1
Хьа Мим.
بِسْمِ اللَّهِ الرَّحْمَٰنِ الرَّحِيمِ حم
2
Тхылъэу зэхэугуфыкIыгъэмкIэ Iуагъэ сэшIы!
وَالْكِتَابِ الْمُبِينِ
3
Шъо къыжъугурыIоным пае КъурIаныр арапыбзэкIэ Тэ къышъуфедгъэхыгъ, шъуегупшысэнкIи мэхъу!
إِنَّا جَعَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ
4
Тадэжь щыIэ тхылъ ухъумагъэм щыкIэгъэнчъэу, гъэпытагъэу ар ит.
وَإِنَّهُ فِي أُمِّ الْكِتَابِ لَدَيْنَا لَعَلِيٌّ حَكِيمٌ
5
Шъо хэбзэнчъэ купэу шъузэрэщытым пае Тэ щыдгъэзыещта Алахьым и КъурIан?
أَفَنَضْرِبُ عَنْكُمُ الذِّكْرَ صَفْحًا أَنْ كُنْتُمْ قَوْمًا مُسْرِفِينَ
6
ЫпэкIэ щыIэгъэ цIыф лъэпкъыхэм пегъэмбар тхьапша Тэ къафэдгъэкIуагъэр!
وَكَمْ أَرْسَلْنَا مِنْ نَبِيٍّ فِي الْأَوَّلِينَ
7
Ахэр дэмыхьащхыгъэхэу зыпари пегъэмбар ахэмэ къафакIощтыгъэп.
وَمَا يَأْتِيهِمْ مِنْ نَبِيٍّ إِلَّا كَانُوا بِهِ يَسْتَهْزِئُونَ
8
Ахэмэ анахьи нахь лъэкI зиIэхэр Тэ дгъэкIодыгъэх, апэрэмэ ящысэ къэкIогъах.
فَأَهْلَكْنَا أَشَدَّ مِنْهُمْ بَطْشًا وَمَضَىٰ مَثَلُ الْأَوَّلِينَ
9
Уащъомрэ чIыгумрэ къэзгъэшIыгъэмкIэ ахэмэ о узяупчIыкIэ, Iо хэлъэп, аIощт: ахэр къэзгъэшIыгъэр щытхъушхо зыпылъэу, Iушэу,
وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ لَيَقُولُنَّ خَلَقَهُنَّ الْعَزِيزُ الْعَلِيمُ
10
Шъощ пае чIыгур кушъэ шъуфэзышIыгъэу, шъощ пае ащ гъогухэр щыхэзыхыгъэр ары, шъо занкIэу шъукIонкIи мэхъу!
الَّذِي جَعَلَ لَكُمُ الْأَرْضَ مَهْدًا وَجَعَلَ لَكُمْ فِيهَا سُبُلًا لَعَلَّكُمْ تَهْتَدُونَ
11
Шапхъэм тетэу уашъом псыр къезгъэхыгъэр Ары. Тэ ащкIэ хэгъэгоу лIагъэр къэтIэтыжьыгъ. Джащ фэдэу шъори шъукъагъэхъужьыщт.
وَالَّذِي نَزَّلَ مِنَ السَّمَاءِ مَاءً بِقَدَرٍ فَأَنْشَرْنَا بِهِ بَلْدَةً مَيْتًا ۚ كَذَٰلِكَ تُخْرَجُونَ
12
Лъэпкъ пстэури хъурэ бзырэ зэгъусэу Ащ къыгъэхъугъ, къухьэхэри шъузэрэшэсхэрэ хьайуанхэри къышъуфигъэхъугъэх,
وَالَّذِي خَلَقَ الْأَزْوَاجَ كُلَّهَا وَجَعَلَ لَكُمْ مِنَ الْفُلْكِ وَالْأَنْعَامِ مَا تَرْكَبُونَ
13
Ахэмэ атхыцIэхэм шъо защыжъугъэпытэным, ахэмэ зызащыжъугъэпытэрэм ыуж шъуи Тхьэ ишIушIэ шъугу къэкIыжьыным, шъуIоным пае: "Тэ ар тпшъэ имыфэу щытыгъэу, ар къытфэзышIагъэм щытхъур ыдэжь!
لِتَسْتَوُوا عَلَىٰ ظُهُورِهِ ثُمَّ تَذْكُرُوا نِعْمَةَ رَبِّكُمْ إِذَا اسْتَوَيْتُمْ عَلَيْهِ وَتَقُولُوا سُبْحَانَ الَّذِي سَخَّرَ لَنَا هَٰذَا وَمَا كُنَّا لَهُ مُقْرِنِينَ
14
Шъыпкъэ дэдэмкIэ, тэ ти Тхьэ дэжь тэгъэзэжьы!"
وَإِنَّا إِلَىٰ رَبِّنَا لَمُنْقَلِبُونَ
15
Ау Ащ иIумэтмэ ащыщ горэхэм ахэр яджагъэх. Шъыпкъэ дэдэмкIэ, гъэнэфагъэу цIыфым рэзэныгъэ иIэп!
وَجَعَلُوا لَهُ مِنْ عِبَادِهِ جُزْءًا ۚ إِنَّ الْإِنْسَانَ لَكَفُورٌ مُبِينٌ
16
Ащ къыгъэхъугъэмэ ащыщэу пшъашъэхэр ыштэхи, шъо шъаохэр къышъуитыгъэнэуи?
أَمِ اتَّخَذَ مِمَّا يَخْلُقُ بَنَاتٍ وَأَصْفَاكُمْ بِالْبَنِينَ
17
Ау ГукIэгъу зыхэлъым фагъэшъошэрэ цIыфмэ афэдэ горэ къафэхъугъэу ахэмэ ащыщ горэм макъэ зырагъэIукIэ, ынэгу къэушIункIы, игубж лъэш зэтыреIажэ.
وَإِذَا بُشِّرَ أَحَدُهُمْ بِمَا ضَرَبَ لِلرَّحْمَٰنِ مَثَلًا ظَلَّ وَجْهُهُ مُسْوَدًّا وَهُوَ كَظِيمٌ
18
Гъэдэхалъэмэ ахэсэу апIугъэр, ушъхьагъу икъу имыIэу нэкъокъоным сыдигъуи фэхьазырыр нафэба?
أَوَمَنْ يُنَشَّأُ فِي الْحِلْيَةِ وَهُوَ فِي الْخِصَامِ غَيْرُ مُبِينٍ
19
МэлаIичхэу ГукIэгъу зыхэлъым иIумэтхэр ахэмэ бзылъфыгъэхэу алъытэх. Ахэр къыгъэхъухэ зэхъум, ежьхэр щытыгъэха? Ахэмэ къаушыхьатрэр афатхыщт, ахэмэ яупчIыщтых!
وَجَعَلُوا الْمَلَائِكَةَ الَّذِينَ هُمْ عِبَادُ الرَّحْمَٰنِ إِنَاثًا ۚ أَشَهِدُوا خَلْقَهُمْ ۚ سَتُكْتَبُ شَهَادَتُهُمْ وَيُسْأَلُونَ
20
Ахэмэ аIощтыгъэ: "ГукIэгъу зыхэлъым шIоигъуагъэмэ, Тэ ахэмэ шъхьащэ афэтшIыныеп!" АщкIэ ахэмэ шIэныгъэ яIэп, къаугупшысы ныIэп!
وَقَالُوا لَوْ شَاءَ الرَّحْمَٰنُ مَا عَبَدْنَاهُمْ ۗ مَا لَهُمْ بِذَٰلِكَ مِنْ عِلْمٍ ۖ إِنْ هُمْ إِلَّا يَخْرُصُونَ
21
Ахэмэ Тэ тхылъ горэ ащ ыпэкIэ яттыгъа, аIыгъа?
أَمْ آتَيْنَاهُمْ كِتَابًا مِنْ قَبْلِهِ فَهُمْ بِهِ مُسْتَمْسِكُونَ
22
Ахэмэ аIуагъ: "Тэ тятэхэр шIэныгъэ горэм итхэу къэтлъэгъужьыгъэх, тэ, Iо хэмылъэу, ахэмэ ялъэуж занкIэу тырэкIо".
بَلْ قَالُوا إِنَّا وَجَدْنَا آبَاءَنَا عَلَىٰ أُمَّةٍ وَإِنَّا عَلَىٰ آثَارِهِمْ مُهْتَدُونَ
23
Ащ фэдэу о уапэкIэ гъэдэIокIо ушъыякIо гори дгъэкIогъагъэп, ащ яшIугъоу щыпсэухэрэм амыIоным пае: "Тэ тятэхэр шIэныгъэ горэм итхэу къэтлъэгъужьыгъэх: тэ ахэмэ ялъэуж тырэкIо!"
وَكَذَٰلِكَ مَا أَرْسَلْنَا مِنْ قَبْلِكَ فِي قَرْيَةٍ مِنْ نَذِيرٍ إِلَّا قَالَ مُتْرَفُوهَا إِنَّا وَجَدْنَا آبَاءَنَا عَلَىٰ أُمَّةٍ وَإِنَّا عَلَىٰ آثَارِهِمْ مُقْتَدُونَ
24
ЯIу: "Шъо шъуятэхэм яIагъэм нахь шIэныгъэ шъыпкъэ сэ сиIэу шъуадэжь сыкъэкIогъагъэмэ?" Ахэмэ аIуагъ: "Тэ, Iо хэлъэп, укъызфагъэкIуагъэр тшIошъ хъурэп".
قَالَ أَوَلَوْ جِئْتُكُمْ بِأَهْدَىٰ مِمَّا وَجَدْتُمْ عَلَيْهِ آبَاءَكُمْ ۖ قَالُوا إِنَّا بِمَا أُرْسِلْتُمْ بِهِ كَافِرُونَ
25
Тэ ахэмэ яфэшъуашэ ядгъэгъотыгъ. Тэ тилIыкIохэр гъэпцIакIокIэ зылъытэщтыгъэхэм кIэух афэхъугъэм еплъ!
فَانْتَقَمْنَا مِنْهُمْ ۖ فَانْظُرْ كَيْفَ كَانَ عَاقِبَةُ الْمُكَذِّبِينَ
26
Мары, Ибрахьимэ ятэ ицIыф лъэпкъ риIуагъ: "Шъо шъхьащэ зыфэшъушIырэм сэ сиIоф хэлъэп.
وَإِذْ قَالَ إِبْرَاهِيمُ لِأَبِيهِ وَقَوْمِهِ إِنَّنِي بَرَاءٌ مِمَّا تَعْبُدُونَ
27
Сэ сыкъэзгъэхъугъэм фэшъхьаф пащэ къысфэхъущтэп!"
إِلَّا الَّذِي فَطَرَنِي فَإِنَّهُ سَيَهْدِينِ
28
Ар ащ илъэпкъэу къыкIэхъухьэрэм егъашIэм хэлъым гущыIэу щигъэуцугъ, ахэмэ къагъэзэжьынкIи мэхъу!
وَجَعَلَهَا كَلِمَةً بَاقِيَةً فِي عَقِبِهِ لَعَلَّهُمْ يَرْجِعُونَ
29
Тхьабэ зышIошъ хъурэ арабмэ, ахэмэ ятэмэ чIыгум шIуагъэу телъхэр тхъэхэу агъэфедэнхэу, шъыпкъэмрэ лIыкIо нафэмрэ къафэмыкIохэзэ, сэ Iизын ястын.
بَلْ مَتَّعْتُ هَٰؤُلَاءِ وَآبَاءَهُمْ حَتَّىٰ جَاءَهُمُ الْحَقُّ وَرَسُولٌ مُبِينٌ
30
Ау шъыпкъэр ахэмэ зараIом, ахэмэ аIуагъ: "Ар шхъухьэ Iоф, тэ ар тшIошъ хъурэп".
وَلَمَّا جَاءَهُمُ الْحَقُّ قَالُوا هَٰذَا سِحْرٌ وَإِنَّا بِهِ كَافِرُونَ
31
Ахэмэ аIуагъ: "Сыд пае къоджитIумэ адэсмэ ащыщэу лъэкI ин зиIэ цIыф КъурIаныр къафыримыгъэхыгъа?"
وَقَالُوا لَوْلَا نُزِّلَ هَٰذَا الْقُرْآنُ عَلَىٰ رَجُلٍ مِنَ الْقَرْيَتَيْنِ عَظِيمٍ
32
О уи Тхьэ ишIушIэ ахэр ара зыгощхэрэр? ГъашIэу зыхэтхэм ахэмэ гъомылэу щашхыщтыр Тэ щафэдгощыгъ. Зым адырэр фэлэжьэным пае, чIыпIэу зэрытхэмкIэ зым адырэр нахь лъагэу фэтшIыгъ. Ахэмэ шIуагъэу аугъоирэмэ анахьи о уи Тхьэ ишIушIэ нахь дэгъу!
أَهُمْ يَقْسِمُونَ رَحْمَتَ رَبِّكَ ۚ نَحْنُ قَسَمْنَا بَيْنَهُمْ مَعِيشَتَهُمْ فِي الْحَيَاةِ الدُّنْيَا ۚ وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُمْ بَعْضًا سُخْرِيًّا ۗ وَرَحْمَتُ رَبِّكَ خَيْرٌ مِمَّا يَجْمَعُونَ
33
ЗэкIэ цIыфхэр зы цIыф лъэпкъыхэу (джаурмэ) яехэу хъуным тыщымыщтэу, ГукIэгъу зыхэлъыр зышIошъ мыхъурэмэ яунашъхьэхэр тыжьыным хэтшIыкIыни, ахэр зэрэдэкIуаерэ лъэоихэри Тэ афэтшIыни,
وَلَوْلَا أَنْ يَكُونَ النَّاسُ أُمَّةً وَاحِدَةً لَجَعَلْنَا لِمَنْ يَكْفُرُ بِالرَّحْمَٰنِ لِبُيُوتِهِمْ سُقُفًا مِنْ فِضَّةٍ وَمَعَارِجَ عَلَيْهَا يَظْهَرُونَ
34
Яунэмэ пчъэу ахэлъхэри, ахэр зытелъ гъолъыпIэхэри,
وَلِبُيُوتِهِمْ أَبْوَابًا وَسُرُرًا عَلَيْهَا يَتَّكِئُونَ
35
Гъэдэхагъэхэри арых. Ау ахэр зэкIэ гъашIэу зыхэтхэмкIэ шIуагъэх ныIэп, Тхьэм ищынагъо зыгу илъмэ апае ахърэтыр уи Тхьэ дэжь щыI.
وَزُخْرُفًا ۚ وَإِنْ كُلُّ ذَٰلِكَ لَمَّا مَتَاعُ الْحَيَاةِ الدُّنْيَا ۚ وَالْآخِرَةُ عِنْدَ رَبِّكَ لِلْمُتَّقِينَ
36
ГукIэгъу зыхэлъыр ыгу къыгъэкIыжьыным зыщызыдзыерэм Тэ шэйтаныр гъусэ фэтшIыщт, ащкIэ ар гъогогъу.
وَمَنْ يَعْشُ عَنْ ذِكْرِ الرَّحْمَٰنِ نُقَيِّضْ لَهُ شَيْطَانًا فَهُوَ لَهُ قَرِينٌ
37
Шэйтанмэ, Iо хэлъэп, ахэр гъогум дагъэхыщтых, ахэмэ къашIошIыщт гъогу занкIэм рыкIохэу
وَإِنَّهُمْ لَيَصُدُّونَهُمْ عَنِ السَّبِيلِ وَيَحْسَبُونَ أَنَّهُمْ مُهْتَدُونَ
38
ЦIыфыр Тэ тапашъхьэ къызихьажькIэ ыIощт: "А янасын, сэрырэ шэйтанымрэ тазфагу тыгъэ къокIыпIитIу гъогум фэдиз илъыгъэмэ! Сыдэу гъусэ дэя мы шэйтаныр!"
حَتَّىٰ إِذَا جَاءَنَا قَالَ يَا لَيْتَ بَيْنِي وَبَيْنَكَ بُعْدَ الْمَشْرِقَيْنِ فَبِئْسَ الْقَرِينُ
39
Шъо зэфэнчъэу шъущытыгъэмэ, мы мафэм зыкIи IэпыIэгъу къышъуфэхъущтэп (шъугу къызэреорэр), ащыгъум пщынэнымкIи шъузэгъусэу шъукъэнэжьыщт.
وَلَنْ يَنْفَعَكُمُ الْيَوْمَ إِذْ ظَلَمْتُمْ أَنَّكُمْ فِي الْعَذَابِ مُشْتَرِكُونَ
40
Дэгумэ зэхябгъэхын плъэкIына, нэшъухэр занкIэу пщэнха, нафэу гъощагъэхэр бгъэгъозэнхэ плъэкIына?
أَفَأَنْتَ تُسْمِعُ الصُّمَّ أَوْ تَهْدِي الْعُمْيَ وَمَنْ كَانَ فِي ضَلَالٍ مُبِينٍ
41
Тэ ахэмэ уахэтщыжьми, афэдгъэгъущтэп.
فَإِمَّا نَذْهَبَنَّ بِكَ فَإِنَّا مِنْهُمْ مُنْتَقِمُونَ
42
Е зэрэдгъэгугъагъэхэр одгъэлъэгъун: Тэ ахэмэ лъэкI афытиI!
أَوْ نُرِيَنَّكَ الَّذِي وَعَدْنَاهُمْ فَإِنَّا عَلَيْهِمْ مُقْتَدِرُونَ
43
О къыфырагъэхыгъэм гъусэгъэ пытэ дэшI! О гъогу тэрэз утет.
فَاسْتَمْسِكْ بِالَّذِي أُوحِيَ إِلَيْكَ ۖ إِنَّكَ عَلَىٰ صِرَاطٍ مُسْتَقِيمٍ
44
Мы КъурIаныр оркIи уилъэпкъкIи щытхъушху, шъо ащкIэ къышъоупчIыщтых.
وَإِنَّهُ لَذِكْرٌ لَكَ وَلِقَوْمِكَ ۖ وَسَوْفَ تُسْأَلُونَ
45
УапэкIэ къэдгъэкIогъэ лIыкIомэ яупчI: "ГукIэгъу зыхэлъым фэшъхьафэу тхьэхэу шъхьащэ зыфашIын фаехэр Тэ ахэмэ къафыхэтхыгъагъэха?"
وَاسْأَلْ مَنْ أَرْسَلْنَا مِنْ قَبْلِكَ مِنْ رُسُلِنَا أَجَعَلْنَا مِنْ دُونِ الرَّحْمَٰنِ آلِهَةً يُعْبَدُونَ
46
Тэ тиIэятэ къэгъэшъыпкъэжьыгъэхэр иIэхэу Фирхьаунрэ ащ илIэкъолъэшхэмрэ Тэ Мосэ афэдгъэкIогъагъ: Ащ ыIуагъ: "Зэрэдунае и Тхьэ сэ сырилIыкIу!"
وَلَقَدْ أَرْسَلْنَا مُوسَىٰ بِآيَاتِنَا إِلَىٰ فِرْعَوْنَ وَمَلَئِهِ فَقَالَ إِنِّي رَسُولُ رَبِّ الْعَالَمِينَ
47
Тэ тиIэятэ къэгъэшъыпкъэжьыгъэхэр иIэхэу ар адэжь къызэкIом, ахэр тиIэятэмэ къадэхьащхыщтыгъэх.
فَلَمَّا جَاءَهُمْ بِآيَاتِنَا إِذَا هُمْ مِنْهَا يَضْحَكُونَ
48
Iэятэ къэгъэшъыпкъэжьыгъэхэу ыпэкIэ щыIагъэмэ анахь мыгъэшIэгъонхэр Тэ ядгъэлъэгъухэрэп, Тэ ахэр дгъэпщынагъэх, ахэмэ къагъэзэжьынкIи мэхъу!
وَمَا نُرِيهِمْ مِنْ آيَةٍ إِلَّا هِيَ أَكْبَرُ مِنْ أُخْتِهَا ۖ وَأَخَذْنَاهُمْ بِالْعَذَابِ لَعَلَّهُمْ يَرْجِعُونَ
49
Ахэмэ аIуагъ: "О усэрэжъ! О Ащ укъызэригъэгугъагъэр къышIэнэу уи Тхьэ елъэIу. Тэ гъогу занкIэм тырыкIощт!"
وَقَالُوا يَا أَيُّهَ السَّاحِرُ ادْعُ لَنَا رَبَّكَ بِمَا عَهِدَ عِنْدَكَ إِنَّنَا لَمُهْتَدُونَ
50
Пщынэжьыр Тэ ахэмэ зашъхьарытэхым, яIуагъэ аукъуагъ.
فَلَمَّا كَشَفْنَا عَنْهُمُ الْعَذَابَ إِذَا هُمْ يَنْكُثُونَ
51
Мыщ фэдэ гущыIэхэр ицIыф лъэпкъ зэхыригъэхынэу фирхьаун унашъо ышIыгъ: "О сицIыф лъэпкъ, Мысыр хэгъэгури псыхъохэу сапашъхьэ щыблэчъыхэри сIэ илъба? Шъо ар шъулъэгъурэба?
وَنَادَىٰ فِرْعَوْنُ فِي قَوْمِهِ قَالَ يَا قَوْمِ أَلَيْسَ لِي مُلْكُ مِصْرَ وَهَٰذِهِ الْأَنْهَارُ تَجْرِي مِنْ تَحْتِي ۖ أَفَلَا تُبْصِرُونَ
52
Мы пкIэ зимыIахэу ерагъэу къэгущыIэрэм нахьи, сынахьышIуба?
أَمْ أَنَا خَيْرٌ مِنْ هَٰذَا الَّذِي هُوَ مَهِينٌ وَلَا يَكَادُ يُبِينُ
53
Дышъэм хэшIыкIыгъэ Iэхъухэр ащ ыIапшъэ илъыгъэхэмэ е ащ игъусэу, игъогогъухэу мэлаIичхэр къыдэкIогъагъэхэмэ!"
فَلَوْلَا أُلْقِيَ عَلَيْهِ أَسْوِرَةٌ مِنْ ذَهَبٍ أَوْ جَاءَ مَعَهُ الْمَلَائِكَةُ مُقْتَرِنِينَ
54
Ащ ицIыф лъэпкъ шъхьэпсынкIэ ышIыгъ, едэIугъэх. Ахэр цIыф лъэпкъ щыкIыгъэхэу щытыгъэх!
فَاسْتَخَفَّ قَوْمَهُ فَأَطَاعُوهُ ۚ إِنَّهُمْ كَانُوا قَوْمًا فَاسِقِينَ
55
Ахэмэ Тэ губж лъэш зытагъэшIым, афэдгъэгъугъэп, зэкIэ хым едгъэтхьэлагъэх.
فَلَمَّا آسَفُونَا انْتَقَمْنَا مِنْهُمْ فَأَغْرَقْنَاهُمْ أَجْمَعِينَ
56
Тэ ахэр ыпэкІэ щыІагъэхэу, ауж къэкІыгъэхэмкІэ щысэхэу тшІыгъэх.
فَجَعَلْنَاهُمْ سَلَفًا وَمَثَلًا لِلْآخِرِينَ
57
Мерэм ыкъо щысэу уицІыф лъэпкъ зыфагъэуцукІэ, ахэмэ ащ фэгъэхьыгъэр зэхахынэу фаехэп.
وَلَمَّا ضُرِبَ ابْنُ مَرْيَمَ مَثَلًا إِذَا قَوْمُكَ مِنْهُ يَصِدُّونَ
58
Ахэмэ аIуагъ: "Тэ титхьэхэра нахьышІухэр хьауми Мерэм ыкъуа?" Ахэмэ ар къызыкІаІорэр нэкъокъонхэм пай ныІэп. Ахэр зэнэкъокъурэ цІыф лъэпкъых!
وَقَالُوا أَآلِهَتُنَا خَيْرٌ أَمْ هُوَ ۚ مَا ضَرَبُوهُ لَكَ إِلَّا جَدَلًا ۚ بَلْ هُمْ قَوْمٌ خَصِمُونَ
59
ШІушІэр Тэ зэтти, Исраил ыкъохэм щысэ афэтшІыгъэу ар тиІумэт ныІэп.
إِنْ هُوَ إِلَّا عَبْدٌ أَنْعَمْنَا عَلَيْهِ وَجَعَلْنَاهُ مَثَلًا لِبَنِي إِسْرَائِيلَ
60
Тэ тшІоигъуагъэмэ, шъо шъущыщхэу мэлаІичхэр чІыгум къытедгъэхьанхи, шъуикІэнзехьэхэу тшІыныгъэхи.
وَلَوْ نَشَاءُ لَجَعَلْنَا مِنْكُمْ مَلَائِكَةً فِي الْأَرْضِ يَخْلُفُونَ
61
Ар, шъыпкъэ дэдэмкІэ, аджалым инэшан. Ащ шъуемыджэнджэш, Сэ сауж шъукъырыкІу! Ар гъогу занкІ.
وَإِنَّهُ لَعِلْمٌ لِلسَّاعَةِ فَلَا تَمْتَرُنَّ بِهَا وَاتَّبِعُونِ ۚ هَٰذَا صِرَاطٌ مُسْتَقِيمٌ
62
Шэйтаным шъудерэмыгъэх, ар шъуипый наф.
وَلَا يَصُدَّنَّكُمُ الشَّيْطَانُ ۖ إِنَّهُ لَكُمْ عَدُوٌّ مُبِينٌ
63
Іэятэ къэгъэшъыпкъэжьыгъэ зэхэугуфыкІыгъэхэр иІэхэу Хьисэ къызэкІом, ыІуагъ: "Сэ Іушыгъэ сиІэу шъуадэжь сыкъэкІуагъ, шъузфызэнэкъокъурэмэ ащыщ горэхэр къышъуфызэхэсфыщтых. Тхьэм шъущыщт, шъукъысфэІорышІ!
وَلَمَّا جَاءَ عِيسَىٰ بِالْبَيِّنَاتِ قَالَ قَدْ جِئْتُكُمْ بِالْحِكْمَةِ وَلِأُبَيِّنَ لَكُمْ بَعْضَ الَّذِي تَخْتَلِفُونَ فِيهِ ۖ فَاتَّقُوا اللَّهَ وَأَطِيعُونِ
64
Шъыпкъэ дэдэмкІэ, Алахьыр сэ си Тхь, шъори шъуи Тхьэ! Ащ шъхьащэ фэшъушІ! Ар гъогу занкІ!
إِنَّ اللَّهَ هُوَ رَبِّي وَرَبُّكُمْ فَاعْبُدُوهُ ۚ هَٰذَا صِرَاطٌ مُسْتَقِيمٌ
65
Куп зэфэшъхьафхэр зэнэкъокъужьыщтыгъэх! Зэфэнчъэу щытыгъэхэм хьазаб пщынэжь зыщахьыщт мафэм Тхьэ яуагъ!
فَاخْتَلَفَ الْأَحْزَابُ مِنْ بَيْنِهِمْ ۖ فَوَيْلٌ لِلَّذِينَ ظَلَمُوا مِنْ عَذَابِ يَوْمٍ أَلِيمٍ
66
Сыда ахэр зажэхэрэр! Ежьхэр зыщемыжэрэм ошІэ дэмышІэу къалъыІэсыщт сыхьатыр ара?
هَلْ يَنْظُرُونَ إِلَّا السَّاعَةَ أَنْ تَأْتِيَهُمْ بَغْتَةً وَهُمْ لَا يَشْعُرُونَ
67
Анахь ныбджэгъу благъэхэри а мафэм пыи зэфэхъущтых, ау Тхьэм ищынагъо зыгу илъхэр зэпыищтхэп!
الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ
68
О Сэ сиІумэтхэр! А мафэм шъоркІэ щынагъо щыІэп, чэфынчъэ шъухъущтэп,
يَا عِبَادِ لَا خَوْفٌ عَلَيْكُمُ الْيَوْمَ وَلَا أَنْتُمْ تَحْزَنُونَ
69
Тэ тиІэятэ къэгъэшъыпкъэжьыгъэхэм шІошъхъуныгъэ шъыпкъэ афэзышІыгъэхэр быслъымэнэу щытыгъэхэр ары.
الَّذِينَ آمَنُوا بِآيَاتِنَا وَكَانُوا مُسْلِمِينَ
70
Шъори шъуишъхьагъусэхэри джэнэтым шъуихь, шъуагъэрэзэщт!
ادْخُلُوا الْجَنَّةَ أَنْتُمْ وَأَزْوَاجُكُمْ تُحْبَرُونَ
71
Шъо дышъэ Іэгубжъэхэр, шъуинэплъэгъухэр зыгъатхъэхэрэр зэрыт бжъэхэр къышъуагъэуцокІыщтых. Шъо ащ егъашІэм шъуисыщт!
يُطَافُ عَلَيْهِمْ بِصِحَافٍ مِنْ ذَهَبٍ وَأَكْوَابٍ ۖ وَفِيهَا مَا تَشْتَهِيهِ الْأَنْفُسُ وَتَلَذُّ الْأَعْيُنُ ۖ وَأَنْتُمْ فِيهَا خَالِدُونَ
72
Джары шІушІагъэу шъуиІэмэ апае къышъуатыгъэ джэнэтыр.
وَتِلْكَ الْجَنَّةُ الَّتِي أُورِثْتُمُوهَا بِمَا كُنْتُمْ تَعْمَلُونَ
73
КъышъолыекІэу ащ пхъэшъхьэ=мышъхьэхэр щышъуиІэщтых, шъо ахэр шъушхыщтых.
لَكُمْ فِيهَا فَاكِهَةٌ كَثِيرَةٌ مِنْهَا تَأْكُلُونَ
74
Шъыпкъэ дэдэмкІэ, псэкІодышІэхэм егъэшІэрэ пщынэжьыр джэхьнэмым щызэхашІэу исыщтых.
إِنَّ الْمُجْرِمِينَ فِي عَذَابِ جَهَنَّمَ خَالِدُونَ
75
Ахэмэ псынкІэ къафашІыщтэп, агу кІодыгъэу ащ исыщтых.
لَا يُفَتَّرُ عَنْهُمْ وَهُمْ فِيهِ مُبْلِسُونَ
76
Тэ шъугу хэдгъэкІыгъэп, ау ахэр шъхьэкІохыхэу щытыгъэх.
وَمَا ظَلَمْنَاهُمْ وَلَٰكِنْ كَانُوا هُمُ الظَّالِمِينَ
77
Ахэр къэкууагъэх: "О Малик! Уи Тхьэ нахь псынкІэу терэгъалІ!" Ащ ыІуагъ: "Шъо хьазабым шъукъыхэнэщт".
وَنَادَوْا يَا مَالِكُ لِيَقْضِ عَلَيْنَا رَبُّكَ ۖ قَالَ إِنَّكُمْ مَاكِثُونَ
78
Тэ шъыпкъэр тиІэу шъуадэжь тыкъэкІуагъ, ау шъуанахьыбэмэ шъыпкъэр афэлъэгъурэп.
لَقَدْ جِئْنَاكُمْ بِالْحَقِّ وَلَٰكِنَّ أَكْثَرَكُمْ لِلْحَقِّ كَارِهُونَ
79
Джаурмэ хъытыухэр къагъэуцухэмэ, Тэри ахэмэ хъытыухэр афэдгъэуцущтых.
أَمْ أَبْرَمُوا أَمْرًا فَإِنَّا مُبْرِمُونَ
80
Е ахэмэ къашІошІа яшъэфхэри зэрэзэдэгущыІэжьхэри Тэ зэхэтымыхыхэу? Ары, Тэ тимэлаІичхэу ахэмэ ахэтхэм зэкІэ атхы.
أَمْ يَحْسَبُونَ أَنَّا لَا نَسْمَعُ سِرَّهُمْ وَنَجْوَاهُمْ ۚ بَلَىٰ وَرُسُلُنَا لَدَيْهِمْ يَكْتُبُونَ
81
ЯІу: "ГукІэгъу зыхэлъым къо иІагъэмэ, сэ апэрэу ащ шъхьащэ фэсшІыщтыгъэ".
قُلْ إِنْ كَانَ لِلرَّحْمَٰنِ وَلَدٌ فَأَنَا أَوَّلُ الْعَابِدِينَ
82
Уашъохэмрэ чІыгумрэ, я Тхьэ, дунэе лъэгапІэр зыІэ илъым щытхъур ыдэжь, имыфэшъуашэу Ащ гуагъэуцорэмэ Ар анахь лъаг!
سُبْحَانَ رَبِّ السَّمَاوَاتِ وَالْأَرْضِ رَبِّ الْعَرْشِ عَمَّا يَصِفُونَ
83
Ямафэ ахэр натІэкІэ емыутэкІыфэхэ, мафэу зэрагъэгугъагъэхэм ауж икІхи, гущыІэ нэкІхэр ашІыхэу, джэгухэу хэгъэтых.
فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ
84
Ар уашъом Щытхь, чІыгуми Щытхь, Ар Іуш, ешІэ!
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ
85
Уашъохэмрэ чІыгумрэ, ахэмэ азфагу илъыр зиІэмырыр Тхьашхоу зихъаир иныр ары. Сыхьатыр къызысыщтыр Ащ фэшъхьаф ышІэрэп, Ащ дэжь шъо къэжъугъэзэжьыщт.
وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِنْدَهُ عِلْمُ السَّاعَةِ وَإِلَيْهِ تُرْجَعُونَ
86
Ащ ычІыпІэкІэ шъузэлъэІухэрэм шъукъаухъумэн алъэкІыщтэп, ар зышІэн зылъэкІыщтыр шъыпкъэр къэзыушыхьатыгъэр ары. Джаурмэ ар къагурыІощт.
وَلَا يَمْلِكُ الَّذِينَ يَدْعُونَ مِنْ دُونِهِ الشَّفَاعَةَ إِلَّا مَنْ شَهِدَ بِالْحَقِّ وَهُمْ يَعْلَمُونَ
87
Ахэр къэзгъэхъугъэхэмкІэ уяупчІымэ, Іо хэмылъэу, аІощт: "Алахьыр ары". Ахэр зэрагъэплъэхъугъэхэр!
وَلَئِنْ سَأَلْتَهُمْ مَنْ خَلَقَهُمْ لَيَقُولُنَّ اللَّهُ ۖ فَأَنَّىٰ يُؤْفَكُونَ
88
Ащ еІо: "О я Алахь! Шъыпкъэ дэдэмкІэ, ахэр диныр зышІошъ мыхъурэ цІыфых!"
وَقِيلِهِ يَا رَبِّ إِنَّ هَٰؤُلَاءِ قَوْمٌ لَا يُؤْمِنُونَ
89
Ахэмэ афэгъэгъу, Іо: "Мамыр!" ЕтІанэ ахэмэ къикІрэр ашІэщт.
فَاصْفَحْ عَنْهُمْ وَقُلْ سَلَامٌ ۚ فَسَوْفَ يَعْلَمُونَ