1
Алахьым иунашъо къэсыщт, ар шъумыгъэгуIэ! Ащ щытхъур ыдэжь, ахэмэ ащ гуагъэуцорэмэ Ар анахь лъаг!
بِسْمِ اللَّهِ الرَّحْمَٰنِ الرَّحِيمِ أَتَىٰ أَمْرُ اللَّهِ فَلَا تَسْتَعْجِلُوهُ ۚ سُبْحَانَهُ وَتَعَالَىٰ عَمَّا يُشْرِكُونَ
2
ИIумэтымэ ащыщэу Ежь шIоигъом Ащ иунашъокIэ псэр мэлаIичмэ ягъусэу къыфырегъэхы: "Сэщ фэшъхьаф Тхьэ зэрэщымыIэр яжъугъашI! Сэ лъытэныгъэ къысфэшъушI!"
يُنَزِّلُ الْمَلَائِكَةَ بِالرُّوحِ مِنْ أَمْرِهِ عَلَىٰ مَنْ يَشَاءُ مِنْ عِبَادِهِ أَنْ أَنْذِرُوا أَنَّهُ لَا إِلَٰهَ إِلَّا أَنَا فَاتَّقُونِ
3
Уашъомрэ чIыгумрэ Ащ къыгъэшIыгъэ шъыпкъ, имыфэшъуашэу Ащ гуагъэуцорэмэ Ар анахь лъаг!
خَلَقَ السَّمَاوَاتِ وَالْأَرْضَ بِالْحَقِّ ۚ تَعَالَىٰ عَمَّا يُشْرِكُونَ
4
ЦIыфыр ащ щхэпс гъуаткIом хишIыкIыгъ. Мыдырэр ащ шъхьаихыгъэу къепыи.
خَلَقَ الْإِنْسَانَ مِنْ نُطْفَةٍ فَإِذَا هُوَ خَصِيمٌ مُبِينٌ
5
Хьайуанри ащ къыгъэхъугъ: Ар шъо щыгъын фаби, гъомлапхъи шъуфэхъу, нэмыкI пкъыгъохэу къышъушъхьапэхэри къыхэкIых.
وَالْأَنْعَامَ خَلَقَهَا ۗ لَكُمْ فِيهَا دِفْءٌ وَمَنَافِعُ وَمِنْهَا تَأْكُلُونَ
6
Пчыхьэрэ ар Iэщым дэжъугъэзыхьэжьы зыхъукIи, пчэдыжьрэ хъупIэм дэшъуфы зыхъукIи, шъо ар гуапэ шъущэхъу.
وَلَكُمْ فِيهَا جَمَالٌ حِينَ تُرِيحُونَ وَحِينَ تَسْرَحُونَ
7
Шъо зышъумыгъэпшъыжьэу шъузнэсын шъумылъэкIыщтыгъэ хэгъэгум нэс ахэмэ шъуихьылъэхэр ащэх. Шъыпкъэ дэдэмкIэ, шъуи Тхьэ шъабэ, гукIэгъушI!
وَتَحْمِلُ أَثْقَالَكُمْ إِلَىٰ بَلَدٍ لَمْ تَكُونُوا بَالِغِيهِ إِلَّا بِشِقِّ الْأَنْفُسِ ۚ إِنَّ رَبَّكُمْ لَرَءُوفٌ رَحِيمٌ
8
Шъуатесынэу, ахэмкIэ зыжъугъэкIэрэкIэнэу Ащ шыхэр, къыдырхэр, щыдыхэр къыгъэхъугъэх. Шъо шъумышIэхэри ащ къегъэхъух.
وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً ۚ وَيَخْلُقُ مَا لَا تَعْلَمُونَ
9
Хэт щыщи гъогу занкIэ тебгъэхьэщтмэ, зыIэ илъыр Алахьыр ары, ащ дэхыхэри щыIэх. Ащ шIоигъуагъэмэ, зэкIэми гъогу занкIэ шъурищэни.
وَعَلَى اللَّهِ قَصْدُ السَّبِيلِ وَمِنْهَا جَائِرٌ ۚ وَلَوْ شَاءَ لَهَدَاكُمْ أَجْمَعِينَ
10
Ащ псыр уашъом къырегъэхы, ар шъоны шъуфэхъу, ащ Iэхъогъухэр зыщыжъугъэхъухэрэ уцхэр къегъэкIых.
هُوَ الَّذِي أَنْزَلَ مِنَ السَّمَاءِ مَاءً ۖ لَكُمْ مِنْهُ شَرَابٌ وَمِنْهُ شَجَرٌ فِيهِ تُسِيمُونَ
11
АщкIэ шъощ пае Ащ къегъэкIы коц хьасэхэр, зейтунхэр, хъурмэхэр, сэнашъхьэхэр, пхъэшъхьэ=мышъхьэ зэфэшъхьафхэр, шъыпкъэ дэдэмкIэ, гупшысэрэ цIыфхэмкIэ ащ щысэ хэлъ!
يُنْبِتُ لَكُمْ بِهِ الزَّرْعَ وَالزَّيْتُونَ وَالنَّخِيلَ وَالْأَعْنَابَ وَمِنْ كُلِّ الثَّمَرَاتِ ۗ إِنَّ فِي ذَٰلِكَ لَآيَةً لِقَوْمٍ يَتَفَكَّرُونَ
12
Шъо къышъуфэлэжьэнэу чэщыри, мафэри, тыгъэри Ащ ышIыгъ, Ащ иунашъокIэ жъуагъохэри къышъуфигъэшIыгъэх. Шъыпкъэ дэдэмкIэ, акъыл зиIэ цIыфхэмкIэ ащ щысэ хэлъ!
وَسَخَّرَ لَكُمُ اللَّيْلَ وَالنَّهَارَ وَالشَّمْسَ وَالْقَمَرَ ۖ وَالنُّجُومُ مُسَخَّرَاتٌ بِأَمْرِهِ ۗ إِنَّ فِي ذَٰلِكَ لَآيَاتٍ لِقَوْمٍ يَعْقِلُونَ
13
Шъо зэфэшъхьаф зиIэхэр шъощ пае Ащ чIыгум зэрэтырипхъагъэр, шъыпкъэ дэдэмкIэ, къызгурыIорэ цIыфхэмкIэ Ар щысэтехыпI!
وَمَا ذَرَأَ لَكُمْ فِي الْأَرْضِ مُخْتَلِفًا أَلْوَانُهُ ۗ إِنَّ فِي ذَٰلِكَ لَآيَةً لِقَوْمٍ يَذَّكَّرُونَ
14
Лы укIыгъакIэ шъушхыным, шъуищыгъынхэр зэрэжъугъэкIэракIэхэрэр, къыхэшъухынхэм пае Ащ хыр шъуIэ къырилъхьагъ, Ащ ишIушIэ къышъуфахьыным пае къухьэмэ хыр зэрэзэIабзырэр олъэгъу, разэ шъухъункIи мэхъу!
وَهُوَ الَّذِي سَخَّرَ الْبَحْرَ لِتَأْكُلُوا مِنْهُ لَحْمًا طَرِيًّا وَتَسْتَخْرِجُوا مِنْهُ حِلْيَةً تَلْبَسُونَهَا وَتَرَى الْفُلْكَ مَوَاخِرَ فِيهِ وَلِتَبْتَغُوا مِنْ فَضْلِهِ وَلَعَلَّكُمْ تَشْكُرُونَ
15
Шъо чIыгур къыжъудэмысысыным пае пытэу щыт къушъхьэхэр Ащ чIыгум къытыригъэуцуагъэх, псыхъохэри гъогухэри ары, шъо гъогу занкIэ шъурыкIонкIи мэхъу!
وَأَلْقَىٰ فِي الْأَرْضِ رَوَاسِيَ أَنْ تَمِيدَ بِكُمْ وَأَنْهَارًا وَسُبُلًا لَعَلَّكُمْ تَهْتَدُونَ
16
Къушъхьэ шыгу лъагэхэми жъуагъохэми гъогу занкIэхэр къышъуагъэлъэгъу.
وَعَلَامَاتٍ ۚ وَبِالنَّجْمِ هُمْ يَهْتَدُونَ
17
Къэзгъэхъурэр къэзымыгъэхъурэм фэдэнэуи! Шъо зыкъэшъумышIэжьынэуи!
أَفَمَنْ يَخْلُقُ كَمَنْ لَا يَخْلُقُ ۗ أَفَلَا تَذَكَّرُونَ
18
Алахьым ишIушIэ къэшъулъытэмэ, ар къышъуфэлъытэщтэп. Шъыпкъэ дэдэмкIэ, Алахьым къыпфегъэгъу, гукIэгъу хэлъ!
وَإِنْ تَعُدُّوا نِعْمَةَ اللَّهِ لَا تُحْصُوهَا ۗ إِنَّ اللَّهَ لَغَفُورٌ رَحِيمٌ
19
Шъо жъугъэбылъыри къэжъугъэлъагъори Алахьым ешIэ.
وَاللَّهُ يَعْلَمُ مَا تُسِرُّونَ وَمَا تُعْلِنُونَ
20
Алахьым фэшъхьафэу шъо нэмаз зыфэшъушIыхэрэм зыпари агъэпсыгъэп, ау ежьхэр агъэпсыгъэх.
وَالَّذِينَ يَدْعُونَ مِنْ دُونِ اللَّهِ لَا يَخْلُقُونَ شَيْئًا وَهُمْ يُخْلَقُونَ
21
Ахэр хьадэх, псэ апытэп, ашIэрэп къызыхъужьыщтхэри.
أَمْوَاتٌ غَيْرُ أَحْيَاءٍ ۖ وَمَا يَشْعُرُونَ أَيَّانَ يُبْعَثُونَ
22
Шъуи тхьэ Тхьэ закъоу щыт. Ахърэт гъашIэм шIошъхъуныгъэ шъыпкъэ фызимыIэхэм агухэр рэзэнчъэх, ахэр пагэх.
إِلَٰهُكُمْ إِلَٰهٌ وَاحِدٌ ۚ فَالَّذِينَ لَا يُؤْمِنُونَ بِالْآخِرَةِ قُلُوبُهُمْ مُنْكِرَةٌ وَهُمْ مُسْتَكْبِرُونَ
23
Джэнджэш хэлъэп, ахэмэ агъэбылъыри къагъэлъагъори Алахьым ешIэ. Шъыпкъэ дэдэмкIэ, зызгъэпагэхэрэр Ащ шIу ылъэгъухэрэп!
لَا جَرَمَ أَنَّ اللَّهَ يَعْلَمُ مَا يُسِرُّونَ وَمَا يُعْلِنُونَ ۚ إِنَّهُ لَا يُحِبُّ الْمُسْتَكْبِرِينَ
24
Ахэмэ зараIокIэ: "Шъуи Тхьэ сыда къышъуфыригъэхыгъэр?" ахэмэ джэуап къатыжьы: "БлэкIыгъэ уахътэмэ япшысэхэр".
وَإِذَا قِيلَ لَهُمْ مَاذَا أَنْزَلَ رَبُّكُمْ ۙ قَالُوا أَسَاطِيرُ الْأَوَّلِينَ
25
Къаймэт мафэм ахэмэ зэкIэ ежьхэм яхьылъэхэри хэшIыкI зимыIэу ахэмэ хагъэукъуагъэмэ яхьылъэхэри ахьынхэ фаеу хъущт. Ахэмэ яхьынхэр боу хьылъэ хъущтых!
لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ ۙ وَمِنْ أَوْزَارِ الَّذِينَ يُضِلُّونَهُمْ بِغَيْرِ عِلْمٍ ۗ أَلَا سَاءَ مَا يَزِرُونَ
26
Ахэмэ апэкIэ щыIагъэхэм тхьагъэпцIыгъэ зэрахьэщтыгъэ, ау ахэмэ яунэ лъапсэ нэсэу Алахьым зэхигъэтэкъуагъ: Унашъхьэр къатефагъ, ежьхэм амышIэщтыгъэ лъэныкъом къикIи, пщыныжьыр къафэкIуагъ,
قَدْ مَكَرَ الَّذِينَ مِنْ قَبْلِهِمْ فَأَتَى اللَّهُ بُنْيَانَهُمْ مِنَ الْقَوَاعِدِ فَخَرَّ عَلَيْهِمُ السَّقْفُ مِنْ فَوْقِهِمْ وَأَتَاهُمُ الْعَذَابُ مِنْ حَيْثُ لَا يَشْعُرُونَ
27
ЕтIанэ къызщыхъужьыщтхэ мафэм Ащ ахэр ыгъэцIыкIущтых, ариIощт: "Шъо шъузфызэнэкъокъущтыгъэхэу Сэ къызгожъугъэуцощтыгъэхэр тыдэ щыIэха?" ШIэныгъэ зэратыгъэхэм аIощт: "Шъыпкъэ дэдэмкIэ, а мафэм джаурмэ емыкIуи хьэзаби арэлъэгъу!"
ثُمَّ يَوْمَ الْقِيَامَةِ يُخْزِيهِمْ وَيَقُولُ أَيْنَ شُرَكَائِيَ الَّذِينَ كُنْتُمْ تُشَاقُّونَ فِيهِمْ ۚ قَالَ الَّذِينَ أُوتُوا الْعِلْمَ إِنَّ الْخِزْيَ الْيَوْمَ وَالسُّوءَ عَلَى الْكَافِرِينَ
28
Яхьадэгъу къызыщысыщт сыхьатым зэфагъэ зыхэмылъыгъэхэм апашъхьэ мэлаIичхэр къызихьэхэкIэ, IорышIагъэхэу зыфаIожьыщт: "Тэ зыпари мыхъун тшIагъэп!" Хьау, шъо шъушIэщтыгъэр Алахьым ешIэ!
الَّذِينَ تَتَوَفَّاهُمُ الْمَلَائِكَةُ ظَالِمِي أَنْفُسِهِمْ ۖ فَأَلْقَوُا السَّلَمَ مَا كُنَّا نَعْمَلُ مِنْ سُوءٍ ۚ بَلَىٰ إِنَّ اللَّهَ عَلِيمٌ بِمَا كُنْتُمْ تَعْمَلُونَ
29
Джэхьнэмым икъэлапчъэ шъудахь, ащ егъашIэрэу шъукъыдан. Пагэмэ япсэукIэ сыдэу тхьамыкIагъуа?
فَادْخُلُوا أَبْوَابَ جَهَنَّمَ خَالِدِينَ فِيهَا ۖ فَلَبِئْسَ مَثْوَى الْمُتَكَبِّرِينَ
30
Тхьэм ищынагъо зыгу илъхэм араIощт: "Сыд лIэужыгъуа шъо Тхьэм къышъуфыригъэхыгъэр?" Ахэмэ аIощт: "ШIуагъэ!" Зыхэтхэ гъашIэм шIу щызышIэщтыгъэхэм, ахърэт гъашIэм псэупIэ дэгъу щагъотыщт! Тхьэм ищынагъо зыгу илъхэм япсэупIэ сыдэу гуIэтыпIа!
وَقِيلَ لِلَّذِينَ اتَّقَوْا مَاذَا أَنْزَلَ رَبُّكُمْ ۚ قَالُوا خَيْرًا ۗ لِلَّذِينَ أَحْسَنُوا فِي هَٰذِهِ الدُّنْيَا حَسَنَةٌ ۚ وَلَدَارُ الْآخِرَةِ خَيْرٌ ۚ وَلَنِعْمَ دَارُ الْمُتَّقِينَ
31
ЕгъэшIэрэ джэнэтхэу ахэр зыхэхьащтхэм ачIэгъкIэ псыхъохэр ахэчъых: Зыфаехэр зэкIэ ащ щагъотыщт. Тхьэм ищынагъо зыгу илъхэм Алахьыр джаущтэу къятэ,
جَنَّاتُ عَدْنٍ يَدْخُلُونَهَا تَجْرِي مِنْ تَحْتِهَا الْأَنْهَارُ ۖ لَهُمْ فِيهَا مَا يَشَاءُونَ ۚ كَذَٰلِكَ يَجْزِي اللَّهُ الْمُتَّقِينَ
32
мэлэIичмэ хьалэлхэу агъалIэхэрэм. Ахэмэ аIо: "Мамыр шъогъот! Шъо шъушIэщтыгъэмэ апае джэнэтым шъуихь".
الَّذِينَ تَتَوَفَّاهُمُ الْمَلَائِكَةُ طَيِّبِينَ ۙ يَقُولُونَ سَلَامٌ عَلَيْكُمُ ادْخُلُوا الْجَنَّةَ بِمَا كُنْتُمْ تَعْمَلُونَ
33
Ахэмэ адэжь мэлаIичхэр къэкIонхэу е о уи Тхьэ иунашъо къафэкIонэу ахэр ежэнхэуи? Ахэмэ апэкIэ щыIагъэхэм джаущтэу ашIыщтыгъ. Ахэмэ агу Алахьым хигъэкIыщтыгъэп, ау ежь=ежьырэу агу хагъэкIыжьыщтыгъ.
هَلْ يَنْظُرُونَ إِلَّا أَنْ تَأْتِيَهُمُ الْمَلَائِكَةُ أَوْ يَأْتِيَ أَمْرُ رَبِّكَ ۚ كَذَٰلِكَ فَعَلَ الَّذِينَ مِنْ قَبْلِهِمْ ۚ وَمَا ظَلَمَهُمُ اللَّهُ وَلَٰكِنْ كَانُوا أَنْفُسَهُمْ يَظْلِمُونَ
34
Iоф бзаджэхэу ашIэщтыгъэхэм ахэр якIодылIэжьыгъэх, кIэнэкIалъэ ашIызэ зыдэхьащхыщтыгъэхэр къяхъулIагъ.
فَأَصَابَهُمْ سَيِّئَاتُ مَا عَمِلُوا وَحَاقَ بِهِمْ مَا كَانُوا بِهِ يَسْتَهْزِئُونَ
35
НэмыкIы тхьэхэр Ащ къыгозгъэуцощтыгъэхэм аIуагъ: "Алахьым шIоигъуагъэмэ Ащ фэшъхьафэу тэ зыпарэми шъхьащэ фэтшIыныеп, тэри, тятэхэми, Ащ иунашъо хэмылъэу мыштэ зыпари тшIыныепи". Ахэмэ апэкIэ щыIагъэхэми джаущтэу ашIыщтыгъэ. Шъыпкъэр араIожьыным фэшъхьафэу лIыкIомэ нэмыкI горэ ателъыгъа?
وَقَالَ الَّذِينَ أَشْرَكُوا لَوْ شَاءَ اللَّهُ مَا عَبَدْنَا مِنْ دُونِهِ مِنْ شَيْءٍ نَحْنُ وَلَا آبَاؤُنَا وَلَا حَرَّمْنَا مِنْ دُونِهِ مِنْ شَيْءٍ ۚ كَذَٰلِكَ فَعَلَ الَّذِينَ مِنْ قَبْلِهِمْ ۚ فَهَلْ عَلَى الرُّسُلِ إِلَّا الْبَلَاغُ الْمُبِينُ
36
ЦIыф лъэпкъ пэпчъ Тэ лIыкIохэр афэдгъэкIуагъэх: "Алахьым шъхьащэ фэшъушI, шэйтаным зыщышъудзый". Ахэмэ ахэтыгъэх Алахьым гъогу занкIэ рищагъэхэр, гъощэныгъэр зынэтIэгу итхагъэхэри къахэкIыгъэх. Мы чIыгум шъурыкIуи шъуеплъ пцIыр зышIошъ хъущтыгъэхэм кIэухэу афэхъугъэм!
وَلَقَدْ بَعَثْنَا فِي كُلِّ أُمَّةٍ رَسُولًا أَنِ اعْبُدُوا اللَّهَ وَاجْتَنِبُوا الطَّاغُوتَ ۖ فَمِنْهُمْ مَنْ هَدَى اللَّهُ وَمِنْهُمْ مَنْ حَقَّتْ عَلَيْهِ الضَّلَالَةُ ۚ فَسِيرُوا فِي الْأَرْضِ فَانْظُرُوا كَيْفَ كَانَ عَاقِبَةُ الْمُكَذِّبِينَ
37
О лъэшэу уфай ахэр гъогу занкIэм тетынхэм, ау гъогум дигъэхыгъэхэр Алахьым гъогу занкIэ фищэхэрэп, IэпыIэгъу афэхъуни ахэмэ яIэп!
إِنْ تَحْرِصْ عَلَىٰ هُدَاهُمْ فَإِنَّ اللَّهَ لَا يَهْدِي مَنْ يُضِلُّ ۖ وَمَا لَهُمْ مِنْ نَاصِرِينَ
38
Ахэмэ Iуагъэу ашIыхэрэм анахь лъапIэмкIэ Алахьым ыцIэкIэ Iуагъэ ашIы:" ЛIагъэр Алахьым къыгъэхъужьыщтэп". Ахэмэ ащыщ цIыфыбэхэм ар амышIэрэми,
وَأَقْسَمُوا بِاللَّهِ جَهْدَ أَيْمَانِهِمْ ۙ لَا يَبْعَثُ اللَّهُ مَنْ يَمُوتُ ۚ بَلَىٰ وَعْدًا عَلَيْهِ حَقًّا وَلَٰكِنَّ أَكْثَرَ النَّاسِ لَا يَعْلَمُونَ
39
Ежьхэм азфагу зэмзэгъыныгъэу илъыр зыфэдэр ягъэлъэгъугъэным джаурхэр зэрэпцIыусхэр ашIэным пае.
لِيُبَيِّنَ لَهُمُ الَّذِي يَخْتَلِفُونَ فِيهِ وَلِيَعْلَمَ الَّذِينَ كَفَرُوا أَنَّهُمْ كَانُوا كَاذِبِينَ
40
Тэ зыгорэ къэхъуным тыфае зыхъукIэ Тэ тигущыIэ зыщищыкIэгъэ закъор "Къэхъу!" тIомэ, ар къызэрэхъурэр ары.
إِنَّمَا قَوْلُنَا لِشَيْءٍ إِذَا أَرَدْنَاهُ أَنْ نَقُولَ لَهُ كُنْ فَيَكُونُ
41
Алахьым ихьатыркIэ зихэгъэгу къэзыбгынагъэхэм шъхьакIо къазэрахыщтыгъэм нэуж гъашIэу зыхэтхэм Тэ псэупIэ шIагъохэр щяттыгъэх, ау ахърэтым тынэу афэтшIыщтыр ащ нахьышIу, ахэмэ ар ашIэщтыгъэмэ,
وَالَّذِينَ هَاجَرُوا فِي اللَّهِ مِنْ بَعْدِ مَا ظُلِمُوا لَنُبَوِّئَنَّهُمْ فِي الدُّنْيَا حَسَنَةً ۖ وَلَأَجْرُ الْآخِرَةِ أَكْبَرُ ۚ لَوْ كَانُوا يَعْلَمُونَ
42
ЩэIагъэ зыхэлъыгъэхэм, я Тхьэ цыхьэ фэзышIыхэрэм.
الَّذِينَ صَبَرُوا وَعَلَىٰ رَبِّهِمْ يَتَوَكَّلُونَ
43
Тэ тишIошъхъуныгъэхэр яттыхэзэ, о уапэкIи Тэ дгъакIощтыгъэхэр цIыфхэр ары ныIэп, шъо ар шъумышIэрэмэ, тхылъ лъапIэхэр зышIэхэрэм ащкIэ шъуяупчI,
وَمَا أَرْسَلْنَا مِنْ قَبْلِكَ إِلَّا رِجَالًا نُوحِي إِلَيْهِمْ ۚ فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ
44
Ахэмэ Iэятэ къэгъэшъыпкъэгъэ зэхэугуфыкIыгъэхэр, тхыгъэр яIагъэх. Ахэмэ апае къафедгъэхыгъэр а цIыфхэм агурыбгъэIоным пае мы шIэныгъэр тэ къыфетэгъэхы, ахэр егупшысэнхэкIи мэхъу!
بِالْبَيِّنَاتِ وَالزُّبُرِ ۗ وَأَنْزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ
45
ТхьагъэпцIыгъэкIэ бзаджэ зышIэхэрэр щымыщынэхэуи чIыгум ахэр ыдырынхэу Алахьым унашъо фишIын зэрилъэкIыщтым е ежьхэм амышIэрэ лъэныкъомкIэ пщынэжьыр къафикIын зэрилъэкIыщтым?
أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ
46
Ятеплъэ зыщызэрахъокIырэм ахэр хигъэкIодэщтых, ахэр аIэкIэкIыжьыщтхэба?
أَوْ يَأْخُذَهُمْ فِي تَقَلُّبِهِمْ فَمَا هُمْ بِمُعْجِزِينَ
47
Е щынагъокIэ ахэр ыукIыщтха? Шъыпкъэ дэдэмкIэ, о уи Тхьэ шъабэ, гукIэгъушI!
أَوْ يَأْخُذَهُمْ عَلَىٰ تَخَوُّفٍ فَإِنَّ رَبَّكُمْ لَرَءُوفٌ رَحِيمٌ
48
Алахьым къыгъэшIыгъэ пэпчъ яныбжьыкъухэр, зыгори пкIэ ямыI нахь мышIэми, Алахьым шъхьащэ фашIэу джабгъумкIи сэмэгумкIи зызэрэрауфэхрэр ахэмэ алъэгъурэба?
أَوَلَمْ يَرَوْا إِلَىٰ مَا خَلَقَ اللَّهُ مِنْ شَيْءٍ يَتَفَيَّأُ ظِلَالُهُ عَنِ الْيَمِينِ وَالشَّمَائِلِ سُجَّدًا لِلَّهِ وَهُمْ دَاخِرُونَ
49
Уашъом щыIи чIыгум щыIи зэкIэ псэ зыпытхэм Алахьым шъхьащэ фашIы, мэлаIичхэри ары, ахэмэ Ащ ыпашъхьэ зыщагъэинрэп.
وَلِلَّهِ يَسْجُدُ مَا فِي السَّمَاوَاتِ وَمَا فِي الْأَرْضِ مِنْ دَابَّةٍ وَالْمَلَائِكَةُ وَهُمْ لَا يَسْتَكْبِرُونَ
50
Ахэмэ я Тхьэу ашъхьарытым ахэр щэщынэх, ыкIи ахэмэ ашIэнэу араIорэр ашIэ.
يَخَافُونَ رَبَّهُمْ مِنْ فَوْقِهِمْ وَيَفْعَلُونَ مَا يُؤْمَرُونَ ۩
51
Алахьым ыIуагъ: "ТхьитIу шъумыштэ, шъыпкъэмкIэ, щыIэр зы Тхьэ закъу, арышъ, Сэ зым шъхьэкIафэ къысфэшъушI!"
وَقَالَ اللَّهُ لَا تَتَّخِذُوا إِلَٰهَيْنِ اثْنَيْنِ ۖ إِنَّمَا هُوَ إِلَٰهٌ وَاحِدٌ ۖ فَإِيَّايَ فَارْهَبُونِ
52
Уашъом щыIи чIыгум щыIи ащ ыIэ илъ. Ащ зэпымыоу уфэлэжьэныр ифэшъуаш, ащ пае Алахьым нэмыкIэу зыгорэм ущыщынэныр ищыкIэгъэна?
وَلَهُ مَا فِي السَّمَاوَاتِ وَالْأَرْضِ وَلَهُ الدِّينُ وَاصِبًا ۚ أَفَغَيْرَ اللَّهِ تَتَّقُونَ
53
ШъушIагъэу шъуиIэр зэкIэ Алахьым дэжь къекIы. ЕтIанэ насыпынчъагъэ къызышъохъулIэкIэ, Ащ шъуелъэIу.
وَمَا بِكُمْ مِنْ نِعْمَةٍ فَمِنَ اللَّهِ ۖ ثُمَّ إِذَا مَسَّكُمُ الضُّرُّ فَإِلَيْهِ تَجْأَرُونَ
54
Шъо Ащ тхьамыкIагъор зэрэшъушъхьарихыгъэм лъыпытэу, шъуащыщхэм я Тхьэ имыфэшъуашэхэр гуагъэуцохэу рагъажьэ,
ثُمَّ إِذَا كَشَفَ الضُّرَّ عَنْكُمْ إِذَا فَرِيقٌ مِنْكُمْ بِرَبِّهِمْ يُشْرِكُونَ
55
Тэ ахэмэ афэтшIагъэр ашIошъ мыхъуным пае. АщкIэ зыжъугъэтхъэжь шIэхэу къэшъушIэщт!
لِيَكْفُرُوا بِمَا آتَيْنَاهُمْ ۚ فَتَمَتَّعُوا ۖ فَسَوْفَ تَعْلَمُونَ
56
Тэ яттыгъэм щыщ Iахьэ ахэмэ амышIэрэм фашIы. Алахьым ыцIэкIэ тхьэ сэIо, шъо зэхашъулъхьэщтыгъэхэм апае къышъоупчIыщтых!
وَيَجْعَلُونَ لِمَا لَا يَعْلَمُونَ نَصِيبًا مِمَّا رَزَقْنَاهُمْ ۗ تَاللَّهِ لَتُسْأَلُنَّ عَمَّا كُنْتُمْ تَفْتَرُونَ
57
Алахьым пхъухэр иIэхэу ахэмэ патхэх, Алахьым щытхъур ыдэжь! ахэмэ зыфаехэр ары яIэ хъущтхэр.
وَيَجْعَلُونَ لِلَّهِ الْبَنَاتِ سُبْحَانَهُ ۙ وَلَهُمْ مَا يَشْتَهُونَ
58
Ахэмэ ащыщ пшъэшъэжъыекIэ загъэгушIокIэ, ащ ынэгу шIуцIэ мэхъу ыгу мэкIоды.
وَإِذَا بُشِّرَ أَحَدُهُمْ بِالْأُنْثَىٰ ظَلَّ وَجْهُهُ مُسْوَدًّا وَهُوَ كَظِيمٌ
59
ЗыфагъэгушIуагъэм гухэкIэу къыфихьыгъэр цIыфмэ ашIуиушъэфызэ ыгу мэкIоды: Ежь ынапэ тырихыжьэу ар иунэ ригъэсыщта е чIыгум чIитIэщта? Ахэр дэеу егупшысэх!
يَتَوَارَىٰ مِنَ الْقَوْمِ مِنْ سُوءِ مَا بُشِّرَ بِهِ ۚ أَيُمْسِكُهُ عَلَىٰ هُونٍ أَمْ يَدُسُّهُ فِي التُّرَابِ ۗ أَلَا سَاءَ مَا يَحْكُمُونَ
60
Ахърэт гъашIэм шIошъхъуныгъэ фызимыIэхэм нэпэнчъэ нэшанэхэр ахэлъых, ау Алахьым инэшанэхэр зэкIэмэ анахь лъагэх. Ар кIочIэшху, Iуш!
لِلَّذِينَ لَا يُؤْمِنُونَ بِالْآخِرَةِ مَثَلُ السَّوْءِ ۖ وَلِلَّهِ الْمَثَلُ الْأَعْلَىٰ ۚ وَهُوَ الْعَزِيزُ الْحَكِيمُ
61
Язэфэнчъагъэ пае цIыфхэр ыгъэпщынэнхэу Алахьыр фэягъэмэ, чIыгум псэ зыпыт къытенэжьыныеп, ау пIэлъэ гъэнэфагъэм нэс афегъэкIуатэ, а пIалъэр къызафэсыкIэ, ар агъэпсынкIэн зэрамылъэкIыщтым фэдэу, зы сыхьаткIи лъагъэкIотэн алъэкIыщтэп.
وَلَوْ يُؤَاخِذُ اللَّهُ النَّاسَ بِظُلْمِهِمْ مَا تَرَكَ عَلَيْهَا مِنْ دَابَّةٍ وَلَٰكِنْ يُؤَخِّرُهُمْ إِلَىٰ أَجَلٍ مُسَمًّى ۖ فَإِذَا جَاءَ أَجَلُهُمْ لَا يَسْتَأْخِرُونَ سَاعَةً ۖ وَلَا يَسْتَقْدِمُونَ
62
Ежь къяхьылъэкIхэрэр ахэмэ Алахьым патхэх. ЗэкIэ анахьышIур афыщылъэу абзэгукIэ зэраIорэр пцIы: Ахэмэ афыщылъыр машIо, ахэр зэкIэмэ апэу ащ хадзэщтых!
وَيَجْعَلُونَ لِلَّهِ مَا يَكْرَهُونَ وَتَصِفُ أَلْسِنَتُهُمُ الْكَذِبَ أَنَّ لَهُمُ الْحُسْنَىٰ ۖ لَا جَرَمَ أَنَّ لَهُمُ النَّارَ وَأَنَّهُمْ مُفْرَطُونَ
63
Алахьым ыцIэкIэ Iуагъэ сэшIы, о уапэкIэ цIыф лъэпкъымэ лIыкIохэр афэдгъэкIогъагъэх, ау ежьхэм ашIэщтыгъэ IофхэмкIэ шэйтаным дихьыхыгъэх, джы ар яухъумакIу : Ахэмэ хьазаб пщыныжь афыщылъ!
تَاللَّهِ لَقَدْ أَرْسَلْنَا إِلَىٰ أُمَمٍ مِنْ قَبْلِكَ فَزَيَّنَ لَهُمُ الشَّيْطَانُ أَعْمَالَهُمْ فَهُوَ وَلِيُّهُمُ الْيَوْمَ وَلَهُمْ عَذَابٌ أَلِيمٌ
64
Ахэмэ зэгурымыIоныгъэу ахэлъыр агурыбгъэIоным пай ныIэп Тэ тхылъыр къызкIыфедгъэхыгъэр, ар IэпыIэгъу, Тхьэр зышIошъ хъухэрэмкIэ шIушIагъ.
وَمَا أَنْزَلْنَا عَلَيْكَ الْكِتَابَ إِلَّا لِتُبَيِّنَ لَهُمُ الَّذِي اخْتَلَفُوا فِيهِ ۙ وَهُدًى وَرَحْمَةً لِقَوْمٍ يُؤْمِنُونَ
65
Алахьым псыр уашъом къыригъэхыгъ, чIыгур зылIэгъэ ужым ащкIэ псэ къыпигъэкIэжьыгъ. Шъыпкъэ дэдэмкIэ, дэIорэ цIыфхэмкIэ ащ щысэ хэлъ!
وَاللَّهُ أَنْزَلَ مِنَ السَّمَاءِ مَاءً فَأَحْيَا بِهِ الْأَرْضَ بَعْدَ مَوْتِهَا ۚ إِنَّ فِي ذَٰلِكَ لَآيَةً لِقَوْمٍ يَسْمَعُونَ
66
Хьайуаным шъощ пае гъэсэпэтхыдэ хэлъ: Цуемрэ лъымрэ азфагу ащ ыныбэкIоцI итыр шъуешъонэу тэ къышъотэты, ешъорэмэ щэ къабзэр агу рехьы.
وَإِنَّ لَكُمْ فِي الْأَنْعَامِ لَعِبْرَةً ۖ نُسْقِيكُمْ مِمَّا فِي بُطُونِهِ مِنْ بَيْنِ فَرْثٍ وَدَمٍ لَبَنًا خَالِصًا سَائِغًا لِلشَّارِبِينَ
67
Хъурмэ ыкIи сэнэшъхьэ бжалэхэм къапыкIэрэмэ шъузгъэчэфрэ шъонхэр, шхын шIагъохэр къахэшъохы. Шъыпкъэ дэдэмкIэ, акъыл зиIэ цIыфхэмкIэ ащ щысэ хэлъ!
وَمِنْ ثَمَرَاتِ النَّخِيلِ وَالْأَعْنَابِ تَتَّخِذُونَ مِنْهُ سَكَرًا وَرِزْقًا حَسَنًا ۗ إِنَّ فِي ذَٰلِكَ لَآيَةً لِقَوْمٍ يَعْقِلُونَ
68
О уи Тхьэ бжьэмэ янэшанэ къахилъхьагъ: "Къушъхьэмэ, чъыгымэ, цIыфмэ ашIыхэрэм шъощ пае псэупIэхэр ащышъушIых,
وَأَوْحَىٰ رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ
69
Сыд фэдэ пхъэшъхьэ=мышъхьи гъомылэр къыхэх, о уи Тхьэ игъогу тынчхэм ащыбыб!" Ашъохэр зэфэшъхьафэу, цIыфымкIи Iэзэгъу хэлъэу ахэмэ шъоу ашIы, гупшысэхэрэмкIэ ащ щысэ хэлъ.
ثُمَّ كُلِي مِنْ كُلِّ الثَّمَرَاتِ فَاسْلُكِي سُبُلَ رَبِّكِ ذُلُلًا ۚ يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ ۗ إِنَّ فِي ذَٰلِكَ لَآيَةً لِقَوْمٍ يَتَفَكَّرُونَ
70
Алахьым шъукъигъэхъугъ, етIанэ Ащ шъуигъэлIэжьыщт: Жьы къэтымыщэ охъуфэ нэс зыгъашIэхэрэр къышъухэтых, арышъ, нахьыпэм шъушIэщтыгъэм щыщэу зыпари ашIэрэп. Алахьым ешIэ, лъэкIышхо иI!
وَاللَّهُ خَلَقَكُمْ ثُمَّ يَتَوَفَّاكُمْ ۚ وَمِنْكُمْ مَنْ يُرَدُّ إِلَىٰ أَرْذَلِ الْعُمُرِ لِكَيْ لَا يَعْلَمَ بَعْدَ عِلْمٍ شَيْئًا ۚ إِنَّ اللَّهَ عَلِيمٌ قَدِيرٌ
71
Шъо шъуащыщхэм гъашIэм щигъэфедэщтэр, адрэмэ ялъытыгъэмэ, къелыекIхэу Алахьым къыретых, ау къялыекIэу къызэритыгъэхэм къялыекIрэр, ахэр зэфэдэ хъунхэм пае, ягъэрхэм аратрэп. Алахьым ишIушIэ ахэмэ щагъэзыен алъэкIына?
وَاللَّهُ فَضَّلَ بَعْضَكُمْ عَلَىٰ بَعْضٍ فِي الرِّزْقِ ۚ فَمَا الَّذِينَ فُضِّلُوا بِرَادِّي رِزْقِهِمْ عَلَىٰ مَا مَلَكَتْ أَيْمَانُهُمْ فَهُمْ فِيهِ سَوَاءٌ ۚ أَفَبِنِعْمَةِ اللَّهِ يَجْحَدُونَ
72
Шъо шъущыщхэр Алахьым шъузкIэ къышъуитыгъэх, шъуишъузмэ къахэкIыгъэхэу кIалэхэр, пхъурэлъфхэр къышъуитыгъэх, шIуагъэхэр къышъуфигощыгъэх. Ахэмэ пцIыр нахь ашIошъ хъунышъ, Алахьым ишIушIэ ашIошъ мыхъунэуи?
وَاللَّهُ جَعَلَ لَكُمْ مِنْ أَنْفُسِكُمْ أَزْوَاجًا وَجَعَلَ لَكُمْ مِنْ أَزْوَاجِكُمْ بَنِينَ وَحَفَدَةً وَرَزَقَكُمْ مِنَ الطَّيِّبَاتِ ۚ أَفَبِالْبَاطِلِ يُؤْمِنُونَ وَبِنِعْمَتِ اللَّهِ هُمْ يَكْفُرُونَ
73
Алахьым фэшъхьафэу, ахэмэ апае уашъоми чIыгуми зыпари лъэкI щызимыIэм ахэмэ шъхьащэ фашIы, ахэмэ зыпари ашIэн алъэкIыщтэп.
وَيَعْبُدُونَ مِنْ دُونِ اللَّهِ مَا لَا يَمْلِكُ لَهُمْ رِزْقًا مِنَ السَّمَاوَاتِ وَالْأَرْضِ شَيْئًا وَلَا يَسْتَطِيعُونَ
74
Алахьым фэжъугъадэу зыпари гошъумыгъэуцу, Алахьым ешIэ, шъо шъушIэрэп!
فَلَا تَضْرِبُوا لِلَّهِ الْأَمْثَالَ ۚ إِنَّ اللَّهَ يَعْلَمُ وَأَنْتُمْ لَا تَعْلَمُونَ
75
Зышъхьэ фимыт пщылIэу зыпари зимыIэмрэ Тэ мылъку шIагъо зэттыгъэу, ащ щыщ шъэфэуи нафэуи зытырэмрэ зэпэшъумыгъэуцунхэу Алахьым унашъо къышъуфешIы. Ахэр зэфэдэха? Алахьым щытхъур ыдэжь! Зэфэдэхэп, ау ахэмэ анахьыбэмэ ар ашIэрэп!
ضَرَبَ اللَّهُ مَثَلًا عَبْدًا مَمْلُوكًا لَا يَقْدِرُ عَلَىٰ شَيْءٍ وَمَنْ رَزَقْنَاهُ مِنَّا رِزْقًا حَسَنًا فَهُوَ يُنْفِقُ مِنْهُ سِرًّا وَجَهْرًا ۖ هَلْ يَسْتَوُونَ ۚ الْحَمْدُ لِلَّهِ ۚ بَلْ أَكْثَرُهُمْ لَا يَعْلَمُونَ
76
ЦIыфитIу зэпэжъугъэуцунэу Алахьым унашъо къышъуфешIы: Ахэмэ язырэр дэгу, бзако, зыпари ышIэн ылъэкIрэп, изиусхьан тыдэ ар ыгъэкIуагъэми, зэ нэмыIэми шIу къыфихьыгъэп. Губзыгъэу гущыIэрэм, зыдагъакIорэр дэгъоу къэзгъэцакIэрэм ар фэдэ хъуна?
وَضَرَبَ اللَّهُ مَثَلًا رَجُلَيْنِ أَحَدُهُمَا أَبْكَمُ لَا يَقْدِرُ عَلَىٰ شَيْءٍ وَهُوَ كَلٌّ عَلَىٰ مَوْلَاهُ أَيْنَمَا يُوَجِّهْهُ لَا يَأْتِ بِخَيْرٍ ۖ هَلْ يَسْتَوِي هُوَ وَمَنْ يَأْمُرُ بِالْعَدْلِ ۙ وَهُوَ عَلَىٰ صِرَاطٍ مُسْتَقِيمٍ
77
Уашъоми чIыгуми яшъэф Алахьым ыIэ илъ. Сыхьатыр къызысыщтыр нэгъэупIэпIэгъум нахьыбэп е нахь псынкI. Шъыпкъэ дэдэмкIэ, Алахьым ыIэ къимыхьан щыIэп!
وَلِلَّهِ غَيْبُ السَّمَاوَاتِ وَالْأَرْضِ ۚ وَمَا أَمْرُ السَّاعَةِ إِلَّا كَلَمْحِ الْبَصَرِ أَوْ هُوَ أَقْرَبُ ۚ إِنَّ اللَّهَ عَلَىٰ كُلِّ شَيْءٍ قَدِيرٌ
78
Шъо зыпари шъумышIэу шъуянэмэ аныбэкIоцIхэм Алахьым шъуакъырегъэкIы. Ащ тхьакIумэхэр, нэхэр, гур къышъуитыгъ, шъо разэ шъухъункIи мэхъу!
وَاللَّهُ أَخْرَجَكُمْ مِنْ بُطُونِ أُمَّهَاتِكُمْ لَا تَعْلَمُونَ شَيْئًا وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۙ لَعَلَّكُمْ تَشْكُرُونَ
79
Ахэмэ алъэгъурэба ошъо чIэгъым щыбыбырэ бзыухэр, ахэмэ къадеIэрэ закъор Алахьыр ары. Шъыпкъэ дэдэмкIэ, диныр зыгу илъхэмкIэ ар щысэтехыпI.
أَلَمْ يَرَوْا إِلَى الطَّيْرِ مُسَخَّرَاتٍ فِي جَوِّ السَّمَاءِ مَا يُمْسِكُهُنَّ إِلَّا اللَّهُ ۗ إِنَّ فِي ذَٰلِكَ لَآيَاتٍ لِقَوْمٍ يُؤْمِنُونَ
80
Шъущыпсэунэу Алахьым унэхэр къышъуитыгъэх, былымышъом хэшIыкIыгъэ унэхэр къышъуитыгъэх, зы чIыпIэ шъуикIэу нэмыкI чIыпIэ шъукощыным, зы чIыпIэ шъущыпсэуным пае ахэр Iэрфэгъухэу шъолъытэх Ахэмэ цэу, къатекIырэр унэгъо IапIэ шъошIы, пIэлъэ гъэнэфагъэкIэ шъогъэфедэ.
وَاللَّهُ جَعَلَ لَكُمْ مِنْ بُيُوتِكُمْ سَكَنًا وَجَعَلَ لَكُمْ مِنْ جُلُودِ الْأَنْعَامِ بُيُوتًا تَسْتَخِفُّونَهَا يَوْمَ ظَعْنِكُمْ وَيَوْمَ إِقَامَتِكُمْ ۙ وَمِنْ أَصْوَافِهَا وَأَوْبَارِهَا وَأَشْعَارِهَا أَثَاثًا وَمَتَاعًا إِلَىٰ حِينٍ
81
Алахьым къыгъэшIыгъэм щыщэу жьау къышъуитыгъ, къушъхьэмэ азфагу шъхьэегъэзыпIэ къыщышъуитыгъ, фабэм зыщышъуухъумэнэу щыгъын къышъуитыгъ, щынагъомэ защышъуухъумэнэу Iэшэ=шъуашэхэр къышъуитыгъэх. Джаущтэу Ащ ишIушIэ къышъуегъэлъэгъу, Ащ шъуфэIорышIэнкIи мэхъу!
وَاللَّهُ جَعَلَ لَكُمْ مِمَّا خَلَقَ ظِلَالًا وَجَعَلَ لَكُمْ مِنَ الْجِبَالِ أَكْنَانًا وَجَعَلَ لَكُمْ سَرَابِيلَ تَقِيكُمُ الْحَرَّ وَسَرَابِيلَ تَقِيكُمْ بَأْسَكُمْ ۚ كَذَٰلِكَ يُتِمُّ نِعْمَتَهُ عَلَيْكُمْ لَعَلَّكُمْ تُسْلِمُونَ
82
Ахэмэ акIыб къагъазэу зыIукIыжьхэкIэ, о пшIэн фэе закъор шъыпкъэр япIоныр ары.
فَإِنْ تَوَلَّوْا فَإِنَّمَا عَلَيْكَ الْبَلَاغُ الْمُبِينُ
83
Алахьым ишIушIэ ахэмэ къагурэIо, етIанэ ар икIэрыкIэу щагъэзые, джаущтэу ащыщыбэхэр джаурхэу къэнэх.
يَعْرِفُونَ نِعْمَتَ اللَّهِ ثُمَّ يُنْكِرُونَهَا وَأَكْثَرُهُمُ الْكَافِرُونَ
84
ЦIыф лъэпкъ пэпчъ шыхьат фэхъущтыр Тэ къызхэдгъэкIыщт мафэр къэсыщт, джащыгъум джаурмэ зыми ынаIэ атыригъэтыщтэп, ахэмэ зыпари шIу афашIэщтэп.
وَيَوْمَ نَبْعَثُ مِنْ كُلِّ أُمَّةٍ شَهِيدًا ثُمَّ لَا يُؤْذَنُ لِلَّذِينَ كَفَرُوا وَلَا هُمْ يُسْتَعْتَبُونَ
85
Зафэу щымытыгъэхэм хьэзабыр зыфэдэр джащыгъум къашIэщт, ахэмэ ар афагъэпсынкIэщтэп, ахэмэ япIалъэ афылъагъэкIотэщтэп.
وَإِذَا رَأَى الَّذِينَ ظَلَمُوا الْعَذَابَ فَلَا يُخَفَّفُ عَنْهُمْ وَلَا هُمْ يُنْظَرُونَ
86
Алахьым имыфэшъуашэхэр гозгъэуцощтыгъэхэм ежьхэм шъхьащэ зыфашIыщтыгъэхэр залъэгъухэкIэ, аIощт: "Я Алахь! Ощ фэшъхьафэу шъхьащэ зыфэтшIыщтыгъэхэр мыхэр арых". Ау ахэмэ гущыIэ афадзыщт: "Шъо шъугъэпцIакIу!"
وَإِذَا رَأَى الَّذِينَ أَشْرَكُوا شُرَكَاءَهُمْ قَالُوا رَبَّنَا هَٰؤُلَاءِ شُرَكَاؤُنَا الَّذِينَ كُنَّا نَدْعُو مِنْ دُونِكَ ۖ فَأَلْقَوْا إِلَيْهِمُ الْقَوْلَ إِنَّكُمْ لَكَاذِبُونَ
87
А мафэм Алахьым фэIорышIэхэ ашIоигъоу ахэмэ аIощт, нэмыкIхэу ежьхэм къаугупшысыгъэхэр апашъхьэ икIодыкIыжьыщтых.
وَأَلْقَوْا إِلَى اللَّهِ يَوْمَئِذٍ السَّلَمَ ۖ وَضَلَّ عَنْهُمْ مَا كَانُوا يَفْتَرُونَ
88
ШIошъхъуныгъэ зимыIэхэу Алахьым игъогу дэхыгъэхэм псэкIодшIэгъабэу яIэм пае Тэ пщыныжьым пщынэжь афыхэдгъэхъощт.
الَّذِينَ كَفَرُوا وَصَدُّوا عَنْ سَبِيلِ اللَّهِ زِدْنَاهُمْ عَذَابًا فَوْقَ الْعَذَابِ بِمَا كَانُوا يُفْسِدُونَ
89
ЦIыф лъэпкъ пэпчъ ежь щыщ шыхьат фэхъущтыр Тэ къызхэдгъэкIыщт мафэр къэсыщт, о зэкIэ цIыфхэм шыхьат уафэхъунэу тэ удгъэуцущт. Тэ мы тхылъыр агурыбгъэIонэу, рыгъозэнхэу, шIушIэныгъэ, къэбарышIузехьэ быслъымэнмэ афэхъунэу къыфедгъэхыгъ.
وَيَوْمَ نَبْعَثُ فِي كُلِّ أُمَّةٍ شَهِيدًا عَلَيْهِمْ مِنْ أَنْفُسِهِمْ ۖ وَجِئْنَا بِكَ شَهِيدًا عَلَىٰ هَٰؤُلَاءِ ۚ وَنَزَّلْنَا عَلَيْكَ الْكِتَابَ تِبْيَانًا لِكُلِّ شَيْءٍ وَهُدًى وَرَحْمَةً وَبُشْرَىٰ لِلْمُسْلِمِينَ
90
Шъыпкъэ дэдэмкIэ, Зэфагъэ, шIушIэныгъэ шъухэлъынэу, шъуиIахьылмэ зыфэныкъор яжъугъэгъотынэу Алахьым унашъо къышъуфешIы: емыкIу зекIуакIэр, къэрарынчъагъэр, бзэджэшIагъэр Ащ къышъуфидэхэрэп. Ащ къыжъугурегъаIо: Шъо зыкъэшъушIэжьынкIи мэхъу!
إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنْكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ
91
Алахьым Iуагъэ дэшъушIыгъэ зыхъукIэ, шъуфэшъыпкъэу жъугъэцакIэ, ар зышъуштэгъэхэ нэужым Iуагъэу шъушIыгъэр шъумыукъо. Шъо Алахьыр шэсы зыфэшъушIыжьыгъ. Шъыпкъэ дэдэмкIэ, шъо шъушIэрэр Алахьым ешIэ!
وَأَوْفُوا بِعَهْدِ اللَّهِ إِذَا عَاهَدْتُمْ وَلَا تَنْقُضُوا الْأَيْمَانَ بَعْدَ تَوْكِيدِهَا وَقَدْ جَعَلْتُمُ اللَّهَ عَلَيْكُمْ كَفِيلًا ۚ إِنَّ اللَّهَ يَعْلَمُ مَا تَفْعَلُونَ
92
Цы лъэнтхъой зэфэшъхьафхэу ышъэгъахэхэр зэхихыжьынхэм пылъым фэдэ зышъушIэу, къэрарынчъагъэкIэ гугъэ пытэхэу зэфэшъушIыгъэхэр шъумыукъох, сыда пIомэ адырэ цIыф лъэпкъым нахьи шъо бэкIэ шъунахьыб. АщкIэ Алахьым шъуеушэты ныIэп, къаймэт мафэм шъуазфагу зэгурымыIоныгъэу илъыгъэр зыфэдэр ащ къыжъугуригъэIожьыщт.
وَلَا تَكُونُوا كَالَّتِي نَقَضَتْ غَزْلَهَا مِنْ بَعْدِ قُوَّةٍ أَنْكَاثًا تَتَّخِذُونَ أَيْمَانَكُمْ دَخَلًا بَيْنَكُمْ أَنْ تَكُونَ أُمَّةٌ هِيَ أَرْبَىٰ مِنْ أُمَّةٍ ۚ إِنَّمَا يَبْلُوكُمُ اللَّهُ بِهِ ۚ وَلَيُبَيِّنَنَّ لَكُمْ يَوْمَ الْقِيَامَةِ مَا كُنْتُمْ فِيهِ تَخْتَلِفُونَ
93
Алахьым шIоигъуагъэмэ зэкIэми зы цIыф лъэпкъ шъуишIыни. Ау щытми, зыфаер дегъэхы, зыфаер гъогу занкIэ рещэ, шъушIэщтыгъэмкIэ къышъоупчIыщтых.
وَلَوْ شَاءَ اللَّهُ لَجَعَلَكُمْ أُمَّةً وَاحِدَةً وَلَٰكِنْ يُضِلُّ مَنْ يَشَاءُ وَيَهْدِي مَنْ يَشَاءُ ۚ وَلَتُسْأَلُنَّ عَمَّا كُنْتُمْ تَعْمَلُونَ
94
Шъулъэхэр пытэу зыщытыгъэхэм нэуж кIэмыцIэлъынхэм пае Iуагъэу шъушIыгъэхэр шъузэрэгъэпцIэжьынхэм пае шъумыгъэфедэх, армырмэ Алахьым игъогу шъузэрэдэхыгъэм пае тхьамыкIагъо шъуушэтын фаеу хъущт, пщыныжь ин шъуфыщылъыщт.
وَلَا تَتَّخِذُوا أَيْمَانَكُمْ دَخَلًا بَيْنَكُمْ فَتَزِلَّ قَدَمٌ بَعْدَ ثُبُوتِهَا وَتَذُوقُوا السُّوءَ بِمَا صَدَدْتُمْ عَنْ سَبِيلِ اللَّهِ ۖ وَلَكُمْ عَذَابٌ عَظِيمٌ
95
Алахьым Iуагъэу дэшъушIыгъэр осэ макIэ зиIэ горэкIэ шъумыхъожь, шъошIэмэ Алахьым иIэр ары шъорыкIэ шIур!
وَلَا تَشْتَرُوا بِعَهْدِ اللَّهِ ثَمَنًا قَلِيلًا ۚ إِنَّمَا عِنْدَ اللَّهِ هُوَ خَيْرٌ لَكُمْ إِنْ كُنْتُمْ تَعْلَمُونَ
96
Шъо щэIагъэу шъуиIэм хэкIы, Алахьым иIэр къэнэ. ЩэIагъэ къызхэзгъафэщтыгъэхэм ежь ашIэщтыгъэм нахьи нахьышIоу Тэ тын афэтшIыщт.
مَا عِنْدَكُمْ يَنْفَدُ ۖ وَمَا عِنْدَ اللَّهِ بَاقٍ ۗ وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ
97
Хъулъфыгъэми е бзылъфыгъэми Тхьэр ашIошъ хъоу шIу зышIэхэрэм Тэ гъэшIэ тхъагъо яттыщт, ежьхэм ашIэщтыгъэм нахь лъапIэхэу Тэ ахэмэ тынхэр афэтшIыщтых.
مَنْ عَمِلَ صَالِحًا مِنْ ذَكَرٍ أَوْ أُنْثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ
98
О КъурIаным уеджэ зыхъукIэ, мыжъокIэ заохэрэ шэйтаным ущиухъумэнэу Алахьым елъэIу.
فَإِذَا قَرَأْتَ الْقُرْآنَ فَاسْتَعِذْ بِاللَّهِ مِنَ الشَّيْطَانِ الرَّجِيمِ
99
Шъыпкъэ дэдэмкIэ, шIошъхъуныгъэ шъыпкъэ зышIыгъэхэу, я Тхьэ зицыхьэ телъхэм ащ лъэкI афыриIэп.
إِنَّهُ لَيْسَ لَهُ سُلْطَانٌ عَلَى الَّذِينَ آمَنُوا وَعَلَىٰ رَبِّهِمْ يَتَوَكَّلُونَ
100
Ар яухъумакIоу хэзыххэрэр, ащ фэдэхэр гозгъэуцохэрэр арых ныIэп Ащ ыIэ илъхэр.
إِنَّمَا سُلْطَانُهُ عَلَى الَّذِينَ يَتَوَلَّوْنَهُ وَالَّذِينَ هُمْ بِهِ مُشْرِكُونَ
101
Тэ зы Iэятэр нэмыкIыкIэ зэблэтхъу зыхъукIэ, Алахьым къыригъэхырэр нахьышIоу ешIэ, ахэмэ аIо: "О ар къэоугупшысы ныIэп!" Хьау, ахэмэ анахьыбэмэ ашIэрэп!
وَإِذَا بَدَّلْنَا آيَةً مَكَانَ آيَةٍ ۙ وَاللَّهُ أَعْلَمُ بِمَا يُنَزِّلُ قَالُوا إِنَّمَا أَنْتَ مُفْتَرٍ ۚ بَلْ أَكْثَرُهُمْ لَا يَعْلَمُونَ
102
ЯIу: "ШIошъхъуныгъэ шъыпкъэ зышIыгъэхэр гъогу занкIэм пытэу тыригъэуцонхэм, быслъымэнмэ къэбар гушIуагъо аригъэшIыным пае о уи Тхьэ дэжь хьакъым тетэу къикIэу, ар ДжэбраIил къыригъэхыгъ".
قُلْ نَزَّلَهُ رُوحُ الْقُدُسِ مِنْ رَبِّكَ بِالْحَقِّ لِيُثَبِّتَ الَّذِينَ آمَنُوا وَهُدًى وَبُشْرَىٰ لِلْمُسْلِمِينَ
103
Ахэмэ аIорэр Тэ тэшIэ: "Ар зэзгъашIэрэр цIыфыр ары ныIэп". Бзэу ахэмэ зыфаIорэр нэмыкIыбз, мыдырэр арапыбзэ зэхэугуфыкIыгъ.
وَلَقَدْ نَعْلَمُ أَنَّهُمْ يَقُولُونَ إِنَّمَا يُعَلِّمُهُ بَشَرٌ ۗ لِسَانُ الَّذِي يُلْحِدُونَ إِلَيْهِ أَعْجَمِيٌّ وَهَٰذَا لِسَانٌ عَرَبِيٌّ مُبِينٌ
104
Шъыпкъэ дэдэмкIэ, Алахьым иIэятэ къэгъэшъыпкъагъэхэр зышIошъ мыхъухэрэр Алахьым гъогу занкIэ рищэхэрэп, ахэмэ хьазаб пщыныжьыр афыщылъ!
إِنَّ الَّذِينَ لَا يُؤْمِنُونَ بِآيَاتِ اللَّهِ لَا يَهْدِيهِمُ اللَّهُ وَلَهُمْ عَذَابٌ أَلِيمٌ
105
Алахьым иIэятэ къэгъэшъыпкъагъэхэр зышIошъ мыхъухэрэм къаугупшысырэр пцIы ныIэп, ахэр пцIыусых.
إِنَّمَا يَفْتَرِي الْكَذِبَ الَّذِينَ لَا يُؤْمِنُونَ بِآيَاتِ اللَّهِ ۖ وَأُولَٰئِكَ هُمُ الْكَاذِبُونَ
106
Алахьым шIошъхъуныгъэ зыфашIыгъэм нэуж Ар щызгъэзыежьхэрэм агухэр диным фэшъыпкъэхэу егъэзыгъэкIэ щызгъэзыехэрэр арэп, динынчъэныгъэм ежь=ежьырэу зыгухэр фызэIузыхыхэрэр арых, Алахьым игубж лъэш атефэщт, ахэмэ пщыныжь ин дэдэ афыщылъ.
مَنْ كَفَرَ بِاللَّهِ مِنْ بَعْدِ إِيمَانِهِ إِلَّا مَنْ أُكْرِهَ وَقَلْبُهُ مُطْمَئِنٌّ بِالْإِيمَانِ وَلَٰكِنْ مَنْ شَرَحَ بِالْكُفْرِ صَدْرًا فَعَلَيْهِمْ غَضَبٌ مِنَ اللَّهِ وَلَهُمْ عَذَابٌ عَظِيمٌ
107
АхэмкIэ ар аущтэу зыкIэхъущтыр гъашIэу ахэр зыхэтхэр ахърэтым нахьи нахьышIу зэралъэгъугъэм пай. Тхьэр зышIошъ мыхъурэ цIыфмэ Алахьыр гъуазэ афэхъурэп.
ذَٰلِكَ بِأَنَّهُمُ اسْتَحَبُّوا الْحَيَاةَ الدُّنْيَا عَلَى الْآخِرَةِ وَأَنَّ اللَّهَ لَا يَهْدِي الْقَوْمَ الْكَافِرِينَ
108
Алахьым ахэмэ агухэр, атхьакIумэхэр, анэхэр зэфишIыгъэх, ахэр зыми ымыгъэгумэкIрэ цIыфых,
أُولَٰئِكَ الَّذِينَ طَبَعَ اللَّهُ عَلَىٰ قُلُوبِهِمْ وَسَمْعِهِمْ وَأَبْصَارِهِمْ ۖ وَأُولَٰئِكَ هُمُ الْغَافِلُونَ
109
Щэч хэмылъэу, ахърэт гъашIэми ахэр насыпынчъэ щыхъущтых.
لَا جَرَمَ أَنَّهُمْ فِي الْآخِرَةِ هُمُ الْخَاسِرُونَ
110
ЕтIанэ, шъыпкъэ дэдэмкIэ, къин залъэгъугъэм нэуж зихэгъэгу къэзыбгынагъэхэм, диным фэчэфхэу дезгъэштагъэхэм, щэIагъэ зыхэлъыгъэхэм о уи Тхьэ афигъэгъущт, гукIэгъу афишIыщт,
ثُمَّ إِنَّ رَبَّكَ لِلَّذِينَ هَاجَرُوا مِنْ بَعْدِ مَا فُتِنُوا ثُمَّ جَاهَدُوا وَصَبَرُوا إِنَّ رَبَّكَ مِنْ بَعْدِهَا لَغَفُورٌ رَحِيمٌ
111
А мафэу псэ пэпчъ ежь зиухъумэжьэу къызыкIощтым, псэ пэпчъ ышIагъэм пае хьакъым тетэу тефэрэр зыщыратыщтым ахэмэ агу хагъэкIыщтэп.
يَوْمَ تَأْتِي كُلُّ نَفْسٍ تُجَادِلُ عَنْ نَفْسِهَا وَتُوَفَّىٰ كُلُّ نَفْسٍ مَا عَمِلَتْ وَهُمْ لَا يُظْلَمُونَ
112
Алахьым щысэу къегъэлъагъо мамырэу, гупсэфэу щыIэгъэ къуаджэр; ащ ышхыщтыр чIыпIэ пстэуми зыми иягъэ къэмыкIоу къыфикIыщтыгъэ, ау ащ Алахьым ишIушIэ мыштэ ышIыгъ, джащыгъум ахэмэ ашIэщтыгъэм пае гъаблэмрэ щынагъомрэ Алахьым зэхаригъэшIагъ.
وَضَرَبَ اللَّهُ مَثَلًا قَرْيَةً كَانَتْ آمِنَةً مُطْمَئِنَّةً يَأْتِيهَا رِزْقُهَا رَغَدًا مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ
113
Ахэмэ адэжь ежьхэм ащыщ лIыкIо кIогъагъэ, ар гъэпцIакIу аIуи, агъэмысагъ, ахэмэ пщынэжьыр къалъыIэсыгъ, ахэр зэфэнчъэхэу щытыгъэх.
وَلَقَدْ جَاءَهُمْ رَسُولٌ مِنْهُمْ فَكَذَّبُوهُ فَأَخَذَهُمُ الْعَذَابُ وَهُمْ ظَالِمُونَ
114
Алахьым фит шъузфишIыгъэр, шIоу къышъуитыгъэр шъушхы, Ащ шъхьащэ фэшъошIымэ, Алахьым ишIушIэ разэ шъуфэхъу!
فَكُلُوا مِمَّا رَزَقَكُمُ اللَّهُ حَلَالًا طَيِّبًا وَاشْكُرُوا نِعْمَتَ اللَّهِ إِنْ كُنْتُمْ إِيَّاهُ تَعْبُدُونَ
115
Ащ шъо мыдэ къышъуфишIыгъэр псэхалIэр, лъыр, къолыр, Алахьым ыцIэ фэшъхьаф къыраIозэ аукIыгъэр ары. БзэджашIэу, пыеу щымытэу, егъэзыгъэкIэ ар зышIэрэм Алахьым къыфегъэгъу, гукIэгъу къыфешIы!
إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ لِغَيْرِ اللَّهِ بِهِ ۖ فَمَنِ اضْطُرَّ غَيْرَ بَاغٍ وَلَا عَادٍ فَإِنَّ اللَّهَ غَفُورٌ رَحِيمٌ
116
Шъубзэгухэр гущыIэм фэчаных, ау пцIы хэлъэу шъумыгущыI: "Мыщ тыфит, мыдырэм тыфитэп" шъуIоу Алахьым Iапэ фэшъушIызэ пцIы къэшъумыугупшыс. Алахьым Iапэ фашIызэ пцIыр къэзыугупшысхэрэр насыпышIо хъущтхэп!
وَلَا تَقُولُوا لِمَا تَصِفُ أَلْسِنَتُكُمُ الْكَذِبَ هَٰذَا حَلَالٌ وَهَٰذَا حَرَامٌ لِتَفْتَرُوا عَلَى اللَّهِ الْكَذِبَ ۚ إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ
117
Тхъагъоу ащ хагъотэщтыр макIэ, ахэмэ хьазаб пщыныжьыр афыщылъ.
مَتَاعٌ قَلِيلٌ وَلَهُمْ عَذَابٌ أَلِيمٌ
118
О ыпэкIэ къыфэтIотагъэр иудей диным пылъхэм Тэ афэтыдагъэп. Тэ ахэмэ агу хэдгъэкIыгъэп, ежьхэм агухэр хагъэкIыжьыгъэх.
وَعَلَى الَّذِينَ هَادُوا حَرَّمْنَا مَا قَصَصْنَا عَلَيْكَ مِنْ قَبْلُ ۖ وَمَا ظَلَمْنَاهُمْ وَلَٰكِنْ كَانُوا أَنْفُسَهُمْ يَظْلِمُونَ
119
АмышIэу бзэджагъэ зышIэхи, ащ ыуж кIэгъожьыгъэхэу шIу зышIэхэрэм, шъыпкъэ дэдэмкIэ, о уи Тхьэ ащ ыуж афегъэгъу, гукIэгъушI!
ثُمَّ إِنَّ رَبَّكَ لِلَّذِينَ عَمِلُوا السُّوءَ بِجَهَالَةٍ ثُمَّ تَابُوا مِنْ بَعْدِ ذَٰلِكَ وَأَصْلَحُوا إِنَّ رَبَّكَ مِنْ بَعْدِهَا لَغَفُورٌ رَحِيمٌ
120
Шъыпкъэ дэдэмкIэ, Ибрахьимэ Тхьэм шъхьащэ фишIэу, Алахьым фэшъыпкъэу, Тхьэ закъор ышIошъ хъоу щытыгъ, ар тхьабэ зышIошъ хъурэмэ ащыщыгъэп.
إِنَّ إِبْرَاهِيمَ كَانَ أُمَّةً قَانِتًا لِلَّهِ حَنِيفًا وَلَمْ يَكُ مِنَ الْمُشْرِكِينَ
121
Ащ ишIушIэ пае фэрэзагъ; Ащ ар къыхихыгъ, гъогу занкIэ рищагъ.
شَاكِرًا لِأَنْعُمِهِ ۚ اجْتَبَاهُ وَهَدَاهُ إِلَىٰ صِرَاطٍ مُسْتَقِيمٍ
122
ГъашIэу зыхэтым Тэ ащ шIушIагъэ щеттыгъ, шъыпкъэ дэдэмкIэ, ахърэтыми ар диныр зыгу илъмэ ащыщ!
وَآتَيْنَاهُ فِي الدُّنْيَا حَسَنَةً ۖ وَإِنَّهُ فِي الْآخِرَةِ لَمِنَ الصَّالِحِينَ
123
ЕтIанэ Тэ о къыбгурыдгъэIуагъ: "Тхьэ закъор зышIошъ хъурэ Ибрахьимэ ицIыф куп алъыкIу, ар тхьабэ зышIошъ хъурэмэ ащыщыгъэп.
ثُمَّ أَوْحَيْنَا إِلَيْكَ أَنِ اتَّبِعْ مِلَّةَ إِبْرَاهِيمَ حَنِيفًا ۖ وَمَا كَانَ مِنَ الْمُشْرِكِينَ
124
Шэмбэтыр зыфагъэнэфэгъагъэхэр ащкIэ зэгурымыIоныгъэ зыхэлъыгъэхэр арых, шъыпкъэ дэдэмкIэ, о уи Тхьэ ахэр къаймэт мафэм зэмзэгъыныгъэу азфагу илъыгъэр зэхифыщт!
إِنَّمَا جُعِلَ السَّبْتُ عَلَى الَّذِينَ اخْتَلَفُوا فِيهِ ۚ وَإِنَّ رَبَّكَ لَيَحْكُمُ بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ
125
О уи Тхьэ игъогу IушыгъэкIэ, шIукIэ фещэх, шIумкIэ ахэмэ янэкъокъу: О уи Тхьэ игъогу дэхыхэри, занкIэу кIохэри икъоу ешIэх.
ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُمْ بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ ۖ وَهُوَ أَعْلَمُ بِالْمُهْتَدِينَ
126
Пщыныжь тешъолъхьэмэ, тефэн фэе пщыныжьэу шъулъытэрэм фэдизкIэ жъугъэпщынэ, ау фэжъугъэгъун шъулъэкIмэ, фэзгъэгъухэрэмкIэ ар нахь тэрэз.
وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ ۖ وَلَئِنْ صَبَرْتُمْ لَهُوَ خَيْرٌ لِلصَّابِرِينَ
127
ЩэIагъэ зыхэгъэлъ, ау о щэIагъэу пхэлъымкIэ къыбдеIэрэр Алахь закъор ары. Ахэмэ апае умышъыгъу, тхьагъэпцIыгъэу зэрахьэрэм утемыукIытыхь,
وَاصْبِرْ وَمَا صَبْرُكَ إِلَّا بِاللَّهِ ۚ وَلَا تَحْزَنْ عَلَيْهِمْ وَلَا تَكُ فِي ضَيْقٍ مِمَّا يَمْكُرُونَ
128
Тхьэм ищынагъо зыгу илъхэм,шIу зышIэхэрэм Алахьыр ягъус!"
إِنَّ اللَّهَ مَعَ الَّذِينَ اتَّقَوْا وَالَّذِينَ هُمْ مُحْسِنُونَ