Сэ шъо шъузгъэгугъэщтыгъ, шъузгъапцIэщтыгъэ, шъоркIэ зыпари лъэкI сиIагъэп. Сэ сыкъышъуаджэщтыгъэ ныIэп, ау шъукъысэдэIугъ, ащ пае сэ сышъумыгъэмыс, шъо зыжъугъэмысэжь, IэпыIэгъу сыкъышъуфэхъущтэп, шъори IэпыIэгъу шъукъысфэхъущтэп, нахьыпэкIэ э сызгожъугъэуцощтыгъэм сыфэежьэп". Шъыпкъэ дэдэмкIэ, хэбзэнчъэхэм хьазаб пщыныжь афыщылъ!
وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ ۖ وَمَا كَانَ لِيَ عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنْفُسَكُمْ ۖ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِنْ قَبْلُ ۗ إِنَّ الظَّالِمِينَ لَهُمْ عَذَابٌ أَلِيمٌ
23
ШIошъхъуныгъэ зиIагъэхэу, ШIу зышIэщтыгъэхэр я Тхьэ иIизын хэлъэу джэнэтым щыпсэущтых. Ахэмэ яшIуфэсыр: "Мамыр".
وَأُدْخِلَ الَّذِينَ آمَنُوا وَعَمِلُوا الصَّالِحَاتِ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا بِإِذْنِ رَبِّهِمْ ۖ تَحِيَّتُهُمْ فِيهَا سَلَامٌ
24
О уегупшысагъэба Алахьым гущыIэ дахэу къыгъэлъагъорэм? Ар захьщырыр чъыг дахэу зылъапсэ пытэу, зышъхьапэ уашъом хэгъэIагъэр ары...
أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ
25
И Тхьэ иIизын хэлъэу нэгъэупIэпIэгъу пэпчъ ащ пхъэшъхьэ=мышъхьэхэр къетых. Ащ яхьщырхэр Алахьым къарегъэлъэгъух, ахэмэ зыкъашIэжьынкIи мэхъу!
تُؤْتِي أُكُلَهَا كُلَّ حِينٍ بِإِذْنِ رَبِّهَا ۗ وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ
26
ГущыIэ дэир чъыг дэим фэд: Ар чIыгум хачы, ащ пытагъэ иIэп.
وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَا لَهَا مِنْ قَرَارٍ
27
Тхьэр зышIошъ хъухэрэм гъашIэу зыхэтхэми ахърэтми гущыIэ пытэкIэ Алахьым кIуачIэ къареты. Тхьэр зышIошъ мыхъухэрэр Алахьым егъэгъуащэх, Алахьым ежь шIоигъор ешIэ.
يُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآخِرَةِ ۖ وَيُضِلُّ اللَّهُ الظَّالِمِينَ ۚ وَيَفْعَلُ اللَّهُ مَا يَشَاءُ
28
Алахьым шIоу къафишIэрэр динынчъэкIэ зыхъожьыгъэхэр, зилъэпкъ кIодыпIэ псэупIэм изгъэтIысхьагъэхэр плъэгъугъэхэба?
أَلَمْ تَرَ إِلَى الَّذِينَ بَدَّلُوا نِعْمَتَ اللَّهِ كُفْرًا وَأَحَلُّوا قَوْمَهُمْ دَارَ الْبَوَارِ
29
Ахэр зыхэстыхьэщтхэр джыхьнэм машIор арба? Ар хьэзаб псэупI.
جَهَنَّمَ يَصْلَوْنَهَا ۖ وَبِئْسَ الْقَرَارُ
30
Ащ игъогу дагъэхынхэм пае, ахэмэ Алахьым имыфэшъуашэхэр гуагъэуцощтыгъэх. ЯIу: "Зыжъугъэтхъэжь, етIанэ шъо шъуигъогур джэхьнэм.
وَجَعَلُوا لِلَّهِ أَنْدَادًا لِيُضِلُّوا عَنْ سَبِيلِهِ ۗ قُلْ تَمَتَّعُوا فَإِنَّ مَصِيرَكُمْ إِلَى النَّارِ
31
Сэ сиIумэтхэу шIошъхъуныгъэ шъыпкъэ зиIэхэм яIу, ахэмэ нэмаз арэшI, сатыуи ныбджэгъугъэ зэфэшIыжь зыщымыIэжьыщтыр къэсыным ыпэкIэ шъэфэуи нафэуи тынхэр арэшI.
قُلْ لِعِبَادِيَ الَّذِينَ آمَنُوا يُقِيمُوا الصَّلَاةَ وَيُنْفِقُوا مِمَّا رَزَقْنَاهُمْ سِرًّا وَعَلَانِيَةً مِنْ قَبْلِ أَنْ يَأْتِيَ يَوْمٌ لَا بَيْعٌ فِيهِ وَلَا خِلَالٌ
32
Уашъомрэ чIыгумрэ къэзгъэшIыгъэр Алахьыр ары, уашъом псы къышъуфырищэхыгъ, ащкIэ шъо гъомылэ шъуфэхъунэу пхъэшъхьэ=мышъхьэхэр къегъэкIых. Шъо шъурылэжьэнэу къухьэхэр къышъуатых, Ащ иунашъокIэ ахэр хым щызекIонхэу, псыхъохэр Iарылъхьэ къышъуфишIыгъ,
اللَّهُ الَّذِي خَلَقَ السَّمَاوَاتِ وَالْأَرْضَ وَأَنْزَلَ مِنَ السَّمَاءِ مَاءً فَأَخْرَجَ بِهِ مِنَ الثَّمَرَاتِ رِزْقًا لَكُمْ ۖ وَسَخَّرَ لَكُمُ الْفُلْكَ لِتَجْرِيَ فِي الْبَحْرِ بِأَمْرِهِ ۖ وَسَخَّرَ لَكُمُ الْأَنْهَارَ
33
Шъо къышъуфэлэжьэнхэу зишIэн зышIэхэу тыгъэри мазэри къышъитыгъ, къышъуфэлэжьэнхэу чэщыри мафэри къышъуетых.
وَسَخَّرَ لَكُمُ الشَّمْسَ وَالْقَمَرَ دَائِبَيْنِ ۖ وَسَخَّرَ لَكُمُ اللَّيْلَ وَالنَّهَارَ
34
Шъо Ащ шъузфелъэIурэр зэкIэ къышъуеты. Алахьым шIоу къышъуфишIэрэр къэшъулъытэнэу шъуфаеми, къышъуфэлъытэщтэп. Шъыпкъэ дэдэмкIэ, цIыфыр зафэп, рэзэнчъэ!
وَآتَاكُمْ مِنْ كُلِّ مَا سَأَلْتُمُوهُ ۚ وَإِنْ تَعُدُّوا نِعْمَتَ اللَّهِ لَا تُحْصُوهَا ۗ إِنَّ الْإِنْسَانَ لَظَلُومٌ كَفَّارٌ
35
Мары, Ибрахьимэ ыIуагъ: "Я Алахь! Мы хэгъэгур щынэгъончъэ къэшI, сэри сэ скъохэми сынхэм шъхьащэ афэтшIынэу тымышI.
وَإِذْ قَالَ إِبْرَاهِيمُ رَبِّ اجْعَلْ هَٰذَا الْبَلَدَ آمِنًا وَاجْنُبْنِي وَبَنِيَّ أَنْ نَعْبُدَ الْأَصْنَامَ
36
Я Алахь! Ахэмэ цIыфыбэ агъэгъощэгъах. Сэ сауж къырыкIохэрэр сэ сиемэ ащыщыщтых, сэ къысэмыдэIурэр.... О афэогъэгъу, угукIэгъушI!
رَبِّ إِنَّهُنَّ أَضْلَلْنَ كَثِيرًا مِنَ النَّاسِ ۖ فَمَنْ تَبِعَنِي فَإِنَّهُ مِنِّي ۖ وَمَنْ عَصَانِي فَإِنَّكَ غَفُورٌ رَحِيمٌ
37
Я Алахь! Сэ силIакъо щыщхэр фышъхьэ лэжьыгъэхэр къызщымыкIырэ кIэеу О уиунэ лъапIэ дэжь щылъым щызгъэтIысыгъэх. Ярэби я Алахь! Ахэмэ нэмаз арэшI, цIыфмэ ахэр шIу къалъэгъухэу шIы, пхъэшъхьэ=мышъхьэхэр къят, ахэр разэ хъунхэкIи мэхъу!
رَبَّنَا إِنِّي أَسْكَنْتُ مِنْ ذُرِّيَّتِي بِوَادٍ غَيْرِ ذِي زَرْعٍ عِنْدَ بَيْتِكَ الْمُحَرَّمِ رَبَّنَا لِيُقِيمُوا الصَّلَاةَ فَاجْعَلْ أَفْئِدَةً مِنَ النَّاسِ تَهْوِي إِلَيْهِمْ وَارْزُقْهُمْ مِنَ الثَّمَرَاتِ لَعَلَّهُمْ يَشْكُرُونَ
38
Ярэби я Алахь! Тэ дгъэбылъыри нафэ тшIыри о ошIэ. Уашъом щыIи чIыгум щыIи Алахьым шIоуушъэфын плъэкIын зыпари щыIэп!
رَبَّنَا إِنَّكَ تَعْلَمُ مَا نُخْفِي وَمَا نُعْلِنُ ۗ وَمَا يَخْفَىٰ عَلَى اللَّهِ مِنْ شَيْءٍ فِي الْأَرْضِ وَلَا فِي السَّمَاءِ
39
Сижъышъхьэм Исмахьилэрэ Исхьакърэ къысэзытыжьыгъэ Алахьым щытхъур ыдэжь! Шъыпкъэ дэдэмкIэ, сэ си Тхьэ дыухьэр зэхехы!
الْحَمْدُ لِلَّهِ الَّذِي وَهَبَ لِي عَلَى الْكِبَرِ إِسْمَاعِيلَ وَإِسْحَاقَ ۚ إِنَّ رَبِّي لَسَمِيعُ الدُّعَاءِ
40
Я Алахь! Сэри сэ къыскIэхъухьэщтхэми нэмаз тшIы зэпытэу тышI. Ярэби я Алахь! Сэ сидыухьэ къабыл шIы.
رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي ۚ رَبَّنَا وَتَقَبَّلْ دُعَاءِ
41
Ярэби я Алахь! сэри сэ сянэ=сятэхэми, Тхьэр зышIошъ хъухэрэми тшIагъэр къызщыддэплъэгъужьыщт мафэм къытфэгъэгъу!"
رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ
42
Тхьэр зышIошъ мыхъурэмэ ашIэрэр Алахьым ымылъэгъоу къызшIомыгъэшI. Ахэмэ анэхэр зыщызэфашIыжьыщтхэ мафэм нэс япIалъэ афылъегъэкIуатэ,
وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ
43
Ашъхьэхэр Iэтыгъэхэу, анэхэр амыгъэупIапIэхэу, ахэр щтэм хэтхэу чъэщтых, ахэмэ агухэр дыищтых.
مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ ۖ وَأَفْئِدَتُهُمْ هَوَاءٌ
44
А пщыныжьыр къызщафэсыщт мафэр яIу, а цIыфхэм зыфэсакъыжьынхэу яIу! ПсэкIодшIэгъабэ зиIэхэм джащыгъум аIощт: "Ярэби я Алахь! Охътэ благъэ ныIэми, типIалъэ тфылъыгъэкIуат, О укъызэрэтаджэрэм тэ тедэIущт, пегъэмбархэми ауж тырыкIощт". Шъо зыпарэкIи зэхъокIыгъэ шъумыхъунэу шъорба Iуагъэ зышIыгъагъэхэр?
وَأَنْذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُوا رَبَّنَا أَخِّرْنَا إِلَىٰ أَجَلٍ قَرِيبٍ نُجِبْ دَعْوَتَكَ وَنَتَّبِعِ الرُّسُلَ ۗ أَوَلَمْ تَكُونُوا أَقْسَمْتُمْ مِنْ قَبْلُ مَا لَكُمْ مِنْ زَوَالٍ
45
Ежь=ежьырэу зэрар зэзыхыжьыгъэхэм япсэупIэ шъо псэупIэ шъушIыгъэ, шъо нафэу шъолъэгъу Тэ ахэмэ тызэрадэзекIуагъэр, ахэр щысэу къышъодгъэлъэгъугъэх,
وَسَكَنْتُمْ فِي مَسَاكِنِ الَّذِينَ ظَلَمُوا أَنْفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الْأَمْثَالَ
46
Ахэмэ ятхьагъэпцIыгъэ зэрахьэщтыгъэ, ахэмэ ятхьагъэпцIыгъэ къушъхьэхэр ыгъэкощынхэу щытыгъэми, ахэмэ ятхьагъэпцIыгъэ Алахьым дэжь щыI.
وَقَدْ مَكَرُوا مَكْرَهُمْ وَعِنْدَ اللَّهِ مَكْرُهُمْ وَإِنْ كَانَ مَكْرُهُمْ لِتَزُولَ مِنْهُ الْجِبَالُ
47
Ежь илIыкIохэмкIэ гугъапIэу къытыгъэхэр Алахьым ыукъожьыхэу умылъытэ, Алахьыр лъэш, уигъэпщынэжьыщт.
فَلَا تَحْسَبَنَّ اللَّهَ مُخْلِفَ وَعْدِهِ رُسُلَهُ ۗ إِنَّ اللَّهَ عَزِيزٌ ذُو انْتِقَامٍ
48
А мафэу чIыгур нэмыкI чIыгукIэ, уашъори нэмыкI уашъокIэ зэблэхъугъэхэ зыхъукIэ, Алахьэу зизакъоу, зэкIэ зыIэ илъым ыпашъхьэ ахэр ихьажьыщтых!
يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ ۖ وَبَرَزُوا لِلَّهِ الْوَاحِدِ الْقَهَّارِ
49
А мафэм псэIодшIагъэ зиIэхэр пшъэхъукIэ зэпхыгъэхэу о плъэгъущт.
وَتَرَى الْمُجْرِمِينَ يَوْمَئِذٍ مُقَرَّنِينَ فِي الْأَصْفَادِ
50
Къэтраныр ахэмэ ящыгъыныщт, анэгухэр машIом зэлъиштэщтых,
سَرَابِيلُهُمْ مِنْ قَطِرَانٍ وَتَغْشَىٰ وُجُوهَهُمُ النَّارُ
51
Псэ пэпчъ зыфишIэжьыгъэр Алахьым ригъэгъотыжьыным пае. Шъыпкъэ дэдэмкIэ, къыбдилъэгъущтымкIэ Алахьыр IэшIэх!
لِيَجْزِيَ اللَّهُ كُلَّ نَفْسٍ مَا كَسَبَتْ ۚ إِنَّ اللَّهَ سَرِيعُ الْحِسَابِ
52
Алахьыр зэу зэрэщытыр ашIэным пае, ушъый гущыIэ афэхъуным пае, акъыл зиIэхэм ащкIэ зыкъашIэжьыным пае мы къэбарыр цIыфмэ яшъуIожь!
هَٰذَا بَلَاغٌ لِلنَّاسِ وَلِيُنْذَرُوا بِهِ وَلِيَعْلَمُوا أَنَّمَا هُوَ إِلَٰهٌ وَاحِدٌ وَلِيَذَّكَّرَ أُولُو الْأَلْبَابِ