1
Хьа Мим!
بِسْمِ اللَّهِ الرَّحْمَٰنِ الرَّحِيمِ حم
2
Мары ГукІэгъушІэу, ГукІэгъу зыхэлъым къыригъэхыгъэ тхылъыр,
تَنْزِيلٌ مِنَ الرَّحْمَٰنِ الرَّحِيمِ
3
Тхылъэу зиІэятэхэр къызгурыIорэмэ апае зыщызэхэугуфыкIыгъэр, арапыбзэкІэ къехыгъэ КъурІаныр,
كِتَابٌ فُصِّلَتْ آيَاتُهُ قُرْآنًا عَرَبِيًّا لِقَوْمٍ يَعْلَمُونَ
4
(Тхылъэу )къэбар къязгъэІурэр, къяушъыизэ къагурызгъаІорэр. Ау ахэмэ анахьыбэмэ акІыб къагъэзагъ, ахэр къэдаІохэрэп!
بَشِيرًا وَنَذِيرًا فَأَعْرَضَ أَكْثَرُهُمْ فَهُمْ لَا يَسْمَعُونَ
5
Ахэмэ аІо: "О тызыфапщэрэм тыгухэр фызэлъагъэх, фызэфэшІыгъэх, ттхьакІумэхэр къыІууагъэх, шъорырэ тэрырэ тазфагу озымыгъэлъэгъурэ пщагъо ит, (о угу зэрэрихьэу ) зекІо, (тэ зэрэтшІоигъоу ) тызекІощт.
وَقَالُوا قُلُوبُنَا فِي أَكِنَّةٍ مِمَّا تَدْعُونَا إِلَيْهِ وَفِي آذَانِنَا وَقْرٌ وَمِنْ بَيْنِنَا وَبَيْنِكَ حِجَابٌ فَاعْمَلْ إِنَّنَا عَامِلُونَ
6
ЯІу: "Сэ шъощ сыфэдэу сыцІыф, шъуитхьэ зэу сэ уахьыер къысфехы. Ащ шъуфаблэу, ыдэжь занкІэу шъукІу, Ащ къышъуфигъэгъунэу шъуелъэІу, нэмыкІытхьэхэр Тхьэм гозгъэуцохэрэмэ,
قُلْ إِنَّمَا أَنَا بَشَرٌ مِثْلُكُمْ يُوحَىٰ إِلَيَّ أَنَّمَا إِلَٰهُكُمْ إِلَٰهٌ وَاحِدٌ فَاسْتَقِيمُوا إِلَيْهِ وَاسْتَغْفِرُوهُ ۗ وَوَيْلٌ لِلْمُشْرِكِينَ
7
Зэчъатыр зымытыхэрэмэ, ахърэт гъашІэм шІошъхъуныгъэ шъыпкъэ фэзымышІыгъэхэм тхьэр яуагъ".
الَّذِينَ لَا يُؤْتُونَ الزَّكَاةَ وَهُمْ بِالْآخِرَةِ هُمْ كَافِرُونَ
8
ШІошъхъуныгъэ шъыпкъэ зышІыгъэхэу, шІу зышІэщтыгъэхэм мыухыжьын тын къаратыщт!
إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ
9
ЯІу: "ЧІыгур мэфитІукІэ къэзгъэшІыгъэм шІошъхъуныгъэ шъыпкъэ фэшъумышІэуи, Ащ зыгорэ фэжъугъадэу гошъогъэуцуа? Ар зэрэдунае и Тхь!
قُلْ أَئِنَّكُمْ لَتَكْفُرُونَ بِالَّذِي خَلَقَ الْأَرْضَ فِي يَوْمَيْنِ وَتَجْعَلُونَ لَهُ أَنْدَادًا ۚ ذَٰلِكَ رَبُّ الْعَالَمِينَ
10
Ащ чІыгум ыкІыІу пытэу щыт къушъхьэхэр къытыригъэуцуагъэх, иморад къыдэхъунэу ащ риІолІагъ гъомылэу тетхэр мэфиплІым къыкІоцІ къыкІэупчІэхэрэм апай къыгъэшІыгъ.
وَجَعَلَ فِيهَا رَوَاسِيَ مِنْ فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا فِي أَرْبَعَةِ أَيَّامٍ سَوَاءً لِلسَّائِلِينَ
11
ЕтІанэ, уашъор Іугъоу щытэу зыщигъэпытагъ, уашъоми чІыгуми ариІуагъ: "ШъуІорышІэу е шъуІорышІэнчъэу шъукъакІу!" Ахэмэ аІуагъ: "ТыІорышІэу тыкъэкІуагъ!"
ثُمَّ اسْتَوَىٰ إِلَى السَّمَاءِ وَهِيَ دُخَانٌ فَقَالَ لَهَا وَلِلْأَرْضِ ائْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ
12
Джащыгъум Ащ мэфитІум къыкІоцІ уашъор къатиблэу ыгощыгъ, ошъо къат пэпчъ ышІэщтыр гуригъэІуагъ, анахь ошъо благъэр Тэ къэзгъэнэфхэрэмкІэ дгъэкІэрэкІагъэ, ухъумакІохэр фэдгъэнэфагъэх. Ин дэдэу, Іушым джащ фэд зэригъэпсыгъэр.
فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَىٰ فِي كُلِّ سَمَاءٍ أَمْرَهَا ۚ وَزَيَّنَّا السَّمَاءَ الدُّنْيَا بِمَصَابِيحَ وَحِفْظًا ۚ ذَٰلِكَ تَقْدِيرُ الْعَزِيزِ الْعَلِيمِ
13
Ахэмэ акІыб къагъазэмэ, яІу: "Адэрэ Самудрэ къатеогъэ жьыуаем фэдэ къызэрэшъутеощтыр шъосэІо".
فَإِنْ أَعْرَضُوا فَقُلْ أَنْذَرْتُكُمْ صَاعِقَةً مِثْلَ صَاعِقَةِ عَادٍ وَثَمُودَ
14
Мары, ахэмэ апэкІи аужкІи къафэкІуагъэх лІыкІохэр: "Алахьым фэшъхьафэу зыми шъхьащэ фэшъумышІ". Ахэмэ аІуагъ: "Тэ ти Тхьэ шІоигъуагъэмэ, мэлаІичхэр къыгъэкІонхи, ау шъукъызфэкІуагъэр тэ тшІошъ хъурэп".
إِذْ جَاءَتْهُمُ الرُّسُلُ مِنْ بَيْنِ أَيْدِيهِمْ وَمِنْ خَلْفِهِمْ أَلَّا تَعْبُدُوا إِلَّا اللَّهَ ۖ قَالُوا لَوْ شَاءَ رَبُّنَا لَأَنْزَلَ مَلَائِكَةً فَإِنَّا بِمَا أُرْسِلْتُمْ بِهِ كَافِرُونَ
15
ЗэрэщымыткІэ Адхэри чІы шъхьашъом щыпэгагъэх, аІуагъ: "ИлъэкІыкІэ хэта нахь лъэшыр?" Алахьэу къэзгъэхъугъэр илъэкІыкІэ зэранахь лъэшыр ахэмэ алъэгъущтыгъэба? Тэ тиІэятэ къэгъэшъыпкъэжьыгъэхэри ахэмэ щагъэзыещтыгъэх.
فَأَمَّا عَادٌ فَاسْتَكْبَرُوا فِي الْأَرْضِ بِغَيْرِ الْحَقِّ وَقَالُوا مَنْ أَشَدُّ مِنَّا قُوَّةً ۖ أَوَلَمْ يَرَوْا أَنَّ اللَّهَ الَّذِي خَلَقَهُمْ هُوَ أَشَدُّ مِنْهُمْ قُوَّةً ۖ وَكَانُوا بِآيَاتِنَا يَجْحَدُونَ
16
ГъашІэу зыхэтхэм хьазаб шъхьэгъэцІыкІу пщынэжь ядгъэхьыным пае, Тэ ахэмэ мэфэкІ мафэхэм жьыуае афэдгъэкІуагъ. Ау ахърэт гъашІэм пщынэжьэу ахьыщтым ащ нахьи нахь хьэйнапэ рыхъущтых, ащ щызыухъумэнхэ ахэмэ агъотыщтэп.
فَأَرْسَلْنَا عَلَيْهِمْ رِيحًا صَرْصَرًا فِي أَيَّامٍ نَحِسَاتٍ لِنُذِيقَهُمْ عَذَابَ الْخِزْيِ فِي الْحَيَاةِ الدُّنْيَا ۖ وَلَعَذَابُ الْآخِرَةِ أَخْزَىٰ ۖ وَهُمْ لَا يُنْصَرُونَ
17
Самудхэм Тэ гъогу занкІэ ядгъэлъэгъугъ, ау гъогу занкIэм ычIыпIэкIэ, нэшъунхэр ахэмэ нахьышIу алъэгъугъ. Жьыуаеу шъхьэгъэцIыкIу пщынэжьыр къэзыхьрэр ахэмэ ашIагъэм пае къатеуагъ.
وَأَمَّا ثَمُودُ فَهَدَيْنَاهُمْ فَاسْتَحَبُّوا الْعَمَىٰ عَلَى الْهُدَىٰ فَأَخَذَتْهُمْ صَاعِقَةُ الْعَذَابِ الْهُونِ بِمَا كَانُوا يَكْسِبُونَ
18
ШIошъхъуныгъэ шъыпкъэ зышIыгъэхэу, Тхьэм ищынагъо зыгу илъыгъэхэр Тэ къэдгъэнэжьыгъэх.
وَنَجَّيْنَا الَّذِينَ آمَنُوا وَكَانُوا يَتَّقُونَ
19
Алахьым ипыйхэр мэшIо пашъхьэм зыщыщаугъоижьыщтхэ, куп Iужъоу зэхэтхэу зыщыкIощтхэ мэфэмкIэ ахэмэ афэгъэпыт.
وَيَوْمَ يُحْشَرُ أَعْدَاءُ اللَّهِ إِلَى النَّارِ فَهُمْ يُوزَعُونَ
20
Ахэр Ащ ыдэжь къызэкIожьхэм, атхьакIумэхэри, анэхэри, акIышъуи апэшIуекIохэу шыхьат хъугъагъэх.
حَتَّىٰ إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُمْ بِمَا كَانُوا يَعْمَلُونَ
21
Ахэмэ акIышъохэм араIуагъ: "Тэ шъукъытпэшIуекIоу сыд пае шыхьат шъухъура?" Ахэмэ аIуагъ: "Джа Тхьэу псэ зыпыт пэпчъ бзэ Iузылъхьагъэм тэ тыкъегъэгущыIэ. Шъо Ащ шъукъигъэхъугъэмэ, шъо Ащ дэжь джыри къэжъугъэзэжьыщт".
وَقَالُوا لِجُلُودِهِمْ لِمَ شَهِدْتُمْ عَلَيْنَا ۖ قَالُوا أَنْطَقَنَا اللَّهُ الَّذِي أَنْطَقَ كُلَّ شَيْءٍ وَهُوَ خَلَقَكُمْ أَوَّلَ مَرَّةٍ وَإِلَيْهِ تُرْجَعُونَ
22
Шъо шъутхьакIумэхэри, шъунэхэри, шъукIышъохэри къышъупемышIокIонхэу зыжъугъэбылъын шъулъэкIыщтыгъэп, ау шъушIэрэм щыщыбэ Алахьым ымышIэу шъо къышъушIошIыщтыгъэми.
وَمَا كُنْتُمْ تَسْتَتِرُونَ أَنْ يَشْهَدَ عَلَيْكُمْ سَمْعُكُمْ وَلَا أَبْصَارُكُمْ وَلَا جُلُودُكُمْ وَلَٰكِنْ ظَنَنْتُمْ أَنَّ اللَّهَ لَا يَعْلَمُ كَثِيرًا مِمَّا تَعْمَلُونَ
23
А шIошъхъуныгъэ нэпцIымкIэ шъо зыжъугъэпсэфыгъ, ащ шъуекIодылIагъ, джы шъо чIэнагъэ зышIыгъэмэ ащыщ шъухъугъ.
وَذَٰلِكُمْ ظَنُّكُمُ الَّذِي ظَنَنْتُمْ بِرَبِّكُمْ أَرْدَاكُمْ فَأَصْبَحْتُمْ مِنَ الْخَاسِرِينَ
24
Ахэмэ афэщыIэмэ, машIор яшъхьэегъэзыпI, ау шIу афашIэнэу къэлъаIохэ хъумэ, шIу зыфашIэрэмэ ащыщ хъущтхэп.
فَإِنْ يَصْبِرُوا فَالنَّارُ مَثْوًى لَهُمْ ۖ وَإِنْ يَسْتَعْتِبُوا فَمَا هُمْ مِنَ الْمُعْتَبِينَ
25
Ахэмэ апашъхьэ итымрэ аужкIэ щыIагъэмрэ дахэу язгъэлъэгъугъэ ныбджэгъухэр апэдгъэуцуагъэх, щыкIыгъэ цIыф лъэпкъыхэу ахэмэ апэкIэ щыIагъэхэм атыралъхьэгъагъэу шэйтанхэмрэ цIыфхэмрэ къахэкIыгъ, ахэр кIодыщтых.
وَقَيَّضْنَا لَهُمْ قُرَنَاءَ فَزَيَّنُوا لَهُمْ مَا بَيْنَ أَيْدِيهِمْ وَمَا خَلْفَهُمْ وَحَقَّ عَلَيْهِمُ الْقَوْلُ فِي أُمَمٍ قَدْ خَلَتْ مِنْ قَبْلِهِمْ مِنَ الْجِنِّ وَالْإِنْسِ ۖ إِنَّهُمْ كَانُوا خَاسِرِينَ
26
ШIошъхъуныгъэ шъыпкъэ зимыIагъэхэм аIуагъ: "КъурIаным къеджэхэ зыхъукIэ, шъуемыдэIу, къеджэрэм ымакъэ зэхэшъумыхыным пае, лъэшэу шъугущыI. Шъо шъуатекIонкIи мэхъу!"
وَقَالَ الَّذِينَ كَفَرُوا لَا تَسْمَعُوا لِهَٰذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ
27
ШIошъхъуныгъэ шъыпкъэ зимыIагъэхэм шIокIыпIэ имыIэу пщынэжь хьылъэ зэхашIэнэу Тэ атетлъхьащт! Дэеу ашIэщтыгъэм тефэрэр Тэ ахэмэ ядгъэгъотыщт!
فَلَنُذِيقَنَّ الَّذِينَ كَفَرُوا عَذَابًا شَدِيدًا وَلَنَجْزِيَنَّهُمْ أَسْوَأَ الَّذِي كَانُوا يَعْمَلُونَ
28
Джары Алахьым ипыймэ шIухьафтынэу яIэщтыр, ащ егъашIэм ахэр хэтыщтых, сыда пIомэ, ахэмэ Тэ тиIэятэ къэгъэ шъыпкъэжьыгъэхэр щагъэзыещтыгъэх.
ذَٰلِكَ جَزَاءُ أَعْدَاءِ اللَّهِ النَّارُ ۖ لَهُمْ فِيهَا دَارُ الْخُلْدِ ۖ جَزَاءً بِمَا كَانُوا بِآيَاتِنَا يَجْحَدُونَ
29
ШIошъхъуныгъэ шъыпкъэ зымышIыгъэхэм аIуагъ: "Ярэби я Алахь, цIыфхэми е шэйтанхэми ащыщхэми, тэ тызгъэгъощагъэхэр къытэгъэлъэгъух, кIодынхэм пае ахэр тлъэгу чIэгъ чIэтыдзэщтых!"
وَقَالَ الَّذِينَ كَفَرُوا رَبَّنَا أَرِنَا اللَّذَيْنِ أَضَلَّانَا مِنَ الْجِنِّ وَالْإِنْسِ نَجْعَلْهُمَا تَحْتَ أَقْدَامِنَا لِيَكُونَا مِنَ الْأَسْفَلِينَ
30
Шъыпкъэ дэдэмкIэ, моущтэу зыIохэрэм: "Тэ ти Тхьэр Алахьыр ары", етIанэ Ащ дэжь занкIэу кIохэрэм мэлаIичхэр къафехых. Шъумыщын, шъумынэшхъэй, шъукъызэрагъэгугъэгъэ джэнэтым шъукIэгушIу!
إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ
31
Шъо гъашIэу шъузхэтми ахърэтми Тэ шъутиныбджэгъу. Шъощ пае ащ щыIэр шъугухэр зыфаехэр ары, шъощ пае ащ щыIэр шъузкIэлъэIурэр ары.
نَحْنُ أَوْلِيَاؤُكُمْ فِي الْحَيَاةِ الدُّنْيَا وَفِي الْآخِرَةِ ۖ وَلَكُمْ فِيهَا مَا تَشْتَهِي أَنْفُسُكُمْ وَلَكُمْ فِيهَا مَا تَدَّعُونَ
32
Джаущтэу шъуиштэщт Къыпфэзгъэгъоу, ГукIэгъушIэм.
نُزُلًا مِنْ غَفُورٍ رَحِيمٍ
33
Алахьым фэзыщэхэрэм жабзэу Iулъым нахь дахэ хэт Iулъына, шIу зышIэу зыIорэм; "Сэ, шъыпкъэ дэдэмкIэ, Алахьым зезытыгъэмэ сащыщ!"
وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ
34
ШIумрэ емрэ зэготхэу кIонхэ алъэкIыщтэп. Ем пае шIу шIэ, о плъэгъущт уипый ныбджэгъу ухъумакIо къызэрэфэхъущтыр.
وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ
35
Ау зыщыIэщтыгъэхэм афэшъхьаф ар зыпарэми фагъэшъошагъэп, насыпышхо зыIэ илъмэ афэшъхьаф ар зыпарэми фагъэшъошагъэп.
وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ
36
О ем шэйтаным уфегъэблымэ, Алахьым дэжь шъхьэегъэзыпIэ щылъыхъу, сыда пIомэ, Ащ зэхехы, зэкIэ ешIэ!
وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ ۖ إِنَّهُ هُوَ السَّمِيعُ الْعَلِيمُ
37
Ащ иIэятэ къэгъэшъыпкъэжьыгъэмэ ащыщых мафэри чэщыри, тыгъэри мазэри. Тыгъэми мазэми шъхьащэ афэшъумышI, ау ахэр къэзгъэшIыгъэм шъо лъытэныгъэ фэшъошIымэ, Алахьым шъхьащэ фэшъушI!
وَمِنْ آيَاتِهِ اللَّيْلُ وَالنَّهَارُ وَالشَّمْسُ وَالْقَمَرُ ۚ لَا تَسْجُدُوا لِلشَّمْسِ وَلَا لِلْقَمَرِ وَاسْجُدُوا لِلَّهِ الَّذِي خَلَقَهُنَّ إِنْ كُنْتُمْ إِيَّاهُ تَعْبُدُونَ
38
Ау ахэр пагэ хъухэмэ, уи Тхьэ дэжь щыIэхэм Ащ ищытхъу чэщи мафи аIо, ахэр пшъыхэрэп.
فَإِنِ اسْتَكْبَرُوا فَالَّذِينَ عِنْدَ رَبِّكَ يُسَبِّحُونَ لَهُ بِاللَّيْلِ وَالنَّهَارِ وَهُمْ لَا يَسْأَمُونَ ۩
39
Ащ ищысэтехыпIэмэ ащыщ пкIыжьыгъэ фэдэу чIыгур о зэрэплъэгъурэр, ау Тэ ащ псыр къызыфедгъэхыкIэ, ар мэгумэкIы, къэбэгы. Ащ псэ къыпызгъэкIэжьыгъэм лIагъэхэри къыгъэхъужьыщтых. Ащ ыIэ къимыхьан щыIэп!
وَمِنْ آيَاتِهِ أَنَّكَ تَرَى الْأَرْضَ خَاشِعَةً فَإِذَا أَنْزَلْنَا عَلَيْهَا الْمَاءَ اهْتَزَّتْ وَرَبَتْ ۚ إِنَّ الَّذِي أَحْيَاهَا لَمُحْيِي الْمَوْتَىٰ ۚ إِنَّهُ عَلَىٰ كُلِّ شَيْءٍ قَدِيرٌ
40
Шъыпкъэ дэдэмкIэ, Тэ тиIэятэ къэгъэшъыпкъэжьыгъэхэр зымыштэхэрэр Тэ тинэплъэгъу икIхэрэп! Къаймэт мафэм щынэгъончъэ чIыпIэ итэу (Тхьэм ыпашъхьэ) къихьажьыщтым нахьи нахь IахьышIу ыгъотына псэкIодшIэгъабэ зиIэу машIом хадзэщтым? Шъо шъушIоигъор шъушIэ: шIо шъушIэрэр Ащ къелъэгъу!
إِنَّ الَّذِينَ يُلْحِدُونَ فِي آيَاتِنَا لَا يَخْفَوْنَ عَلَيْنَا ۗ أَفَمَنْ يُلْقَىٰ فِي النَّارِ خَيْرٌ أَمْ مَنْ يَأْتِي آمِنًا يَوْمَ الْقِيَامَةِ ۚ اعْمَلُوا مَا شِئْتُمْ ۖ إِنَّهُ بِمَا تَعْمَلُونَ بَصِيرٌ
41
Шъыпкъэ дэдэмкIэ, тхылъэу къаратыгъэм шIошъхъуныгъэ шъыпкъэ фэзымышIыгъэхэр мысэх. Шъыпкъэ дэдэмкIэ, ар тхылъ лъэпIэ дэд!
إِنَّ الَّذِينَ كَفَرُوا بِالذِّكْرِ لَمَّا جَاءَهُمْ ۖ وَإِنَّهُ لَكِتَابٌ عَزِيزٌ
42
Сыд фэдэ лъэныкъокIэ ар къэкIуагъэми, пцIыр ащ лъыIэсыщтэп, ар Iушэу Щытхъушхо зыпылъым къыригъэхыгъ.
لَا يَأْتِيهِ الْبَاطِلُ مِنْ بَيْنِ يَدَيْهِ وَلَا مِنْ خَلْفِهِ ۖ تَنْزِيلٌ مِنْ حَكِيمٍ حَمِيدٍ
43
УапэкIэ щыIэгъэ лIыкIомэ арамыIуагъэ ащ зыпари къыщыуаIорэп. Ау уи Тхьэу къыфэзгъэгъурэ дэдэм хьазаб пщынэжьыри иI!
مَا يُقَالُ لَكَ إِلَّا مَا قَدْ قِيلَ لِلرُّسُلِ مِنْ قَبْلِكَ ۚ إِنَّ رَبَّكَ لَذُو مَغْفِرَةٍ وَذُو عِقَابٍ أَلِيمٍ
44
НэмыкIыбзэкIэ тхыгъэ КъурIанэу Тэ ар тшIыгъагъэмэ, ахэмэ аIони: "Ащ иIэятэхэр зэхэугуфыкIыгъэхэу къиIотыкIыгъагъэхэмэ!" НэмыкIыбзэкIэ тхыгъэ тхылъымкIэ сыдэущтэу араб цIыф лъэпкъым удэгущыIэщта? ЯIу: "ШIошъхъуныгъэ шъыпкъэ зышIыгъэмэ ар апай, ахэмкIэ ар IэпыIэгъу, Iэзэгъу, ау шIошъхъуныгъэ шъыпкъэ зимыIэхэм атхьакIумэхэр дэгух, ахэр ащ фэнэшъух, чыжьэу щыIэхэу Тхьэм уфэзыщэнхэу къаджэрэмэ ахэр афэдэх".
وَلَوْ جَعَلْنَاهُ قُرْآنًا أَعْجَمِيًّا لَقَالُوا لَوْلَا فُصِّلَتْ آيَاتُهُ ۖ أَأَعْجَمِيٌّ وَعَرَبِيٌّ ۗ قُلْ هُوَ لِلَّذِينَ آمَنُوا هُدًى وَشِفَاءٌ ۖ وَالَّذِينَ لَا يُؤْمِنُونَ فِي آذَانِهِمْ وَقْرٌ وَهُوَ عَلَيْهِمْ عَمًى ۚ أُولَٰئِكَ يُنَادَوْنَ مِنْ مَكَانٍ بَعِيدٍ
45
Тэ Мосэ тхылъыр еттыгъах, ащ фэгъэхьыгъэу зэнэкъокъум зыкъыIэтыгъ. (ПIалъэр зэрэлъагъэкIуатэрэр) ахэмэ пэшIорыгъэшъэу араIуагъахэу щымытыгъэмэ, ахэмэ яIоф лъэтемытэу зэшIуахыщтыгъэ, сыда пIомэ, мы тхылъым фэгъэхьыгъэу ахэр гумэкI джэнджэшым хэтыгъэх.
وَلَقَدْ آتَيْنَا مُوسَى الْكِتَابَ فَاخْتُلِفَ فِيهِ ۗ وَلَوْلَا كَلِمَةٌ سَبَقَتْ مِنْ رَبِّكَ لَقُضِيَ بَيْنَهُمْ ۚ وَإِنَّهُمْ لَفِي شَكٍّ مِنْهُ مُرِيبٍ
46
ШIу зышIэщтыгъэм ежь ышъхьэ фишIэжьыгъ, ау е зышIэщтыгъэм ежь зэкIодылIэжьыщтыр ышIэщтыгъэ, о уи Тхьэ иIумэтхэмкIэ шъхьэкIохэп.
مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا ۗ وَمَا رَبُّكَ بِظَلَّامٍ لِلْعَبِيدِ
47
А зыр ары сыхьатыр зышIэрэр, Ащ ишIэ хэмылъэу фышъхьацэм лэжьыгъэ къытырэп, бзым ыныбэ ридзэрэп, зы щыр къылъфырэп. А мафэм Ащ къызиIокIэ: "Тыдэ щыIэха Сэ къызгуагъэуцуагъэхэр!" Ахэмэ аIощт: "Тэ макъэ О къыодгъэIугъ, тэ сыд фэдэ шыхьати къытхэтэп!"
إِلَيْهِ يُرَدُّ عِلْمُ السَّاعَةِ ۚ وَمَا تَخْرُجُ مِنْ ثَمَرَاتٍ مِنْ أَكْمَامِهَا وَمَا تَحْمِلُ مِنْ أُنْثَىٰ وَلَا تَضَعُ إِلَّا بِعِلْمِهِ ۚ وَيَوْمَ يُنَادِيهِمْ أَيْنَ شُرَكَائِي قَالُوا آذَنَّاكَ مَا مِنَّا مِنْ شَهِيدٍ
48
Тхьэхэу нахьыпэм ахэр зэлъэIущтыгъэхэр янэплъэгъу икIодыкIыжьыгъэх, ахэмэ ашIэщт ащ шъхьэегъэзыпIэ зэрэщырямыIэр.
وَضَلَّ عَنْهُمْ مَا كَانُوا يَدْعُونَ مِنْ قَبْلُ ۖ وَظَنُّوا مَا لَهُمْ مِنْ مَحِيصٍ
49
ШIушIэ зэфэшъхьафхэр къыритынхэу цIыфыр зэпымыоу Алахьым еубзэ, ау тхьамыкIагъо горэ къызэрэфакIоу, ащ ыгу мэкIоды, пкIэ иIэжьрэп.
لَا يَسْأَمُ الْإِنْسَانُ مِنْ دُعَاءِ الْخَيْرِ وَإِنْ مَسَّهُ الشَّرُّ فَيَئُوسٌ قَنُوطٌ
50
ФыщыкIэу зыщытыгъэм ыуж тишIушIэ зэхишIэнэу Тэ зеттыкIэ, ащ Iо хэмылъэу, еIо: "Ар аущтэу хъунэу щытыгъ, сыхьатыр зэгорэм къысфэсынэу сыгугъэрэп, си Тхьэ дэжь згъэзэжьынэу хъугъэми, Iо хэлъэп. Ащ сэ къысфишIэн шIушIэ иI". Iо хэлъэп, шIошъхъуныгъэ шъыпкъэ зимыIагъэхэм ашIагъэр Тэ ятIощт, пщынэжь пхъашэ зэхашIэнэу яттыщт.
وَلَئِنْ أَذَقْنَاهُ رَحْمَةً مِنَّا مِنْ بَعْدِ ضَرَّاءَ مَسَّتْهُ لَيَقُولَنَّ هَٰذَا لِي وَمَا أَظُنُّ السَّاعَةَ قَائِمَةً وَلَئِنْ رُجِعْتُ إِلَىٰ رَبِّي إِنَّ لِي عِنْدَهُ لَلْحُسْنَىٰ ۚ فَلَنُنَبِّئَنَّ الَّذِينَ كَفَرُوا بِمَا عَمِلُوا وَلَنُذِيقَنَّهُمْ مِنْ عَذَابٍ غَلِيظٍ
51
ЦIыфым шIушIэр зыфэдгъэшъуашэкIэ, ыкIыб къегъазэ, IокIыжьы. Ау насыпынчъагъэ къызехъулIэкIэ, лъэIу игъэкIотыгъэкIэ зыкъытфегъазэ.
وَإِذَا أَنْعَمْنَا عَلَى الْإِنْسَانِ أَعْرَضَ وَنَأَىٰ بِجَانِبِهِ وَإِذَا مَسَّهُ الشَّرُّ فَذُو دُعَاءٍ عَرِيضٍ
52
ЯIу: "Шъо сыдэущтэу къышъущыхъура? КъурIаныр Алахьым дэжь къекIымэ, ау а тхылъым шIошъхъуныгъэ фышъуимыIэмэ, охътэ кIыхьэкIэ ащ къыпызыгъэм нахь лъэшэу угъощэжьын плъэкIыщтмэ къашъуIо?"
قُلْ أَرَأَيْتُمْ إِنْ كَانَ مِنْ عِنْدِ اللَّهِ ثُمَّ كَفَرْتُمْ بِهِ مَنْ أَضَلُّ مِمَّنْ هُوَ فِي شِقَاقٍ بَعِيدٍ
53
(КъурIаныр) шъыпкъэу зэрэщытыр ахэмэ нафэ афэмыхъуфэ Тэ тиIэятэ къэгъэшъыпкъэжьыгъэхэр хэгъэгу зэфэшъхьафхэм щядгъэлъэгъущтых. Ар сыд фэди зэришыхьатыр о уи ТхьэкIэ икъущтба?
سَنُرِيهِمْ آيَاتِنَا فِي الْآفَاقِ وَفِي أَنْفُسِهِمْ حَتَّىٰ يَتَبَيَّنَ لَهُمْ أَنَّهُ الْحَقُّ ۗ أَوَلَمْ يَكْفِ بِرَبِّكَ أَنَّهُ عَلَىٰ كُلِّ شَيْءٍ شَهِيدٌ
54
Тхьэм зэрэIукIэжьыщтхэм ахэр еджэнджэшыхи! Ащ зэкIэ щыIэр къызэлъеубыты!
أَلَا إِنَّهُمْ فِي مِرْيَةٍ مِنْ لِقَاءِ رَبِّهِمْ ۗ أَلَا إِنَّهُ بِكُلِّ شَيْءٍ مُحِيطٌ