1
ТIахьа
بِسْمِ اللَّهِ الرَّحْمَٰنِ الرَّحِيمِ طه
2
Мы КъурIаныр къыкIыпфедгъэхыгъэр о къин чIыпIэ уифэным паеп,
مَا أَنْزَلْنَا عَلَيْكَ الْقُرْآنَ لِتَشْقَىٰ
3
Тхьэм ищынагъо зыгу илъхэм агурыдгъэIоным пай нахь.
إِلَّا تَذْكِرَةً لِمَنْ يَخْشَىٰ
4
Ар чIыгумрэ ошъо Iэтыгъэхэмрэ къэзгъэшIыгъэм къыригъэхыгъ.
تَنْزِيلًا مِمَّنْ خَلَقَ الْأَرْضَ وَالسَّمَاوَاتِ الْعُلَى
5
ГукIэгъу зыхэлъым дунэе лъэгапIэм зыщигъэпытагъ.
الرَّحْمَٰنُ عَلَى الْعَرْشِ اسْتَوَىٰ
6
Уашъом щыIи, чIыгум щыIи, ахэмэ азфагу илъи, чIыгу чIэгъым щыIи Ащ ыIэ илъ.
لَهُ مَا فِي السَّمَاوَاتِ وَمَا فِي الْأَرْضِ وَمَا بَيْنَهُمَا وَمَا تَحْتَ الثَّرَىٰ
7
Умакъэ пIэтми, шъэфри шъэфым ианахь шъэфыжьри Алахьым ешIэ.
وَإِنْ تَجْهَرْ بِالْقَوْلِ فَإِنَّهُ يَعْلَمُ السِّرَّ وَأَخْفَى
8
Тхьэ! Ащ фэшъхьаф тхьэ щыIэп, Ащ цIэ шIагъохэр иIэх.
اللَّهُ لَا إِلَٰهَ إِلَّا هُوَ ۖ لَهُ الْأَسْمَاءُ الْحُسْنَىٰ
9
О къыонэсыгъа Мосэ фэгъэхьыгъэ къэбарыр?
وَهَلْ أَتَاكَ حَدِيثُ مُوسَىٰ
10
Мары, ащ машIо ылъэгъуи, илIакъо риIуагъ: "Мы чIыпIэм шъущыт, сэ машIо слъэгъугъэ. Сэ машIо сIыгъэу ащ сыкъикIыжьынкIи е мэшIо пашъхьэм гъогу шъыпкъэ къыщызгъотынкIи мэхъу".
إِذْ رَأَىٰ نَارًا فَقَالَ لِأَهْلِهِ امْكُثُوا إِنِّي آنَسْتُ نَارًا لَعَلِّي آتِيكُمْ مِنْهَا بِقَبَسٍ أَوْ أَجِدُ عَلَى النَّارِ هُدًى
11
Ар машIом екIуалIэ зэхъум, къеджагъэх: "О Мос!
فَلَمَّا أَتَاهَا نُودِيَ يَا مُوسَىٰ
12
ШъыпкъэмкIэ, сыуи Тхь, уицуакъэхэр зыщыхых! О кIэй лъапIэу ТIууа удэт.
إِنِّي أَنَا رَبُّكَ فَاخْلَعْ نَعْلَيْكَ ۖ إِنَّكَ بِالْوَادِ الْمُقَدَّسِ طُوًى
13
Сэ о уакъыхэсхыгъ, къыфызэIуахыщтым о фэIорышI.
وَأَنَا اخْتَرْتُكَ فَاسْتَمِعْ لِمَا يُوحَىٰ
14
ШъыпкъэмкIэ, Тхьэр-Сэры, Сэщ фэшъхьаф тхьэ щыIэп! Сэ шъхьащэ къысфэшI, Сэ угу сыкъэбгъэкIызэ, намаз шIы!
إِنَّنِي أَنَا اللَّهُ لَا إِلَٰهَ إِلَّا أَنَا فَاعْبُدْنِي وَأَقِمِ الصَّلَاةَ لِذِكْرِي
15
Шъыпкъэ дэдэмкIэ, пIалъэр къэсыщт; Сэ сыхьазыр ащ ышъхьэ къисхынэу. Сыд фэдэ пси зэгугъурэм тефэрэр ыгъотыным пае!
إِنَّ السَّاعَةَ آتِيَةٌ أَكَادُ أُخْفِيهَا لِتُجْزَىٰ كُلُّ نَفْسٍ بِمَا تَسْعَىٰ
16
Ащ шIошъхъуныгъэ фызимыIэу ежь шIоигъом лъыкIорэм, о зыдемыгъэхьых, уунэхъун!
فَلَا يَصُدَّنَّكَ عَنْهَا مَنْ لَا يُؤْمِنُ بِهَا وَاتَّبَعَ هَوَاهُ فَتَرْدَىٰ
17
Сыда пIэ джабгъукIэ пIыгъыр, Мос?"
وَمَا تِلْكَ بِيَمِينِكَ يَا مُوسَىٰ
18
Ащ ыIуагъ: "Ар сэ сибэщ, ащ зытесэгъакIэ, сиIэхъогъумэ апае ащкIэ тхьапэхэр къыпысэутых. Сэщ пае ащ нэмыкI феди хэлъ".
قَالَ هِيَ عَصَايَ أَتَوَكَّأُ عَلَيْهَا وَأَهُشُّ بِهَا عَلَىٰ غَنَمِي وَلِيَ فِيهَا مَآرِبُ أُخْرَىٰ
19
ЫIуагъ Ащ: "ЧIэдз ар, Мос!"
قَالَ أَلْقِهَا يَا مُوسَىٰ
20
Ащ ар чIидзыгъ. Мары ар-блэу мэцуахъо.
فَأَلْقَاهَا فَإِذَا هِيَ حَيَّةٌ تَسْعَىٰ
21
ЫIуагъ Ащ: "Ар штэ, ущымыщын; Тэ ар зытетыгъэм тедгъэуцожьыщт.
قَالَ خُذْهَا وَلَا تَخَفْ ۖ سَنُعِيدُهَا سِيرَتَهَا الْأُولَىٰ
22
О пIэ угужъуакIэ далъхь: Зыпари щымышIэу, ар фыжьэу къыдэпхыжьыщт, ар нэмыкI щысэтехыпIэ хъущт.
وَاضْمُمْ يَدَكَ إِلَىٰ جَنَاحِكَ تَخْرُجْ بَيْضَاءَ مِنْ غَيْرِ سُوءٍ آيَةً أُخْرَىٰ
23
Тэ тищысэ лъапIэмэ ащыщхэр о къыодгъэлъэгъущтых.
لِنُرِيَكَ مِنْ آيَاتِنَا الْكُبْرَى
24
Фирхьаун дэжь кIо, ащ хьэлэ=балыкъ ышIыгъ".
اذْهَبْ إِلَىٰ فِرْعَوْنَ إِنَّهُ طَغَىٰ
25
Ащ ыIуагъ: "Я Алахь, сыбгъэ, къысфызэIух,
قَالَ رَبِّ اشْرَحْ لِي صَدْرِي
26
"СиIоф къысфэгъэпсынкI,
وَيَسِّرْ لِي أَمْرِي
27
Сыбзэ телъ зэкъолъэдапIэр къысфызэкъох:
وَاحْلُلْ عُقْدَةً مِنْ لِسَانِي
28
Сэ къасIорэр ахэмэ агурэрэIу.
يَفْقَهُوا قَوْلِي
29
Сиунагъо щыщ сшы Хьарунэ,
وَاجْعَلْ لِي وَزِيرًا مِنْ أَهْلِي
30
Сэ IэпыIэгъоу къысэт.
هَارُونَ أَخِي
31
АщкIэ сэ скIуачIэ къэгъэпыт,
اشْدُدْ بِهِ أَزْرِي
32
СиIоф къыхэлажьэу ар къэшI,
وَأَشْرِكْهُ فِي أَمْرِي
33
О уищытхъу бэрэ тэ тIотэным пае,
كَيْ نُسَبِّحَكَ كَثِيرًا
34
О бэрэ тыгу укъэкIыным пае:
وَنَذْكُرَكَ كَثِيرًا
35
Сыда пIомэ О тэ тыкъэолъэгъу".
إِنَّكَ كُنْتَ بِنَا بَصِيرًا
36
Ащ ыIуагъ: "О укъызкIэлъэIурэр, Мос, къыостыгъах,
قَالَ قَدْ أُوتِيتَ سُؤْلَكَ يَا مُوسَىٰ
37
ЯтIонэрэуи Тэ тынэшIу о къыпщытфагъ.
وَلَقَدْ مَنَنَّا عَلَيْكَ مَرَّةً أُخْرَىٰ
38
Мары, агурагъаIорэ хабзэр Тэ уянэ гурыдгъэIуагъ:
إِذْ أَوْحَيْنَا إِلَىٰ أُمِّكَ مَا يُوحَىٰ
39
"Къухьэ цIыкIум ар игъэгъуалъхьи, хым хадз, хым ар къызхерэдзи, нэпкъым къытырерэдз, ар Сэри сипыеу ежьыри ипый ыштэщт". Сэ сынэгу укIэтэу укъэхъуным пае Сэ сишIулъэгъу о къыпхэслъхьагъ.
أَنِ اقْذِفِيهِ فِي التَّابُوتِ فَاقْذِفِيهِ فِي الْيَمِّ فَلْيُلْقِهِ الْيَمُّ بِالسَّاحِلِ يَأْخُذْهُ عَدُوٌّ لِي وَعَدُوٌّ لَهُ ۚ وَأَلْقَيْتُ عَلَيْكَ مَحَبَّةً مِنِّي وَلِتُصْنَعَ عَلَىٰ عَيْنِي
40
Мары, пшыпхъу къыIохьэшъ къеIо: "ынаIэ тетынэу ар зыштэщтыр къышъуфэсэрэща?" Уянэ ынэхэр къэчэфыжьынхэм, мычэфынчъэным пае Тэ уфэтхьыжьыгъ. О псэ бгъэгъугъэ, щынэгъо чIыпIэм Тэ уитщыгъ, ау хъопсэныгъэкIэ утыушэтыгъ. Илъэс заулэ Мадйан щыпсэухэрэм о уахэсыгъ, етIанэ, Мос Тэ къызэрэфэдгъэнэфагъэу, о мыщ укъэкIуагъ!
إِذْ تَمْشِي أُخْتُكَ فَتَقُولُ هَلْ أَدُلُّكُمْ عَلَىٰ مَنْ يَكْفُلُهُ ۖ فَرَجَعْنَاكَ إِلَىٰ أُمِّكَ كَيْ تَقَرَّ عَيْنُهَا وَلَا تَحْزَنَ ۚ وَقَتَلْتَ نَفْسًا فَنَجَّيْنَاكَ مِنَ الْغَمِّ وَفَتَنَّاكَ فُتُونًا ۚ فَلَبِثْتَ سِنِينَ فِي أَهْلِ مَدْيَنَ ثُمَّ جِئْتَ عَلَىٰ قَدَرٍ يَا مُوسَىٰ
41
Сэщ пае Сэ ар аущтэу къыосшIагъ.
وَاصْطَنَعْتُكَ لِنَفْسِي
42
Ори о пши Сэ сиIэятэ къэгъэшъыпкъагъэхэр шъуIыгъэу шъукIу, шъугу Сэ сыкъэкIынымкIэ мэхагъэ къызхэшъумыгъаф.
اذْهَبْ أَنْتَ وَأَخُوكَ بِآيَاتِي وَلَا تَنِيَا فِي ذِكْرِي
43
Фирхьаун дэжь шъукIу, ащ хьалэ= балыкъ ышIыгъ,
اذْهَبَا إِلَىٰ فِرْعَوْنَ إِنَّهُ طَغَىٰ
44
Ащ гущыIэ шъабэ ешъуIу, ащ зыкъишIэжьынкIи е щынэнкIи мэхъу".
فَقُولَا لَهُ قَوْلًا لَيِّنًا لَعَلَّهُ يَتَذَكَّرُ أَوْ يَخْشَىٰ
45
Ахэмэ аIуагъ: "Ярэби я Алахь! Ащ тэ тыгу хигъэкIынкIэ, е хьалэ=балыкъ къытишIылIэнкIэ тэщынэ".
قَالَا رَبَّنَا إِنَّنَا نَخَافُ أَنْ يَفْرُطَ عَلَيْنَا أَوْ أَنْ يَطْغَىٰ
46
ЫIуагъ Ащ: "Шъумыщын, Сэ сышъуигъус, Сэ зэхэсэхы, сэлъэгъу.
قَالَ لَا تَخَافَا ۖ إِنَّنِي مَعَكُمَا أَسْمَعُ وَأَرَىٰ
47
Ыдэжь шъукIуи, ешъуIу: "Тэ уи Тхьэ тырилIыкIу. Исраил ыкъохэр тэ къыддэгъакIох, умыгъэпщынэх. О уи Тхьэ иIэятэ къэгъэшъыпкъагъэхэр тIыгъэу тэ уадэжь тыкъэкIуагъ, гъогу занкIэм рыкIощтым мамыр егъоты.
فَأْتِيَاهُ فَقُولَا إِنَّا رَسُولَا رَبِّكَ فَأَرْسِلْ مَعَنَا بَنِي إِسْرَائِيلَ وَلَا تُعَذِّبْهُمْ ۖ قَدْ جِئْنَاكَ بِآيَةٍ مِنْ رَبِّكَ ۖ وَالسَّلَامُ عَلَىٰ مَنِ اتَّبَعَ الْهُدَىٰ
48
Тэ нафэ къытфэхъугъ: Мыр пцIыкIэ зылъытэу зыкIыб къэзгъэзагъэмэ пщынэжьыр афыщылъ".
إِنَّا قَدْ أُوحِيَ إِلَيْنَا أَنَّ الْعَذَابَ عَلَىٰ مَنْ كَذَّبَ وَتَوَلَّىٰ
49
Ащ ыIуагъ: "Хэта шъо шъуи Тхьэр, Мос?
قَالَ فَمَنْ رَبُّكُمَا يَا مُوسَىٰ
50
Ащ ыIуагъ: "Тэ ти Тхьэр псэ зыпытхэм зэкIэ къязытэу гъогу къязгъэлъэгъурэр ары".
قَالَ رَبُّنَا الَّذِي أَعْطَىٰ كُلَّ شَيْءٍ خَلْقَهُ ثُمَّ هَدَىٰ
51
Ащ ыIуагъ: "Ижъырэ лъэпкъыхэм сыд фэдэ гупшыса яIагъэхэр?"
قَالَ فَمَا بَالُ الْقُرُونِ الْأُولَىٰ
52
Ащ ыIуагъ: "Ащ фэгъэхьыгъэ шIэныгъэр си Тхьэ дэжь щыI, ащ итхылъ дэт, гъуащэрэп си тхьэ, щыгъупшэрэп.
قَالَ عِلْمُهَا عِنْدَ رَبِّي فِي كِتَابٍ ۖ لَا يَضِلُّ رَبِّي وَلَا يَنْسَى
53
Тэры, Алахьыр ары шъощ пае чIыгур зэныбжь зышIыгъэр, шъощ пае гъогухэр пхырызыщыгъэр, уашъом псыр къезыщэхыгъэр, псым ихьатыркIэ Тэ уц зэфэшъхьафхэр тIурытIоу зэгъусэхэу къэдгъэкIыгъэх.
الَّذِي جَعَلَ لَكُمُ الْأَرْضَ مَهْدًا وَسَلَكَ لَكُمْ فِيهَا سُبُلًا وَأَنْزَلَ مِنَ السَّمَاءِ مَاءً فَأَخْرَجْنَا بِهِ أَزْوَاجًا مِنْ نَبَاتٍ شَتَّىٰ
54
Шъушхы, шъуиIэхъогъухэр жъугъэхъух, шъыпкъэ дэдэмкIэ, акъыл зиIэхэмкIэ ащ щысэ хэлъ!"
كُلُوا وَارْعَوْا أَنْعَامَكُمْ ۗ إِنَّ فِي ذَٰلِكَ لَآيَاتٍ لِأُولِي النُّهَىٰ
55
Тэ ащ шъухэтшIыкIыгъ, ащ щыщ шъухъужьыщт, етIани ащ шъухэтшIыкIыжьыщт.
مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ
56
Тэ зэкIэ тиIэятэ къэгъэшъыпкъагъэхэр ащ едгъэлъэгъугъэх, ау пцIыкIэ ылъытагъ, ыкIыб къытфигъэзагъ.
وَلَقَدْ أَرَيْنَاهُ آيَاتِنَا كُلَّهَا فَكَذَّبَ وَأَبَىٰ
57
Ащ ыIуагъ: "Тэ тичIыгу шхъухьэ IофкIэ о типщынэу тадэжь укъэкIуагъа, Мос?
قَالَ أَجِئْتَنَا لِتُخْرِجَنَا مِنْ أَرْضِنَا بِسِحْرِكَ يَا مُوسَىٰ
58
Тэ, Iо хэлъэп, ащ яхьыщырэу шхъухьэ Iоф къыодгъэлъэгъун, ощ паий тэщ пайй уахътэ къэгъэнаф, ори тэри чIыпIэри зэрэзэблэтымыхъущтым фэдэу ар зэблэтхъущтэп".
فَلَنَأْتِيَنَّكَ بِسِحْرٍ مِثْلِهِ فَاجْعَلْ بَيْنَنَا وَبَيْنَكَ مَوْعِدًا لَا نُخْلِفُهُ نَحْنُ وَلَا أَنْتَ مَكَانًا سُوًى
59
Ащ ыIуагъ: "ШъоркIэ пIалъэр щыгъын кIэракIэмэ ямаф; пчэдыжьым тыгъэм ышъо къэплъыгъэу цIыфхэр къэзэрэугъоих".
قَالَ مَوْعِدُكُمْ يَوْمُ الزِّينَةِ وَأَنْ يُحْشَرَ النَّاسُ ضُحًى
60
Фирхьаун IукIыжьыгъ, итхьагъэпцIхэр зэкIэ къыугъоихи, етIанэ къэкIуагъ.
فَتَوَلَّىٰ فِرْعَوْنُ فَجَمَعَ كَيْدَهُ ثُمَّ أَتَىٰ
61
Ахэмэ Мосэ ариIуагъ: "Шъо Тхьэр къышъоуагъ, Алахьым имыхьакъ тешъумылъхь, армырмэ, Ащ пщынэжькIэ шъуигъэкIодыщт", ПцIы зыусрэм гъэхъагъэ ышIыщтэп!
قَالَ لَهُمْ مُوسَىٰ وَيْلَكُمْ لَا تَفْتَرُوا عَلَى اللَّهِ كَذِبًا فَيُسْحِتَكُمْ بِعَذَابٍ ۖ وَقَدْ خَابَ مَنِ افْتَرَىٰ
62
Ахэр ежьхэм азфагу яIоф щытегущыIэщтыгъэх, шъэфэу зэупчIыжьыщтыгъэх.
فَتَنَازَعُوا أَمْرَهُمْ بَيْنَهُمْ وَأَسَرُّوا النَّجْوَىٰ
63
Ахэмэ аIуагъ: "Iо хэлъэп, мыхэр удитIу мэхъух. ШъуичIыгу шхъухьэ IофкIэ мыхэмэ шъурафы ашIоигъу, щысэ хъун гъогоу шъуиIэр агъэкIодын яморад.
قَالُوا إِنْ هَٰذَانِ لَسَاحِرَانِ يُرِيدَانِ أَنْ يُخْرِجَاكُمْ مِنْ أَرْضِكُمْ بِسِحْرِهِمَا وَيَذْهَبَا بِطَرِيقَتِكُمُ الْمُثْلَىٰ
64
ШъуитхьагъэпцIыгъэ зэхэжъугъахъуи, шъузэготэу шъукIу. Непэ текIорэр насыпышIо хъущт!"
فَأَجْمِعُوا كَيْدَكُمْ ثُمَّ ائْتُوا صَفًّا ۚ وَقَدْ أَفْلَحَ الْيَوْمَ مَنِ اسْتَعْلَىٰ
65
Ахэмэ аIуагъ: "О Мос, е о чIэдз, е тэ апэ чIэтыдзыщт, хэта чIэзыдзырэр?"
قَالُوا يَا مُوسَىٰ إِمَّا أَنْ تُلْقِيَ وَإِمَّا أَنْ نَكُونَ أَوَّلَ مَنْ أَلْقَىٰ
66
Ащ ыIуагъ: "Хьау, шъо чIэшъудз!" Мары, ахэмэ яшхъухьэ кIуачIэкIэ якIапсэхэри ябэщхэри зекIохэу ащ къышIошIыгъ.
قَالَ بَلْ أَلْقُوا ۖ فَإِذَا حِبَالُهُمْ وَعِصِيُّهُمْ يُخَيَّلُ إِلَيْهِ مِنْ سِحْرِهِمْ أَنَّهَا تَسْعَىٰ
67
Мосэ ыгу щынэ къихьагъ.
فَأَوْجَسَ فِي نَفْسِهِ خِيفَةً مُوسَىٰ
68
ТIуагъэ Тэ: "умыщын, оры нахь лъагэр!
قُلْنَا لَا تَخَفْ إِنَّكَ أَنْتَ الْأَعْلَىٰ
69
Iэ джабгъумкIэ пIыгъыр чIэдз, ахэмэ къашIыгъэр ащ ыдырыщт; удым итхьагъэпцIыгъэхэр ары ахэмэ къашIыгъэр, тыдэ кIуагъэми, удым насып иIэщтэп".
وَأَلْقِ مَا فِي يَمِينِكَ تَلْقَفْ مَا صَنَعُوا ۖ إِنَّمَا صَنَعُوا كَيْدُ سَاحِرٍ ۖ وَلَا يُفْلِحُ السَّاحِرُ حَيْثُ أَتَىٰ
70
Джащыгъум удыхэр натIэкIэ чIыгум нэсыхи, шъхьащэ ашIыгъ, ахэмэ аIуагъ: "Хьарунэрэ Мосэрэ я Тхьэ шIошъхъуныгъэ шъыпкъэ фэтэшIы!"
فَأُلْقِيَ السَّحَرَةُ سُجَّدًا قَالُوا آمَنَّا بِرَبِّ هَارُونَ وَمُوسَىٰ
71
Фирхьаун ыIуагъ: "Сэ Iизын къышъостыным ыпэкIэ, Ащ шIошъхъуныгъэ шъыпкъэ фэшъушIыгъэнэуи, ар, Iо хэлъэп, шъощ нахьыжъ, шхъухьэ Iофхэр шъуигъэшIагъэх. Сэ шъуIэхэри шъулъакъохэри пысыупкIыных, хъурмэ чъыгмэ шъуатесIулIэн, джащыгъум уигъэпщынэнкIэ тащыщэу нахь лъэшыр, нахь пкъыер къэшъушIэщт.
قَالَ آمَنْتُمْ لَهُ قَبْلَ أَنْ آذَنَ لَكُمْ ۖ إِنَّهُ لَكَبِيرُكُمُ الَّذِي عَلَّمَكُمُ السِّحْرَ ۖ فَلَأُقَطِّعَنَّ أَيْدِيَكُمْ وَأَرْجُلَكُمْ مِنْ خِلَافٍ وَلَأُصَلِّبَنَّكُمْ فِي جُذُوعِ النَّخْلِ وَلَتَعْلَمُنَّ أَيُّنَا أَشَدُّ عَذَابًا وَأَبْقَىٰ
72
Ахэмэ аIуагъ: "Тэ къытфэкIогъэ Iэятэ къэгъэшъыпкъэгъэ зэхэугуфыкIыгъэмэ анахь лъагэу удгъэуцущтэп: Тэ тыкъэзгъэшIыгъэми нахь лъагэ утшIыщтэп. ПшIэ пшIоигъор шIэ. О пшIэн плъэкIыщтыр мы гъэшIэ Iахьым фэгъэхьыгъэр ары ныIэп.
قَالُوا لَنْ نُؤْثِرَكَ عَلَىٰ مَا جَاءَنَا مِنَ الْبَيِّنَاتِ وَالَّذِي فَطَرَنَا ۖ فَاقْضِ مَا أَنْتَ قَاضٍ ۖ إِنَّمَا تَقْضِي هَٰذِهِ الْحَيَاةَ الدُّنْيَا
73
Тэ ти Тхьэ шIошъхъуныгъэ шъыпкъэ фэтшIыгъ,псэкIодшIагъэхэу тиIэхэри о егъэзыгъэкIэ тэбгъашIэщтыгъэ шхъухьэ Iофхэри къытфигъэгъунхэм пае, Алахьыр нахьышIу, егъашIэм щыIэщт!"
إِنَّا آمَنَّا بِرَبِّنَا لِيَغْفِرَ لَنَا خَطَايَانَا وَمَا أَكْرَهْتَنَا عَلَيْهِ مِنَ السِّحْرِ ۗ وَاللَّهُ خَيْرٌ وَأَبْقَىٰ
74
Гунахьыбэ телъэу и Тхьэ ыпашъхьэ ихьажьрэм джэхьнэмыр фыхэхыгъ, ащ щылIэрэп, щыщыIэп.
إِنَّهُ مَنْ يَأْتِ رَبَّهُ مُجْرِمًا فَإِنَّ لَهُ جَهَنَّمَ لَا يَمُوتُ فِيهَا وَلَا يَحْيَىٰ
75
Диныр ыгу илъэу, шIу ышIагъэу Ащ ыпашъхьэ ихьажьырэмэ апай анахь чIыпIэ лъагэхэр,
وَمَنْ يَأْتِهِ مُؤْمِنًا قَدْ عَمِلَ الصَّالِحَاتِ فَأُولَٰئِكَ لَهُمُ الدَّرَجَاتُ الْعُلَىٰ
76
ЕгъэшIэрэ джэнэтхэу псыхъохэр зыхэчъыхэрэм ахэр арысыщтых. Зызыукъэбзыжьыгъэхэм аратрэр джащ фэд.
جَنَّاتُ عَدْنٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ وَذَٰلِكَ جَزَاءُ مَنْ تَزَكَّىٰ
77
Тэ Мосэ гурыдгъэIуагъ: "СиIумэтхэр чэщым къищыхи, гъушъапIэм фэдэу ахэмэ хым гъогу щафыхэсхыщт. Уауж къафыным утемыщтыхь, умыщт!"
وَلَقَدْ أَوْحَيْنَا إِلَىٰ مُوسَىٰ أَنْ أَسْرِ بِعِبَادِي فَاضْرِبْ لَهُمْ طَرِيقًا فِي الْبَحْرِ يَبَسًا لَا تَخَافُ دَرَكًا وَلَا تَخْشَىٰ
78
Идзэ игъусэу фирхьаун ахэмэ ауж ыфыгъ, ау ахэр хым чIихьагъэх.
فَأَتْبَعَهُمْ فِرْعَوْنُ بِجُنُودِهِ فَغَشِيَهُمْ مِنَ الْيَمِّ مَا غَشِيَهُمْ
79
Фирхьаун ицIыф лъэпкъ ыгъэгъощагъ, гъогу занкIэ тыригъэуцуагъэп.
وَأَضَلَّ فِرْعَوْنُ قَوْمَهُ وَمَا هَدَىٰ
80
"О Исраил ыкъохэр! Шъо шъуипый Тэ шъукъедгъэлыжьыгъ, къушъхьэ чапэм иджабгъу лъэныкъо тыщызэIукIэнэу шъуфэдгъэнэфагъ, щэкурпи ныбгъухэри къышъуфедгъэхыгъ.
يَا بَنِي إِسْرَائِيلَ قَدْ أَنْجَيْنَاكُمْ مِنْ عَدُوِّكُمْ وَوَاعَدْنَاكُمْ جَانِبَ الطُّورِ الْأَيْمَنَ وَنَزَّلْنَا عَلَيْكُمُ الْمَنَّ وَالسَّلْوَىٰ
81
Тэ шIуагъэу къышъоттырэм щыщ шъушхы, шъом шъуимыкI, армырмэ Сэ сигубж лъэш къышъукIэхьащт, Сэ сигубж лъэш зыкIэхьагъэр кIодыгъэ.
كُلُوا مِنْ طَيِّبَاتِ مَا رَزَقْنَاكُمْ وَلَا تَطْغَوْا فِيهِ فَيَحِلَّ عَلَيْكُمْ غَضَبِي ۖ وَمَنْ يَحْلِلْ عَلَيْهِ غَضَبِي فَقَدْ هَوَىٰ
82
Сэ, шъыпкъэ дэдэмкIэ, кIэгъожьыгъэмэ, шIошъхъуныгъэ шъыпкъэ зышIыгъэмэ, шIу зышIэщтыгъэмэ, етIанэ гъогу занкIэкIэ кIуагъэмэ афэсэгъэгъу.
وَإِنِّي لَغَفَّارٌ لِمَنْ تَابَ وَآمَنَ وَعَمِلَ صَالِحًا ثُمَّ اهْتَدَىٰ
83
УицIыф лъэпкъ гуIэнкIэ укъыхэкIынэу сыда узышIыгъэр, Мос?"
وَمَا أَعْجَلَكَ عَنْ قَوْمِكَ يَا مُوسَىٰ
84
Ащ ыIуагъ: "Сэ счIыпIэ итынхэу ащ зыгорэхэр щыIэх, сэ уадэжь сыкъэпсынкIагъ, ярэби я Алахь, О разэ ухъуным пае".
قَالَ هُمْ أُولَاءِ عَلَىٰ أَثَرِي وَعَجِلْتُ إِلَيْكَ رَبِّ لِتَرْضَىٰ
85
ЫIуагъ Ащ: "Уауж уицIыф лъэпкъ Сэ сыушэтыгъэ, ахэр ас=Самир ыгъэгъощагъэх.
قَالَ فَإِنَّا قَدْ فَتَنَّا قَوْمَكَ مِنْ بَعْدِكَ وَأَضَلَّهُمُ السَّامِرِيُّ
86
ИцIыф лъэпкъ дэжь лъэшэу губжыгъэу, чэфынчъэу Мосэ къыгъэзэжьыгъ. Ащ ыIуагъ: "О сицIыф лъэпкъ! Шъуи Тхьэ гугъэ шIагъокIэ шъуигъэгугъагъэба? Е а гугъэр шъо къышъупэчыжьэу къышъущэхъуа? Е шъуи Тхьэ игубж лъэш къызтежъугъафэ шъушIоигъуа? Ащ пая сыкъызэрэжъугъэгугъагъэр зыкIэшъуукъуагъэр?"
فَرَجَعَ مُوسَىٰ إِلَىٰ قَوْمِهِ غَضْبَانَ أَسِفًا ۚ قَالَ يَا قَوْمِ أَلَمْ يَعِدْكُمْ رَبُّكُمْ وَعْدًا حَسَنًا ۚ أَفَطَالَ عَلَيْكُمُ الْعَهْدُ أَمْ أَرَدْتُمْ أَنْ يَحِلَّ عَلَيْكُمْ غَضَبٌ مِنْ رَبِّكُمْ فَأَخْلَفْتُمْ مَوْعِدِي
87
Ахэмэ аIуагъ: "Тэ тлъэкI къыхьэу узэрэдгъэгугъагъэр тыукъуагъэп, лъэпкъым ишъуашэмэ дышъэу ахэлъыр къэтхьынэу тэ унашъо къытфашIыгъагъ, тэ ахэр псынкIэу къэтхьыгъэх. Джащыгъум ас--Самириер машIом хидзагъ;
قَالُوا مَا أَخْلَفْنَا مَوْعِدَكَ بِمَلْكِنَا وَلَٰكِنَّا حُمِّلْنَا أَوْزَارًا مِنْ زِينَةِ الْقَوْمِ فَقَذَفْنَاهَا فَكَذَٰلِكَ أَلْقَى السَّامِرِيُّ
88
Ар пкъышъол теплъэ иIэу дышъэм хигъэчъыкIыгъ, ар быущтыгъэ. Ахэмэ аIуагъ: "Мыр шъуи Тхь, Моси и Тхь, ащ Ар щыгъупшагъ".
فَأَخْرَجَ لَهُمْ عِجْلًا جَسَدًا لَهُ خُوَارٌ فَقَالُوا هَٰذَا إِلَٰهُكُمْ وَإِلَٰهُ مُوسَىٰ فَنَسِيَ
89
Ахэмэ алъэгъущтыгъэба ащ раIорэм иджэуап къариIожьын зэримылъэкIырэр, ахэмэ апае зэрари феди ышIэн зэримылъэкIырэр.
أَفَلَا يَرَوْنَ أَلَّا يَرْجِعُ إِلَيْهِمْ قَوْلًا وَلَا يَمْلِكُ لَهُمْ ضَرًّا وَلَا نَفْعًا
90
Ащ ыпэкIэ ахэмэ Хьарунэ ариIогъэхагъ: "О сицIыф лъэпкъ! АщкIэ шъуаушэты ныIэп, гукIэгъу зыхэлъыр шъуи Тхьэ ары, сауж шъукъырыкIу, сиунашъо шъуфэIорышI".
وَلَقَدْ قَالَ لَهُمْ هَارُونُ مِنْ قَبْلُ يَا قَوْمِ إِنَّمَا فُتِنْتُمْ بِهِ ۖ وَإِنَّ رَبَّكُمُ الرَّحْمَٰنُ فَاتَّبِعُونِي وَأَطِيعُوا أَمْرِي
91
Ахэмэ аIуагъ: "Мосэ тадэжь къемыгъэзэжьыфэ, тэ ащ шъхьэкIафэ фэтшIыныр зэпыдгъэущтэп".
قَالُوا لَنْ نَبْرَحَ عَلَيْهِ عَاكِفِينَ حَتَّىٰ يَرْجِعَ إِلَيْنَا مُوسَىٰ
92
Ащ ыIуагъ: "О Хьарун! Ахэр зэрэгъощагъэхэр зыолъэгъум,
قَالَ يَا هَارُونُ مَا مَنَعَكَ إِذْ رَأَيْتَهُمْ ضَلُّوا
93
Сауж укъырыкIонымкIэ сыда узэтезыIэжагъэр? Сэ сиунашъо уфэмыIорышIэнэуи?"
أَلَّا تَتَّبِعَنِ ۖ أَفَعَصَيْتَ أَمْرِي
94
Ащ ыIуагъ: "О сянэ къылъфыгъ! Сэ сыжакIи сшъхьи уакъыхэмыбан, сэ сыщыщынэщтыгъэ къысэпIощтым: "Исраил ыкъохэр зэгокIынхэр о ппкъы къикIыгъ, сигущыIэ уфэшъыпкъагъэп".
قَالَ يَا ابْنَ أُمَّ لَا تَأْخُذْ بِلِحْيَتِي وَلَا بِرَأْسِي ۖ إِنِّي خَشِيتُ أَنْ تَقُولَ فَرَّقْتَ بَيْنَ بَنِي إِسْرَائِيلَ وَلَمْ تَرْقُبْ قَوْلِي
95
Ащ ыIуагъ: "О, ас=Самир, сыда ащ уфэзгъэчэфыгъэр?"
قَالَ فَمَا خَطْبُكَ يَا سَامِرِيُّ
96
Ащ ыIуагъ: "Ахэмэ амылъэгъущтыгъэр сэ слъэгъугъэ: ЛIыкIом илъэуж сэ чIыгу Iэбжыб къыхэспхъоти, чIэсыдзыгъ. Джаущтэу сэ спсэ сигъэхъопсагъ".
قَالَ بَصُرْتُ بِمَا لَمْ يَبْصُرُوا بِهِ فَقَبَضْتُ قَبْضَةً مِنْ أَثَرِ الرَّسُولِ فَنَبَذْتُهَا وَكَذَٰلِكَ سَوَّلَتْ لِي نَفْسِي
97
Ащ ыIуагъ: "Мыщ дэжьым IукI, мы гъашIэм о щыпIощт ныIэп: "Укъысэнэмыс!" оркIэ укъуагъэ мыхъущт пIэлъэ гъэнэфагъэ о пфагъэуцущт. О лъытэныгъэ зыфэпшIыщтыгъэу уитхьэ еплъ: Тэ ар дгъэстынышъ, хым яжьэу хэттэкъожьыщт.
قَالَ فَاذْهَبْ فَإِنَّ لَكَ فِي الْحَيَاةِ أَنْ تَقُولَ لَا مِسَاسَ ۖ وَإِنَّ لَكَ مَوْعِدًا لَنْ تُخْلَفَهُ ۖ وَانْظُرْ إِلَىٰ إِلَٰهِكَ الَّذِي ظَلْتَ عَلَيْهِ عَاكِفًا ۖ لَنُحَرِّقَنَّهُ ثُمَّ لَنَنْسِفَنَّهُ فِي الْيَمِّ نَسْفًا
98
Шъо шъуитхьэр Тхьэр ары. Ащ фэшъхьаф тхьэ щыIэп, Ащ ишIэныгъэ псэ зыпытыр зэкIэ къыреубытэ!"
إِنَّمَا إِلَٰهُكُمُ اللَّهُ الَّذِي لَا إِلَٰهَ إِلَّا هُوَ ۚ وَسِعَ كُلَّ شَيْءٍ عِلْمًا
99
Джаущтэу Тэ о къыпфэтэIуатэ хъугъэ=шIагъэ горэхэу ыпэкIэ щыIагъэхэр, Тэ тишIэныгъэ о къыотэты!
كَذَٰلِكَ نَقُصُّ عَلَيْكَ مِنْ أَنْبَاءِ مَا قَدْ سَبَقَ ۚ وَقَدْ آتَيْنَاكَ مِنْ لَدُنَّا ذِكْرًا
100
Ащ зышъхьэ щызгъэзыерэм, къызщыхъужьыщтхэ мафэм хьын ыхьыщт.
مَنْ أَعْرَضَ عَنْهُ فَإِنَّهُ يَحْمِلُ يَوْمَ الْقِيَامَةِ وِزْرًا
101
Ахэмэ ар егъашIэм ателъыщт. Къаймэт мафэм ахэмэ ар хьын хьылъэ афэхъущт!
خَالِدِينَ فِيهِ ۖ وَسَاءَ لَهُمْ يَوْمَ الْقِيَامَةِ حِمْلًا
102
Мафэу сырынэм къызщепщэщтхэм, Тэ псэкIодшIэгъабэ зиIэхэр нэшхъуантIэ хъугъэхэу къэтыугъоижьыщтых.
يَوْمَ يُنْفَخُ فِي الصُّورِ ۚ وَنَحْشُرُ الْمُجْرِمِينَ يَوْمَئِذٍ زُرْقًا
103
Ахэр зэIушъэшъэжьыщтых: "Шъо ащ мэфипшI ныIэп шъузэрэщыIагъэр".
يَتَخَافَتُونَ بَيْنَهُمْ إِنْ لَبِثْتُمْ إِلَّا عَشْرًا
104
Ахэмэ аIорэр Тэ нахьышIоу тэшIэ, чIыпIэу зэрытымкIэ ахэмэ анахь лъагэм еIо: "Шъо ащ шъузэрэщыIагъэр зы маф ныIэп".
نَحْنُ أَعْلَمُ بِمَا يَقُولُونَ إِذْ يَقُولُ أَمْثَلُهُمْ طَرِيقَةً إِنْ لَبِثْتُمْ إِلَّا يَوْمًا
105
О ахэр къушъхьэмэ апае къыоупчIых, яIу: "Ахэр сэ си Тхьэ сапэ ышIыщтых,
وَيَسْأَلُونَكَ عَنِ الْجِبَالِ فَقُلْ يَنْسِفُهَا رَبِّي نَسْفًا
106
Ахэр кIэй нэкIхэу къыгъэнэщтых,
فَيَذَرُهَا قَاعًا صَفْصَفًا
107
О чIыгум щыплъэгъущтэп къонщагъи лъэгапIи!"
لَا تَرَىٰ فِيهَا عِوَجًا وَلَا أَمْتًا
108
Зыпари къонщагъэ зимыIэу къяджэрэм а мафэм ахэр ыуж рыкIощтых, ГукIэгъушIэм ыпашъхьэ макъэхэр щыIэсэщтых, о зэхэпхыщтыр мэкъэ цIыкIу ныIэп.
يَوْمَئِذٍ يَتَّبِعُونَ الدَّاعِيَ لَا عِوَجَ لَهُ ۖ وَخَشَعَتِ الْأَصْوَاتُ لِلرَّحْمَٰنِ فَلَا تَسْمَعُ إِلَّا هَمْسًا
109
А мафэм ГукIэгъушIэм къэгущыIэнэу фит ышIырэр зилъэIу гъэхъагъэ хэлъыщтыр ары.
يَوْمَئِذٍ لَا تَنْفَعُ الشَّفَاعَةُ إِلَّا مَنْ أَذِنَ لَهُ الرَّحْمَٰنُ وَرَضِيَ لَهُ قَوْلًا
110
Ащ ешIэ ахэмэ апэкIэ щыIагъэр, ауж къэхъущтыр, ахэмэ яшIэныгъэ ар къыубытыщтэп.
يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِهِ عِلْمًا
111
Джащыгъум ахэмэ ашъхьэхэр псэ зыпытым, щыIэм ыпашъхьэ щефэхыщтых, Iоф бзаджэхэр хьынэу ащ къэзыхьыщтхэм гугъапIэу яIэмкIэ загъэпцIэжьыщт.
وَعَنَتِ الْوُجُوهُ لِلْحَيِّ الْقَيُّومِ ۖ وَقَدْ خَابَ مَنْ حَمَلَ ظُلْمًا
112
ШIу зышIэщтыгъэхэу, диныр зышIошъ хъущтыгъэхэр шъхьакIуи тхьамыкIагъуи щыщынэщтхэп.
وَمَنْ يَعْمَلْ مِنَ الصَّالِحَاتِ وَهُوَ مُؤْمِنٌ فَلَا يَخَافُ ظُلْمًا وَلَا هَضْمًا
113
Мары, Тэ КъурIаныр арапыбзэкIэ къедгъэхыгъ: Тэ ащ щынэгъо заулэ щыдгъэфедагъ. Ахэр Тхьэм щыщынэнхэкIи мэхъу е Ежь фэгъэхьыгъэ гукъэкIыжь икIэрыкIэу аригъэшIынкIи мэхъу!
وَكَذَٰلِكَ أَنْزَلْنَاهُ قُرْآنًا عَرَبِيًّا وَصَرَّفْنَا فِيهِ مِنَ الْوَعِيدِ لَعَلَّهُمْ يَتَّقُونَ أَوْ يُحْدِثُ لَهُمْ ذِكْرًا
114
Алахьыр зэкIэмэ анахь лъаг! КъурIаныр къыфырагъэхыныр ухыгъэ мыхъоу, ащ уеджэным удэмыгуI, Iо: "Ярэби я Алахь! сишIэныгъэ гъэбагъо".
فَتَعَالَى اللَّهُ الْمَلِكُ الْحَقُّ ۗ وَلَا تَعْجَلْ بِالْقُرْآنِ مِنْ قَبْلِ أَنْ يُقْضَىٰ إِلَيْكَ وَحْيُهُ ۖ وَقُلْ رَبِّ زِدْنِي عِلْمًا
115
ЫпэкIэ Тэ Адам Iуагъэ дэтшIыгъэхагъ, ау ар щыгъупшалэу щытыгъ, Тэ ащ пытагъэ хэтлъэгъуагъэп.
وَلَقَدْ عَهِدْنَا إِلَىٰ آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْمًا
116
Мары, Тэ мэлаIичмэ ятIуагъ: "Адам шъхьащэ фэшъушI!" иблыс фэшъхьафрэ, ахэмэ шъхьащэ фашIыгъ, ащ ыдагъэп,
وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ أَبَىٰ
117
Тэ тIуагъэ: "О Адам! Ар ори уишъузи шъуипый. Ащ шъо джэнэтым шъукъырерэмыщ, насыпынчъэ умыхъу!
فَقُلْنَا يَا آدَمُ إِنَّ هَٰذَا عَدُوٌّ لَكَ وَلِزَوْجِكَ فَلَا يُخْرِجَنَّكُمَا مِنَ الْجَنَّةِ فَتَشْقَىٰ
118
ШъыпкъэмкIэ, ащ мэлакIэ ущылIэрэп, ущыпцIанэп,
إِنَّ لَكَ أَلَّا تَجُوعَ فِيهَا وَلَا تَعْرَىٰ
119
ПсыфалIэ ущылIэрэп, фабэм уигъапэрэп".
وَأَنَّكَ لَا تَظْمَأُ فِيهَا وَلَا تَضْحَىٰ
120
Шэйтаныр ащ еIушъэшъагъ, ыIуагъ: "О Адам, егъэшIэрэ чьыгымрэ мыкIодыжьын лъэкIрэ къыозгъэлъэгъуна?"
فَوَسْوَسَ إِلَيْهِ الشَّيْطَانُ قَالَ يَا آدَمُ هَلْ أَدُلُّكَ عَلَىٰ شَجَرَةِ الْخُلْدِ وَمُلْكٍ لَا يَبْلَىٰ
121
НэбгыритIури мыIэрысэм ецэкъагъэх, зэрэупцIэныгъэхэр ахэмэ зыдалъэгъужьыгъ, джэнэт тхьапэхэм джанэхэр зыфыхашIыкIыхэу рагъэжьагъ, Адам и Тхьэ едэIугъэп, гъогум дэхыгъ.
فَأَكَلَا مِنْهَا فَبَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيْهِمَا مِنْ وَرَقِ الْجَنَّةِ ۚ وَعَصَىٰ آدَمُ رَبَّهُ فَغَوَىٰ
122
ЕтIанэ ар Тхьэм къахихыгъ, фигъэгъугъ, гъогу занкIэ тырищагъ.
ثُمَّ اجْتَبَاهُ رَبُّهُ فَتَابَ عَلَيْهِ وَهَدَىٰ
123
Ащ ыIуагъ: "Зым адырэр ипыеу ащ зыкъежъугъэфэх! Сэ садэжь къэкIэу шъузэрыгъозэн къышъуфакIомэ. Сэ сипэщэныгъэ ыуж рыкIорэр дэхыщтэп, насыпынчъэ хъущтэп!
قَالَ اهْبِطَا مِنْهَا جَمِيعًا ۖ بَعْضُكُمْ لِبَعْضٍ عَدُوٌّ ۖ فَإِمَّا يَأْتِيَنَّكُمْ مِنِّي هُدًى فَمَنِ اتَّبَعَ هُدَايَ فَلَا يَضِلُّ وَلَا يَشْقَىٰ
124
Сэ сишIэныгъэ зыкIыб къыфэзгъазэрэм, шъыпкъэ дэдэмкIэ, гъэшIэ зэжъу иIэщт! Къаймэт мафэм Тэ ар нэшъоу къэдгъэнэхъэжьыщт".
وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَىٰ
125
Ащ еIо: "Я си Алахь, сыд пае сынэшъоу О сыкъэбгъэнэхъэжьыгъ, нахьыпэм слъэгъоу сыщытыгъ?"
قَالَ رَبِّ لِمَ حَشَرْتَنِي أَعْمَىٰ وَقَدْ كُنْتُ بَصِيرًا
126
Ащ риIощт: "Тэ тиIэятэ къэгъэшъыпкъагъэхэр о къызыпфэкIохэм, ахэр пщыгъупшагъэх, джащ фэдэу непэ ори уащыгъупшэщт".
قَالَ كَذَٰلِكَ أَتَتْكَ آيَاتُنَا فَنَسِيتَهَا ۖ وَكَذَٰلِكَ الْيَوْمَ تُنْسَىٰ
127
Гъунэм икIыгъэхэу, и Тхьэ иIэятэ къэгъэшъыпкъагъэхэм шIошъхъуныгъэ шъыпкъэ афэзымышIыгъэхэм Тэ джаущтэу тятэ, ау, Iо хэлъэп, ахърэт гъашIэм ипщынэжь нахь лъэш, мыухыжь!
وَكَذَٰلِكَ نَجْزِي مَنْ أَسْرَفَ وَلَمْ يُؤْمِنْ بِآيَاتِ رَبِّهِ ۚ وَلَعَذَابُ الْآخِرَةِ أَشَدُّ وَأَبْقَىٰ
128
Ахэмэ апэкIэ ижъырэ лъэпкъэу Тэ дгъэкIодыгъэхэр Ахэмэ ашIэрэба? Ахэмэ япсэупIагъэхэм мыдырэхэр арэхьах. Акъыл зиIэхэмкIэ ащ щысэ хэлъ!
أَفَلَمْ يَهْدِ لَهُمْ كَمْ أَهْلَكْنَا قَبْلَهُمْ مِنَ الْقُرُونِ يَمْشُونَ فِي مَسَاكِنِهِمْ ۗ إِنَّ فِي ذَٰلِكَ لَآيَاتٍ لِأُولِي النُّهَىٰ
129
О уи Тхьэ дэжь нахьыпэкIэ гущыIэ къикIыгъэу щытыгъэмэ, ахэмэ ар кIодыпIэ афэхъуни. экIэми пIэлъэ гъэнэфагъэ яI.
وَلَوْلَا كَلِمَةٌ سَبَقَتْ مِنْ رَبِّكَ لَكَانَ لِزَامًا وَأَجَلٌ مُسَمًّى
130
Ахэмэ аIорэр щэIагъэ пхэлъэу зэпыч. Тыгъэр къыкъокIыным ыпэкIи къохьаным ыпэкIи уи Тхьэ щытхъу фаIу, чэщым игъоми мафэм игъоми Ащ щытхъу фаIу, о разэ ухъункIи мэхъу.
فَاصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا ۖ وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ
131
ГъашIэм идэхагъэкIэ рытыушэтынхэу унагъо горэмэ Тэ къяттырэмэ уямыхъуапс. О Iахьэу Тхьэм къыпфишIыгъэр нахьышIу, мыухыжь!
وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ
132
Уиунагъо нэмаз ышIынэу унашъо фэшI, ори ащ зэпымыоу егугъу, О тын къытфэпшIынэу Тэ тыолъэIурэп, Тэ удгъэшхэщт. Тхьэм ищынагъо зыгу илъхэм гъэхъагъэ ашIыщт.
وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَحْنُ نَرْزُقُكَ ۗ وَالْعَاقِبَةُ لِلتَّقْوَىٰ
133
Ахэмэ аIо: "И Тхьэ дэжь къикIэу Iэятэ къэгъэшъыпкъэгъэ зэхэугуфыкIыгъэхэр ыIыгъхэу сыда ар тадэжь къызкIэмыкIощтыр?" Апэрэ тхыгъэхэм арытэу нафэу къэзгъэшъыпкъэрэр ахэмэ къафэкIогъагъэба?
وَقَالُوا لَوْلَا يَأْتِينَا بِآيَةٍ مِنْ رَبِّهِ ۚ أَوَلَمْ تَأْتِهِمْ بَيِّنَةُ مَا فِي الصُّحُفِ الْأُولَىٰ
134
Ащ ыпэкIэ Тэ ахэр пщынэжькIэ дгъэкIодыгъагъэхэмэ, аIони: "Я Алахь, тызгъэпыутынрэ тынапэ тезыхынрэ зэхэтшIэным ыпэкIэ, О уиIэятэ къэгъэшъыпкъагъэмэ ауж тырыкIоным пае О лIыкIор къытфэбгъэкIогъагъэмэ".
وَلَوْ أَنَّا أَهْلَكْنَاهُمْ بِعَذَابٍ مِنْ قَبْلِهِ لَقَالُوا رَبَّنَا لَوْلَا أَرْسَلْتَ إِلَيْنَا رَسُولًا فَنَتَّبِعَ آيَاتِكَ مِنْ قَبْلِ أَنْ نَذِلَّ وَنَخْزَىٰ
135
ЯIу: "ЗэкIэри ежэ, арышъ, шъори шъуеж, гъогу занкIэр зиIэрылъхьэхэр, гъогу занкIэм рыкIощтыгъэхэр етIанэ къэшъушIэщт!"
قُلْ كُلٌّ مُتَرَبِّصٌ فَتَرَبَّصُوا ۖ فَسَتَعْلَمُونَ مَنْ أَصْحَابُ الصِّرَاطِ السَّوِيِّ وَمَنِ اهْتَدَىٰ