1
Шъад. Узгъэсэрэ КъурIанымкIэ Iуагъэ сэшIы,
بِسْمِ اللَّهِ الرَّحْمَٰنِ الرَّحِيمِ ص ۚ وَالْقُرْآنِ ذِي الذِّكْرِ
2
Шъыпкъэ дэдэмкIэ, джаурхэр пэгагъэм, къаигъагъэм хэтых.
بَلِ الَّذِينَ كَفَرُوا فِي عِزَّةٍ وَشِقَاقٍ
3
Ахэмэ апэкIэ ижъырэ цIыф лъэпкъ тхьапша Тэ дгъэкIодыгъэр! Шъхьафит тшIыжьынхэу ахэр къэлъаIощтыгъэх, ау шъхьафит шIыжьыгъо уахътэ щыIэжьыгъэп .
كَمْ أَهْلَكْنَا مِنْ قَبْلِهِمْ مِنْ قَرْنٍ فَنَادَوْا وَلَاتَ حِينَ مَنَاصٍ
4
Ежьхэм ащыщы ушъыякIо ригъэджэнхэу къызэрэкIуагъэр ахэмэ агъэшIэгъуагъ. Джаурмэ аIуагъ: "Ар уды, пцIыус!
وَعَجِبُوا أَنْ جَاءَهُمْ مُنْذِرٌ مِنْهُمْ ۖ وَقَالَ الْكَافِرُونَ هَٰذَا سَاحِرٌ كَذَّابٌ
5
Тхьэхэм ачIыпIэ ащ зы Тхьэ закъо ригъэуцо шIоигъоуи? Шъыпкъэ дэдэмкIэ,ар Iоф гъэшIэгъон дэд!"
أَجَعَلَ الْآلِهَةَ إِلَٰهًا وَاحِدًا ۖ إِنَّ هَٰذَا لَشَيْءٌ عُجَابٌ
6
Ахэмэ цIэрыIо дэдэу ахэтхэр IукIыжьыгъэх: "ШъукIу шъуитхьэмэ апае шъущаIэ! А Iофыр пшIоигъоу щытын фае.
وَانْطَلَقَ الْمَلَأُ مِنْهُمْ أَنِ امْشُوا وَاصْبِرُوا عَلَىٰ آلِهَتِكُمْ ۖ إِنَّ هَٰذَا لَشَيْءٌ يُرَادُ
7
Ащ фэгъэхьыгъэу аужырэ диным тэ щызэхэтхыгъэп. Ар къэугупшысыгъ ныIэп.
مَا سَمِعْنَا بِهَٰذَا فِي الْمِلَّةِ الْآخِرَةِ إِنْ هَٰذَا إِلَّا اخْتِلَاقٌ
8
Тэ тщыщэу а зыр ара ащ фэдэ шIэныгъэ къызфырагъэхыгъэр? Ары, Сэ сишIэныгъэ ахэр еджэнджэшых. Ау Сэ сипщынэжь джыри IукIагъэхэп!
أَأُنْزِلَ عَلَيْهِ الذِّكْرُ مِنْ بَيْنِنَا ۚ بَلْ هُمْ فِي شَكٍّ مِنْ ذِكْرِي ۖ بَلْ لَمَّا يَذُوقُوا عَذَابِ
9
Е о уи Тхьэу щытхъушхо зыпылъэу, къыуатэрэм ишIушIэ игъэтIылъыпIэ байхэр ахэмэ яIэна?
أَمْ عِنْدَهُمْ خَزَائِنُ رَحْمَةِ رَبِّكَ الْعَزِيزِ الْوَهَّابِ
10
Е уашъори, чIыгури, ахэмэ азфагу илъри ахэмэ аIэ илъа? КIапсэхэмкIэ ахэр ошъо лъагэм къыдэрэкIуаех!
أَمْ لَهُمْ مُلْكُ السَّمَاوَاتِ وَالْأَرْضِ وَمَا بَيْنَهُمَا ۖ فَلْيَرْتَقُوا فِي الْأَسْبَابِ
11
АшIэзэ бзэджагъэ зышIэхэрэм ащыщхэу сыд фэдэ дзэ мыщ къагъэкIуагъэми, ар къафыщт.
جُنْدٌ مَا هُنَالِكَ مَهْزُومٌ مِنَ الْأَحْزَابِ
12
Нухьи, Iади, мыжъосынхэр зыIэ илъэу фирхьауни яцIыф лъэпкъыхэм, Самуди, ЛютIи яцIыф лъэпкъыхэми,
كَذَّبَتْ قَبْلَهُمْ قَوْمُ نُوحٍ وَعَادٌ وَفِرْعَوْنُ ذُو الْأَوْتَادِ
13
Ал-Айкэ щыпсэухэрэми, ар пцIыкIэ алъытэщтыгъэ.
وَثَمُودُ وَقَوْمُ لُوطٍ وَأَصْحَابُ الْأَيْكَةِ ۚ أُولَٰئِكَ الْأَحْزَابُ
14
Хэти лIыкIохэр пцIыусхэу ылъытэщтыгъэ, Сэ сипщынэжь къэшъыпкъэжьыгъ!
إِنْ كُلٌّ إِلَّا كَذَّبَ الرُّسُلَ فَحَقَّ عِقَابِ
15
Мыхэми зы куо зэмкIэ зэхахыщт, ащ пIэлъэ лъыгъэкIуатэ иIэп.
وَمَا يَنْظُرُ هَٰؤُلَاءِ إِلَّا صَيْحَةً وَاحِدَةً مَا لَهَا مِنْ فَوَاقٍ
16
Ахэмэ аIуагъ: "Ярэби я Алахь! Тэ къыттефэрэр, къызыщытфэлъэгъощт мафэр къэмысызэ, псынкIэу къызэшIох,
وَقَالُوا رَبَّنَا عَجِّلْ لَنَا قِطَّنَا قَبْلَ يَوْمِ الْحِسَابِ
17
Ахэмэ аIорэр щаIэ, Тэ тиIумэт Даутэу лъэкI зиIагъэр угу къэгъэкIыжь. Ар ыгукIэ Тэ къытфэшъыпкъэу щытыгъ!
اصْبِرْ عَلَىٰ مَا يَقُولُونَ وَاذْكُرْ عَبْدَنَا دَاوُودَ ذَا الْأَيْدِ ۖ إِنَّهُ أَوَّابٌ
18
Тэ ащ къушъхьэхэр фэдгъэIорышIагъэх, ахэмэ ахъшамыми нэфшъагъоми щытхъур ащ фаIо:
إِنَّا سَخَّرْنَا الْجِبَالَ مَعَهُ يُسَبِّحْنَ بِالْعَشِيِّ وَالْإِشْرَاقِ
19
Бзыухэу ащ дэжь щызэрэугъоищтыгъэхэри ары, зэкIэми ащ щытхъушхо фаIо.
وَالطَّيْرَ مَحْشُورَةً ۖ كُلٌّ لَهُ أَوَّابٌ
20
Ащ ипачъыхьагъу Тэ дгъэпытагъэ, адэгущыIэным пае Iушыгъи жэбзэ дахи еттыгъ.
وَشَدَدْنَا مُلْكَهُ وَآتَيْنَاهُ الْحِكْمَةَ وَفَصْلَ الْخِطَابِ
21
НэбгыритIоу зэдаощтыгъэхэм якъэбар о къыонэсыгъа? Мары, ахэр дэпкъым шъхьапырыкIхи, мэщытым чIэхьагъэх.
وَهَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ
22
Мары, ахэр Даутэ дэжь ихьагъэх, ахэмэ ар ащыщынагъ. Ахэмэ аIуагъ: "Умыщын, тэ нэбгыритIум тызэдао, титIу яз адырэм зэфэнчъэу дэзекIуагъ: Хьакъым тетэу тыкъызэхэф, уиунашъокIэ мызэфагъэ къызхэмыгъаф, гъогу занкIэм тыфащ.
إِذْ دَخَلُوا عَلَىٰ دَاوُودَ فَفَزِعَ مِنْهُمْ ۖ قَالُوا لَا تَخَفْ ۖ خَصْمَانِ بَغَىٰ بَعْضُنَا عَلَىٰ بَعْضٍ فَاحْكُمْ بَيْنَنَا بِالْحَقِّ وَلَا تُشْطِطْ وَاهْدِنَا إِلَىٰ سَوَاءِ الصِّرَاطِ
23
Мыр сэ сшы, ащ мэл тIокIиплIырэ пшIыкIубгъурэ иI, сэ зы мэл сиI. Ащ ыIуагъ: "Мэлым сэ сыфэгъаз!" игущыIэхэмкIэ сэ къыстекIуагъ".
إِنَّ هَٰذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ
24
Ащ ыIуагъ: "О уимэл ежь имэлхэм ахэбдзэнэу къызэрэолъэIугъэмкIэ ащ угу хигъэкIыгъ. ШъыпкъэмкIэ, зэпэблагъэу щытхэм ащыщыбэхэр зэфэнчъэу зэдэзекIожьых, ау шIошъхъуныгъэ шъыпкъэ зышIыгъэхэу, шIу зышIэхэрэр ахэмэ ащыщхэп, ахэр макIэ мэхъух ". Даутэ Тэ зэрэтыушэтрэр къыгурыIуагъ, къыфигъэгъунэу кIэгъожьыгъэу, чIыгум нэсэу шъхьащэ фишIызэ, и Тхьэ елъэIоу ар фежьагъ .
قَالَ لَقَدْ ظَلَمَكَ بِسُؤَالِ نَعْجَتِكَ إِلَىٰ نِعَاجِهِ ۖ وَإِنَّ كَثِيرًا مِنَ الْخُلَطَاءِ لَيَبْغِي بَعْضُهُمْ عَلَىٰ بَعْضٍ إِلَّا الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَا هُمْ ۗ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ ۩
25
Тэ ащ фэдгъэгъугъ, ащ пае Тэ къытпэблагъэу шъхьэегъэзыпIэ шIагъо иI.
فَغَفَرْنَا لَهُ ذَٰلِكَ ۖ وَإِنَّ لَهُ عِنْدَنَا لَزُلْفَىٰ وَحُسْنَ مَآبٍ
26
О Даут, о Iэшъхьэтетэу Тэ чIыгум утедгъэуцуагъ, хьакъым тетэу цIыфмэ яIоф зэхэф, шIоигъоныгъэ лъэшмэ зыдямыгъэхьых, армырмэ ащ Алахьым игъогу удигъэхыщт! Алахьым игъогу дэхыхэрэм къызяупчIыщтхэ мафэр зэращыгъупшагъэм пае пщынэжь лъэш афыщылъ!
يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلَا تَتَّبِعِ الْهَوَىٰ فَيُضِلَّكَ عَنْ سَبِيلِ اللَّهِ ۚ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ
27
Джаурхэр зэрегупшысэхэу, уашъори, чIыгури, ахэмэ азфагу илъри Тэ пкIэнчъэу къэдгъэшIыгъэп. Джэхьнэм машIом джаурмэ тхьэ щяуагъ.
وَمَا خَلَقْنَا السَّمَاءَ وَالْأَرْضَ وَمَا بَيْنَهُمَا بَاطِلًا ۚ ذَٰلِكَ ظَنُّ الَّذِينَ كَفَرُوا ۚ فَوَيْلٌ لِلَّذِينَ كَفَرُوا مِنَ النَّارِ
28
Тхьэр зышIошъ хъухэрэр, шIу зышIэхэрэр чIыгум мыхъун щызышIэхэрэм афэдэ тшIынха? е Тхьэм ищынагъо зыгу илъхэр щыкIыгъэмэ афэдэ тшIынха?
أَمْ نَجْعَلُ الَّذِينَ آمَنُوا وَعَمِلُوا الصَّالِحَاتِ كَالْمُفْسِدِينَ فِي الْأَرْضِ أَمْ نَجْعَلُ الْمُتَّقِينَ كَالْفُجَّارِ
29
Акъыл зиIэхэр ягупшысэнхэм, зэрагъэшIэнхэм пае, ар тхылъ бэрчэтэу къыфедгъэхыгъ.
كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ
30
Даутэ Тэ Сулейман къеттыгъ: Ар Iумэт шIагъоу зэрэщытыгъэр! Ыгу къыдеIэу кIэгъожьыгъэу ащ Алахьым зыфигъазэщтыгъэ!
وَوَهَبْنَا لِدَاوُودَ سُلَيْمَانَ ۚ نِعْمَ الْعَبْدُ ۖ إِنَّهُ أَوَّابٌ
31
Мары, пчыхьэ уахътэм лъэкъуищыкIэ щытхэу, яплIэнэрэ лъакъор ылъабжъэкIэ ерагъэу чIыгум нэсэу, псынкIэу чъэхэрэр ащ къыфащэгъагъ,
إِذْ عُرِضَ عَلَيْهِ بِالْعَشِيِّ الصَّافِنَاتُ الْجِيَادُ
32
Ащ ыIуагъ: "ШIулъэгъоу мы шIуагъэм фэсшIыгъэр чэщ шIункIым хэкIодэжьыфэ, сэ си Тхьэ сыгу къэзгъэкIыжьыным сыщигъэуагъ.
فَقَالَ إِنِّي أَحْبَبْتُ حُبَّ الْخَيْرِ عَنْ ذِكْرِ رَبِّي حَتَّىٰ تَوَارَتْ بِالْحِجَابِ
33
Ахэмэ садэжь къяжъугъэгъэзэжь!" Алъашъхьэхэм, апшъэхэм Iэ ащифэу ащ ригъэжьагъ.
رُدُّوهَا عَلَيَّ ۖ فَطَفِقَ مَسْحًا بِالسُّوقِ وَالْأَعْنَاقِ
34
Ащ итахътэ псэ зыпыт горэ зытетэлъхьэм, Сулейман тыушэтыгъэ. Ащ ыуж ар кIэгъожьыгъ.
وَلَقَدْ فَتَنَّا سُلَيْمَانَ وَأَلْقَيْنَا عَلَىٰ كُرْسِيِّهِ جَسَدًا ثُمَّ أَنَابَ
35
Ащ ыIуагъ: "Я Алахь, сэ къысфэгъэгъу, сэщ нэмыкIэу зыми ыIэ къимыхьэгъэ хабзэ къысэт. Сыда пIомэ, О хьалэлэу отэ!"
قَالَ رَبِّ اغْفِرْ لِي وَهَبْ لِي مُلْكًا لَا يَنْبَغِي لِأَحَدٍ مِنْ بَعْدِي ۖ إِنَّكَ أَنْتَ الْوَهَّابُ
36
Джащыгъум Тэ ащ жьыбгъэр фэдгъэIорышIагъ. Ар ежь иунашъокIэ, шъабэу къепщэзэ, зыфэе лъэныкъомкIэ зигъазэщтыгъэ,
فَسَخَّرْنَا لَهُ الرِّيحَ تَجْرِي بِأَمْرِهِ رُخَاءً حَيْثُ أَصَابَ
37
Шэйтанхэу е гъэпсакIохэу, е псычIэгъесхэу щытыгъэхэри,
وَالشَّيَاطِينَ كُلَّ بَنَّاءٍ وَغَوَّاصٍ
38
НэмыкIхэуи пшъэхъукIэ зэпхыгъэхэри арых.
وَآخَرِينَ مُقَرَّنِينَ فِي الْأَصْفَادِ
39
Джары Тэ къышъоттыгъэхэр, гъунэ имыIэу тхьауегъэпсэу яIу е ямыIу.
هَٰذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ
40
Шъыпкъэ дэдэмкIэ, ащ пае Тэ къытпэблагъэу шъхьэегъэзыпIэ дэгъу тиI!
وَإِنَّ لَهُ عِنْدَنَا لَزُلْفَىٰ وَحُسْنَ مَآبٍ
41
Джащ фэдэу Тэ тиIумэт Аюбэ угу къэгъэкIыжь. Мары, ар ежь и Тхьэ елъэIугъ: "Шэйтаныр узыкIэ, къинлъэгъукIэ къысэнэсыгъ!"
وَاذْكُرْ عَبْدَنَا أَيُّوبَ إِذْ نَادَىٰ رَبَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ
42
"ПлъакъокIэ чIыгум тепкI! Мары псэу амдэз зэрэпштэщтыр, зызэрэбгъэучъыIэтэщтыр, узэшъощтыр".
ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ
43
Тэ тишIушIэкIэ акъыл зиIэ цIыфхэм шIэныгъэ хахынэу, нахьыпэм ащ иIагъэм фэдэ унагъо еттыгъ.
وَوَهَبْنَا لَهُ أَهْلَهُ وَمِثْلَهُمْ مَعَهُمْ رَحْمَةً مِنَّا وَذِكْرَىٰ لِأُولِي الْأَلْبَابِ
44
УитхьарыIо уепцIыжьыгъэу укъэмынэным пае уц ихыгъэкIэ IапIэ пIэкIэ убыти, уишъуз еу! ЩэIагъэ иIэу Тэ ар къычIэдгъэщыгъ. Iумэт шIагъу! Шъыпкъэ дэдэмкIэ, ыгу къыдеIэу кIэгъожьыгъэу ащ Алахьым зыфигъазэщтыгъэ!
وَخُذْ بِيَدِكَ ضِغْثًا فَاضْرِبْ بِهِ وَلَا تَحْنَثْ ۗ إِنَّا وَجَدْنَاهُ صَابِرًا ۚ نِعْمَ الْعَبْدُ ۖ إِنَّهُ أَوَّابٌ
45
Джащ фэдэу Тэ тиIумэтхэу Ибрахьими,Исхьакъи, Якъуби угу къэгъэкIыжьых. Ахэр гупцIанэхэу, чыжьэу плъэхэу щытыгъэх.
وَاذْكُرْ عِبَادَنَا إِبْرَاهِيمَ وَإِسْحَاقَ وَيَعْقُوبَ أُولِي الْأَيْدِي وَالْأَبْصَارِ
46
ТипсэупIэ фэгъэхьыгъэ гукъэкIыжь къабзэкIэ Тэ ахэр дгъэкъэбзагъэх,
إِنَّا أَخْلَصْنَاهُمْ بِخَالِصَةٍ ذِكْرَى الدَّارِ
47
Ахэр Тэ тадэжь унэ хэхыгъэм, диныр зыгу илъмэ ащыщхэу щыIэх,
وَإِنَّهُمْ عِنْدَنَا لَمِنَ الْمُصْطَفَيْنَ الْأَخْيَارِ
48
Джащ фэдэу Исмахьили, Алесахьи, Зул-Кифли угу къэгъэкIыжьых, ахэр зэкIэ цIыфышIумэ ащыщыгъэх.
وَاذْكُرْ إِسْمَاعِيلَ وَالْيَسَعَ وَذَا الْكِفْلِ ۖ وَكُلٌّ مِنَ الْأَخْيَارِ
49
Ахэр зэкIэ гукъэкIыжьых. ШъыпкъэмкIэ, Тхьэм ищынагъо зыгу илъхэм шъхьэегъэзыпIэ дэгъу яI.
هَٰذَا ذِكْرٌ ۚ وَإِنَّ لِلْمُتَّقِينَ لَحُسْنَ مَآبٍ
50
ЕгъэшIэрэ джэнэтхэу ахэмэ апае зикъэлапчъэхэр зэIухыгъэхэр!
جَنَّاتِ عَدْنٍ مُفَتَّحَةً لَهُمُ الْأَبْوَابُ
51
Пхъэшъхьэ-мышъхьабэхэр, зэшъощтхэр зэряIэм пае Алахьым фэразэхэу ахэмэ аIо.
مُتَّكِئِينَ فِيهَا يَدْعُونَ فِيهَا بِفَاكِهَةٍ كَثِيرَةٍ وَشَرَابٍ
52
Ахэмэ ягъусэщтых зинэплъэгъухэр едзыхыгъэу, ялэгъу бзылъфыгъэхэр.
وَعِنْدَهُمْ قَاصِرَاتُ الطَّرْفِ أَتْرَابٌ
53
Шъо шъукъызэрагъэгугъагъэу къызшъоупчIыщтхэ мафэр джащ фэдэщт.
هَٰذَا مَا تُوعَدُونَ لِيَوْمِ الْحِسَابِ
54
Джащ фэд Тэ Iахьэу къышъоттырэр, ар уухынэу щытэп!
إِنَّ هَٰذَا لَرِزْقُنَا مَا لَهُ مِنْ نَفَادٍ
55
ГунахьышIэмэ япсэупIэщтыр тхьамыкIэгъо дэд
هَٰذَا ۚ وَإِنَّ لِلطَّاغِينَ لَشَرَّ مَآبٍ
56
Джэхьнэмэу ахэр зыщыстыщтхэр ары, ар гъолъыпIэ дэй!
جَهَنَّمَ يَصْلَوْنَهَا فَبِئْسَ الْمِهَادُ
57
Ахэр ерэплъых псэу къажъорэм, щыным,
هَٰذَا فَلْيَذُوقُوهُ حَمِيمٌ وَغَسَّاقٌ
58
Ахэмэ афэдэх нэмыкIэу гур зыщыкIыхэрэ.
وَآخَرُ مِنْ شَكْلِهِ أَزْوَاجٌ
59
А цIыф купэу емыгупшысэу шъуауж зыкъизыдзыгъэхэр. Ахэмэ мыщ гужьыдэгъэкI щагъотыщтэп, сыда пIомэ мы машIом ахэр хэстыхьащтых!
هَٰذَا فَوْجٌ مُقْتَحِمٌ مَعَكُمْ ۖ لَا مَرْحَبًا بِهِمْ ۚ إِنَّهُمْ صَالُو النَّارِ
60
Ахэмэ аIо: "Шъори гужьыдэгъэкI шъуиIэщтэп !Шъо ар къытфэжъугъэхьазырыгъ: Мы псэупIэр сыдэу гумэкIыгъуа!"
قَالُوا بَلْ أَنْتُمْ لَا مَرْحَبًا بِكُمْ ۖ أَنْتُمْ قَدَّمْتُمُوهُ لَنَا ۖ فَبِئْسَ الْقَرَارُ
61
Ахэмэ аIо: "Ярэби я Алахь, тэщ пае хэта мыр зыгъэхьазырыгъэр, ар машIом зэрэщыбгъэпщынэщтым фэдитIу хэгъахъу!"
قَالُوا رَبَّنَا مَنْ قَدَّمَ لَنَا هَٰذَا فَزِدْهُ عَذَابًا ضِعْفًا فِي النَّارِ
62
Ахэмэ аIо: "ЦIыф дэйхэм ащыщхэу тэ тлъытэщтыгъэхэр сыд пае тымылъэгъухэра,
وَقَالُوا مَا لَنَا لَا نَرَىٰ رِجَالًا كُنَّا نَعُدُّهُمْ مِنَ الْأَشْرَارِ
63
Тэ тыздэхьащхыщтыгъэхэр? Е тэ тынэмэ ахэр алъэгъунхэ алъэкIырэба?"
أَتَّخَذْنَاهُمْ سِخْرِيًّا أَمْ زَاغَتْ عَنْهُمُ الْأَبْصَارُ
64
Шъыпкъэ дэдэмкIэ, Ары зытетыр, машIом къин щызылъэгъухэрэр зэрэзэдаохэрэр джащ фэдэщт.
إِنَّ ذَٰلِكَ لَحَقٌّ تَخَاصُمُ أَهْلِ النَّارِ
65
ЯIу: "Сэ сыушъыекIо-гъэдэIуакIу ныIэп, лъэкIышхо зиIэ Алахьы закъом фэшъхьаф тхьэ щыIэп,
قُلْ إِنَّمَا أَنَا مُنْذِرٌ ۖ وَمَا مِنْ إِلَٰهٍ إِلَّا اللَّهُ الْوَاحِدُ الْقَهَّارُ
66
Уашъомрэ чIыгумрэ, ахэмэ азфагу илъым я Тхьэу, щытхъушхо зыпылъэу, къыфэзгъэгъурэм".
رَبُّ السَّمَاوَاتِ وَالْأَرْضِ وَمَا بَيْنَهُمَا الْعَزِيزُ الْغَفَّارُ
67
ЯIу: "Ар къэбар ин дэд.
قُلْ هُوَ نَبَأٌ عَظِيمٌ
68
Шъо ащ шъуакIыб фэшъогъазэ.
أَنْتُمْ عَنْهُ مُعْرِضُونَ
69
Сэ шIэныгъэ сиIагъэп. Алахь лъагэмкIэ ахэр зэфэгубжыхэми.
مَا كَانَ لِيَ مِنْ عِلْمٍ بِالْمَلَإِ الْأَعْلَىٰ إِذْ يَخْتَصِمُونَ
70
Сэ ушъыекIо=гъэдэIокIо нафэу сызэрэщытым фэшъхьаф зыпари нафэ къысфэхъугъагъэп".
إِنْ يُوحَىٰ إِلَيَّ إِلَّا أَنَّمَا أَنَا نَذِيرٌ مُبِينٌ
71
Мары уи Тхьэ мэлаIичмэ ариIуагъ: "Сэ цIыфыр ятIэм хэсэшIыкIы.
إِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِنْ طِينٍ
72
Сэ ар зысыухэу Сэ спсэ лъапIэ щыщ ащ зыхаспщэкIэ, ащ шъхьащэ фэшъушIэу зешъудзых!"
فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ
73
МэлаIичхэр зэкIэ зэгъусэхэу, Иблыс фэшъхьафрэ, натIэкIэ чIыгум нэсыгъэх,
فَسَجَدَ الْمَلَائِكَةُ كُلُّهُمْ أَجْمَعُونَ
74
Ащ зигъэпэгагъ, джаурэу къычIэкIыгъ.
إِلَّا إِبْلِيسَ اسْتَكْبَرَ وَكَانَ مِنَ الْكَافِرِينَ
75
Ащ ыIуагъ: "О Иблыс, Сэ сIэшъхьитIукIэ сшIыгъэм шъхьащэ фэпшIыным о сыда уфэзыIэжагъэр?. О пагэ узкIэхъугъэр хэхыгъэмэ уащыщышъ ара?"
قَالَ يَا إِبْلِيسُ مَا مَنَعَكَ أَنْ تَسْجُدَ لِمَا خَلَقْتُ بِيَدَيَّ ۖ أَسْتَكْبَرْتَ أَمْ كُنْتَ مِنَ الْعَالِينَ
76
Ащ ыIуагъ: "Сэ ащ сынахьышIу. О машIом сыхэпшIыкIыгъ, ар ятIэм хэпшIыкIыгъ".
قَالَ أَنَا خَيْرٌ مِنْهُ ۖ خَلَقْتَنِي مِنْ نَارٍ وَخَلَقْتَهُ مِنْ طِينٍ
77
Ащ ыIуагъ: "Мыщ икI, мыжъокIэ заохэрэр оры.
قَالَ فَاخْرُجْ مِنْهَا فَإِنَّكَ رَجِيمٌ
78
Шъхьадж фалъэгъущтыр къызысыщт мафэм нэс Сэ сибгыбзэ о птелъ".
وَإِنَّ عَلَيْكَ لَعْنَتِي إِلَىٰ يَوْمِ الدِّينِ
79
Ащ ыIуагъ: "Я Алахь, ахэр къызщыхъужьыщтхэ мафэм нэс пIалъэр сфылъыгъэкIуат!"
قَالَ رَبِّ فَأَنْظِرْنِي إِلَىٰ يَوْمِ يُبْعَثُونَ
80
Ащ ыIуагъ: "Шъыпкъэ дэдэмкIэ, зыфылъагъэкIотагъэмэ о уащыщ,
قَالَ فَإِنَّكَ مِنَ الْمُنْظَرِينَ
81
ПIэлъэ гъэнэфагъэр къызысыщт мафэм нэс!"
إِلَىٰ يَوْمِ الْوَقْتِ الْمَعْلُومِ
82
Ащ ыIуагъ: "ШъхьакIэфэныгъэу О уиIэмкIэ тхьэ сэIо, ахэр зэкIэ сэ хэзгъэукъощтых,
قَالَ فَبِعِزَّتِكَ لَأُغْوِيَنَّهُمْ أَجْمَعِينَ
83
Ахэмэ ащыщхэу О уиIумэтхэу гукъабзэ къыфызиIэхэм афэшъхьафхэр!"
إِلَّا عِبَادَكَ مِنْهُمُ الْمُخْلَصِينَ
84
Ащ ыIуагъ: "Шъыпкъэ дэдэмкIэ, Сэ къасIорэр шъыпкъэ,
قَالَ فَالْحَقُّ وَالْحَقَّ أَقُولُ
85
Ори о уауж зэкIэ къырыкIуагъэхэри джэхьнэмым изы Сэ сщIыщтых!"
لَأَمْلَأَنَّ جَهَنَّمَ مِنْكَ وَمِمَّنْ تَبِعَكَ مِنْهُمْ أَجْمَعِينَ
86
ЯIу: "КъурIаным пае тын къысфэшъушIынэу сышъолъэIурэп, ахэмэ апае пшIэн умылъэкIыщтыр спшъэ ислъхьажьрэп.
قُلْ مَا أَسْأَلُكُمْ عَلَيْهِ مِنْ أَجْرٍ وَمَا أَنَا مِنَ الْمُتَكَلِّفِينَ
87
ДунаимкIэ ар шIэныгъэу щыт ныIэп,
إِنْ هُوَ إِلَّا ذِكْرٌ لِلْعَالَمِينَ
88
Охътэ тIэкIу тешIэмэ, ащ шIуагъэу хэлъыр шъо къэшъушIэщт!
وَلَتَعْلَمُنَّ نَبَأَهُ بَعْدَ حِينٍ