1
Алиф Лам Мим.
بِسْمِ اللَّهِ الرَّحْمَٰنِ الرَّحِيمِ الم
2
Мы Iэятэ къэгъэшъыпкъэжьыгъэхэу тхылъ Iушым дэтхэр
تِلْكَ آيَاتُ الْكِتَابِ الْحَكِيمِ
3
ШIу зышIэхэрэмкIэ IэпыIэгъу, шIушIэн
هُدًى وَرَحْمَةً لِلْمُحْسِنِينَ
4
Нэмаз зышIыхэрэмкIэ, агу зыгъэкъэбзэрэ сэдакъэ зытыхэрэмкIэ, ахэр ахърэт гъашIэм шIошъхъуныгъэ фызиIэхэр ары.
الَّذِينَ يُقِيمُونَ الصَّلَاةَ وَيُؤْتُونَ الزَّكَاةَ وَهُمْ بِالْآخِرَةِ هُمْ يُوقِنُونَ
5
Ахэр я Тхьэ игъогу занкIэ тетых, мэтхъэжьых.
أُولَٰئِكَ عَلَىٰ هُدًى مِنْ رَبِّهِمْ ۖ وَأُولَٰئِكَ هُمُ الْمُفْلِحُونَ
6
Зыпари шIэныгъэ имыIэу, нэмыкIхэр Алахьым игъогу дигъэхынхэм пае тарихъ джэгуалъэ зыщэфрэ цIыфмэ ахэт, ар джэгуалъэ ешIы. Ахэмэ зыгъэцIыкIухэрэ пщынэжь афыщылъ.
وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُهِينٌ
7
Ащ Тэ тиIэятэмэ къыфяджэхэ зыхъукIэ, ахэр зэхимыхыгъэхэм фэдэу, ытхьакIумэхэр дэгухэу, пагэу ыкIыб къегъазэ. Хьазаб пщыныжькIэ ар гъэгушIо!
وَإِذَا تُتْلَىٰ عَلَيْهِ آيَاتُنَا وَلَّىٰ مُسْتَكْبِرًا كَأَنْ لَمْ يَسْمَعْهَا كَأَنَّ فِي أُذُنَيْهِ وَقْرًا ۖ فَبَشِّرْهُ بِعَذَابٍ أَلِيمٍ
8
ШIошъхъуныгъэ шъыпкъэ зышIыгъэхэу, шIу зышIэщтыгъэхэм джэнэт гуIэтыпIэхэр апай.
إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتُ النَّعِيمِ
9
Алахьым шъыпкъэкIэ къызэригъэгугъагъэхэу егъашIэм щыпсэунхэу. Ар ин дэд, Iуш!
خَالِدِينَ فِيهَا ۖ وَعْدَ اللَّهِ حَقًّا ۚ وَهُوَ الْعَزِيزُ الْحَكِيمُ
10
Шъо зэрэшъулъэгъоу, кIэгъэкъонхэр имыIэхэу Ащ уашъор къыгъэшIыгъ: Къыжъудэмысысыным пае чIыгум къушъхьэ пытэхэр къытыригъэуцуагъэх, сыд фэдэ псэушъхьэхэри ащ къытырипхъагъэх. Тэ псыр уашъом къедгъэхыгъ, сыдым щыщи тIурытIу дахэу къэдгъэхъугъ.
خَلَقَ السَّمَاوَاتِ بِغَيْرِ عَمَدٍ تَرَوْنَهَا ۖ وَأَلْقَىٰ فِي الْأَرْضِ رَوَاسِيَ أَنْ تَمِيدَ بِكُمْ وَبَثَّ فِيهَا مِنْ كُلِّ دَابَّةٍ ۚ وَأَنْزَلْنَا مِنَ السَّمَاءِ مَاءً فَأَنْبَتْنَا فِيهَا مِنْ كُلِّ زَوْجٍ كَرِيمٍ
11
Ар Алахьым иIэшIагъ. Ащ фэшъхьафмэ ашIыгъэр Сэ къысэжъугъэлъэгъу. Шъыпкъагъэ зимыIэхэр гъэнэфагъэу гъощагъэх!
هَٰذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ ۚ بَلِ الظَّالِمُونَ فِي ضَلَالٍ مُبِينٍ
12
Тэ зэгорэм Лукъман Iушыгъэ къеттыгъагъ: "Алахьым разэ фэхъу! Разэ хъурэр ежь ыпсэ ифедэкIэ разэ, ау гунахьыбэ зышIагъэр. Шъыпкъэ дэдэмкIэ, Алахьыр бай, щытхъушхо пылъ!"
وَلَقَدْ آتَيْنَا لُقْمَانَ الْحِكْمَةَ أَنِ اشْكُرْ لِلَّهِ ۚ وَمَنْ يَشْكُرْ فَإِنَّمَا يَشْكُرُ لِنَفْسِهِ ۖ وَمَنْ كَفَرَ فَإِنَّ اللَّهَ غَنِيٌّ حَمِيدٌ
13
Мары, ыкъо еушъыизэ, Лукъман риIуагъ: "О сикIал! Алахьым имыфэшъуашэхэр гомыгъэуцох: тхьабэ пшIошъ хъуныр зэфэнчъэгъэ ин дэд".
وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِاللَّهِ ۖ إِنَّ الشِّرْكَ لَظُلْمٌ عَظِيمٌ
14
Янэ-ятэхэм афэгъэхьыгъэу Тэ цIыфым унашъо фэтшIыгъ. Ным ар ыныбэкIоцI илъэу къырихьакIзэ, къарыунчъагъэм ыкIыIу къарыунчъагъэ тетэу ещыIэ, ар илъэситIум ыуж ыбгъэ пегъэгъукIыжьы. Сэ разэ къысфэхъу, уянэ уятэхэри ары. ЗэкIэми Сэ садэжь къагъэзэжьыщт.
وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَىٰ وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ
15
О зыпари шIэныгъэ зыфыуимыIэр Сэ къызгуагъэуцонэу ахэр уауж къызихьэхэкIэ, уафэмыIорышI. Ахэмэ о шIукIэ мы дунаим щырягъус, Сэ зыкъысфэзгъэзагъэмэ ягъогу рыкIу. ЕтIанэ шъо Сэ садэжь къэшъугъэзэжьыщт, шъушIэщтыгъэхэр Сэ къышъосIожьыщтых.
وَإِنْ جَاهَدَاكَ عَلَىٰ أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ
16
"О сикIал! Бэтэргъэным фэдиз ионтэгъуагъэу мы дунаим зыгорэ тетэу, къушъхьэ мыжъом, е уашъом, е чIыгум ар ащыIэми, Алахьым ар къыхигъэкIыщт. Алахьыр Iуш, ешIэ!
يَا بُنَيَّ إِنَّهَا إِنْ تَكُ مِثْقَالَ حَبَّةٍ مِنْ خَرْدَلٍ فَتَكُنْ فِي صَخْرَةٍ أَوْ فِي السَّمَاوَاتِ أَوْ فِي الْأَرْضِ يَأْتِ بِهَا اللَّهُ ۚ إِنَّ اللَّهَ لَطِيفٌ خَبِيرٌ
17
О сикIал! Нэмаз шIы, шIум фэгъасэх, хэбзэнчъэр афэмыд. Насыпынчъагъэ къызыпфакIорэм, щэIагъэ зыхэгъэлъ, ар пытагъэ пхэлъыным щыщ.
يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَىٰ مَا أَصَابَكَ ۖ إِنَّ ذَٰلِكَ مِنْ عَزْمِ الْأُمُورِ
18
ЦIыфмэ фэмылъэгъуныгъэ афэпшIэу унэгу къуанчэу ремыщэкI, пагэу чIыгум урымыкIу. Сыд фэдэ пагэри, шъхьащытхъужьри Алахьым шIу ылъэгъурэп!
وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا ۖ إِنَّ اللَّهَ لَا يُحِبُّ كُلَّ مُخْتَالٍ فَخُورٍ
19
УикIуакIэ шъырытэу щэрэт, умакъэ гъэшъхъы. макъэмэ ащыщэу зэкIэмэ анахь гуштэгъуаджэр, Iо хэлъэп, щыдым ымакъ".
وَاقْصِدْ فِي مَشْيِكَ وَاغْضُضْ مِنْ صَوْتِكَ ۚ إِنَّ أَنْكَرَ الْأَصْوَاتِ لَصَوْتُ الْحَمِيرِ
20
Шъо шъулъэгъугъэба уашъом щыIи чIыгум щыIи Алахьым къызэрэшъуфигъэIорышIагъэр? Ежь ишIуагъэхэр къышъолыекIхэу чIыгум ыкIыIу телъри ычIэгъ чIэлъри Ащ къышъуеты. Зыпари шIэныгъэ имыIэу, пэщэныгъи ымышIэу, гъэсэныгъэ зыхэпхырэ тхыгъэр имыIэу Алахьым пае нэкъуакъорэ цIыфмэ ахэт.
أَلَمْ تَرَوْا أَنَّ اللَّهَ سَخَّرَ لَكُمْ مَا فِي السَّمَاوَاتِ وَمَا فِي الْأَرْضِ وَأَسْبَغَ عَلَيْكُمْ نِعَمَهُ ظَاهِرَةً وَبَاطِنَةً ۗ وَمِنَ النَّاسِ مَنْ يُجَادِلُ فِي اللَّهِ بِغَيْرِ عِلْمٍ وَلَا هُدًى وَلَا كِتَابٍ مُنِيرٍ
21
Ахэмэ зараIокIэ: "Шъо Алахьым къышъуфыригъэхыгъэм шъулъыкIу, Ахэмэ аIо: "Хьау, тэ тятэхэм ятлъэгъулIагъэм тырыкIощт". Джэхьнэм машIоми хищэнхэу шэйтаныр къяджэщтыгъэмэ,ахэр аущтэу зекIонхэя?
وَإِذَا قِيلَ لَهُمُ اتَّبِعُوا مَا أَنْزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءَنَا ۚ أَوَلَوْ كَانَ الشَّيْطَانُ يَدْعُوهُمْ إِلَىٰ عَذَابِ السَّعِيرِ
22
Зынэгу Алахьым фэзгъэзагъэу шIу зышIэрэм зыщыгугъын IэубытыпIэ пытэ ыубытыгъ. Алахьым дэжь зэкIэми кIэух ащыфэхъу!
وَمَنْ يُسْلِمْ وَجْهَهُ إِلَى اللَّهِ وَهُوَ مُحْسِنٌ فَقَدِ اسْتَمْسَكَ بِالْعُرْوَةِ الْوُثْقَىٰ ۗ وَإِلَى اللَّهِ عَاقِبَةُ الْأُمُورِ
23
ШIошъхъуныгъэ шъыпкъэ зымышIыгъэм ишIошъмыхъуныгъэ уерэмыгъэнэшхъэй. Тэ тадэжь ахэмэ къагъэзэжьыщт, Тэ ахэмэ ашIагъэхэр къятIожьыщтых. Шъыпкъэ дэдэмкIэ, гум илъыр Алахьым ешIэ!
وَمَنْ كَفَرَ فَلَا يَحْزُنْكَ كُفْرُهُ ۚ إِلَيْنَا مَرْجِعُهُمْ فَنُنَبِّئُهُمْ بِمَا عَمِلُوا ۚ إِنَّ اللَّهَ عَلِيمٌ بِذَاتِ الصُّدُورِ
24
Ахэмэ Тэ мыбэу тхъагъо ядгъэгъотыщт, етIанэ егъэзыгъэкIэ хьазаб къин ядгъэлъэгъущт.
نُمَتِّعُهُمْ قَلِيلًا ثُمَّ نَضْطَرُّهُمْ إِلَىٰ عَذَابٍ غَلِيظٍ
25
Ау ахэмэ узяупчIыкIэ: "Уашъомрэ чIыгумрэ хэта къэзгъэшIыгъэр?", Iо хэмылъэу, ахэмэ аIощт: "Алахьыр ары". ЯIу: "Алахьым щытхъур ыдэжь!" Ау ахэмэ анахьыбэм ар ашIэрэп!
وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ لَيَقُولُنَّ اللَّهُ ۚ قُلِ الْحَمْدُ لِلَّهِ ۚ بَلْ أَكْثَرُهُمْ لَا يَعْلَمُونَ
26
Уашъом щыIи чIыгум щыIи Алахьым ыIэ илъ. Алахьыр бай, щытхъушхом ищытхъужь пылъ!
لِلَّهِ مَا فِي السَّمَاوَاتِ وَالْأَرْضِ ۚ إِنَّ اللَّهَ هُوَ الْغَنِيُّ الْحَمِيدُ
27
ЗэкIэ чIыгум тет чъыгхэр зэрэтхэхэрэ къамзый хъугъагъэхэми, ащ ыуж мы хыр мэрчэп хибл хъугъагъэми, ащыгъуми Алахьым игущыIэхэр зэкIэ кIэтхыкIыжьыгъэхэ хъущтэп. Шъыпкъэ дэдэмкIэ, Алахьыр лъэш, Iуш!
وَلَوْ أَنَّمَا فِي الْأَرْضِ مِنْ شَجَرَةٍ أَقْلَامٌ وَالْبَحْرُ يَمُدُّهُ مِنْ بَعْدِهِ سَبْعَةُ أَبْحُرٍ مَا نَفِدَتْ كَلِمَاتُ اللَّهِ ۗ إِنَّ اللَّهَ عَزِيزٌ حَكِيمٌ
28
Шъо шъукъигъэхъунри шъукъигъэхъужьынри зы цIыф къыгъэхъуным фэд. Шъыпкъэ дэдэмкIэ, Алахьым зэхехы, елъэгъу!
مَا خَلْقُكُمْ وَلَا بَعْثُكُمْ إِلَّا كَنَفْسٍ وَاحِدَةٍ ۗ إِنَّ اللَّهَ سَمِيعٌ بَصِيرٌ
29
О плъэгъугъэба Алахьым чэщыр мафэм ыкIоцI, чэщым ыкIоцI мафэр зэрэщигъэбылърэр, тыгъэри мазэри къызэрэзыфигъэIорышIагъэхэр, адырэри мыдырэри гъунэпкъэ гъэнэфагъэм нэс макIох, шъо шъушIэрэр Алахьым ымышIэуи?
أَلَمْ تَرَ أَنَّ اللَّهَ يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي إِلَىٰ أَجَلٍ مُسَمًّى وَأَنَّ اللَّهَ بِمَا تَعْمَلُونَ خَبِيرٌ
30
Ар аущтэу зыкIэхъурэр Алахьыр шъыпкъэу щыIэшъ ары, ау Ащ фэшъхьафэу шъузэлъэIухэрэр пцIы. Шъыпкъэ дэдэмкIэ, Алахьыр лъагэ, ин дэд.
ذَٰلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِنْ دُونِهِ الْبَاطِلُ وَأَنَّ اللَّهَ هُوَ الْعَلِيُّ الْكَبِيرُ
31
Алахьым иIэятэ къэгъэшъыпкъагъэхэр къышъуагъэлъэгъунхэм пае Ащ ишIушIэкIэ хым къухьэхэр зэрэтетхэр плъэгъугъэба? Шъыпкъэ дэдэмкIэ, щэIагъэ зиIэмкIэ, разэмкIэ ащ щысэтехыпIэ хэлъ!
أَلَمْ تَرَ أَنَّ الْفُلْكَ تَجْرِي فِي الْبَحْرِ بِنِعْمَتِ اللَّهِ لِيُرِيَكُمْ مِنْ آيَاتِهِ ۚ إِنَّ فِي ذَٰلِكَ لَآيَاتٍ لِكُلِّ صَبَّارٍ شَكُورٍ
32
Техъоным фэдэу ахэр хыорым зычIиухъумэхэкIэ, агу етыгъэу фэлэжьэнхэу агъэгугъэзэ, Алахьым елъэIух, ау гъушъапIэм Ащ къызтыригъэхьажьхэкIэ, ащыщ горэхэр теубытагъэ ямыIэу къэнэжьых. Тэ тиIэятэхэр щызгъэзыехэрэр бзэджашIэхэр, рэзэнчъэхэр арых!
وَإِذَا غَشِيَهُمْ مَوْجٌ كَالظُّلَلِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ فَمِنْهُمْ مُقْتَصِدٌ ۚ وَمَا يَجْحَدُ بِآيَاتِنَا إِلَّا كُلُّ خَتَّارٍ كَفُورٍ
33
О цIыфхэр! Шъуи Тхьэ шъуфэшъыпкъ, тым икIалэхэр сыд фэдизкIи ыгъэрэзэнхэ, кIалэмэ ятэ агъэрэзэн зыщамылъэкIыщт мафэм шъущыщын. Шъыпкъэ дэдэмкIэ, Алахьым къызэригъэгугъагъэхэр шъыпкъэ, гъашIэу шъузхэтым шъудерэмыхьых, нэцIэбгагъэм Алахьым фэгъэхьыгъэу сыд лIэужыгъокIи шъудерэмыхьых.
يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْمًا لَا يَجْزِي وَالِدٌ عَنْ وَلَدِهِ وَلَا مَوْلُودٌ هُوَ جَازٍ عَنْ وَالِدِهِ شَيْئًا ۚ إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُمْ بِاللَّهِ الْغَرُورُ
34
Шъыпкъэ дэдэмкIэ, сыхьатыр къызысыщтыр Алахьым ешIэ. Ащ ощх лъэшыр къырегъэщхы, ныбэмэ арылъыр ешIэ, ау зы псэ закъуи къыгъэхъэщтыр ышIэрэп, зы псэ закъуи ар чIыгоу зыщылIэжьыщтым щыгъуазэп. Шъыпкъэ дэдэмкIэ, Алахьым ешIэ, шIэныгъошхэ иI.
إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ