1
О шIошъхъуныгъэ шъыпкъэ зышIыгъэхэр! Iуагъэу шъушIыгъэхэр жъугъэцэкIэжьынхэм шъуафэшъыпкъэжь. Хьалэл къышъуфишIыгъэ былымхэр шъушхын шъуфит, хьарамкIэ къышъуфигъэлъэгъугъэм анэмыкIрэр. ЧэбэкIо чэсэир шъущыгъы зыхъукIэ шакIо шъумыкIу. Шъыпкъэ дэдэмкIэ, Алахьыр унашъоу ышIыщтым фит!
بِسْمِ اللَّهِ الرَّحْمَٰنِ الرَّحِيمِ يَا أَيُّهَا الَّذِينَ آمَنُوا أَوْفُوا بِالْعُقُودِ ۚ أُحِلَّتْ لَكُمْ بَهِيمَةُ الْأَنْعَامِ إِلَّا مَا يُتْلَىٰ عَلَيْكُمْ غَيْرَ مُحِلِّي الصَّيْدِ وَأَنْتُمْ حُرُمٌ ۗ إِنَّ اللَّهَ يَحْكُمُ مَا يُرِيدُ
2
О шIошъхъуныгъэ шъыпкъэ зышIыгъэхэр! Алахьым иунашъохэм, хьэрам мазэм, къурмэныпхъэ хьайуанхэм, гъэдэхалъэу ахэмэ апшъэ илъхэм, Тхьэм ишIушIэу, Ащ ынэшIу къащифэным щыгугъыхэу Бэйтэль хьарам мэщыт лъапIэм зышъхьэ езыхьылIэжьхэрэм апылъ хабзэхэр шъумыукъох. Шъо фиты шъузыхъурэм, шъушакIу, сыд фэдэ цIыфхэми Альмэсджыд альхьэрам мэщытым шъучIэзымыгъахьэщтыгъэхэм яфэмылъэгъуныгъэ къыхэкIэу мызэфэ зекIуакIэхэр къызхэжъугъафэхэ хъущтэп. ШIурэ дахэрэ зэшъуIонымкIэ IэпыIэгъу шъузэфэхъужь, ау дэимкIэ, емкIэ шъузэдемыIэжь, Алахьым ищынагъо шъугу ижъугъэлъ. Шъыпкъэ дэдэмкIэ, уигъэпщынэнкIэ Алахьыр лъэш!
يَا أَيُّهَا الَّذِينَ آمَنُوا لَا تُحِلُّوا شَعَائِرَ اللَّهِ وَلَا الشَّهْرَ الْحَرَامَ وَلَا الْهَدْيَ وَلَا الْقَلَائِدَ وَلَا آمِّينَ الْبَيْتَ الْحَرَامَ يَبْتَغُونَ فَضْلًا مِنْ رَبِّهِمْ وَرِضْوَانًا ۚ وَإِذَا حَلَلْتُمْ فَاصْطَادُوا ۚ وَلَا يَجْرِمَنَّكُمْ شَنَآنُ قَوْمٍ أَنْ صَدُّوكُمْ عَنِ الْمَسْجِدِ الْحَرَامِ أَنْ تَعْتَدُوا ۘ وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ وَاتَّقُوا اللَّهَ ۖ إِنَّ اللَّهَ شَدِيدُ الْعِقَابِ
3
Хабзэм тетэу шъуукIырэм фэшъхьафэу, псэхалIэр, лъыр, къолыр Алахьым ыцIэ фэшъхьафэу нэмыкIыцIэ къыраIозэ аукIыгъэр, былымэу атхьэлагъэр, утыным илIыкIыгъэр, лъэгапIэм къефэхи фыкъуагъэр, бжъакъокIэ алIыгъэр, хьэкIэ=къуакIэр зыхэIагъэр псэ апытзэ шIошъумыбзхэмэ шъушхыхэ хъущтэп. Былым укIыпIэхэм ащаукIыгъэхэр щэбзащэ шъудзэу жъугощыныр шъоркIэ къэрарынчъагъ. Шъо шъуидин зышIошъ шъыпкъэ мыхъущтыгъэхэм непэ агу кIодыгъэ, ахэмэ шъуащымыщт. Сэ сищынагъо шъугу ижъугъэлъ. Шъощ пае Сэ непэ шъуидин къышъуфизгъэкъугъ. СишIушIи къышъуфэзгъэтэмамыгъ. Ислъамыр шъоркIэ динэу шъуфыхэсхыгъ, ау гунахьэ пшIэныр уимыкIасэу мэлэкIэ дэдэ улIагъэу егъэзыпIэ уифагъэмэ, а пшхы мыхъущтхэр пшхын уфит.
حُرِّمَتْ عَلَيْكُمُ الْمَيْتَةُ وَالدَّمُ وَلَحْمُ الْخِنْزِيرِ وَمَا أُهِلَّ لِغَيْرِ اللَّهِ بِهِ وَالْمُنْخَنِقَةُ وَالْمَوْقُوذَةُ وَالْمُتَرَدِّيَةُ وَالنَّطِيحَةُ وَمَا أَكَلَ السَّبُعُ إِلَّا مَا ذَكَّيْتُمْ وَمَا ذُبِحَ عَلَى النُّصُبِ وَأَنْ تَسْتَقْسِمُوا بِالْأَزْلَامِ ۚ ذَٰلِكُمْ فِسْقٌ ۗ الْيَوْمَ يَئِسَ الَّذِينَ كَفَرُوا مِنْ دِينِكُمْ فَلَا تَخْشَوْهُمْ وَاخْشَوْنِ ۚ الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا ۚ فَمَنِ اضْطُرَّ فِي مَخْمَصَةٍ غَيْرَ مُتَجَانِفٍ لِإِثْمٍ ۙ فَإِنَّ اللَّهَ غَفُورٌ رَحِيمٌ
4
Ахэр о къыоупчIых: Гъомылэ ашIынэу сыда зыфитхэр ? ЯIу: "ШIу пстэуми фиты шъуафишIыгъ. Шъо Алахьым шъуигъэшIагъэм фэжъугъэсэгъэ бзыухэм, хьэкIэ=къуакIэхэм къаушэкIурэ шхынышIухэми шъуафит. Ахэмэ шъощ пае къаубытырэр шъушхы, ахэмэ ашъхьагъ шъуитэу бисми Лахь шъуIо. Алахьым ищынагъо шъугу ижъугъэлъ, къыбдилъэгъущтымкIэ Алахьыр IэшIэх!
يَسْأَلُونَكَ مَاذَا أُحِلَّ لَهُمْ ۖ قُلْ أُحِلَّ لَكُمُ الطَّيِّبَاتُ ۙ وَمَا عَلَّمْتُمْ مِنَ الْجَوَارِحِ مُكَلِّبِينَ تُعَلِّمُونَهُنَّ مِمَّا عَلَّمَكُمُ اللَّهُ ۖ فَكُلُوا مِمَّا أَمْسَكْنَ عَلَيْكُمْ وَاذْكُرُوا اسْمَ اللَّهِ عَلَيْهِ ۖ وَاتَّقُوا اللَّهَ ۚ إِنَّ اللَّهَ سَرِيعُ الْحِسَابِ
5
Непэ шIу пстэури хьалэл шъуфишIыгъ. Тхылъ къызфехыгъэмэ ягъомылэ шъушхын шъуфит, шъуигъомыли ахэмэ ашхын фит. Тхьэр зышIошъ хъурэмэ япшъашъэхэу анаIэ атырамыгъэкIэу апIугъэхэм, шъуапэкIэ тхыгъэр къызэритыгъэхэм япшъашъэхэу анаIэ атырамыгъэкIэу апIугъэхэм пшъэшъэ уасэ афэшъутыгъэмэ, шъушъхьэ уасэ фэшъушIыжьэу, шъущымыкIэу, кIэсэ шъузхэр зыдэшъумыIыгъхэу шъопсэумэ, ахэр шъо къэшъущэнхэ шъуфит. А шIошъхъуныгъэр щызгъэзыерэм ышIэрэр пкIэнчъэ хъущт, ахърэт гъашIэми ар насыпынчъэмэ ащыщ хъущт.
الْيَوْمَ أُحِلَّ لَكُمُ الطَّيِّبَاتُ ۖ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ ۖ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ ۗ وَمَنْ يَكْفُرْ بِالْإِيمَانِ فَقَدْ حَبِطَ عَمَلُهُ وَهُوَ فِي الْآخِرَةِ مِنَ الْخَاسِرِينَ
6
О шIошъхъуныгъэ шъыпкъэ зышIыгъэхэр! Шъо нэмазыр шъушIын зыхъукIэ шъунэгухэри шъуIэхэри Iэнтэгъум нэсэу шъутхьакIых, шъушъхьэхэри шъулъэкIых, шъулъакъохэри лъэкIэным нэсэу шъутхьакIых. шъумыкъабзэмэ, зыжъугъэкъабз, шъо шъусымаджэмэ, е гъогу шъутетмэ, е шъуащыщ горэ щагуикIыпIэм къикIыжьыгъэмэ, е бзылъфыгъэм шъугохьагъэмэ, псы зышъумыгъоткIэ, (Тэемум) IэгуитIумкIэ шIыгушхьэ ятIэ къабзэ шъутиуи ащкIэ шъунэгухэри шъуIэхэри шъулъэкIы. къин шъуигъэлъэгъунэу Алахьыр фаеп, ау шъуигъэкъабзэ шIоигъу, Ежь ишIушIэ къышъуфишIэным фай, шъо разэ шъухъункIи мэхъу!
يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ ۚ وَإِنْ كُنْتُمْ جُنُبًا فَاطَّهَّرُوا ۚ وَإِنْ كُنْتُمْ مَرْضَىٰ أَوْ عَلَىٰ سَفَرٍ أَوْ جَاءَ أَحَدٌ مِنْكُمْ مِنَ الْغَائِطِ أَوْ لَامَسْتُمُ النِّسَاءَ فَلَمْ تَجِدُوا مَاءً فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ مِنْهُ ۚ مَا يُرِيدُ اللَّهُ لِيَجْعَلَ عَلَيْكُمْ مِنْ حَرَجٍ وَلَٰكِنْ يُرِيدُ لِيُطَهِّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ
7
Алахьым ишIушIи, шъо мощтэу къыэышъоIом, Ащ Iуагъэу къыжъудишIыгъэри шъугу къэжъугъэкIыжь: "Тэ зэхэтхыгъэ, тыкъыпфэIорышIэ!" Алахьым ищынагъо шъугу ижъугъэлъ, шъугу илъыр Алахьым ешIэ!
وَاذْكُرُوا نِعْمَةَ اللَّهِ عَلَيْكُمْ وَمِيثَاقَهُ الَّذِي وَاثَقَكُمْ بِهِ إِذْ قُلْتُمْ سَمِعْنَا وَأَطَعْنَا ۖ وَاتَّقُوا اللَّهَ ۚ إِنَّ اللَّهَ عَلِيمٌ بِذَاتِ الصُّدُورِ
8
О шIошъхъуныгъэ шъыпкъэ зышIыгъэхэр! Алахьым ыпашъхьэ пытагъэ зыхэжъугъэлъ, шъыпкъагъэ зыхэлъ шыхьатэу шъущыт, сыд фэдэ цIыфхэми яфэмылъэгъуныгъэ зэфагъэ къышъухэмыфэным шъунагъэсы хъущтэп. Зэфагъэ зыхэжъугъэлъ, ар Тхьэм ищынагъо угу илъыным нахь пэблагъ, Алахьым ищынагъо шъугу ижъугъэлъ, шъыпкъэ дэдэмкIэ, шъо шъушIэрэр Алахьым ешIэ!
يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ ۖ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ
9
ШIошъхъуныгъэ шъыпкъэ зышIыгъэхэу шIу зышIэщтыгъэхэр Алахьым ыгъэгугъагъэх: Ахэмэ афигъэгъущт, тын лъапIэ къафишIыщт.
وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ ۙ لَهُمْ مَغْفِرَةٌ وَأَجْرٌ عَظِيمٌ
10
ШIошъхъуныгъэ шъыпкъэ зымышIыгъэхэу Тэ тиIэятэ къэгъэшъыпкъагъэхэр пцIыкIэ зылъытэщтыгъэхэр джыхьнэм машIом щыпсэущтых.
وَالَّذِينَ كَفَرُوا وَكَذَّبُوا بِآيَاتِنَا أُولَٰئِكَ أَصْحَابُ الْجَحِيمِ
11
О шIошъхъуныгъэ шъыпкъэ зышIыгъэхэр! Алахьым шIоу къышъуфишIагъэр шъугу къэжъугъэкIыжь: Мары, цIыф горэхэм аIэхэр къышъутыращэенхэу агу къызэкIым, ахэмэ аIэхэр Ащ Iуищэигъэх. Алахьым ищынагъо шъугу ижъугъэлъ, Тхьэр зышIошъ хъухэрэр Алахьым щэрэгугъых!
يَا أَيُّهَا الَّذِينَ آمَنُوا اذْكُرُوا نِعْمَتَ اللَّهِ عَلَيْكُمْ إِذْ هَمَّ قَوْمٌ أَنْ يَبْسُطُوا إِلَيْكُمْ أَيْدِيَهُمْ فَكَفَّ أَيْدِيَهُمْ عَنْكُمْ ۖ وَاتَّقُوا اللَّهَ ۚ وَعَلَى اللَّهِ فَلْيَتَوَكَّلِ الْمُؤْمِنُونَ
12
Зэгорэм Алахьым Исраил ыкъохэм Iуагъэ адишIыгъ, Тэ ахэмэ пэщэ пшIыкIутIу къахэдгъэкIыгъ. Алахьым ыIуагъ: "Сэ сышъуигъус. Шъо нэмаз шъушIымэ, шъугу зыгъэкъэбзэрэ сэдакъэ шъутызэ шъушIымэ, силIыкIомэ шIошъхъуныгъэ афэшъушIымэ, IэпыIэгъу шъуафэхъумэ, чIыфэ шIагъо Алахьым ешъутымэ, Сэ мыхъунэу шъушIагъэхэр шъутесхыщтых, Iо хэмылъэу джэнэтым шъуисщэщт. Ащ ыуж шъуащыщэу шIошъхъуныгъэ шъыпкъэ зымышIырэр гъогу занкIэм дэхыгъ".
وَلَقَدْ أَخَذَ اللَّهُ مِيثَاقَ بَنِي إِسْرَائِيلَ وَبَعَثْنَا مِنْهُمُ اثْنَيْ عَشَرَ نَقِيبًا ۖ وَقَالَ اللَّهُ إِنِّي مَعَكُمْ ۖ لَئِنْ أَقَمْتُمُ الصَّلَاةَ وَآتَيْتُمُ الزَّكَاةَ وَآمَنْتُمْ بِرُسُلِي وَعَزَّرْتُمُوهُمْ وَأَقْرَضْتُمُ اللَّهَ قَرْضًا حَسَنًا لَأُكَفِّرَنَّ عَنْكُمْ سَيِّئَاتِكُمْ وَلَأُدْخِلَنَّكُمْ جَنَّاتٍ تَجْرِي مِنْ تَحْتِهَا الْأَنْهَارُ ۚ فَمَنْ كَفَرَ بَعْدَ ذَٰلِكَ مِنْكُمْ فَقَدْ ضَلَّ سَوَاءَ السَّبِيلِ
13
Iуагъэу ашIыгъэр ахэмэ зэраукъуагъэм пае Тэ ахэмэ бгыбзэ ятхыгъ, агухэр жъалым тшIыгъэх. (ЧIыпIэу зэрытхэр зэблахъузэ), гущыIэхэр ахэмэ зэщагъакъох. АрагъэшIэгъагъэм щыщ Iахьэ ахэмэ ащыгъупшагъ. Ахэмэ ащыщэу нэбгырэ заулэмэ афэшъхьафрэ, ахэмэ алъэныкъо къикIырэ мэхъэджагъэм IокIэ зэпыт. Ахэмэ афэгъэгъу, уафычIэмыкIуат, шIу зышIэхэрэр Алахьым шIу елъэгъух!
فَبِمَا نَقْضِهِمْ مِيثَاقَهُمْ لَعَنَّاهُمْ وَجَعَلْنَا قُلُوبَهُمْ قَاسِيَةً ۖ يُحَرِّفُونَ الْكَلِمَ عَنْ مَوَاضِعِهِ ۙ وَنَسُوا حَظًّا مِمَّا ذُكِّرُوا بِهِ ۚ وَلَا تَزَالُ تَطَّلِعُ عَلَىٰ خَائِنَةٍ مِنْهُمْ إِلَّا قَلِيلًا مِنْهُمْ ۖ فَاعْفُ عَنْهُمْ وَاصْفَحْ ۚ إِنَّ اللَّهَ يُحِبُّ الْمُحْسِنِينَ
14
ЧиристанкIэ зызылъытэжьхэрэми Тэ Iуагъэ адэтшIыгъагъ, ау ахэмэ арагъэшIагъэм щыщ Iахьэ ащыгъупшагъ, къызщыхъужьыщтхэ мафэр къэмысыфэ Тэ ахэмэ азфагу пыиныгъэрэ зэфэмылъэгъуныгъэрэ къидгъэтэджагъ. ЕтIанэ ахэмэ ашIагъэр Алахьым къариIожьыщт!
وَمِنَ الَّذِينَ قَالُوا إِنَّا نَصَارَىٰ أَخَذْنَا مِيثَاقَهُمْ فَنَسُوا حَظًّا مِمَّا ذُكِّرُوا بِهِ فَأَغْرَيْنَا بَيْنَهُمُ الْعَدَاوَةَ وَالْبَغْضَاءَ إِلَىٰ يَوْمِ الْقِيَامَةِ ۚ وَسَوْفَ يُنَبِّئُهُمُ اللَّهُ بِمَا كَانُوا يَصْنَعُونَ
15
О тхыгъэр зышIэхэрэр! Шъо шъуадэжь тилIыкIо къэкIуагъ , тхыгъэм щыщэу шъуушъэфыхэрэр ащ нафэу къышъуигъэлъэгъущтых, тырихыщтыри бэ. Алахьым дэжь къикIи, нэфынэри тхыгъэ зэхэугуфыкIыгъэри къышъуфэкIуагъ.
يَا أَهْلَ الْكِتَابِ قَدْ جَاءَكُمْ رَسُولُنَا يُبَيِّنُ لَكُمْ كَثِيرًا مِمَّا كُنْتُمْ تُخْفُونَ مِنَ الْكِتَابِ وَيَعْفُو عَنْ كَثِيرٍ ۚ قَدْ جَاءَكُمْ مِنَ اللَّهِ نُورٌ وَكِتَابٌ مُبِينٌ
16
АхэмкIэ Ащ шIоигъом лIыкIохэр мамыр гъогум занкIэу рищэщтых, Ежь иIизын хэлъэу ахэр шIункIым къыхищынхэшъ, нэфынэм хищэщтых, гъогу занкIэм къырищэлIэщтых.
يَهْدِي بِهِ اللَّهُ مَنِ اتَّبَعَ رِضْوَانَهُ سُبُلَ السَّلَامِ وَيُخْرِجُهُمْ مِنَ الظُّلُمَاتِ إِلَى النُّورِ بِإِذْنِهِ وَيَهْدِيهِمْ إِلَىٰ صِرَاطٍ مُسْتَقِيمٍ
17
ШIошъхъуныгъэ шъыпкъэ зымышIыгъэхэр Алахьыр Мерэм икIалэу Хьисэр арэу зыIохэрэр арых. ЯIу: "Мерэм икIалэу Хьиси, ащ яни, зэкIэ чIыгум щыпсэухэри Алахьым ыгъэкIодынхэу ыгу къэкIымэ, хэта Ащ елъэшэкIыжьын зылъэкIыщтыр?" Уашъори, чIыгури, ахэмэ азфагу щыIэри Алахьым ыIэ илъых. Ащ ышIэрэр шIоигъор ары. Алахьым ыIэ къимыхьан щыIэп!
لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ ۚ قُلْ فَمَنْ يَمْلِكُ مِنَ اللَّهِ شَيْئًا إِنْ أَرَادَ أَنْ يُهْلِكَ الْمَسِيحَ ابْنَ مَرْيَمَ وَأُمَّهُ وَمَنْ فِي الْأَرْضِ جَمِيعًا ۗ وَلِلَّهِ مُلْكُ السَّمَاوَاتِ وَالْأَرْضِ وَمَا بَيْنَهُمَا ۚ يَخْلُقُ مَا يَشَاءُ ۚ وَاللَّهُ عَلَىٰ كُلِّ شَيْءٍ قَدِيرٌ
18
Джуртхэмрэ чиристанхэмрэ аIуагъ: "Тэ Алахьым тырикIал. Ащ шIу телъэгъу". ЯIу: "Ащыгъум шъуипсэкIодшIагъэ пае сыда Ащ шъузыкIигъэпщынэрэр? Хьау, шъо Ащ къыгъэхъугъэ цIыфмэ шъуащыщ ныIэп. Ежь шIоигъом Ащ фегъэгъу, шIоигъор егъэпщынэ. Уашъори чIыгури, ахэмэ азфагу щыIэри Алахьым ыIэ илъ, Ащ дэжь пстэуми агъэзэжьыщт".
وَقَالَتِ الْيَهُودُ وَالنَّصَارَىٰ نَحْنُ أَبْنَاءُ اللَّهِ وَأَحِبَّاؤُهُ ۚ قُلْ فَلِمَ يُعَذِّبُكُمْ بِذُنُوبِكُمْ ۖ بَلْ أَنْتُمْ بَشَرٌ مِمَّنْ خَلَقَ ۚ يَغْفِرُ لِمَنْ يَشَاءُ وَيُعَذِّبُ مَنْ يَشَاءُ ۚ وَلِلَّهِ مُلْكُ السَّمَاوَاتِ وَالْأَرْضِ وَمَا بَيْنَهُمَا ۖ وَإِلَيْهِ الْمَصِيرُ
19
Тхыгъэр зышIэхэрэр! ТилIыкIо шъо шъуадэжь къэкIуагъ: КъэбарышIу къытфэзыхьыни, къытэушъыини къытфэкIогъагъэп шъумыIоным пае, лIыкIохэр зыщымыIэгъэхэ уахътэу къыдэфэгъагъэр ащ нафэу къышъуигъэлъэгъущт. КъэбарышIу къышъозыIощтри къышъоушъыищтри джы къышъуфэкIуагъ. Алахьым ыIэ къимыхьан щыIэп!
يَا أَهْلَ الْكِتَابِ قَدْ جَاءَكُمْ رَسُولُنَا يُبَيِّنُ لَكُمْ عَلَىٰ فَتْرَةٍ مِنَ الرُّسُلِ أَنْ تَقُولُوا مَا جَاءَنَا مِنْ بَشِيرٍ وَلَا نَذِيرٍ ۖ فَقَدْ جَاءَكُمْ بَشِيرٌ وَنَذِيرٌ ۗ وَاللَّهُ عَلَىٰ كُلِّ شَيْءٍ قَدِيرٌ
20
Мары, Мосэ ицIыф лъэпкъ риIуагъ: "О силъэпкъ! Алахьым шIоу къышъуфишIагъэр шъугу къэжъугъэкIыжь: Ащ пегъэмбархэр къышъухигъэкIыгъэх, пачъыхьэхэр къышъуфишIыгъэх, зэрэдунаеу зыми фимышIагъэр къышъуфишIагъ.
وَإِذْ قَالَ مُوسَىٰ لِقَوْمِهِ يَا قَوْمِ اذْكُرُوا نِعْمَةَ اللَّهِ عَلَيْكُمْ إِذْ جَعَلَ فِيكُمْ أَنْبِيَاءَ وَجَعَلَكُمْ مُلُوكًا وَآتَاكُمْ مَا لَمْ يُؤْتِ أَحَدًا مِنَ الْعَالَمِينَ
21
О силъэпкъ! Алахьым къышъуфиухэсыгъэ чIыгу лъапIэм шъутехь, джы шъо насыпынчъэ шъумыхъуным пае шъукъызэкIэмыкIожь".
يَا قَوْمِ ادْخُلُوا الْأَرْضَ الْمُقَدَّسَةَ الَّتِي كَتَبَ اللَّهُ لَكُمْ وَلَا تَرْتَدُّوا عَلَىٰ أَدْبَارِكُمْ فَتَنْقَلِبُوا خَاسِرِينَ
22
Ахэмэ аIуагъ: "О Мос! Ащ цIыф иныжъхэр щэпсэух, ахэр ащ имыкIыхэу, тэ тихьащтэп. Ау ахэр ащ зикIыхэкIэ, тэ тихьащт".
قَالُوا يَا مُوسَىٰ إِنَّ فِيهَا قَوْمًا جَبَّارِينَ وَإِنَّا لَنْ نَدْخُلَهَا حَتَّىٰ يَخْرُجُوا مِنْهَا فَإِنْ يَخْرُجُوا مِنْهَا فَإِنَّا دَاخِلُونَ
23
Тхьэм ищынагъо зыгу илъэу, Алахьым ынэшIу зыщыфэгъэ нэбгыритIу аIуагъ: "Мы къэлапчъэмкIэ иныжъмэ адэжь шъуихь. Шъо шъузихьэкIэ, текIоныгъэр къыдэшъухыщт, Тхьэр шъушIошъ мэхъумэ, Алахьым шъуицыхьэ тежъугъэлъ!".
قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ ۚ وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ
24
Ахэмэ аIуагъ: "О Мос! Ахэр ащ къенэфэхэкIэ, сыд хъункIи ащ тихьанэп. Ори о уи Тхьи шъуихьи, шъуитIо шъузау, тэ мыщ тисыщт".
قَالُوا يَا مُوسَىٰ إِنَّا لَنْ نَدْخُلَهَا أَبَدًا مَا دَامُوا فِيهَا ۖ فَاذْهَبْ أَنْتَ وَرَبُّكَ فَقَاتِلَا إِنَّا هَاهُنَا قَاعِدُونَ
25
Ащ ыIуагъ: "Я Алахь! Сэ сшъхьэрэ сшырэ сызфитыр. Мы цIыф лъэпкъ щыкIыгъэм тыгощ".
قَالَ رَبِّ إِنِّي لَا أَمْلِكُ إِلَّا نَفْسِي وَأَخِي ۖ فَافْرُقْ بَيْنَنَا وَبَيْنَ الْقَوْمِ الْفَاسِقِينَ
26
Ащ ыIуагъ: "Ахэр ащ илъэс тIокIитIо ихьанхэ фимытхэу хъун, мы шъоф нэкIым къакIухьэу ахэр итыщтых. А цIыф лъэпкъ щыкIыгъэм о уфэмышъыгъу.
قَالَ فَإِنَّهَا مُحَرَّمَةٌ عَلَيْهِمْ ۛ أَرْبَعِينَ سَنَةً ۛ يَتِيهُونَ فِي الْأَرْضِ ۚ فَلَا تَأْسَ عَلَى الْقَوْمِ الْفَاسِقِينَ
27
Адам ыкъуитIу фэгъэхьыгъэ къэбарым шъыпкъагъэ хэлъэу о ахэмэ къафедж. Мары, а нэбгыритIум къурмэн ашIыгъ. Зым ар Iахыгъагъ, адырэм Iахыгъэп. Ащ ыIуагъ: "ШIокIыпIэ имыIэу сэ о усыукIыщт!" Адырэм ыIуагъ: "Алахьым зыIихырэр Тхьэм ищынагъо зыгу илъхэр арых ныIэп.
وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِنْ أَحَدِهِمَا وَلَمْ يُتَقَبَّلْ مِنَ الْآخَرِ قَالَ لَأَقْتُلَنَّكَ ۖ قَالَ إِنَّمَا يَتَقَبَّلُ اللَّهُ مِنَ الْمُتَّقِينَ
28
О сэ сыуукIынэу пIэ къызысфэпщэикIэ, сэ о усыукIынэу сIэ къыфэсщэищтэп. Зэрэдунае и Тхьэу Алахьым ищынагъо сэ сыгу илъ.
لَئِنْ بَسَطْتَ إِلَيَّ يَدَكَ لِتَقْتُلَنِي مَا أَنَا بِبَاسِطٍ يَدِيَ إِلَيْكَ لِأَقْتُلَكَ ۖ إِنِّي أَخَافُ اللَّهَ رَبَّ الْعَالَمِينَ
29
Сэ сипсэкIодышIагъи о уипсэкIодышIагъи о зытеплъхьажьынэу, джэхьнэм машIом щыпсэущтхэм ащыщ ухъу сшIоигъу. Жъалым хъугъэхэм ар ятын".
إِنِّي أُرِيدُ أَنْ تَبُوءَ بِإِثْمِي وَإِثْمِكَ فَتَكُونَ مِنْ أَصْحَابِ النَّارِ ۚ وَذَٰلِكَ جَزَاءُ الظَّالِمِينَ
30
Ыш зэриукIыщтыр псынкIагъоу ащ ыпсэ къышIошIыгъ, ащ ыш ыукIыгъ ыкIи чIэнагъэ зышIыгъэхэм ащыщ хъугъэ.
فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ
31
Ыш ипцIэнагъэ зэригъэбылъыщтыр ригъэлъэгъуным пае ащ къолэжъэу ЧIыгур зытхъущтыгъэр Алахьым фигъэбыбыгъ. Ащ ыIуагъ: "Сэ Тхьэр къысэуагъ! Сшы ипцIэнагъэ згъэбылъыным пае мы къолэжъым фэдэ сэ сыхъун слъэкIыщтэп". КIэгъожьыгъэмэ ащыщы ар хъугъэ.
فَبَعَثَ اللَّهُ غُرَابًا يَبْحَثُ فِي الْأَرْضِ لِيُرِيَهُ كَيْفَ يُوَارِي سَوْءَةَ أَخِيهِ ۚ قَالَ يَا وَيْلَتَا أَعَجَزْتُ أَنْ أَكُونَ مِثْلَ هَٰذَا الْغُرَابِ فَأُوَارِيَ سَوْءَةَ أَخِي ۖ فَأَصْبَحَ مِنَ النَّادِمِينَ
32
Ащ къыхэкIэу Исраил ыкъохэм Тэ унашъо афэтшIыгъ: ЛъышIэжь хэмылъэу псэр зыгъэгъугъэм е мыхъун зэришIагъэм фэшъхьафкIэ псэр зыгъэгъурэм зэкIэ цIыфхэр ыукIыгъэхэм фэд. Ау псэр къыпызгъэкIэжьырэм зэкIэ цIыфхэр къыгъэхъужьыгъэхэм фэд. Iэятэ къэгъэшъыпкъэгъэ гъэунэфыгъэхэр яIэхэу ахэмэ Тэ тилIыкIохэр къафэкIогъагъэх. ЕтIанэ ахэмэ ащыщыбэхэр а хэгъэгум ашIоигъор щашIэу къэнэгъагъэх.
مِنْ أَجْلِ ذَٰلِكَ كَتَبْنَا عَلَىٰ بَنِي إِسْرَائِيلَ أَنَّهُ مَنْ قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ۚ وَلَقَدْ جَاءَتْهُمْ رُسُلُنَا بِالْبَيِّنَاتِ ثُمَّ إِنَّ كَثِيرًا مِنْهُمْ بَعْدَ ذَٰلِكَ فِي الْأَرْضِ لَمُسْرِفُونَ
33
ШъыпкъэмкIэ, Алахьым, Ащ илIыкIо апэшIуекIохэу заохэрэм, чIыгум мыхъунэу щашIэрэр нахьыбэ ашIыным пылъхэм тыны афэхъущтыр е укIыгъэ хъущтых, е къащым тыраIулIэщтых, е аIэхэри алъакъохэри, зэблэдзыгъэу паупкIыщтых, е ячIыгу рафыщтых. Ащ фэдэ шъхьакIо гъашIэу зыхэтхэм ахэмэ ащырахыщт, ахърэтым пщынэжьыкIаекIэ щагъэпщынэщтых.
إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ۚ ذَٰلِكَ لَهُمْ خِزْيٌ فِي الدُّنْيَا ۖ وَلَهُمْ فِي الْآخِرَةِ عَذَابٌ عَظِيمٌ
34
Шъо шъуIэ илъ хъунхэм ыпэкIэ кIэгъожьыгъэхэм афэшхьафрэ Алахьым къыфегъэгъу, гукIэгъу хэлъ!
إِلَّا الَّذِينَ تَابُوا مِنْ قَبْلِ أَنْ تَقْدِرُوا عَلَيْهِمْ ۖ فَاعْلَمُوا أَنَّ اللَّهَ غَفُورٌ رَحِيمٌ
35
О шIошъхъуныгъэ шъыпкъэ зышIыгъэхэр! Алахьым ищынагъо шъугу ижъугъэлъ. Ащ пэблагъэ шъузэрэхъущтым шъулъыхъу, Ащ игъогу шъузэрэтетыщтым шъуегугъу, насыпышIо шъухъункIи мэхъу!
يَا أَيُّهَا الَّذِينَ آمَنُوا اتَّقُوا اللَّهَ وَابْتَغُوا إِلَيْهِ الْوَسِيلَةَ وَجَاهِدُوا فِي سَبِيلِهِ لَعَلَّكُمْ تُفْلِحُونَ
36
Шъыпкъэ дэдэмкIэ, шIошъхъуныгъэ шъыпкъэ зимыIэхэм чIыгум тетыр зэкIэ яягъэмэ, къызыщыхъужьыщтхэ мафэм пщыныжьэу ателъыр ращэфыжьынэу ащ фэдиз етIани яIагъэми, а пстэур ахэмэ аIахыныгъэп, ахэмэ хьазаб пщыныжьыр афыщылъ!
إِنَّ الَّذِينَ كَفَرُوا لَوْ أَنَّ لَهُمْ مَا فِي الْأَرْضِ جَمِيعًا وَمِثْلَهُ مَعَهُ لِيَفْتَدُوا بِهِ مِنْ عَذَابِ يَوْمِ الْقِيَامَةِ مَا تُقُبِّلَ مِنْهُمْ ۖ وَلَهُمْ عَذَابٌ أَلِيمٌ
37
Джэхьнэм машIом къыхэкIынхэу ахэр фэещтых, ау сыд хъугъэкIи къыхэкIыщтхэп. ЕгъэшIэрэ пщыныжьыр ахэмэ ателъ!
يُرِيدُونَ أَنْ يَخْرُجُوا مِنَ النَّارِ وَمَا هُمْ بِخَارِجِينَ مِنْهَا ۖ وَلَهُمْ عَذَابٌ مُقِيمٌ
38
Алахьым ищынагъо зэхашIэным пае хъулъфыгъэ тыгъуакIоми бзылъфыгъэ тыгъуакIоми аштагъэм ипэгъокIэу аIэхэр пышъуупкIых. Шъыпкъэ дэдэмкIэ, Алахьыр ины, Iуш!
وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ ۗ وَاللَّهُ عَزِيزٌ حَكِيمٌ
39
Хэбзэнчъэ зэришIагъэмкIэ кIэгъожьэу нахьышIу хъужьрэм Алахьым ынэшIу къыщыфэщт. Алахьым къыпфегъэгъу, гукIэгъу хэлъ!
فَمَنْ تَابَ مِنْ بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ ۗ إِنَّ اللَّهَ غَفُورٌ رَحِيمٌ
40
О пшIэрэба Алахьым уашъори чIыгури ыIэ зэрилъыр ? Ежь зыфаер Ащ егъэпщынэ, зыфаем фегъэгъу. Шъыпкъэ дэдэмкIэ, Алахьым ыIэ къимыхьан щыIэп!
أَلَمْ تَعْلَمْ أَنَّ اللَّهَ لَهُ مُلْكُ السَّمَاوَاتِ وَالْأَرْضِ يُعَذِّبُ مَنْ يَشَاءُ وَيَغْفِرُ لِمَنْ يَشَاءُ ۗ وَاللَّهُ عَلَىٰ كُلِّ شَيْءٍ قَدِيرٌ
41
О лIыкIор! Ежьхэм аIупэкIэ къэзыIохэу: "Тэ шIошъхъуныгъэ шъыпкъэ тшIыгъэ!", ау агухэм шIошъхъуныгъэ шъыпкъэ арымылъэу, динынчъэ хъунхэм кIэгуIэхэрэм о нэшхъэигъэ къыуарэмыгъэкIу, джуртхэм ащыщхэри ары. Ахэр пцIым кIэдэIукIых, нэмыкI цIыфхэу уадэжь къэмыкIогъагъэхэм акIэдэIукIых, гущыIэхэр зэблагъэуцукIхэзэ зэщагъакъохэшъ, ахэмэ аIо: "Шъо ар къышъуатыгъэмэ, шъуштэ, ау къышъуамытыгъэмэ, шъузфэсакъыжь!" Алахьым ыушэты шIоигъор Алахьым ыпашъхьэ о зыпарэкIи къыщыуухъумэн плъэкIыщтэп. Ахэр агухэр агъэкъэбзэнэу Алахьыр зыфэмыягъэхэр ары. ГъашIэу зыхэтхэм ахэмэ шъхьакIо арахыщт, ахърэт гъашIэми ахэмэ пщынэжь афыщылъ!
يَا أَيُّهَا الرَّسُولُ لَا يَحْزُنْكَ الَّذِينَ يُسَارِعُونَ فِي الْكُفْرِ مِنَ الَّذِينَ قَالُوا آمَنَّا بِأَفْوَاهِهِمْ وَلَمْ تُؤْمِنْ قُلُوبُهُمْ ۛ وَمِنَ الَّذِينَ هَادُوا ۛ سَمَّاعُونَ لِلْكَذِبِ سَمَّاعُونَ لِقَوْمٍ آخَرِينَ لَمْ يَأْتُوكَ ۖ يُحَرِّفُونَ الْكَلِمَ مِنْ بَعْدِ مَوَاضِعِهِ ۖ يَقُولُونَ إِنْ أُوتِيتُمْ هَٰذَا فَخُذُوهُ وَإِنْ لَمْ تُؤْتَوْهُ فَاحْذَرُوا ۚ وَمَنْ يُرِدِ اللَّهُ فِتْنَتَهُ فَلَنْ تَمْلِكَ لَهُ مِنَ اللَّهِ شَيْئًا ۚ أُولَٰئِكَ الَّذِينَ لَمْ يُرِدِ اللَّهُ أَنْ يُطَهِّرَ قُلُوبَهُمْ ۚ لَهُمْ فِي الدُّنْيَا خِزْيٌ ۖ وَلَهُمْ فِي الْآخِرَةِ عَذَابٌ عَظِيمٌ
42
Зэпымыоу ахэр пцIым едэIух, хабзэм ымыдэрэм фэнэепсыех. Ахэр уадэжь къызыкIохэкIэ, азфагу илъыр зэхэф е ахэмэ абгъодэкI. О ахэмэ уакIыб афэбгъазэмэ, зи мыхъун къыуашIэщтэп. ЯIоф пIонэу уфежьэмэ, зэфагъэм тетэу Iо Шъыпкъэ дэдэмкIэ, зафэхэр Алахьым шIу елъэгъух!
سَمَّاعُونَ لِلْكَذِبِ أَكَّالُونَ لِلسُّحْتِ ۚ فَإِنْ جَاءُوكَ فَاحْكُمْ بَيْنَهُمْ أَوْ أَعْرِضْ عَنْهُمْ ۖ وَإِنْ تُعْرِضْ عَنْهُمْ فَلَنْ يَضُرُّوكَ شَيْئًا ۖ وَإِنْ حَكَمْتَ فَاحْكُمْ بَيْنَهُمْ بِالْقِسْطِ ۚ إِنَّ اللَّهَ يُحِبُّ الْمُقْسِطِينَ
43
Тауратыр ахэмэ яIэу, ащ Алахьым иунашъохэр итхэу о сыдэущтэу ахэмэ къады уашIына? ЕтIанэ акIыб къагъазэшъ IокIыжьых, шIошъхъуныгъэ яIэп.
وَكَيْفَ يُحَكِّمُونَكَ وَعِنْدَهُمُ التَّوْرَاةُ فِيهَا حُكْمُ اللَّهِ ثُمَّ يَتَوَلَّوْنَ مِنْ بَعْدِ ذَٰلِكَ ۚ وَمَا أُولَٰئِكَ بِالْمُؤْمِنِينَ
44
Шъыпкъэныгъэмрэ нэфынэмрэ зэрыт Библиер Тэ къедгъэхыгъ, пегъэмбархэу ащ фэIорышIэу щытыгъэхэм иудей диныр зыIыгъхэм ащкIэ яIоф аIощтыгъэ, джурт дин пащэхэмрэ тхылъыр шIу зылъэгъухэмрэ Алахьым итхыгъэ щыщэу ежьхэм аIыгъымкIэ Iофыр аIощтыгъ, ащ ахэр ишыхьатых. ЦIыфмэ шъуащымыщын, Сэ сищынагъо шъугу ижъугъэлъ! Сэ сиIэятэ къэгъэшъыпкъагъэмэ ачIыпIэкIэ осэ макIэ зиIэр къэшъумыщэф! Алахьым къыригъэхыгъэм уасэ фэзымышIырэр джаур.
إِنَّا أَنْزَلْنَا التَّوْرَاةَ فِيهَا هُدًى وَنُورٌ ۚ يَحْكُمُ بِهَا النَّبِيُّونَ الَّذِينَ أَسْلَمُوا لِلَّذِينَ هَادُوا وَالرَّبَّانِيُّونَ وَالْأَحْبَارُ بِمَا اسْتُحْفِظُوا مِنْ كِتَابِ اللَّهِ وَكَانُوا عَلَيْهِ شُهَدَاءَ ۚ فَلَا تَخْشَوُا النَّاسَ وَاخْشَوْنِ وَلَا تَشْتَرُوا بِآيَاتِي ثَمَنًا قَلِيلًا ۚ وَمَنْ لَمْ يَحْكُمْ بِمَا أَنْزَلَ اللَّهُ فَأُولَٰئِكَ هُمُ الْكَافِرُونَ
45
Ащ Тэ ахэмэ унашъо къащыфэтшIыгъ, псэм пае псэ, нэм пае нэ, пэм пае пэ, тхьакIумэм пае тхьакIум, цэм пае цэ, уIагъэхэр лъышIэжь хъунхэ фае, ау ар сэдакъэм фэдэу зыгъэгъурэм псэкIодшIагъэу иIэхэр фэгъущтых. Алахьым къыригъэхыгъэм уасэ фэзымышIырэмэ зэфагъэ ахэлъэп.
وَكَتَبْنَا عَلَيْهِمْ فِيهَا أَنَّ النَّفْسَ بِالنَّفْسِ وَالْعَيْنَ بِالْعَيْنِ وَالْأَنْفَ بِالْأَنْفِ وَالْأُذُنَ بِالْأُذُنِ وَالسِّنَّ بِالسِّنِّ وَالْجُرُوحَ قِصَاصٌ ۚ فَمَنْ تَصَدَّقَ بِهِ فَهُوَ كَفَّارَةٌ لَهُ ۚ وَمَنْ لَمْ يَحْكُمْ بِمَا أَنْزَلَ اللَّهُ فَأُولَٰئِكَ هُمُ الظَّالِمُونَ
46
Ежь ыпэкIэ Библием итыгъэр зэрэшъыпкъэр къыгъэшъыпкъэжьэу, Мерэм ыкъо Хьисэ ахэмэ ялъэуж рыкIонэу Тэ унашъо фэтшIыгъ ыкIи Тэ ащ Евангелиер еттыгъ, ащ ыпэкIэ Библием итыгъэр къыгъэшъыпкъэжьэу, Тхьэр зышIошъ хъухэрэмкIэ IэпыIэгъоу ыкIи шIэныгъэу, ащ шъыпкъагъэмрэ нэфынэмрэ итыгъэх.
وَقَفَّيْنَا عَلَىٰ آثَارِهِمْ بِعِيسَى ابْنِ مَرْيَمَ مُصَدِّقًا لِمَا بَيْنَ يَدَيْهِ مِنَ التَّوْرَاةِ ۖ وَآتَيْنَاهُ الْإِنْجِيلَ فِيهِ هُدًى وَنُورٌ وَمُصَدِّقًا لِمَا بَيْنَ يَدَيْهِ مِنَ التَّوْرَاةِ وَهُدًى وَمَوْعِظَةً لِلْمُتَّقِينَ
47
Евангелием уасэ зэрэфашIын фаер ащ итэу Алахьым къафыригъэхыгъэр ары. Алахьым къыригъэхыгъэм тэрэзэу уасэ фэзымышIырэр щыкIыгъэхэр арых.
وَلْيَحْكُمْ أَهْلُ الْإِنْجِيلِ بِمَا أَنْزَلَ اللَّهُ فِيهِ ۚ وَمَنْ لَمْ يَحْكُمْ بِمَا أَنْزَلَ اللَّهُ فَأُولَٰئِكَ هُمُ الْفَاسِقُونَ
48
Тхыгъэм щыщхэу ыпэкIэ къыфедгъэхыгъэхэр зэрэшъыпкъэхэр къыушыхьатэу ыкIи ар къыухъумэу шъыпкъэ зэрыт тхыгъэр Тэ о къыфедгъэхыгъ. Алахьым къыфыригъэхыгъэм тетэу ахэмэ уасэ афэшI нахь, о шъыпкъэу къыпфэкIуагъэм укIэрыкIэу ахэмэ яшIоигъоныгъэ улъымыкIу. Тэ шъуащыщ пэпчъ гъогу фыхэтхыгъ. Алахьыр фэягъэмэ, зэкIэми зы цIыф лъэпкъэу шъукъигъэхъуни, ау къышъуитырэмкIэ Ащ шъуиушэты шIоигъу. Ащ пае зым адырэм шIоу фишIэщтым шъукIэгуI, зэкIэми Алахьым дэжь жъугъэзэжьыщт, зэмызэгъыныгъэу шъуазфагу илъыгъэр Ащ къышъуигъэлъэгъужьыщт!
وَأَنْزَلْنَا إِلَيْكَ الْكِتَابَ بِالْحَقِّ مُصَدِّقًا لِمَا بَيْنَ يَدَيْهِ مِنَ الْكِتَابِ وَمُهَيْمِنًا عَلَيْهِ ۖ فَاحْكُمْ بَيْنَهُمْ بِمَا أَنْزَلَ اللَّهُ ۖ وَلَا تَتَّبِعْ أَهْوَاءَهُمْ عَمَّا جَاءَكَ مِنَ الْحَقِّ ۚ لِكُلٍّ جَعَلْنَا مِنْكُمْ شِرْعَةً وَمِنْهَاجًا ۚ وَلَوْ شَاءَ اللَّهُ لَجَعَلَكُمْ أُمَّةً وَاحِدَةً وَلَٰكِنْ لِيَبْلُوَكُمْ فِي مَا آتَاكُمْ ۖ فَاسْتَبِقُوا الْخَيْرَاتِ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُمْ بِمَا كُنْتُمْ فِيهِ تَخْتَلِفُونَ
49
Алахьым къыригъэхыгъэм тетэу ахэмэ яIоф зэхэф: Ахэмэ яшIоигъоныгъэхэм зыдямыгъэхьых. Алахьым о къыфыригъэхыгъэм щыщ. Iахь горэм къэрарынчъэу удагъэхыным зыщыухъум. Ахэмэ акIыб къызагъазэкIэ, зэгъашIэ, псэкIодышIэгъэ горэхэу яIэм пае Алахьым ахэр ыукIыхэ шIоигъу. Шъыпкъэ дэдэмкIэ, цIыфмэ ащыщыбэхэр щыкIыгъэх!
وَأَنِ احْكُمْ بَيْنَهُمْ بِمَا أَنْزَلَ اللَّهُ وَلَا تَتَّبِعْ أَهْوَاءَهُمْ وَاحْذَرْهُمْ أَنْ يَفْتِنُوكَ عَنْ بَعْضِ مَا أَنْزَلَ اللَّهُ إِلَيْكَ ۖ فَإِنْ تَوَلَّوْا فَاعْلَمْ أَنَّمَا يُرِيدُ اللَّهُ أَنْ يُصِيبَهُمْ بِبَعْضِ ذُنُوبِهِمْ ۗ وَإِنَّ كَثِيرًا مِنَ النَّاسِ لَفَاسِقُونَ
50
Гъэсэныгъэ зыщямыIэгъэ уахътэм хабзэу яIагъэхэм ахэр фэенхэуи? ШIошъхъуныгъэ зиIэ купым иIоф зэхифыщтмэ, Алахьым ихьыкум нахьышIоу сыд щыIэр?
أَفَحُكْمَ الْجَاهِلِيَّةِ يَبْغُونَ ۚ وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ
51
О шIошъхъуныгъэ шъыпкъэ зышIыгъэхэр! Джуртхэмрэ чиристанхэмрэ ныбджэгъу шъумышIых: Ахэр зым адырэр иныбджэгъу. Шъо шъущыщ горэм ахэр ныбджэгъу ешIымэ, ар ахэмэ ащыщ. Жъалымагъэ зыхэлъ цIыфхэр Алахьым ыгъэгъуазэрэп!
يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَىٰ أَوْلِيَاءَ ۘ بَعْضُهُمْ أَوْلِيَاءُ بَعْضٍ ۚ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ ۗ إِنَّ اللَّهَ لَا يَهْدِي الْقَوْمَ الظَّالِمِينَ
52
Зыгу уз илъхэр гуIэхэзэ ахэмэ адэжь къызэрэкIохэрэр, зэраIорэр олъэгъу "тинасып зыкъызэпыригъэзэным тэ тыщэщтэ!", ау Алахьым текIоныгъэ къыфихьын е нэмыкI унашъо горэ Ежь дэжь къикIэу къыпфишIынкIи мэхъу, джащыгъум ахэмэ агу раушъафэщтыгъэм рыкIэгъожьыщтых.
فَتَرَى الَّذِينَ فِي قُلُوبِهِمْ مَرَضٌ يُسَارِعُونَ فِيهِمْ يَقُولُونَ نَخْشَىٰ أَنْ تُصِيبَنَا دَائِرَةٌ ۚ فَعَسَى اللَّهُ أَنْ يَأْتِيَ بِالْفَتْحِ أَوْ أَمْرٍ مِنْ عِنْدِهِ فَيُصْبِحُوا عَلَىٰ مَا أَسَرُّوا فِي أَنْفُسِهِمْ نَادِمِينَ
53
ШIошъхъуныгъэ шъыпкъэ зышIыгъэхэм аIощт: "Iо хэмылъэу шъо шъуигъусэнхэу, лъэшэу зэбгыжьхэзэ, Алахьым ыцIэкIэ Iуагъэ зышIыщтыгъэхэр ахэр арых шъуIуа? Ахэмэ ашIагъэм уасэ иIэжьэп, насыпынчъэхэу ахэр къэнагъэх"
وَيَقُولُ الَّذِينَ آمَنُوا أَهَٰؤُلَاءِ الَّذِينَ أَقْسَمُوا بِاللَّهِ جَهْدَ أَيْمَانِهِمْ ۙ إِنَّهُمْ لَمَعَكُمْ ۚ حَبِطَتْ أَعْمَالُهُمْ فَأَصْبَحُوا خَاسِرِينَ
54
О шIошъхъуныгъэ шъыпкъэ зышIыгъэхэр! Шъо шъущыщэу идин гокIырэмэ ачIыпIэ Алахьым Ежь шIу ылъэгъухэрэр, Ежь шIу къэзылъэгъухэрэр, Тхьэр зышIошъ хъухэрэмэ гукIэгъу афэзышIыхэрэр, джаурмэ афэпхъашэхэр, Алахьым игъогу тетхэу егугъоу заохэрэр, гыехэрэм ягые щымыщтэхэрэр къыригъэуцощтых. Алахьым ишIушIэ джащ фэд: Ар Ежь зыфаем хьалэлэу етэ, Алахьым зэкIэ ыIэ илъ, ешIэ!
يَا أَيُّهَا الَّذِينَ آمَنُوا مَنْ يَرْتَدَّ مِنْكُمْ عَنْ دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلَا يَخَافُونَ لَوْمَةَ لَائِمٍ ۚ ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ وَاسِعٌ عَلِيمٌ
55
Шъо шъукъэзыухъумэрэр Алахь закъор, Ащ илIыкIу ыкIи шIошъхъуныгъэ шъыпкъэ зиIэхэу, нэмаз зышIыхэу, агу зыгъэкъэбзэрэ сэдакъэ зытыхэу, Тхьэм шъхьащэ фэзышIыхэрэр арых.
إِنَّمَا وَلِيُّكُمُ اللَّهُ وَرَسُولُهُ وَالَّذِينَ آمَنُوا الَّذِينَ يُقِيمُونَ الصَّلَاةَ وَيُؤْتُونَ الزَّكَاةَ وَهُمْ رَاكِعُونَ
56
Алахьыр ыкIи Ащ илIыкIо ухъумакIохэу зыштэхэрэр, Алахьыр зышIошъ хъухэрэр Тхьэм пэблагъэ мэхъух. Алахьым готхэр текIощтых.
وَمَنْ يَتَوَلَّ اللَّهَ وَرَسُولَهُ وَالَّذِينَ آمَنُوا فَإِنَّ حِزْبَ اللَّهِ هُمُ الْغَالِبُونَ
57
О шIошъхъуныгъэ шъыпкъэ зышIыгъэхэр! ШъуапэкIэ тхыгъэр къызэратыгъэхэри, джаурхэри, шъуидин кIэнэкIалъэ, джэгуалъэ зышIыхэри ныбджэгъу шъумышIых. Тхьэр шъушIошъ мэхъумэ, Алахьым ищынагъо шъугу ижъугъэлъ!
يَا أَيُّهَا الَّذِينَ آمَنُوا لَا تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا مِنَ الَّذِينَ أُوتُوا الْكِتَابَ مِنْ قَبْلِكُمْ وَالْكُفَّارَ أَوْلِيَاءَ ۚ وَاتَّقُوا اللَّهَ إِنْ كُنْتُمْ مُؤْمِنِينَ
58
Нэмазым къекIолIэнхэу шъуяджэ зыхъукIэ, ахэмэ ар сэмэркъэукIэ, джэгуалъэкIэ алъытэ. Ар аущтэу зыкIэхъурэр къызгурымыIорэ цIыфхэу ахэр щытхэшъ ары.
وَإِذَا نَادَيْتُمْ إِلَى الصَّلَاةِ اتَّخَذُوهَا هُزُوًا وَلَعِبًا ۚ ذَٰلِكَ بِأَنَّهُمْ قَوْمٌ لَا يَعْقِلُونَ
59
ЯIу: "О КъурIаным еджэхэрэр! Тэ Алахьым, къытфыригъэхыгъагъэм, ащ ыпэкIэ къытфырагъэхыгъагъэм шIошъхъуныгъэ шъыпкъэ зэрафэтшIыгъэм, шъо шъущыщыбэхэр щыкIыгъэхэу зэрэщытхэм пая фэмылъэгъуныгъэ къызыкIытфэшъушIыгъэр ?"
قُلْ يَا أَهْلَ الْكِتَابِ هَلْ تَنْقِمُونَ مِنَّا إِلَّا أَنْ آمَنَّا بِاللَّهِ وَمَا أُنْزِلَ إِلَيْنَا وَمَا أُنْزِلَ مِنْ قَبْلُ وَأَنَّ أَكْثَرَكُمْ فَاسِقُونَ
60
ЯIу: "Шъо Алахьым тынэу къышъуфишIыщтым нахь тхьамыкIагъо горэ къышъосIон слъэкIына? Алахьым бгыбзэ зэрихыгъэу игубж зытефагъэхэр мамунэ ыкIи къо ышIыгъэх, Тагъутэ шъхьащэ фэзышIхэрэр, гъогу занкIэм зыдэхыгъэхэм ыуж анахь псэупIэ тхьамыкIагъор агъотыщт".
قُلْ هَلْ أُنَبِّئُكُمْ بِشَرٍّ مِنْ ذَٰلِكَ مَثُوبَةً عِنْدَ اللَّهِ ۚ مَنْ لَعَنَهُ اللَّهُ وَغَضِبَ عَلَيْهِ وَجَعَلَ مِنْهُمُ الْقِرَدَةَ وَالْخَنَازِيرَ وَعَبَدَ الطَّاغُوتَ ۚ أُولَٰئِكَ شَرٌّ مَكَانًا وَأَضَلُّ عَنْ سَوَاءِ السَّبِيلِ
61
Ахэр шъо шъуадэжь къызыкIохэкIэ, аIо: "Тэ Тхьэр тшIошъ мэхъу!" ШIошъхъуныгъэ ямыIэу ахэр къихьагъэх, ар зэрягъусэу икIыжьыгъэх. Шъыпкъэ дэдэмкIэ, ахэмэ аушъэфрэр Алахьым нахьышIоу ешIэ,
وَإِذَا جَاءُوكُمْ قَالُوا آمَنَّا وَقَدْ دَخَلُوا بِالْكُفْرِ وَهُمْ قَدْ خَرَجُوا بِهِ ۚ وَاللَّهُ أَعْلَمُ بِمَا كَانُوا يَكْتُمُونَ
62
Ахэмэ ащыщыбэхэр псэкIод агъэхъэнымкIэ, зэпыинхэмкIэ, зыфимытхэр адырынхэмкIэ зыр адырэм ыпэ ишъыным зэрэфэгуIэхэрэр олъэгъу. Ахэмэ ашIэрэр дэи!
وَتَرَىٰ كَثِيرًا مِنْهُمْ يُسَارِعُونَ فِي الْإِثْمِ وَالْعُدْوَانِ وَأَكْلِهِمُ السُّحْتَ ۚ لَبِئْسَ مَا كَانُوا يَعْمَلُونَ
63
Ахэмэ хэбзэнчъэ гущыIэхэу къашIыхэрэм, афамыдэрэм зэрэфэнэепсыехэм джурт дин пащэхэмрэ тхылъыр шIу зылъэгъухэрэмрэ афамыIажэщтыгъэхэмэ, ахэмэ ашIэрэр боу емыкIу хъуни!
لَوْلَا يَنْهَاهُمُ الرَّبَّانِيُّونَ وَالْأَحْبَارُ عَنْ قَوْلِهِمُ الْإِثْمَ وَأَكْلِهِمُ السُّحْتَ ۚ لَبِئْسَ مَا كَانُوا يَصْنَعُونَ
64
Джуртмэ аIуагъ: "Алахьым ыIэ пхыгъэ!" Ежьхэмэ аIэхэр пхыгъэх, ахэмэ нэлат къарихыгъ. Ащ ыIитIу къэщэигъ: зыфаем фэдиз Ащ къареты. Iо хэлъэп, о уи Тхьэ къыфыригъэхыгъэр ахэмэ ащыщыбэхэм зэряIэм зэрэгъощагъэхэр ыкIи шIошъхъуныгъэу ямыIэр нахь лъэш ешIы ныIэп. Тэ ахэмэ азфагу къызыщыхъужьыщтхэ мафэм нэс пыиныгъэмрэ фэмылъэгъуныгъэмрэ итыдзагъ. Заом имашIо ахэмэ зэрэзэкIагъэблагъэм лъыпытэу, Алахьым ар егъэкIуасэ. ПсэкIодыбэ чIыгум щашIэным ахэр фэблэх, ау псэкIод шIагъэр нахьыбэ зышIыхэрэр Алахьым шIу ылъэгъухэрэп!
وَقَالَتِ الْيَهُودُ يَدُ اللَّهِ مَغْلُولَةٌ ۚ غُلَّتْ أَيْدِيهِمْ وَلُعِنُوا بِمَا قَالُوا ۘ بَلْ يَدَاهُ مَبْسُوطَتَانِ يُنْفِقُ كَيْفَ يَشَاءُ ۚ وَلَيَزِيدَنَّ كَثِيرًا مِنْهُمْ مَا أُنْزِلَ إِلَيْكَ مِنْ رَبِّكَ طُغْيَانًا وَكُفْرًا ۚ وَأَلْقَيْنَا بَيْنَهُمُ الْعَدَاوَةَ وَالْبَغْضَاءَ إِلَىٰ يَوْمِ الْقِيَامَةِ ۚ كُلَّمَا أَوْقَدُوا نَارًا لِلْحَرْبِ أَطْفَأَهَا اللَّهُ ۚ وَيَسْعَوْنَ فِي الْأَرْضِ فَسَادًا ۚ وَاللَّهُ لَا يُحِبُّ الْمُفْسِدِينَ
65
Тхыгъэр зышIэхэрэм шIошъхъуныгъэ шъыпкъэ ашIыгъэу, Тхьэм ищынагъо агу илъэу щытыгъэхэмэ, Тэ ахэмэ псэкIодэу ашIагъэхэр афэдгъэгъунхи, джэнэтым итщэныгъэхи.
وَلَوْ أَنَّ أَهْلَ الْكِتَابِ آمَنُوا وَاتَّقَوْا لَكَفَّرْنَا عَنْهُمْ سَيِّئَاتِهِمْ وَلَأَدْخَلْنَاهُمْ جَنَّاتِ النَّعِيمِ
66
Библиемрэ Евангелиемрэ ыкIи я Тхьэ къафыригъэхыгъэмрэ ахэр афэшъыпкъэхэу щытыгъэхэмэ, ашъхьагъ щыIэри, алъэгучIэгъ щыIэри гъомылэ афэхъуни. Тэрэзэу зекIорэ цIыфхэр ахэмэ ахэтых, ау ащыщыбэхэм бзэджагъэхэр ашIэх!
وَلَوْ أَنَّهُمْ أَقَامُوا التَّوْرَاةَ وَالْإِنْجِيلَ وَمَا أُنْزِلَ إِلَيْهِمْ مِنْ رَبِّهِمْ لَأَكَلُوا مِنْ فَوْقِهِمْ وَمِنْ تَحْتِ أَرْجُلِهِمْ ۚ مِنْهُمْ أُمَّةٌ مُقْتَصِدَةٌ ۖ وَكَثِيرٌ مِنْهُمْ سَاءَ مَا يَعْمَلُونَ
67
О лIыкIор! О Тхьэм къыпфыригъэхыгъэр ятыжь. Ар о зымышIэкIэ, Ащ къаригъэхьыгъэр яптыжьыщтэп. А цIыфхэм о Алахьым уащиухъумэщт. Алахьым джаурхэр гъогу занкIэ рищэхэрэп!
يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ ۖ وَإِنْ لَمْ تَفْعَلْ فَمَا بَلَّغْتَ رِسَالَتَهُ ۚ وَاللَّهُ يَعْصِمُكَ مِنَ النَّاسِ ۗ إِنَّ اللَّهَ لَا يَهْدِي الْقَوْمَ الْكَافِرِينَ
68
ЯIу: "Тхыгъэм еджэхэрэр! Библиемрэ Евангелиемрэ ыкIи шъуи Тхьэ къышъуфыригъэхыгъэмрэ шъомыгъэцэкIэфэхэ, IэубытыпIэ шъуфэхъун щыIэп". Ау о уи Тхьэ къыфыригъэхыгъэм ахэмэ ащыщыбэхэр зэрэгъощагъэхэр, шIошъхъуныгъэу ямыIэр нахь лъэш ешIы ныIэп. Джаур цIыфхэм апае о умынэшхъэй!
قُلْ يَا أَهْلَ الْكِتَابِ لَسْتُمْ عَلَىٰ شَيْءٍ حَتَّىٰ تُقِيمُوا التَّوْرَاةَ وَالْإِنْجِيلَ وَمَا أُنْزِلَ إِلَيْكُمْ مِنْ رَبِّكُمْ ۗ وَلَيَزِيدَنَّ كَثِيرًا مِنْهُمْ مَا أُنْزِلَ إِلَيْكَ مِنْ رَبِّكَ طُغْيَانًا وَكُفْرًا ۖ فَلَا تَأْسَ عَلَى الْقَوْمِ الْكَافِرِينَ
69
Шъыпкъэ дэдэмкIэ, шIошъхъуныгъэ шъыпкъэ зышIыгъэхэм, иудей, сабиIун ыкIи чиристан динхэри зыIыгъхэм, хэтми ахърэт мафэми Алахьым шIошъхъуныгъэ шъыпкъэ фэзышIыгъэхэм ыкIи шIу зышIэщтыгъэм щынагъо ашъхьарытыщтэп, ахэмэ чэфынчъагъи къякIущтэп!
إِنَّ الَّذِينَ آمَنُوا وَالَّذِينَ هَادُوا وَالصَّابِئُونَ وَالنَّصَارَىٰ مَنْ آمَنَ بِاللَّهِ وَالْيَوْمِ الْآخِرِ وَعَمِلَ صَالِحًا فَلَا خَوْفٌ عَلَيْهِمْ وَلَا هُمْ يَحْزَنُونَ
70
Исраил ыкъохэм тэ Iуагъэ адэтшIыгъ, ахэмэ пегъэмбархэр афэдгъэкIуагъэх. Ахэр зыфэмые горэ лIыкIом къафихьы къэс, ащыщхэр пцIыускIэ алъытэщтыгъэх, ащыщхэр аукIыщтыгъэх.
لَقَدْ أَخَذْنَا مِيثَاقَ بَنِي إِسْرَائِيلَ وَأَرْسَلْنَا إِلَيْهِمْ رُسُلًا ۖ كُلَّمَا جَاءَهُمْ رَسُولٌ بِمَا لَا تَهْوَىٰ أَنْفُسُهُمْ فَرِيقًا كَذَّبُوا وَفَرِيقًا يَقْتُلُونَ
71
Ащ пае зыпари тхьамыкIагъо къэмыхъунэу ахэр егупшысэщтыгъэх, нэшъухэу, дэгухэу щытыгъэх. Загъорэ кIэгъожьыгъэхэу ахэмэ Алахьым зыфагъазэщтыгъэ, ау етIани ащыщыбэхэр нэшъухэу, дэгухэу къэнэжьыщтыгъэх. Ахэмэ ашIэрэр Алахьым ешIэ!
وَحَسِبُوا أَلَّا تَكُونَ فِتْنَةٌ فَعَمُوا وَصَمُّوا ثُمَّ تَابَ اللَّهُ عَلَيْهِمْ ثُمَّ عَمُوا وَصَمُّوا كَثِيرٌ مِنْهُمْ ۚ وَاللَّهُ بَصِيرٌ بِمَا يَعْمَلُونَ
72
ШIошъхъуныгъэ яIагъэп моущтэу зыIощтыгъэхэм: "Алахьыр Мерэм ыкъо Хьисэр ары". Хьисэ ыIуагъ: "О Исраил ыкъохэр! Сэ си Тхьэу, шъори шъуи Тхьэу Алахьым шъхьащэ фэшъушI!" НэмыкIхэр Алахьым гозгъэуцохэрэр Алахьым джэнэтым ригъэхьэщтхэп. Ахэмэ псэупIэ афэхъущтыр джэхьнэм машIор ары, хэбзэнчъэхэм IэпыIэгъуи агъотыщтэп!
لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ ۖ وَقَالَ الْمَسِيحُ يَا بَنِي إِسْرَائِيلَ اعْبُدُوا اللَّهَ رَبِّي وَرَبَّكُمْ ۖ إِنَّهُ مَنْ يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ ۖ وَمَا لِلظَّالِمِينَ مِنْ أَنْصَارٍ
73
Тхьэ закъом фэшъхьаф зыпари Тхьэ щымыIэ пэтзэ, шIошъхъуныгъэ яIагъэп моущтэу зыIощтыгъэхэм: "Алахьыр ахэмэ ящэнэрэ" Ахэмэ аIорэмкIэ зызамыIажэкIэ, шIошъхъуныгъэ шъыпкъэ зымышIыгъэхэм хьазаб пщыныжь къафэкIощт.
لَقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلَاثَةٍ ۘ وَمَا مِنْ إِلَٰهٍ إِلَّا إِلَٰهٌ وَاحِدٌ ۚ وَإِنْ لَمْ يَنْتَهُوا عَمَّا يَقُولُونَ لَيَمَسَّنَّ الَّذِينَ كَفَرُوا مِنْهُمْ عَذَابٌ أَلِيمٌ
74
Ахэмэ Алахьым зыфамгъэзэнэуи, къафигъэгъунэу Ащ емылъэIунхэуи? Алахьым къыпфегъэгъу, гукIэгъушI!
أَفَلَا يَتُوبُونَ إِلَى اللَّهِ وَيَسْتَغْفِرُونَهُ ۚ وَاللَّهُ غَفُورٌ رَحِيمٌ
75
Мерэм ыкъо Хьисэ лIыкIо ныIэп, ащ ыпэкIэ щыIэгъэ лIыкIомэ афэд, ащ янэ цIыф къызэрыкIо шъыпкъагъ. НэбгыритIуми гъомылэ ашхыщтыгъэ. ЩысэтехыпIэхэр Тэ ахэмэ зэрагурыдгъаIорэм еплъ, етIанэ ахэмэ акъыл зэрямыIэм!
مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَأُمُّهُ صِدِّيقَةٌ ۖ كَانَا يَأْكُلَانِ الطَّعَامَ ۗ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّىٰ يُؤْفَكُونَ
76
ЯIу: "Алахьым фэшъхьафэу шъо зэрари феди къышъозыхын зымылъэкIырэм шъхьащэ фэшъошIа? Ау Алахьым зэхехы, ешIэ"
قُلْ أَتَعْبُدُونَ مِنْ دُونِ اللَّهِ مَا لَا يَمْلِكُ لَكُمْ ضَرًّا وَلَا نَفْعًا ۚ وَاللَّهُ هُوَ السَّمِيعُ الْعَلِيمُ
77
ЯIу: "Тхыгъэм еджэхэрэр! Шъуидин шъуемылыекI, мышъыпкъэ хэшъумылъхь, нахьыпэкIэ гъощэгъэ цIыфхэм, бэхэр зыгъэгъощагъэхэм яжъалымагъэ шъукIырымыплъ, гъогу занкIэм дэхыхи, ахэр гъощагъэх".
قُلْ يَا أَهْلَ الْكِتَابِ لَا تَغْلُوا فِي دِينِكُمْ غَيْرَ الْحَقِّ وَلَا تَتَّبِعُوا أَهْوَاءَ قَوْمٍ قَدْ ضَلُّوا مِنْ قَبْلُ وَأَضَلُّوا كَثِيرًا وَضَلُّوا عَنْ سَوَاءِ السَّبِيلِ
78
Исраил ыкъохэм ащыщхэу джаурхэм Даутэ ыкIи Мерэм ыкъо Хьисэ аIупэкIэ ябгыгъэх! Ар аущтэу зыкIашIыгъэр ахэр зэрэдэIохъугъэхэм, бзэджашIэхэу зэрэщытыгъэхэм пай.
لُعِنَ الَّذِينَ كَفَرُوا مِنْ بَنِي إِسْرَائِيلَ عَلَىٰ لِسَانِ دَاوُودَ وَعِيسَى ابْنِ مَرْيَمَ ۚ ذَٰلِكَ بِمَا عَصَوْا وَكَانُوا يَعْتَدُونَ
79
Мыхъунэу ашIэрэм ахэмэ зыфаIажэщтыгъэп. Ахэмэ ашIэщтыгъэр лъэшэу дэи!
كَانُوا لَا يَتَنَاهَوْنَ عَنْ مُنْكَرٍ فَعَلُوهُ ۚ لَبِئْسَ مَا كَانُوا يَفْعَلُونَ
80
ШIошъхъуныгъэ шъыпкъэ зимыIагъэхэр ахэмэ ащыщыбэхэм ныбджэгъу зэрашIырэр олъэгъу. Ахэмэ апсэхэм нахьыпэкIэ афагъэхьазырыгъэр зэрэдэир! Алахьым ахэмэ губж афишIыгъ, егъашIэм ахэр пщыныжьым хэтыщтых!
تَرَىٰ كَثِيرًا مِنْهُمْ يَتَوَلَّوْنَ الَّذِينَ كَفَرُوا ۚ لَبِئْسَ مَا قَدَّمَتْ لَهُمْ أَنْفُسُهُمْ أَنْ سَخِطَ اللَّهُ عَلَيْهِمْ وَفِي الْعَذَابِ هُمْ خَالِدُونَ
81
Ахэмэ Алахьым, лIыкIом, ащ къыфыригъэхыгъэм шIошъхъуныгъэ фыряIагъэмэ, ахэр ныбджэгъукIэ аштэнхэеп, ау ахэмэ ащыщыбэхэр щыкIыгъэх!
وَلَوْ كَانُوا يُؤْمِنُونَ بِاللَّهِ وَالنَّبِيِّ وَمَا أُنْزِلَ إِلَيْهِ مَا اتَّخَذُوهُمْ أَوْلِيَاءَ وَلَٰكِنَّ كَثِيرًا مِنْهُمْ فَاسِقُونَ
82
О, Iо хэлъэп, шIошъхъуныгъэ шъыпкъэ зиIэхэм анахь жъалымэу фэмылъэгъуныгъэ къафэзышIыгъэхэр джуртхэмрэ тхьабэ зышIошъ хъухэрэмрэ арэу зэрэщытыр ошIэ, ащ игъусэу ошIэ шIошъхъуныгъэ шъыпкъэ зиIэхэр анахь лъэшэу шIу зылъэгъухэрэр моущтэу зыIощтыгъэхэр ары: "Тэ тычиристан!" Ар къызхэкIрэр ахэмэ дин пащэхэр, диныр шынкIэу зехьэгъэным икIэщакIохэр зэрахэтхэм пай, ахэмэ загъэпагэрэп.
لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا ۖ وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَىٰ ۚ ذَٰلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ
83
Пегъэмбарым ыпшъэкIэ къыфырагъэхыгъэм ахэр едэIухэ зыхъукIэ, шъыпкъэу ашIагъэм пае анэхэм нэпсыр къызэракIэчъырэр олъэгъу. Ахэмэ аIо: "Ярэби я Алахь! Тэ шIошъхъуныгъэ шъыпкъэ тшIыгъэ, кIэгъожьыгъэхэм тэри тахатх!
وَإِذَا سَمِعُوا مَا أُنْزِلَ إِلَى الرَّسُولِ تَرَىٰ أَعْيُنَهُمْ تَفِيضُ مِنَ الدَّمْعِ مِمَّا عَرَفُوا مِنَ الْحَقِّ ۖ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ
84
Сыд пае тэ Алахьыми шъыпкъэу къытфакIорэми шIошъхъуныгъэ шъыпкъэ фэтымышIыщта? ШIу зышIэрэ цIыфхэм ти Тхьэ тэри ащыщ тишIы тшIоигъу".
وَمَا لَنَا لَا نُؤْمِنُ بِاللَّهِ وَمَا جَاءَنَا مِنَ الْحَقِّ وَنَطْمَعُ أَنْ يُدْخِلَنَا رَبُّنَا مَعَ الْقَوْمِ الصَّالِحِينَ
85
Ахэмэ аIощтыгъэм пае Алахьым джэнэтыр тын афишIыгъ, ахэр егъашIэм ащ исыщтых. ШIу зышIэхэрэм джары ятыныр.
فَأَثَابَهُمُ اللَّهُ بِمَا قَالُوا جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ وَذَٰلِكَ جَزَاءُ الْمُحْسِنِينَ
86
Адырэхэу шIошъхъуныгъэ шъыпкъэ зимыIагъэхэу, Тэ тиIэятэ къэгъэшъыпкъагъэхэр пцIыкIэ зылъытэщтыгъэхэр джыхьнэм машIом щыпсэущтых!
وَالَّذِينَ كَفَرُوا وَكَذَّبُوا بِآيَاتِنَا أُولَٰئِكَ أَصْحَابُ الْجَحِيمِ
87
О шIошъхъуныгъэ шъыпкъэ зышIыгъэхэр! Шъощ пае Алахьым шIоу къыгъэшIыгъэр шъушхын шъуфимытэу шъумышIы. Зэфэнчъэу шъумызекIу, сыда пIомэ, мызафэхэр Алахьым шIу ылъэгъухэрэп!
يَا أَيُّهَا الَّذِينَ آمَنُوا لَا تُحَرِّمُوا طَيِّبَاتِ مَا أَحَلَّ اللَّهُ لَكُمْ وَلَا تَعْتَدُوا ۚ إِنَّ اللَّهَ لَا يُحِبُّ الْمُعْتَدِينَ
88
Шъушхын шъуфитэу Алахьым къышъуитыгъэ шIуагъэхэр шъушхых. шIошъхъуныгъэ шъыпкъэ зыфэшъушIыгъэ Алахьым ищынагъо шъугу ижъугъэлъ!
وَكُلُوا مِمَّا رَزَقَكُمُ اللَّهُ حَلَالًا طَيِّبًا ۚ وَاتَّقُوا اللَّهَ الَّذِي أَنْتُمْ بِهِ مُؤْمِنُونَ
89
Шъо Iуагъэу шъушIыхэрэм шъхьэпсынкIагъэу къахэжъугъафэрэм пае Алахьым шъуигъэпщынэщтэп, ау Iуагъэу зытешъулъхьажьырэмэ апае Ащ шъуегъэпщынэ. А псэкIод шIагъэм пщыныжь тегъэкIэу иIэн ылъэкIыщтыр шъо шъуиунагъомэ яжъугъэшхырэ шхыным фэдэкIэ тхьамыкIэ нэбгырипшI жъугъэшхэныр е ахэр шъуфэпэнхэр, е пщылIыр шъхьафит шъушIыныр. Ар зыфэмылъэкIыщтым мэфищэ ынэкIын фае. Iуагъэу зыфэшъушIыжьыгьэхэр джары зэрэзытешъухыжьыщтхэр. Iуагъэу шъушIыгъэхэр жъугъэцэкIэжьых. Джаущтэу Алахьым щысэтехыпIэхэр къыжъугурегъаIох, разэ шъухъункIи мэхъу!
لَا يُؤَاخِذُكُمُ اللَّهُ بِاللَّغْوِ فِي أَيْمَانِكُمْ وَلَٰكِنْ يُؤَاخِذُكُمْ بِمَا عَقَّدْتُمُ الْأَيْمَانَ ۖ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ ۖ فَمَنْ لَمْ يَجِدْ فَصِيَامُ ثَلَاثَةِ أَيَّامٍ ۚ ذَٰلِكَ كَفَّارَةُ أَيْمَانِكُمْ إِذَا حَلَفْتُمْ ۚ وَاحْفَظُوا أَيْمَانَكُمْ ۚ كَذَٰلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَشْكُرُونَ
90
О шIошъхъуныгъэ шъыпкъэ зышIыгъэхэр! Шъоныр, ахъщэ ешIэныр, мыжъосынэмэ къурмэн афэпшIыныр, щэбзэоныр шэйтаным уигъэшIэрэ бзэджагъэмэ ащыщых. Ахэр хьэрамышъ, защышъудзый, насыпышIо шъухъункIи мэхъу!
يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ
91
Санэмрэ ахъщэ ешIэнымрэкIэ шэйтаным шъуазыфагу пыиныгъэрэ фэмылъэгъуныгъэрэ къырилъхьэ шIоигъу, Алахьыри нэмаз шIынри шъугу къэмыкIыжьынхэм фай. Шъо зышъумыIэжэнэуи?
إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلَاةِ ۖ فَهَلْ أَنْتُمْ مُنْتَهُونَ
92
Алахьым шъуфэIорышI, Ащ илIыкIо шъуфэIорышI, шъузфэсакъыжь. Шъо ащ шъугокIэу шъукъызэкIакIомэ, зэжъугъашIэ. Тэ тилIыкIо иIофыр шъыпкъэр зэхэугуфыкIыгъэу къыIожьыныр ары.
وَأَطِيعُوا اللَّهَ وَأَطِيعُوا الرَّسُولَ وَاحْذَرُوا ۚ فَإِنْ تَوَلَّيْتُمْ فَاعْلَمُوا أَنَّمَا عَلَىٰ رَسُولِنَا الْبَلَاغُ الْمُبِينُ
93
ШIошъхъуныгъэ шъыпкъэ зышIыгъэхэу шIу зышIэхэрэм ашхырэмкIэ мысагъэ ателъэп Тхьэм ищынагъо агу илъэу, шIошъхъуныгъэ шъыпкъэ ашIыгъэу, IофышIухэр ашIэхэу щытыгъэхэмэ, етIанэ Тхьэм ищынагъо агу илъэу, шIу ашIэу щытыгъэхэмэ, шIу зышIэхэрэр Алахьым шIу елъэгъух!
لَيْسَ عَلَى الَّذِينَ آمَنُوا وَعَمِلُوا الصَّالِحَاتِ جُنَاحٌ فِيمَا طَعِمُوا إِذَا مَا اتَّقَوْا وَآمَنُوا وَعَمِلُوا الصَّالِحَاتِ ثُمَّ اتَّقَوْا وَآمَنُوا ثُمَّ اتَّقَوْا وَأَحْسَنُوا ۗ وَاللَّهُ يُحِبُّ الْمُحْسِنِينَ
94
О шIошъхъуныгъэ шъыпкъэ зышIыгъэхэр! Шъэфэу ащ ищынагъо зыгу илъыр Алахьым ышIэным пае шэкIоным, е IэкIэ, е щэбзащэкIэ къащыжъугъотырэмкIэ Алахьым шъуеушэты. Ащ ыуж зэфэнчъэу зекIорэм лыуз пщыныжь фыщылъ.
يَا أَيُّهَا الَّذِينَ آمَنُوا لَيَبْلُوَنَّكُمُ اللَّهُ بِشَيْءٍ مِنَ الصَّيْدِ تَنَالُهُ أَيْدِيكُمْ وَرِمَاحُكُمْ لِيَعْلَمَ اللَّهُ مَنْ يَخَافُهُ بِالْغَيْبِ ۚ فَمَنِ اعْتَدَىٰ بَعْدَ ذَٰلِكَ فَلَهُ عَذَابٌ أَلِيمٌ
95
О шIошъхъуныгъэ шъыпкъэ зышIыгъэхэр! ЧэбэкIо чэсэй щыгъыныр шъущыгъэу шэкIоным къыщышъуубытхэрэр шъумыукI, шъуащыщэу ышIэзэ ар зышIэрэм иунэгъо былым щыщэу сыд фэдэми ыукIыгъэм тефэрэм фэдиз ытыжьыщт. Шъо шъущыщэу цIыф зэфитIу Чабэм арагъэщэнэу ар агъэнэфэщт, псэкIод шIагъэр зытепхыжьыным пае тхьамыкIэхэр бгъэшхэщтых, е изекIуакIэ зэрэхэбзэнчъэр гурыIоным пае нэкIыкIэ зэблихъущт. ЫпэкIэ хъугъэр Алахьым къыпфигъэгъущт, ау етIани зышIэрэм Алахьым фигъэгъущтэп. Алахьыр ины, фэмыгъэгъуныр ыIэ илъ!
يَا أَيُّهَا الَّذِينَ آمَنُوا لَا تَقْتُلُوا الصَّيْدَ وَأَنْتُمْ حُرُمٌ ۚ وَمَنْ قَتَلَهُ مِنْكُمْ مُتَعَمِّدًا فَجَزَاءٌ مِثْلُ مَا قَتَلَ مِنَ النَّعَمِ يَحْكُمُ بِهِ ذَوَا عَدْلٍ مِنْكُمْ هَدْيًا بَالِغَ الْكَعْبَةِ أَوْ كَفَّارَةٌ طَعَامُ مَسَاكِينَ أَوْ عَدْلُ ذَٰلِكَ صِيَامًا لِيَذُوقَ وَبَالَ أَمْرِهِ ۗ عَفَا اللَّهُ عَمَّا سَلَفَ ۚ وَمَنْ عَادَ فَيَنْتَقِمُ اللَّهُ مِنْهُ ۗ وَاللَّهُ عَزِيزٌ ذُو انْتِقَامٍ
96
Шъо хым (пцэжъые) шъущешэн, шъори гъогу тетхэми шъушхын шъуфит, ау ЧэбэкIо чэсэй щыгъыныр шъущэгъыфэ, гъушъапIэм (псэушъхьэхэр) къыщышъуубытынхэ шъуфитэп. Шъо зыдэжь жъугъэзэжьыщт Алахьым ищынагъо шъугу ижъугъэлъ!
أُحِلَّ لَكُمْ صَيْدُ الْبَحْرِ وَطَعَامُهُ مَتَاعًا لَكُمْ وَلِلسَّيَّارَةِ ۖ وَحُرِّمَ عَلَيْكُمْ صَيْدُ الْبَرِّ مَا دُمْتُمْ حُرُمًا ۗ وَاتَّقُوا اللَّهَ الَّذِي إِلَيْهِ تُحْشَرُونَ
97
ЦIыфмэ апае унэ лъапIэу Чабэр, мэзэ лъапIэр, къурмэныпхъэ былымыр, гъэдэхалъэхэр Алахьым ыгъэуцугъэх. Ар аущтэу зыкIишIыгъэр уашъом щыIи чIыгум щыIи Алахьым ыIэ зэрилъыр, Алахьым зэкIэ щыIэр зэришIэрэр шъушIэным пай.
جَعَلَ اللَّهُ الْكَعْبَةَ الْبَيْتَ الْحَرَامَ قِيَامًا لِلنَّاسِ وَالشَّهْرَ الْحَرَامَ وَالْهَدْيَ وَالْقَلَائِدَ ۚ ذَٰلِكَ لِتَعْلَمُوا أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ وَأَنَّ اللَّهَ بِكُلِّ شَيْءٍ عَلِيمٌ
98
ЗэжъугъашIэ, уигъэпщынэнкIэ Алахьыр лъэш, Алахьым къыпфегъэгъу, гукIэгъушI!
اعْلَمُوا أَنَّ اللَّهَ شَدِيدُ الْعِقَابِ وَأَنَّ اللَّهَ غَفُورٌ رَحِيمٌ
99
ЛIыкIом ышIэн фаер къыIожьыныр ары ныIэп. Шъо къэжъугъэлъагъори жъугъэбылъыри Алахьым ешIэ!
مَا عَلَى الرَّسُولِ إِلَّا الْبَلَاغُ ۗ وَاللَّهُ يَعْلَمُ مَا تُبْدُونَ وَمَا تَكْتُمُونَ
100
ЯIу: "Дэир бэ дэдэу ащ о удехьыхыми, дэимрэ дэгъумрэ зэфэдэхэп". Акъылыр шъуиунаеу Алахьым ищынагъо шъугу ижъугъэлъ, насыпышIо шъухъункIи мэхъу!
قُلْ لَا يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ ۚ فَاتَّقُوا اللَّهَ يَا أُولِي الْأَلْبَابِ لَعَلَّكُمْ تُفْلِحُونَ
101
О шIошъхъуныгъэ шъыпкъэ зышIыгъэхэр! Нафэ къышъуфэхъумэ, гукъао шъозгъэшIыщтхэм шъуакъыкIэмыупчI, КъурIаныр къызшъуфехыкIэ, ахэмэ шъуазыкIэупчIэрэм, нафэ къышъуфэхъущтых. Ахэмэ апае Алахьым къышъуфигъэгъугъ. Алахьым къыпфегъэгъу, шъабэ.
يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآنُ تُبْدَ لَكُمْ عَفَا اللَّهُ عَنْهَا ۗ وَاللَّهُ غَفُورٌ حَلِيمٌ
102
Шъо шъуапэкIэ ахэмэ цIыфхэр къакIэупчIагъэх, етIанэ ахэр ашIошъ мыхъоу къычIэкIыжьыгъэх.
قَدْ سَأَلَهَا قَوْمٌ مِنْ قَبْلِكُمْ ثُمَّ أَصْبَحُوا بِهَا كَافِرِينَ
103
Алахьым бахьири, саиби, васили, хьами ыгъэуцугъэхэп, ау шIошъхъуныгъэ шъыпкъэ зымышIыгъэхэм Алахьым имыхьакъ тыралъхьэ, ахэмэ анахьыбэмэ къагурыIорэп.
مَا جَعَلَ اللَّهُ مِنْ بَحِيرَةٍ وَلَا سَائِبَةٍ وَلَا وَصِيلَةٍ وَلَا حَامٍ ۙ وَلَٰكِنَّ الَّذِينَ كَفَرُوا يَفْتَرُونَ عَلَى اللَّهِ الْكَذِبَ ۖ وَأَكْثَرُهُمْ لَا يَعْقِلُونَ
104
Ахэмэ зэраIокIэ: "Алахьым къышъуфыригъэхыгъэмрэ лIыкIомрэ адэжь шъукIу", ахэмэ аIо: "ТэркIэ икъущт тятэхэм ядгъотылIагъэр!" Ахэмэ ятэхэм зыпари амышIэщтыгъэми гъогу занкIэм рымыкIощтыгъэхэми, ара?
وَإِذَا قِيلَ لَهُمْ تَعَالَوْا إِلَىٰ مَا أَنْزَلَ اللَّهُ وَإِلَى الرَّسُولِ قَالُوا حَسْبُنَا مَا وَجَدْنَا عَلَيْهِ آبَاءَنَا ۚ أَوَلَوْ كَانَ آبَاؤُهُمْ لَا يَعْلَمُونَ شَيْئًا وَلَا يَهْتَدُونَ
105
О шIошъхъуныгъэ шъыпкъэ зышIыгъэхэр! Шъо шъутелъыр шъупсэмэ шъуафэгумэкIыжьыныр ары ныIэп. Шъо занкIэу шъокIомэ, гъощагъэм лые къышъуихыщтэп. Шъо зэкIэми Алахьым дэжь жъугъэзэжьыщт, шъушIэщтыгъэр Ащ къышъуиIожьыщт!
يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ ۖ لَا يَضُرُّكُمْ مَنْ ضَلَّ إِذَا اهْتَدَيْتُمْ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُمْ بِمَا كُنْتُمْ تَعْمَلُونَ
106
О шIошъхъуныгъэ шъыпкъэ зышIыгъэхэр! Шъуащыщ горэм лIэныгъэр къызекIукIэ, осыет къызщишIыжьыщт уахътэм зэфагъэ зыхэлъ нэбгыритIу шъущыщхэу е гъогу шъутетэу хымэ чIыгу хьадэгъум итхьамыкIагъо къызышъушъхьарыхьэрэм, шъущымыщ нэбгыритIу шыхьат хъунхэу щыIэн фае. Шъо шъуеджэнджэшымэ, нэмаз ужым ахэр зэтешъуIажэх. Алахьым ыцIэкIэ ахэмэ тхьэ аIощт: "Iахьылхэм апаеу щытми, ар сыд фэдэ уасэкIи тщэщтэп, Алахьым къыушыхьатрэ тхылъыр дгъэбылъыщтэп. Аущтэу зыхъурэм, псэкIодыбэ зышIагъэмэ ащыщэу тэ тыщытыни!"
يَا أَيُّهَا الَّذِينَ آمَنُوا شَهَادَةُ بَيْنِكُمْ إِذَا حَضَرَ أَحَدَكُمُ الْمَوْتُ حِينَ الْوَصِيَّةِ اثْنَانِ ذَوَا عَدْلٍ مِنْكُمْ أَوْ آخَرَانِ مِنْ غَيْرِكُمْ إِنْ أَنْتُمْ ضَرَبْتُمْ فِي الْأَرْضِ فَأَصَابَتْكُمْ مُصِيبَةُ الْمَوْتِ ۚ تَحْبِسُونَهُمَا مِنْ بَعْدِ الصَّلَاةِ فَيُقْسِمَانِ بِاللَّهِ إِنِ ارْتَبْتُمْ لَا نَشْتَرِي بِهِ ثَمَنًا وَلَوْ كَانَ ذَا قُرْبَىٰ ۙ وَلَا نَكْتُمُ شَهَادَةَ اللَّهِ إِنَّا إِذًا لَمِنَ الْآثِمِينَ
107
Шъыпкъагъэ ахэмылъэу зекIуагъэхэу а нэбгыритIур къызычIэкIыкIэ, нэмыкI нэбгыритIу нахь яфэшъуашэу адырэхэм ачIыпIэ къиуцощт. Ахэмэ Алахьым ыцIэкIэ тхьэ аIощт: "Тэ къэтыушыхьатырэр адырэ нэбгыритIум къаушыхьатыгъэм нахь шъыпкъэщт. Тэ шъыпкъэм тыгокIыщтэп, армырмэ, диныр зышIошъ мыхъурэмэ ащыщэу тыщытыни".
فَإِنْ عُثِرَ عَلَىٰ أَنَّهُمَا اسْتَحَقَّا إِثْمًا فَآخَرَانِ يَقُومَانِ مَقَامَهُمَا مِنَ الَّذِينَ اسْتَحَقَّ عَلَيْهِمُ الْأَوْلَيَانِ فَيُقْسِمَانِ بِاللَّهِ لَشَهَادَتُنَا أَحَقُّ مِنْ شَهَادَتِهِمَا وَمَا اعْتَدَيْنَا إِنَّا إِذًا لَمِنَ الظَّالِمِينَ
108
ИщыкIэгъэ шыхьатыр къатын фаеу ащ ышIыщтых, ахэмэ ауж тхьарыIом ыуж тхьарыIо джыри ашIыжьыным щыщынэщтых. Алахьым ищынагъо шъугу ижъугъэлъ, шъуедэIу, цIыф лъэпкъ щыкIыгъэм Алахьыр пащэ фэхъурэп!
ذَٰلِكَ أَدْنَىٰ أَنْ يَأْتُوا بِالشَّهَادَةِ عَلَىٰ وَجْهِهَا أَوْ يَخَافُوا أَنْ تُرَدَّ أَيْمَانٌ بَعْدَ أَيْمَانِهِمْ ۗ وَاتَّقُوا اللَّهَ وَاسْمَعُوا ۗ وَاللَّهُ لَا يَهْدِي الْقَوْمَ الْفَاسِقِينَ
109
Зэгорэм Алахьым илIыкIохэр ыугъоинхэшъ ариIощт: "Шъо сыда джэуапэу къышъуатыгъэр?" ахэмэ аIощт : "Тэ шIэныгъэ тиIэп, шъэфыхэр Оры зышIэрэр".
يَوْمَ يَجْمَعُ اللَّهُ الرُّسُلَ فَيَقُولُ مَاذَا أُجِبْتُمْ ۖ قَالُوا لَا عِلْمَ لَنَا ۖ إِنَّكَ أَنْتَ عَلَّامُ الْغُيُوبِ
110
Джащыгъум Алахьым ыIощт: "Мерэм ыкъоу о Хьис! Ори уяни Сэ шIоу къышъуфэсшIагъэр, псэ лъапIэ Сэ къызэрэпхэслъхьагъэр угу къэгъэкIыжь. Кушъэм узхэлъми ины узэхъуми о цIыфмэ уадэгущыIэщтыгъ. Мары, Сэ озгъэшIэгъэ КъурIаныр, Iушыгъэр, Библиер, Евангелиер, мары, Сэ сиIизын хэлъэу бзыумэ яхьщырхэр ятIэм хэпшIыкIыщтыгъэх, ахэмэ уяпщэти, Сэ сиIизын хэлъэу бзыу хъущтыгъэх. Сэ сиIизын хэлъэу нэшъухэр, шъуаджэхэр бгъэхъужьыщтыгъэх, Сэ сиIизын хэлъэу лIагъэхэр къэбгъэхъужьыщтыгъэх. Iэятэ къэгъэшъыпкъэгъэ зэхэугуфыкIыгъэхэр уиIэхэу Исраил ыкъохэм адэжь укъызэкIом, ахэмэ Сэ уязгъэубытыгъэп. Ахэмэ ащыщхэу шIошъхъуныгъэ шъыпкъэ зимыIэхэм аIуагъ: "Ар гъэнэфагъэу шхъухьэ Iоф!"
إِذْ قَالَ اللَّهُ يَا عِيسَى ابْنَ مَرْيَمَ اذْكُرْ نِعْمَتِي عَلَيْكَ وَعَلَىٰ وَالِدَتِكَ إِذْ أَيَّدْتُكَ بِرُوحِ الْقُدُسِ تُكَلِّمُ النَّاسَ فِي الْمَهْدِ وَكَهْلًا ۖ وَإِذْ عَلَّمْتُكَ الْكِتَابَ وَالْحِكْمَةَ وَالتَّوْرَاةَ وَالْإِنْجِيلَ ۖ وَإِذْ تَخْلُقُ مِنَ الطِّينِ كَهَيْئَةِ الطَّيْرِ بِإِذْنِي فَتَنْفُخُ فِيهَا فَتَكُونُ طَيْرًا بِإِذْنِي ۖ وَتُبْرِئُ الْأَكْمَهَ وَالْأَبْرَصَ بِإِذْنِي ۖ وَإِذْ تُخْرِجُ الْمَوْتَىٰ بِإِذْنِي ۖ وَإِذْ كَفَفْتُ بَنِي إِسْرَائِيلَ عَنْكَ إِذْ جِئْتَهُمْ بِالْبَيِّنَاتِ فَقَالَ الَّذِينَ كَفَرُوا مِنْهُمْ إِنْ هَٰذَا إِلَّا سِحْرٌ مُبِينٌ
111
Хьисэ ригъэджагъэмэ Сэ ашIошъ згъэхъугъэ: "Сэри Сэ силIыкIуи шIошъхъуныгъэ шъыпкъэ афэшъушI" Ахэмэ аIуагъ: "Тэ шIошъхъуныгъэ шъыпкъэ тшIыгъэ, тызэрэфэIорышIэрэр къэушыхьат!"
وَإِذْ أَوْحَيْتُ إِلَى الْحَوَارِيِّينَ أَنْ آمِنُوا بِي وَبِرَسُولِي قَالُوا آمَنَّا وَاشْهَدْ بِأَنَّنَا مُسْلِمُونَ
112
Мары, Хьисэ ригъэджагъэмэ аIуагъ: "Мерэм ыкъоу о Хьис! О уи Тхьэ уашъом Iанэ къытфыраригъэхын ылъэкIыщта?" Ащ ариIуагъ: "Тхьэр шъушIошъ мэхъумэ, Алахьым ищынагъо шъугу ижъугъэлъ!"
إِذْ قَالَ الْحَوَارِيُّونَ يَا عِيسَى ابْنَ مَرْيَمَ هَلْ يَسْتَطِيعُ رَبُّكَ أَنْ يُنَزِّلَ عَلَيْنَا مَائِدَةً مِنَ السَّمَاءِ ۖ قَالَ اتَّقُوا اللَّهَ إِنْ كُنْتُمْ مُؤْمِنِينَ
113
Ахэмэ аIуагъ: "Тэ а Iанэм тыщышхэ тшIоигъу, тыгухэри Iэсэщтых, о шъыпкъэ къызэрэтэпIуагъэри тшIэщт, ащ шыхьати тыфэхъущт.
قَالُوا نُرِيدُ أَنْ نَأْكُلَ مِنْهَا وَتَطْمَئِنَّ قُلُوبُنَا وَنَعْلَمَ أَنْ قَدْ صَدَقْتَنَا وَنَكُونَ عَلَيْهَا مِنَ الشَّاهِدِينَ
114
Мерэм ыкъо Хьисэ ыIуагъ: "Ярэби я Алахь! Уашъом Iанэ къытфегъэх! Ар тащыщэу апэрэми, тащыщэу аужырэми мэфэкI фэхъущт. О уадэжь къикIырэ щысэ тфэхъущт. Тэ тыгъашх, сыда пIомэ зыгъашхэхэрэм зэкIэ О уанахьышIу!"
قَالَ عِيسَى ابْنُ مَرْيَمَ اللَّهُمَّ رَبَّنَا أَنْزِلْ عَلَيْنَا مَائِدَةً مِنَ السَّمَاءِ تَكُونُ لَنَا عِيدًا لِأَوَّلِنَا وَآخِرِنَا وَآيَةً مِنْكَ ۖ وَارْزُقْنَا وَأَنْتَ خَيْرُ الرَّازِقِينَ
115
Алахьым ыIуагъ: Сэ ар къышъуфезгъэхын, ау шъуащыщэу шIошъхъуныгъэ зимыIэу къанэрэр цIыфмэ ащыщэу зыпари дунаим зэрэщысымыгъэпщынагъэу Сэ згъэпщынэщт!"
قَالَ اللَّهُ إِنِّي مُنَزِّلُهَا عَلَيْكُمْ ۖ فَمَنْ يَكْفُرْ بَعْدُ مِنْكُمْ فَإِنِّي أُعَذِّبُهُ عَذَابًا لَا أُعَذِّبُهُ أَحَدًا مِنَ الْعَالَمِينَ
116
Мары, Алахьым ыIуагъ: Мерэм ыкъоу о Хьис! О цIыфмэ япIогъэна: "Алахьым фэшъхьафэу,сэри сэ сяни тхьитIоу тышъушт?" Ащ ыIуагъ: "Щытхъур о уадэжь! Сэ сызфимытыр сыдэущтэу ясIона? Сэ ясIуагъэмэ, О ар ошIэ. Сэ сыгу илъыр О ошIэ, ау О угу илъыр сэ сшIэрэп: гъэбылъыгъэри О ошIэ.
وَإِذْ قَالَ اللَّهُ يَا عِيسَى ابْنَ مَرْيَمَ أَأَنْتَ قُلْتَ لِلنَّاسِ اتَّخِذُونِي وَأُمِّيَ إِلَٰهَيْنِ مِنْ دُونِ اللَّهِ ۖ قَالَ سُبْحَانَكَ مَا يَكُونُ لِي أَنْ أَقُولَ مَا لَيْسَ لِي بِحَقٍّ ۚ إِنْ كُنْتُ قُلْتُهُ فَقَدْ عَلِمْتَهُ ۚ تَعْلَمُ مَا فِي نَفْسِي وَلَا أَعْلَمُ مَا فِي نَفْسِكَ ۚ إِنَّكَ أَنْتَ عَلَّامُ الْغُيُوبِ
117
О унашъоу къэпшIыгъэм фэшъхьаф сэ зыпари ахэмэ ясIуагъэп: "Сэ си Тхьэу, шъори шъуи Тхьэу Алахьым шъхьащэ фэшъушI!" Ахэмэ сахэтыфэ, сэ сышыхьатыгъ, ау сыздэощэежьым Оры ахэмэ ухъумакIоу яIагъэр, О зэкIэмэ уряшыхьат.
مَا قُلْتُ لَهُمْ إِلَّا مَا أَمَرْتَنِي بِهِ أَنِ اعْبُدُوا اللَّهَ رَبِّي وَرَبَّكُمْ ۚ وَكُنْتُ عَلَيْهِمْ شَهِيدًا مَا دُمْتُ فِيهِمْ ۖ فَلَمَّا تَوَفَّيْتَنِي كُنْتَ أَنْتَ الرَّقِيبَ عَلَيْهِمْ ۚ وَأَنْتَ عَلَىٰ كُلِّ شَيْءٍ شَهِيدٌ
118
О ахэр бгъэпщынэхэмэ, ахэр О уиIумэтых, О ахэмэ афэбгъэгъумэ, оры иныр, Iушыр!"
إِنْ تُعَذِّبْهُمْ فَإِنَّهُمْ عِبَادُكَ ۖ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ
119
Алахьым ыIуагъ: "Ар мафэу шъыпкъагъэ зиIэхэм яшъыпкъагъэ федэ зыщафэхъущтыр ары. Ахэр джэнэтым ихьащтых, егъашIэм исыщтых". Алахьыр ахэмэ къафэраз, ежьхэри Алахьым фэразэх. Ар хэхъоныгъэ ин дэд!
قَالَ اللَّهُ هَٰذَا يَوْمُ يَنْفَعُ الصَّادِقِينَ صِدْقُهُمْ ۚ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا أَبَدًا ۚ رَضِيَ اللَّهُ عَنْهُمْ وَرَضُوا عَنْهُ ۚ ذَٰلِكَ الْفَوْزُ الْعَظِيمُ
120
Уашъори, чIыгури, ахэмэ ащыIэри Алахьым ыIэ илъ. Ащ ыIэ къимыхьан щыIэп!
لِلَّهِ مُلْكُ السَّمَاوَاتِ وَالْأَرْضِ وَمَا فِيهِنَّ ۚ وَهُوَ عَلَىٰ كُلِّ شَيْءٍ قَدِيرٌ