1
Алиф Лам Мим Ра. Тхыгъэм мыхэр иIэятэ гъэшъыпкъагъэх. О уи Тхьэ къыфыригъэхрэр шъыпкъэу щыт, ау цIыфмэ янахьыбэм ашIошъ хъурэп.
بِسْمِ اللَّهِ الرَّحْمَٰنِ الرَّحِيمِ المر ۚ تِلْكَ آيَاتُ الْكِتَابِ ۗ وَالَّذِي أُنْزِلَ إِلَيْكَ مِنْ رَبِّكَ الْحَقُّ وَلَٰكِنَّ أَكْثَرَ النَّاسِ لَا يُؤْمِنُونَ
2
Ошъо лъагэр кIэгъэкъон имыIэу зыгъэIагъэр Алахьыр ары, шъо ар шъолъэгъу, етIанэ илъэгапIэ ыгъэпыти, тыгъэмрэ мазэмрэ егъэIорышIэх: Охътэ гъэнэфагъэм нэс зэкIэ къекIокIы. Ащ иIоф зэрегъакIо, Iэятэ къэгъэшъыпкъагъэхэр зэхэугуфыкIыгъэхэу къегъэуцух, шъуи Тхьэ шъузэрэIукIэжьыщтыр шъушIошъ хъункIи мэхъу!
اللَّهُ الَّذِي رَفَعَ السَّمَاوَاتِ بِغَيْرِ عَمَدٍ تَرَوْنَهَا ۖ ثُمَّ اسْتَوَىٰ عَلَى الْعَرْشِ ۖ وَسَخَّرَ الشَّمْسَ وَالْقَمَرَ ۖ كُلٌّ يَجْرِي لِأَجَلٍ مُسَمًّى ۚ يُدَبِّرُ الْأَمْرَ يُفَصِّلُ الْآيَاتِ لَعَلَّكُمْ بِلِقَاءِ رَبِّكُمْ تُوقِنُونَ
3
ЧIыгур къэзыушхуи, ащ къушъхьэхэр пытэу, псыхъохэр къытезгъэхъуагъэхэр, къыгъэшIыгъэр зэкIэ зэгъусэу, тIурытIоу зышIыгъэр Алахьыр ары. Ащ мафэр чэщкIэ къызэблехъу. Шъыпкъэ дэдэмкIэ, егупшысэрэ цIыфхэмкIэ ащ щысэтехыпIэ хэлъ!
وَهُوَ الَّذِي مَدَّ الْأَرْضَ وَجَعَلَ فِيهَا رَوَاسِيَ وَأَنْهَارًا ۖ وَمِنْ كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ ۖ يُغْشِي اللَّيْلَ النَّهَارَ ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ
4
ЧIыгум унэгъо хэтэ зэфэшъхьафхэр телъых: Сэнэшъхьэ хатэхэр, мэщхэр, хъурмэ зэфэдэхэри зэфэмыдэхэри, зы лъапсэ къыдэкIхэри къыдэмыкIхэри, ахэмэ зы псыкIэ загъэшъокIы. Гъомылэ тшIыным пае тэ ахэмэ ащыщхэм зымэ анахьи адырэмэ анахь афэтэгъэкIуатэ. Шъыпкъэ дэдэмкIэ, цIыф IушхэмкIэ ащ щысэ хэлъэу щыт!
وَفِي الْأَرْضِ قِطَعٌ مُتَجَاوِرَاتٌ وَجَنَّاتٌ مِنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَىٰ بِمَاءٍ وَاحِدٍ وَنُفَضِّلُ بَعْضَهَا عَلَىٰ بَعْضٍ فِي الْأُكُلِ ۚ إِنَّ فِي ذَٰلِكَ لَآيَاتٍ لِقَوْمٍ يَعْقِلُونَ
5
О шIагъоу олъэгъумэ, ахэмэ ягущыIэхэр гъэшIэгъоных: "Тэ ятIэ тыхъужьмэ, нэмыкIыпсэ къытпыкIэжьынэуи?" Ахэр я Тхьэ шIошъхъуныгъэ фэзымышIыгъагъэхэр ары, ахэмэ апшъэ пшъэхъухэр илъых. Ахэр джыхьнэм машIом щыпсэущтых, егъашIэм ахэр ащ хэсыщтых.
وَإِنْ تَعْجَبْ فَعَجَبٌ قَوْلُهُمْ أَإِذَا كُنَّا تُرَابًا أَإِنَّا لَفِي خَلْقٍ جَدِيدٍ ۗ أُولَٰئِكَ الَّذِينَ كَفَرُوا بِرَبِّهِمْ ۖ وَأُولَٰئِكَ الْأَغْلَالُ فِي أَعْنَاقِهِمْ ۖ وَأُولَٰئِكَ أَصْحَابُ النَّارِ ۖ هُمْ فِيهَا خَالِدُونَ
6
ШIум ычIыпIэ пщынэжьыр алъэгъуным пае ахэмэ о уагъэгузажъо, ау ахэмэ апэкIи ащ фэдэ гъэпщынэнхэр щыIагъэх, шъыпкъэ дэдэмкIэ, псэкIодшIэгъабэ яIэу щытми, а цIыфхэм афигъэгъуныр о уи Тхьэ ыIэ илъ. Шъыпкъэ дэдэмкIэ, о уи Тхьэ уигъэпщынэнкIэ лъэшы!
وَيَسْتَعْجِلُونَكَ بِالسَّيِّئَةِ قَبْلَ الْحَسَنَةِ وَقَدْ خَلَتْ مِنْ قَبْلِهِمُ الْمَثُلَاتُ ۗ وَإِنَّ رَبَّكَ لَذُو مَغْفِرَةٍ لِلنَّاسِ عَلَىٰ ظُلْمِهِمْ ۖ وَإِنَّ رَبَّكَ لَشَدِيدُ الْعِقَابِ
7
ШIошъхъуныгъэ шъыпкъэ зимыIагъэхэм аIо: "Ащ щысэ горэ и Тхьэ къыфыригъэхыгъагъэмэ!" Шъыпкъэ дэдэмкIэ, о огъэдаIох ныIэп, лъэпкъ пэпчъи пащэ иI!
وَيَقُولُ الَّذِينَ كَفَرُوا لَوْلَا أُنْزِلَ عَلَيْهِ آيَةٌ مِنْ رَبِّهِ ۗ إِنَّمَا أَنْتَ مُنْذِرٌ ۖ وَلِكُلِّ قَوْمٍ هَادٍ
8
Бзылъфыгъэ зэпкъаджэ пэпчъ ыныбэ илъыр Алахьым ешIэ, ащ ыныбэ нахь цIыкIу, нахь ин зэрэхъуи ешIэ. Сыд лIэужыгъуи Ащ шапхъэм тырегъэты.
اللَّهُ يَعْلَمُ مَا تَحْمِلُ كُلُّ أُنْثَىٰ وَمَا تَغِيضُ الْأَرْحَامُ وَمَا تَزْدَادُ ۖ وَكُلُّ شَيْءٍ عِنْدَهُ بِمِقْدَارٍ
9
Ар лъапIэ, лъагэ, ешIэ шъэфыри нафэри!
عَالِمُ الْغَيْبِ وَالشَّهَادَةِ الْكَبِيرُ الْمُتَعَالِ
10
ЦIыфмэ афэгъэхьыгъэу Ащ зэкIэ ешIэ шъабэу е лъэшэу гущыIи, чэщым шъэфэу зекIуи е мафэм шъхьэихыгъэу зекIуи.
سَوَاءٌ مِنْكُمْ مَنْ أَسَرَّ الْقَوْلَ وَمَنْ جَهَرَ بِهِ وَمَنْ هُوَ مُسْتَخْفٍ بِاللَّيْلِ وَسَارِبٌ بِالنَّهَارِ
11
ЦIыфым ыпэкIи ыужкIи мэлэIичхэр иIэх, Алахьым иунашъокIэ ар къаухъумэ. ЦIыфмэ ахэлъыр ежьхэм зэбламыхъуфэ, ахэмэ ахэлъыр Алахьым зэблихъурэп. ЦIыф горэхэм Алахьым мыхъун къаригъэхъулIэ шIоигъомэ, Ащ пэрыохъу фэхъун щыIэп, ахэмкIэ Ащ фэшъхьаф къэзыухъумэнхэ щыIэп!
لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ ۗ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ ۗ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ ۚ وَمَا لَهُمْ مِنْ دُونِهِ مِنْ وَالٍ
12
Шъуигъэщынэнэу е шъуигъэгугъэнэу пчыкIэр къышъозгъэлъэгъурэр Алахьыр ары. Ошъопщэ хьылъэхэр зыугъоихэрэр Алахьыр ары.
هُوَ الَّذِي يُرِيكُمُ الْبَرْقَ خَوْفًا وَطَمَعًا وَيُنْشِئُ السَّحَابَ الثِّقَالَ
13
Ащ ищынагъо зэрашъхьарытым пае, Ащ ищытхъу щытхъукIэ шыблэми мэлэIичхэми аIо, Ащ пчыкIэр къафырегъэхы, Ежь шIоигъохэр еукIых, ахэр Алахьым фэгъэхьыгъэу нэкъуакъохэ зыхъукIэ Ар лъэш!
وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَنْ يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ
14
Ащ дыухьэхэр къыфэпхьынхэр тефэ; Ау ащ фэшъхьафэу ахэмэ дыухьэ къызфахьхэрэм ахэр зыпарэкIи зэхахырэп, ахэмэ нэмаз зыфашIхэрэр зыфэдэхэр аIупэ псы гъуаткIо IуакIэным пае зыIэ зыщэихэу, ау псы гъуаткIо зыIумыфэхэрэр ары. Джаурмэ янэмаз гъэхъагъэ ышIыщтэп!
لَهُ دَعْوَةُ الْحَقِّ ۖ وَالَّذِينَ يَدْعُونَ مِنْ دُونِهِ لَا يَسْتَجِيبُونَ لَهُمْ بِشَيْءٍ إِلَّا كَبَاسِطِ كَفَّيْهِ إِلَى الْمَاءِ لِيَبْلُغَ فَاهُ وَمَا هُوَ بِبَالِغِهِ ۚ وَمَا دُعَاءُ الْكَافِرِينَ إِلَّا فِي ضَلَالٍ
15
Фаехэми фэмыехэми, уашъом щыIи, чIыгум щыIи, ахэмэ яныбжьыкъухэми пчэдыжьми пчыхьэми Алахьым шъхьащэ фашIы.
وَلِلَّهِ يَسْجُدُ مَنْ فِي السَّمَاوَاتِ وَالْأَرْضِ طَوْعًا وَكَرْهًا وَظِلَالُهُمْ بِالْغُدُوِّ وَالْآصَالِ ۩
16
ЯIу: "Хэта уашъоми чIыгуми я Тхьэр?" ЯIу: "Алахьыр ары". ЯIу: "Ащыгъум ежьхэм апае феди зэрари зыфэзышIыжьын зымылъэкIыщтхэр Ащ фэшъхьафэу ухъумакIохэу шъо шъуштэгъэнхэуи?". ЯIу: "Нэшъумрэ зылъэгъурэмрэ зэфэдэнха, е шIункIымрэ нэфынэмрэ?" Е Алахьым емыпэсыгъэхэр гуагъэуцуагъэхэу, Ащ ышIэрэм фэдэ ашIэу, ахэмэ ашIэрэр ащ яхьщырэу къащыхъунэуи? ЯIу: "Алахьым ыIэ къимыхьан щыIэп, Алахьыр зы, кIочIэшху!"
قُلْ مَنْ رَبُّ السَّمَاوَاتِ وَالْأَرْضِ قُلِ اللَّهُ ۚ قُلْ أَفَاتَّخَذْتُمْ مِنْ دُونِهِ أَوْلِيَاءَ لَا يَمْلِكُونَ لِأَنْفُسِهِمْ نَفْعًا وَلَا ضَرًّا ۚ قُلْ هَلْ يَسْتَوِي الْأَعْمَىٰ وَالْبَصِيرُ أَمْ هَلْ تَسْتَوِي الظُّلُمَاتُ وَالنُّورُ ۗ أَمْ جَعَلُوا لِلَّهِ شُرَكَاءَ خَلَقُوا كَخَلْقِهِ فَتَشَابَهَ الْخَلْقُ عَلَيْهِمْ ۚ قُلِ اللَّهُ خَالِقُ كُلِّ شَيْءٍ وَهُوَ الْوَاحِدُ الْقَهَّارُ
17
Ащ псыр уашъом къырегъэхы, ибагъэкIэ зэфэшъхьафэу хьалгъонэ зэфэшъхьафхэмкIэ зэбгырэчъы, зэхэчъхэ зыхъукIэ, ахэмэ тхъурбэр зэрахьэ. Бгъэрыдэхэмрэ гъэдэхалъэхэмрэ хашIыкIынхэу гъучIыр машIом щагъэткIу зыхъукIэ, а тхъурбэм фэдэхэр къытекIых. Ахэмэ афэдэхэмкIэ шъыпкъэмрэ пцIымрэ Алахьым къегъэлъагъох. Тхъурбэр хэкIым фэдэу текIы, ау цIыфмэ афэфедэр ичIыпIэ къенэжьы. Ахэмэ афэдэхэр Алахьым къышъуетых.
أَنْزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَابِيًا ۚ وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِثْلُهُ ۚ كَذَٰلِكَ يَضْرِبُ اللَّهُ الْحَقَّ وَالْبَاطِلَ ۚ فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ ۚ كَذَٰلِكَ يَضْرِبُ اللَّهُ الْأَمْثَالَ
18
И Тхьэ едэIухэрэм дэгъу дэдэр, Ащ емыдэIущтыгъэхэм, зэкIэ чIыгум телъыр аIэ илъыгъэми, ащ фэдиз игъусэуи, сыд лIэужыгъокIи защэфыжьын алъэкIыщтэп, ахэмэ зэрар ахьыщт, япсэупIэщтыр джыхьнэмыр ары, ар псэупIэ дэй!
لِلَّذِينَ اسْتَجَابُوا لِرَبِّهِمُ الْحُسْنَىٰ ۚ وَالَّذِينَ لَمْ يَسْتَجِيبُوا لَهُ لَوْ أَنَّ لَهُمْ مَا فِي الْأَرْضِ جَمِيعًا وَمِثْلَهُ مَعَهُ لَافْتَدَوْا بِهِ ۚ أُولَٰئِكَ لَهُمْ سُوءُ الْحِسَابِ وَمَأْوَاهُمْ جَهَنَّمُ ۖ وَبِئْسَ الْمِهَادُ
19
О уи Тхьэ къыфыригъэхыгъэр зэрэшъыпкъэр зышIэрэр нэшъум фэдэна? Акъыл зиIэхэр арых ащ фэсакъхэрэр.
أَفَمَنْ يَعْلَمُ أَنَّمَا أُنْزِلَ إِلَيْكَ مِنْ رَبِّكَ الْحَقُّ كَمَنْ هُوَ أَعْمَىٰ ۚ إِنَّمَا يَتَذَكَّرُ أُولُو الْأَلْبَابِ
20
Алахьым Iуагъэу фашIыгъэм фэшъыпкъэхэр ыкIи яIуагъэ зымыукъохэрэр,.
الَّذِينَ يُوفُونَ بِعَهْدِ اللَّهِ وَلَا يَنْقُضُونَ الْمِيثَاقَ
21
БгъэцэкIэнхэу Алахьым зыфиIуагъэхэр зэкIэ зыгъэцакIэхэрэр, и Тхьэ ищынагъо зыгу илъхэр, мыхъун къадалъэгъуным щыщынэхэрэр,
وَالَّذِينَ يَصِلُونَ مَا أَمَرَ اللَّهُ بِهِ أَنْ يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ
22
Я Тхьэ ынапэ фаблэхэу щэIагъэ зыхэлъыгъэхэр, нэмаз зышIыщтыгъэхэр, Тэ яттыщтыгъэм щыщ шъэфэуи нафэуи зы тыщтыгъэхэр, ер шIукIэ щызгъэзыещтыгъэхэр, ахэм псэупIэ дэгъу яI.
وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً وَيَدْرَءُونَ بِالْحَسَنَةِ السَّيِّئَةَ أُولَٰئِكَ لَهُمْ عُقْبَى الدَّارِ
23
ЕгъэшIэрэ джэнэтыр. Ахэмэ ятэхэм, яшъхьагъусэхэм, къалъыкIуагъэхэм ащыщхэу Тхьэр зышIошъ хъущтыгъэхэр ахэхьэщтых. Пчъэ пстэухэмкIи ахэмэ мэлаIичхэр къафихьащтых:
جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ ۖ وَالْمَلَائِكَةُ يَدْخُلُونَ عَلَيْهِمْ مِنْ كُلِّ بَابٍ
24
"Шъо щэIагъэу шъуиIагъэм пае мамыр шъогъот!" А къаратыгъэ псэупIэр зэрэдэгъу дэдэр!
سَلَامٌ عَلَيْكُمْ بِمَا صَبَرْتُمْ ۚ فَنِعْمَ عُقْبَى الدَّارِ
25
Алахьым ыпашъхьэ пшъэрылъэу зыфашIыжьыгъэр зыукъохэрэр, ащ Iуагъэ зыдашIыгъэм ыуж Алахьым зэгобгъэхьанхэ фаеу ылъытагъэхэр зэгозыщыхэрэм, псэкIодшIагъэхэр чIыгум щызгъэбагъохэрэм бгыбзэр атерэф, ахэмэ псэупIэ тхьамыкIагъор атефэ.
وَالَّذِينَ يَنْقُضُونَ عَهْدَ اللَّهِ مِنْ بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَنْ يُوصَلَ وَيُفْسِدُونَ فِي الْأَرْضِ ۙ أُولَٰئِكَ لَهُمُ اللَّعْنَةُ وَلَهُمْ سُوءُ الدَّارِ
26
Алахьыр зыфаем хьалэлэу къетэ, зыфаеми макIэ къыреты. Ахэр гъашIэу зыхэтхэм рыразэх, ау ахърэтым елъытыгъэмэ, мы дунаир пIэлъэ кIэкI!
اللَّهُ يَبْسُطُ الرِّزْقَ لِمَنْ يَشَاءُ وَيَقْدِرُ ۚ وَفَرِحُوا بِالْحَيَاةِ الدُّنْيَا وَمَا الْحَيَاةُ الدُّنْيَا فِي الْآخِرَةِ إِلَّا مَتَاعٌ
27
ШIошъхъуныгъэ зимыIэмэ аIо: "Ащ и Тхьэ дэжь къикIэу щысэ горэ къафехыгъэмэ!" ЯIу: "Шъыпкъэ дэдэмкIэ, зыфаер Алахьым гъогум дегъэхы, кIэгъожьыгъэу зыфэзгъэзагъэр Ежь факIорэ гъогум рещэ!"
وَيَقُولُ الَّذِينَ كَفَرُوا لَوْلَا أُنْزِلَ عَلَيْهِ آيَةٌ مِنْ رَبِّهِ ۗ قُلْ إِنَّ اللَّهَ يُضِلُّ مَنْ يَشَاءُ وَيَهْدِي إِلَيْهِ مَنْ أَنَابَ
28
ШIошъхъуныгъэ шъыпкъэ зышIыгъэхэм Алахьыр агу къэкIмэ агухэр мэгупсэфых! Алахьыр зыгу къэкIрэмэ агухэр гупсэфых,
الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ
29
ШIошъхъуныгъэ шъыпкъэ зышIыгъэхэм, шIу зышIэщтыгъэхэм шIу афыщылъ, шъхьэегъэзыпIэ дэгъу яI.
الَّذِينَ آمَنُوا وَعَمِلُوا الصَّالِحَاتِ طُوبَىٰ لَهُمْ وَحُسْنُ مَآبٍ
30
ГукIэгъу зыхэлъым шIошъхъуныгъэ шъыпкъэ фамышIыгъэ пэтзэ, ежьхэм апэкIэ цIыф лъэпкъыхэр зэрэщыIагъэхэзэ Тэ одгъэшIагъэм уакъыфеджэнэу а цIыф лъэпкъым Тэ уфэдгъэкIуагъ. ЯIу: "Ар сэ си Тхь! Ащ фэшъхьаф Тхьэ щыIэп. Сэ ар сигугъапI, Ащ сэ зыфэсэгъазэ!"
كَذَٰلِكَ أَرْسَلْنَاكَ فِي أُمَّةٍ قَدْ خَلَتْ مِنْ قَبْلِهَا أُمَمٌ لِتَتْلُوَ عَلَيْهِمُ الَّذِي أَوْحَيْنَا إِلَيْكَ وَهُمْ يَكْفُرُونَ بِالرَّحْمَٰنِ ۚ قُلْ هُوَ رَبِّي لَا إِلَٰهَ إِلَّا هُوَ عَلَيْهِ تَوَكَّلْتُ وَإِلَيْهِ مَتَابِ
31
КъурIанымкIэ къушъхьэхэр кощыщтыгъэхэмэ, е чIыгур зэгочыщтыгъэмэ, е хьадэхэр къэгущыIэщтыгъэхэмэ Ары, Алахьым зэкIэ ыIэ илъ. Алахьыр фэягъэмэ, а цIыфхэр зэкIэ гъогу занкIэм тыригъэуцонхэ зэрилъэкIыщтыгъэм пае Тхьэр зышIошъ хъурэмэ агу мэкIода? Джаурмэ ашIэрэм пае тхьамыкIагъо къалъыIэсыщт, е ар япсэупIэмэ благъэу къащыуцущт, Алахьым къызэригъэгугъагъэхэр къэсыфэ, шъыпкъэ дэдэмкIэ, Алахьым къызэригъэгугъэгъэхэ уахътэр зэблихъужьрэп!
وَلَوْ أَنَّ قُرْآنًا سُيِّرَتْ بِهِ الْجِبَالُ أَوْ قُطِّعَتْ بِهِ الْأَرْضُ أَوْ كُلِّمَ بِهِ الْمَوْتَىٰ ۗ بَلْ لِلَّهِ الْأَمْرُ جَمِيعًا ۗ أَفَلَمْ يَيْأَسِ الَّذِينَ آمَنُوا أَنْ لَوْ يَشَاءُ اللَّهُ لَهَدَى النَّاسَ جَمِيعًا ۗ وَلَا يَزَالُ الَّذِينَ كَفَرُوا تُصِيبُهُمْ بِمَا صَنَعُوا قَارِعَةٌ أَوْ تَحُلُّ قَرِيبًا مِنْ دَارِهِمْ حَتَّىٰ يَأْتِيَ وَعْدُ اللَّهِ ۚ إِنَّ اللَّهَ لَا يُخْلِفُ الْمِيعَادَ
32
О уапэкIи лIыкIохэр кIэнэкIалъэ ашIыгъагъэх, шIошъхъуныгъэ шъыпкъэ зимыIэхэм Сэ япIалъэ афэзгъэкIотагъ. ЕтIанэ Сэ ахэр згъэпщынагъэх, сыд фэдагъа сигъэпщынакIэ!
وَلَقَدِ اسْتُهْزِئَ بِرُسُلٍ مِنْ قَبْلِكَ فَأَمْلَيْتُ لِلَّذِينَ كَفَرُوا ثُمَّ أَخَذْتُهُمْ ۖ فَكَيْفَ كَانَ عِقَابِ
33
Псэ пэпчъ зэригъэгъотыгъэм хэлъыр зышIэрэр Ара? Ахэмэ Алахьым емыпэсыгъэхэр гуагъэуцуагъэх. ЯIу: "Ахэмэ ацIэ къешъуIу! Е шъо Ащ чIыгум щимыщIэу зыгорэ ешъуIон шъулъэкIыщта, е ыцIэкIэ нафэу зыгорэ къэшъуIон шъулъэкIыщта!" Къаугупшысыщтыгъэм джаурхэр дихьыхыгъэх, КъурIаным къыгъэлъэгъорэ гъогум дэхыгъэх. Алахьым ыгъэгъуащэрэм пащэ фэхъун ыгъотыщтэп!
أَفَمَنْ هُوَ قَائِمٌ عَلَىٰ كُلِّ نَفْسٍ بِمَا كَسَبَتْ ۗ وَجَعَلُوا لِلَّهِ شُرَكَاءَ قُلْ سَمُّوهُمْ ۚ أَمْ تُنَبِّئُونَهُ بِمَا لَا يَعْلَمُ فِي الْأَرْضِ أَمْ بِظَاهِرٍ مِنَ الْقَوْلِ ۗ بَلْ زُيِّنَ لِلَّذِينَ كَفَرُوا مَكْرُهُمْ وَصُدُّوا عَنِ السَّبِيلِ ۗ وَمَنْ يُضْلِلِ اللَّهُ فَمَا لَهُ مِنْ هَادٍ
34
ГъашIэу зыхэтхэм ахэр щагъэпщынэщтых, ау ахърэтым пщынэжьэу щахьыщтыр ащ нахь лъэшыжь, Алахьым ахэр зыпарэми щиухъумэщтхэп!
لَهُمْ عَذَابٌ فِي الْحَيَاةِ الدُّنْيَا ۖ وَلَعَذَابُ الْآخِرَةِ أَشَقُّ ۖ وَمَا لَهُمْ مِنَ اللَّهِ مِنْ وَاقٍ
35
Тхьэм ищынагъо зыгу илъхэр зэрагъэгугъэгъэ джэнэтыр мары; ащ псыхъохэр хэчъых, ренэу ащ шхынхэри жьаухэри иIэх. Тхьэм ищынагъо зыгу илъхэм ар ятын, ау джаурхэр зэрагъэпщынэщтхэр джэхьнэм машIор ары.
مَثَلُ الْجَنَّةِ الَّتِي وُعِدَ الْمُتَّقُونَ ۖ تَجْرِي مِنْ تَحْتِهَا الْأَنْهَارُ ۖ أُكُلُهَا دَائِمٌ وَظِلُّهَا ۚ تِلْكَ عُقْبَى الَّذِينَ اتَّقَوْا ۖ وَعُقْبَى الْكَافِرِينَ النَّارُ
36
Тэ тхылъыр зэттыгъэхэр зыкIэгушIухэрэр о къыфедгъэхыгъэр ары: КъурIаным щыщ шIэныгъэр щызгъэзыехэрэр цIыф купмэ ахэт. ЯIу: "Сэ унашъо къысфашIыгъ Алахьым шъхьащэ фэсшIынэу, Ащ емыпэсыгъэхэр госымыгъэуцонхэу, сэ Ащ шъуфэсэщэ, сэ Ащ дэжь згъэзэжьыщт!"
وَالَّذِينَ آتَيْنَاهُمُ الْكِتَابَ يَفْرَحُونَ بِمَا أُنْزِلَ إِلَيْكَ ۖ وَمِنَ الْأَحْزَابِ مَنْ يُنْكِرُ بَعْضَهُ ۚ قُلْ إِنَّمَا أُمِرْتُ أَنْ أَعْبُدَ اللَّهَ وَلَا أُشْرِكَ بِهِ ۚ إِلَيْهِ أَدْعُو وَإِلَيْهِ مَآبِ
37
Хабзэхэр зыгъэуцурэ КъурIаныр арапыбзэкIэ Тэ къыфедгъэхыгъ. О шIэныгъэр къызфэкIогъэ нэуж, о ахэмэ яшIоигъоныгъэмэ узыдахьыхыкIэ, Алахьым ылъэныкъокIэ IэпыIэгъуи ухъумакIуи уиIэщтэп!
وَكَذَٰلِكَ أَنْزَلْنَاهُ حُكْمًا عَرَبِيًّا ۚ وَلَئِنِ اتَّبَعْتَ أَهْوَاءَهُمْ بَعْدَمَا جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلَا وَاقٍ
38
О уапэкIэ тэ лIыкIохэр къэдгъэкIуагъэх, ахэмэ шъхьэгъусэхэри кIалэхэри ядгъэгъотыгъэх. Алахьым иIизын хэмылъэу лIыкIом Iэятэ къэгъэшъыпкъагъэхэр къыхьыхэу къыхэкIыгъэп. Уахътэ пэпчъ ежь итхыгъэ иIагъ.
وَلَقَدْ أَرْسَلْنَا رُسُلًا مِنْ قَبْلِكَ وَجَعَلْنَا لَهُمْ أَزْوَاجًا وَذُرِّيَّةً ۚ وَمَا كَانَ لِرَسُولٍ أَنْ يَأْتِيَ بِآيَةٍ إِلَّا بِإِذْنِ اللَّهِ ۗ لِكُلِّ أَجَلٍ كِتَابٌ
39
Алахьым зыфаер егъэкIоды е къегъанэ: Ащ апэ дэдэ атхыгъэ тхылъыр иI.
يَمْحُو اللَّهُ مَا يَشَاءُ وَيُثْبِتُ ۖ وَعِنْدَهُ أُمُّ الْكِتَابِ
40
Ахэр зэрэдгъэгугъэхэрэм щыщ Iахьэ Тэ е къыодгъэлъэгъущт, е удгъэлIэщт. О пшIэнэу къыптефэрэр япIоныр ары, тэ тиIофыр хьисап адэтлъэгъужьыныр ары!
وَإِنْ مَا نُرِيَنَّكَ بَعْضَ الَّذِي نَعِدُهُمْ أَوْ نَتَوَفَّيَنَّكَ فَإِنَّمَا عَلَيْكَ الْبَلَاغُ وَعَلَيْنَا الْحِسَابُ
41
Ахэмэ алъэгъугъэба Тэ мы чIыгум тызэрэрыкIуагъэр, ар Iахьынчъэу чIыпIабэмэ къазэрэщыдгъэнагъэр? Алахьым зэкIэ зэрегъафэ, Ащ иунашъо зэтезыIэжэн щыIэп, къыбдилъэгъущтымкIэ ар IэшIэх!
أَوَلَمْ يَرَوْا أَنَّا نَأْتِي الْأَرْضَ نَنْقُصُهَا مِنْ أَطْرَافِهَا ۚ وَاللَّهُ يَحْكُمُ لَا مُعَقِّبَ لِحُكْمِهِ ۚ وَهُوَ سَرِيعُ الْحِسَابِ
42
Ахэмэ апэкIэ щыIагъэхэм хъоршэрыгъэ зэрахьэщтыгъэ, ау ахэмэ яхъоршэрыгъэ Алахьым ыIэ илъ: Псэ пэпчъ зыфишIэжьрэр Ащ ешIэ, псэукIэ тхъагъор зытефэщтыр джаурмэ шIэхэу ашIэщт!
وَقَدْ مَكَرَ الَّذِينَ مِنْ قَبْلِهِمْ فَلِلَّهِ الْمَكْرُ جَمِيعًا ۖ يَعْلَمُ مَا تَكْسِبُ كُلُّ نَفْسٍ ۗ وَسَيَعْلَمُ الْكُفَّارُ لِمَنْ عُقْبَى الدَّارِ
43
ШIошъхъуныгъэ зимыIэмэ аIо: "О улIыкIоп! "ЯIу: "Сэррэ шъоррэ тазфагу шыхьат икъу щыхъурэр Алахьыр ары, тхылъым ишIэныгъэ зиIэхэри ары!"
وَيَقُولُ الَّذِينَ كَفَرُوا لَسْتَ مُرْسَلًا ۚ قُلْ كَفَىٰ بِاللَّهِ شَهِيدًا بَيْنِي وَبَيْنَكُمْ وَمَنْ عِنْدَهُ عِلْمُ الْكِتَابِ